هنا

[ملكةه]

حين تملك الف سببا للرحيلخذلان...
خيبة بعد اخرى....
موت على قيد الحياة....
لكنك لاترحل ....فقط لأنك تؤمن بأن الله لو اراد ان يجمع بين قلبين
سيجمع لو كان بينهما مداد السماوات والأرض
((وانت الذي قد جئت مختلفا )) عنوان قصتي الجديدة


هاذي القصة راح اتناول بيهة شريحة جدا مضلومة بأسم الأعراف والتقاليد التي لاتمت للدين بصلة هاذ الموضوع الي خلق ثغرة كلش جبيرة بلعلاقة مابين المرأة والرجل
اوقاتا ممتعة اتمناها لكم برفقة ابطال حكايتنة
مبين وليان

[ملكةه]

بارت 1
زوجنا وخلصنة منة وبعد اختة الأزغر منة
اخونة خوش اخو يستاهل الهوسة
يزوني رايد رادتة وعايف بنات ولايتة
وكفت بباب لقاعة متردد اول مرة احضر عرس ببغداد وخصوصا اعراس لمنصور مااعرف طبيعتهم حتة لبسي مستحي منة خاف ميناسب لحفلة
عتلك لديجي وسكتو وكلهة لتهت بلركص
طبيت للقاعة بين المستحي لأن مااعرف احد وبين المتردد لأن لحفلة مختلطة ولأجواء غريبة شوية علية وما اعرف اتأقلم وية هيج اجواء
القاعة كلش جبيرة واغلب الحضور نسوات وجهال حاولت الكالي مكان فارغ ماكو
باوعت كبالي شفت عبد الله كاعد علة طبلة ركضت كعدت يمة رغم اني ويا علاقتنة موشي ومااحب احتك بي لأن اخلاقة ماتعجبني
ها عبودي شلونك
هلة بلمعقد شلونك
شجابك هنا اخر واحد توقعتة يحضر عرس يزن هوة انتة
والله ماجان الي نية اجي بس يزن هواي لح علية ماكدرت مااجي يزن صاحب واجب ووكفاتة حلوة
لك لك لك باع هاي ام الأسود يلكعبة تموت
ها عبد الله بدينة عيب هيج تسوي هسة شيكول علينة يزن جاين نتفرج علة عرضة ونتحارش بيهن اقلها احترم وجودة
وينة هوة ترة بعدة مااجة
لعد ذاك لعلكوشة منو
لك ذاك صهيب اخو التوئم مالتة
ليش هوة عدة توئم
اي ولك همة توأم هوة وصهيب
تعال خل اعرفك علي
لا خليهة من يجي يزن هوة يعرفنة عليهم
اني راح اركص وانتة ضل مدنك عبالك جاي تخطب ومستحي لك بابا همة فري اصلا ذني يكيفن تباوع عليهن متشوفهن شلابسات حتة لعجايز فوك لركبة عبالك مثل امهاتنة عصابة وشيلة
روح عبد الله مالي خلك سوالفك اني جاي ائدي لواجب واروح
راح عبد الله يركص ويتدحس ببناتهم وهنة صدك كيفن كابلنة ويركصن ويا ورجولتهن كاعدين يعاينون عليهن
هاي لو عدنة جا سويناهن مخلمة للجلاب التحرس بيوتنة
شوية وعتلكت مسيقا غريبة عبالك نشرة اخبار كامو كلهم وكفو عبالك صطفاف واني مثل الأطرش بلزفة شيسون اسوي
دقايق وطب يزن وعروستة
تغيرت لمسيقا وكلهة عباد الله كامت تركص عبالك محلفيهم
وعروسة يزن ذبت لحم
اضنهة معنسة ولزمت سبوتة عد لعباس يلله حصلت يزن علركص الركصتة
والله ياربي باع لعالم وين وصلت واحنة عدنة لعروس اذا بتسمت شوية يكولون مكيفة علزواج ماعاولت لكت رجل ويضلن يعيرنهة بهاي لأبتسامة لحد مايصيرون ولدهة زلم
كعد يزن هوة وزوجتة علكوشة وعتلك اغنية ساجدة عبيد
وكلهة تركص واني بس اباوع بلوجوه
كمت علة يزن سلمت علي وعروستة هم باركتلة وخليت ورقتين بجيبة وكتلة
يزون حبيبي اني رايح تعرفني مااحب هاي لأجواء ولخاطرك اجيت الله شاهد
شنووو مستحيل اخليك تروح
لك بابا انتو اخوتي وتعوفوني بهيج يوم امدا هلأخوة روح مبين روح اني ردتكم تجون افرح وياكم واتباهة بيكم كدام اهلي ماردتك تجي علمود واجب
لايبعد اخوك لاتكول هيج والله انتة تعرف معزتك عدي و
بعدني احجي اشرلي
نداريت وراي شفت الشلة كلهة جاية وذابين لحم يكمزون ويهوسون
يلله يلله بساع روح يمهم وماريد اي عذر
هههه يلله رايح بس لو يطفون هلأغاني
دروح بابا شنو فاتحة شكد معقد شلون صادقتك ماادري
اني مبين عمري 25 سنة طولي 178 شكلي زين عيوني لونهن عسلي وبشرتي بيضة من دون خواني شكلي حلو نوعا ما



طالب كلية تمريض بجامعة بغداد قسم داخلي
اسكن بمحافصة ميسان اني جبير اخوتي احنة 4 ولد عماد عمرة 23 يدرس تربية مرحلة ثانية ورائد عمرة 21 هم تربية مرحلة اولى وقصي عمر 19 طالب سادس
والدي شيخ عشيرتنة ملتزم وانضباطي عصبي وابد ماعدة لغة تفاهم الي يكولة يتنفذ بلحرف الواحد
علاقتي بي موهلكد لأن طبيعتي تختلف جذريا عن طبايعة بس هاذ عمري واخاف منة واحترمة وعمري ماكسرتلة كلمة
اني طبيعتي هادء ونوعا ماانطوائي وماعدي علاقات ابد غير شكم صديق بلجامعة ويزن اقرب واحد الية
لسنة اخر سنة الي بلجامعة وابوي متانيني اخلص علة احر من لجمر حتة يكوم ياخذني ويا بلفصول ولكعدات يعلمني علة سوالف لمشايخ ولدواوين واني ويني ووين هاي لسالفة اني صداقات مااعرف اكون وابد مو اجتماعي يعني هاي لشغلة لاترهملي