لا تضحك علينه ابهل كلام الزين
بس ننتخبك اتحد ابسجاجينك!

تذبحنه بالعازه ورحمة السجين
وتسولفنه نكته ابكل دواوينك!

افعالك سراب وقشمريت العين
وكل اصواتنه الما طبن ابعينك!

الزينه الالك ! تتأجل البعدين
والموزينه كل ساعه ابداربينك!

انتخبوك وعفتهم والاكل بالدين
المهم ! يوميه وتزيد ابملايينك!

ماعونك المايسئل عله المسكين
الف لعنه عليك وكل مواعينك!
الف لعنه عليك وكل مواعينك
حسين االساعدي