بارت 20
فتحتهة مكتوب بيهة
حبيبي مبين بلمبارك عليك زواجك يخوي تعذرني مااكدر اجي باجر عملية ابوي
بنين خوش بنية يازين ماختاريت الله يسعدك وانشاء الله لثنين نرجع من ايران واجيك للبيت واحلة هدية لاحلة مبين سلامي للوالدة وشد حيلك بطل باجر ليلة العمر طلع فلوسك ههههه
بعدني مامكملة لرسالة وكعت بلكاع
شكد بقيت مغمة علية ماادري بس صحيت وجه الفجر اريد اتنفس موكادرة
ليش مبين ليش هيج تسوي بية حسبي الله عليك
تذكرت بنين من رحت ويا حركاتهة ونضراتهة الة والية جانت مريبة ومثيرة للشك
ااااخ ياغبائي وفطاريتي
وية كومتي من الكاع بوجهي للغرفة بدلت بكامل اناقتي وتعطرت ومكيجت
نار بداخلي مادري شريد بس اريد اوصل للعمارة واشوفة
اريد اطلع تذكرت قفل علية لباب من طلع
ركضت للسطح صعدت اريد اشوف احد من الجوارين ماكو لابلشارع ولابلسطوح اليمنة
باوعت علة سطح الي بصفنة حايطة ناصي عبرت الحايط ورحت عليهم دكيت لباب ساعة بل5 لفجر ضليت ربع ساعة ادك بلباب
بعدين فتحلي لباب شايب
كلي هابوية انتي منين اجيتي انتي
كتلة عمو اني جوارينكم الي بصفكم رجلي راح عدة شغل وهوة شكاك ويقفل علية الباب من يطلع واهلي خابروني امي متوفية واريد اطلع اروحلهم بلكي تروح لبابنة تكسرلي لقفل
باوعلي متمكيجة وشكلي مومال وحدة ميتة امهة ماصدك بية
كلي بوية طبي لبيتج ومن يجي رجلج هوة ياخذج بعدني احجي ويا اريد اقنعة اجة ابنة شاب زغير كلة ها شكو حجالة علية هوة رأسن سوة الدرج شبختين وكمت اسمع صوت لضربات علقفل اني هم ركضت عبرت لسطح ونزلت لكيتة كاسر القفل
تشكرت من عدة واصر يوصلني لبيت اهلي هوة جان طمعان بية وعبالة وحدة رخيصة
بس اني كتلة اخوية متانيني علشارع
ركبت سيارة ورحت للكراج صعدت ولطريق كلة ابجي اريد بس اوصل واشوفة بعيني لان لساني مومصدكة مبين هيج يسوي بية
نار بداخلي تفور واتذكرة من حلفني بلكاضم
ااااخ ياكلبي ربي دخيلك كل المريت بي بكوم والي جاي احسة بكوم ثاني كلهم نفس الشي كلهم جذابين ومايترس عينهم شي
ولج يمة لحكيني ريتني متت ولا كل هاذ
بلطريق عطلت لسيارة ونزل لسايق اكثر من ساعة هوة ولعبرية يردون يصلحوهة ماكو خابر علة سايق ثاني ساعة وربع يلله اجة صعدنة ويا ولساعة بل1 لضهر واني الوب بس اريد اوصل
ساعة بل7 لمغرب طبينة للعمارة بوجهي رحت لمنطقتهم كوة ندلين لبيت ب8 يلله طبيت لباب جانت مغتوحة ولحديقة مليانة جهال ونعولة
يعني سواهة صدك مبين ااااخ يانار كلبي
امشي بلحديقة واسمع اصوات
بنت لشيخ لابن الشيخ جبناهة
طبعا هاي بنت لشيخ واني
اني عاهرة حلوة ومالهة احد ياخذهة يتونس بيهة وهنا بنضر اهلة شريف وزين واخذ بت عمة بت لشيوخ المرباية واني ابقة غلطة ضامهة عنهم ابقة بلضلمة محبوسة بلبيت وهوة يسوي مايحلالة
دخلت للأستقبال واول ماطبيت شافتني امة ضلت صافنة بوجهي ومتفاجئة ضليت واكفة بين هوسة النسوان وعيني علي وعلة عروستة ولدموع مايرضن يسترن علية فضحن لوعتي وناري
اريد اروح علي رجلية ماعانني احس عبالك نشليت صاح علة امة تطك ويا صورة كعدت هية يمة تقربت اريدة يشوفني اريدة يعرف اني دريت بعملتة والله فضحة كدامي
شافني وكف علة حيلة واني نتهيت شعور مااكدر اوصفة واني واكفة كدام انسان جان بلنسبة الي كلشي جنت اكول عنة ملاك ويختلف عن كل لبشر اتاري جان ضاملي حصة من لالم كلش جبيرة جانت كفيلة ان تكتلني وتموت كل شي حلو بداخلي
كمت احس لمكان صار اضلم وراهة ماحسيت علة روحي الة واني انلطم بلكاع
شميت لعطر وجنت متاكد هاذ عطرهة
ضليت اعاين بين لنسوان معقولة وحدة منهن خالى من عطر ليان الي توصي علي توصا ويجيلهة من فرنسة سعرة 3 ورقات
شوية وشفتهة كدامي اااااخ ياكلبي شحس ساعتهة مااكدر اوصف نوع الالم ولا حجمة
اعاينهة دموعهة بعينهة وتتمايل منا ومنا موكادرة توكف عدل وبنين تجر بملابسي تكلي اكعد ليش وكفت
عسني متت ولاشفت منضرهة ونضرة عيونهة الي تكلي هاذ وعدك الي يارجال هاذ حلفانك الي
دقايق ووكعت بلكاع ركضت عليهة بدون وعي شلتهة وبوجهي للسيارة وخليت وراي صياح وحجي وتساؤلات ماجانت تعنيلي كلشي واني حب عمري بين ادية ومادري شبيهة مابيهة من بعد ماكسرت بيهة علمود ارضي ابوي الي مات وشبع موت
ضلت يومين فاقدة ولدكاترة كلولي من لصدمة واني ماطلعت من المستشفى ولا تحركت ولمبايل حترك حرك رسايل واتصالات اخر شي قفلتة
مصباح يوم الأحد صحت
فتحت عيوني واني بلمستشفى اول مافتحتهن صحت ماما لحكيني
وجع كلبي جان اقوة من اي وجع بجسمي
ردت امي تطبطب علية وتكلي شبيج ماما شيوجعج
اجاني مبين يركض
ها حبيبي شيوجعج
باوعتلة وتذكرتة من كاعد يم بنين واني حتة البدلة البيضة والعرس استكثرهه علية
جابلي فستان ورغم هاذة ماحجيت وماكلت لان اني عايبة وهوة ستر علية هاذ الي جان بتفكيري والي جنت اخاف احجي حتة لا اتعير بي
اجة يمي لازم ايدي ويكلي شيوجعج
اشرت علة كلبي كتلة هاذة يوجعني مبين ها
ذة
ااااخ يبعد مبين وعشيرتة بس صيري زينة والله لا انعل بنين لابو حتة الياخذهة
باوعتلي جان تكلي طلكني مبين
شنو هاذ الحجي حبيبي عقلي ولج انتي روحي شلون اطلكج
دارت وجهة عني وماتحجي بس دموع
والله حبيبي هاي بت عمي مخطوبتلي من جنت بلسادس وابوي منطي كلمة لابوهة بس اني ساعدتج لان رجولتي ماسمحتلي اعوفج تموتين وانتي مضلومة ولان حبيتج من صدك
والله حبيبي هية نفرضت علية وعمري ماحبيتهة بس مااكدر اكسر كلمة ابوي وعمي
كلمة ابوك ماتكسرهة بس كلب ليان تكسرة عادي وميرفلك جفن
طبعا ليان محد الهة لا اهل ولا سند
واهلهة هادرين دمهة
ليان عار تكسر بيهة وتكسرهة عادي بس ذيج بت شيوخ ماتكسرهة لان شريفة لان زينة
لان مومثلي فطيرة نخدعت بلحب مرتين
لا حبيبي ليش هيج تكولين وغلاتج ياليان عمري مافكرت بهاي الطريقة بس كتلج هية مخطوبتلي من زمان
طلكني مبين
ماباليت لحجيهة واجة الدكتور شافهة وجيكهة كلي عادي تكدر تطلع اخذتهة رجعتهة لبغداد وكعدت احجي واقنع ميفيد شكللهة تكلي طلكني خبلتني تالي جبتهة للعمارة وياي كوة قنعتهة هناك اطلكهة يلله رضت تجي
وديتهة يم كرايب امي مرية جبيرة وعايشة لوحدهة تصير بت خالة امي
طبعا من بعد الصار بلعرس امي كلتلهم هاي حبيبتة وتصير كرايبي وكوة سكتت الحلوك وعمي محمد متخبل ويريد يطلك بنين و فاطمة رجعت للبيت واني ميت كل روح مابية طبيت تلكتني امي تحجي علية وتلوم
كتلهة وين بنين
بغرفتهة صالرهة 3 ايام لااكل ولاشرب وبس تبجي وعمك تعارك وياهة لان مترضة تروح ويا وحلف كللهة اني متبري منج
اووووف
اوفات يمة اصعد لمريتك راضيهة وقنعهة اني كتلهة حبيبتة وتصير كرايبي وبنين تحبك يمة تعاركت وية ابوهة ومارضت تروح ويا تكلة هاذ بيتي
بعد كل السويتة بيهة وماهان عليهة تطلع من غرفتك وكل مااطب الكاهة تشم بملابسك وتبجي
صعدت الهة من شافتني فرحت وهلشي بين عليهة رغم تحاول تبينلي انو هية ضايجة
تقربت يمهة جريتهة وحضنتهة
بنين اصيلة وتحبني من صدك لو وحدة غيرهة تشوفني اركض على ليان جان تطلكت بنفس الحضة
نومتهة علة ايدي وحضنتني
بكلمتين قنعتهة يجوز طفلة وبساع تقتنع ويجوز من حبهة المفرط الية
مرت سنة علي صار وليان بعدهة ببيت بت خالة امي المرية كيفت عليهة لان ولدهة عايفيهة وحتة مايزوروهة ولكتهة ونس الهة
وليان لاترضة تسامحني ولاترضة تنسة الصار اروحلهة اتوسل وابجي اي ابجي
ابجي دم مودموع علة ايامنة وذكرياتنة علة حبي الهة الي ماعاولت حصلتة وحصلت اهتمامهة ونضرة الحب الي حلمت بيهة ايام وليالي
بس ابد مالان كلبهة ولامرة نكسر خاطرهة علية مرات اكول حقهة لان جانت حاسبتني كلشي بلنسبة الهة واني اذيتهة وصدمتهة بية موشوية واني لوبمكانهة جان سويت نفس الشي ويجوز اكثر
ومرات الومهة واكول ماغزر بيهة تعبي وتضحياتي
بس حبي الهة ااااخ
حبي جان يزيد ماينقص لعنة حبهة مافاركتني لحضة يجي اليل واذكر حضنهة اذكر سوالفهة ودلعهة شقاهة روحهة المرحة الي ماشفت مثلهة ولا راح اشوف
بنين جانت الي نعم الزوجة المثالية بس تدور رضاي وعمرهة ماكسرتلي كلمة ولا فد يوم طلعت من لبيت زعلانة لوهسة شمااسوي بيهة من اول ماتقربتلهة حبلت وجابت وليد يجنن يشبه رائد نسخة من عدة حتى بسوالفة بس تمنيت هاذ الولد يكونلي من ليان وضلت حصرة بكلبي ترجع ايامنة وحبنة
من بعد ماياست قررت اخذ ليان ارجعهة لبغداد واتفقت وية بت خالة امي تكللهة انو هية تريد تسافر لبتهة بالمانيا وتطلب منهة تطلع من لبيت
وفعلا ثاني يوم خابرتني وكلتلي تعال رجعني رحت اخذتهة رجعتهة للبيت وكلت لامي وبنين عدي شغل بلحلة ماكتلهم بلعمارة
حاولت احجي وياهة مارضت تسمعني ودخلت للغرفة وقفلت لباب
لايام جاية واخليهة ترضة
فرشتلي بلاستقبال ونمت
كعدت لصبح علة صوت تلفوني
عمي صلال اهوووو اكيد عماد ومصايبة
الو
الو
صوت هوسة وحجي ومحد يرد علية
سديتة ودكيت على عماد مارد
دكيت على سالم ابن عمي جاوبني بس هم هوسة يمة
الو
هاسالم شكو ابوك دك علية
مبين تعال هسة للعمارة
شكو خير
مصيبة مبين مااكدر احجيلك اني جاي اسوق دراجة بس حاول باسرع وقت تجي
سديتة من عدة وكمت غسلت دكيت الباب علة ليان مافتحتة نايمة
رحت صليت وبدلت بساع وجاي اطلع وكفت يم لباب مال لغرفة صحت ليان اني رايح للعمارة راح اقفل عليج لباب وباجر من لصبح اني هنا
قفلت الباب وكلعادة امنتهة يم اسد بغداد وكتلة هاي امانتي عدك واعرفك سبع وراح تحميهة الي
ركبت سيارتي وتوجهت للعمارة واني اعاتب ابوي واكلة بوية حملك زاد علية وولدك تعبوني تدري بية لاعرف اتعارك ولااحب المشاكل وطول عمري امشي بصف الحايط واتجفة الشر بس بوية عماد هد حيلي بسوالفة ونزل راسي وراسك
احجي وادري ماكو رد بس شسوي حملي جبير واني موكدة ومحد يحس بية ولااحد يقاسمني همومي
وصلت ساعة بل2 لكيت لبستان مليان ناس وزلم جريت نفس عميق وتوكلت علة الله وطلبت العون منة وذبيت حمولي علي
نزلت كامو الزلم يسلمون علية كلهم
ورة السلام كلت لعمي صبار حجيلي عمي شصا
ير
بدة يسولف كدام لزلم ناس كبار بلعمر والمكانة واني مدنك راسي ومابية ارفع عيني من ورة مصايب عماد
مبين اخوك كلش زودهة هلمرة وفشلنة وخلانة حجاية بحلك الوادم
متعارك هوة ومرتة ولازمهة مموتهة مامخلي بيهة شي سالم وموكع الطفل الببطنهة علة صياحهة جاية العالم تفاككهم وهوة هاد علوادم ومتكامش وياهم وطاردهم راجع عليهة بحديدة وفاتح راسهة بلنص
وساحلهة بلشارع مطلعهة بدون لاعباية ولاحجاب شامرهة مثل الحيوان
جاية الوادم الجوارين ساترتهة وماخذيهة لبيت اهلهة
اهلهة من شايفيهة هادين ولد عمامهة وخوانهة علة عماد لازمينة مزوعي العافية
هوة الأفندي مايكدر يسكت علة حكة فوك سوايتة التفشل لام ولدنة المزعطة مقشمرهم بشكم فلس وماخذهم هادين برشاشات وسلاح مفلشين البيت علة راسهم
وهسة احنة ضالين ياساعة الهدو علينة وطيحو بيوتنة فوك راسنة واحنة المحكوكين وابنة العايل
اااخ بوية راسي اريد استوعب لحجي موكادر ضليت من فشلتي من الزلم لااخذ ولاانطي
عمي صبار نتبه علية كللهم جيبولة كلاص ماي لولد صوفر لايطيح
جابولي مي شربتة وغسلت وجهي بي
جريت نفس واحجي وية روحي
مووكتهة مبين صير قوي وكد مسؤليتك ومكانك المصيبة الطابين عليهة تهجم بيوت وياعالم الفصل الي راح يطلبونة شكد
وهوة كاتل بتهم وموكع طفلهة وهاد عليهم مفلش بيتهم
كلتهم كومو خل نروحلهم ناخذ منهم عطوة علما نشوفلنة جارة ماطولهم ماشتكو
رحنة لبيتهم اني وعمي صبار ومحمد وشكم واحد من ولد عم ابوي لبست دشداشة وعكال عاينت علة صورة ابوي وكتلة بوية دعيلي عايلتك كلهة هلمرة خايفة موبس اني
وصلنة البيت الناس مزرف من فوك ليجوة ولاضال بي لا جام لابيبان
نزلت واني اجر فشلتي ومستحاي من سواية ابن الشيوخ الي ماحط حساب لا للعيب ولا للحرام
طببونة لناس وبيتهم مثل بيتنة هم مليان زلم وولد شباب حامين وفايرين من سواية عماد
حجينة اني وعمي صبار والزلم لجايبيهم جسينة نبضهم نكدر نسكتهم بلفلوس هاذ الي فهمنا من ردود افعالهم وحجيهم
بس ولد عمامهة وخوتهة جانو فايرين وكل كلمة نحجيهة وينبزون من مكانهم ولوما عمامهم لازميهم جان اكلونة
اخذنة منهم عطوة 3 ايام علما ندانش امرنة وندبر شكم فلس وندز ناس كبارية من غير عشاير عليهم
رجعت للبيت بس اريد اشوف عماد
طبيت واول مافتحت للمطبخ اجتني امي حضنتني وكامت تبجي
يمة لاتخلي اخوك يروح بيهة فدواتك يبعد امك انتو الي طلعت بيكم من الدنية كافي خسرة ابوكم وبعد مابية اخسر
ولاعدي كلب ويتحمل الفراك
لايمة لاتخافين انشاء الله نحلهة بلفلوس
اي يمة هاذ ذهبي وفلوسي وباجر اخابر خالك اخلي يدزلي حصتي من ورث ابوي اني ضامتهة عد خالك للعازة
لايمة انشاء الله منحتاجهن صندوك العشيرة موجود وناخذ منة
طبعا عمامي ماجابو سيرة زواج عماد ولا كالو شوكت تزوج لو شلون
لان لمصيبة لاحنة بيهة نستهم كلشي وهمة ولدهم مشتركين وية عماد بسوايتة يعني لنار تلوحهم مثل ماتلوحنة
طبيت لغرفتي خابرت علة رائد نطيتة تقرير بلصار
وكتلة باجر من غبشة تجي
صبح علينة الصبح واجة رائد بل9
خابرت عمي كتلة لضهر اني يمكم حتة نتفاهم ونتغق شراح نسوي
صعدنة لغرفنة ننام دنية لضهر
نايم وسمعت صوت رج لبيت رج ..
رد مع اقتباس
المشاركة الأصلية كتبت بواسطة يوليوس
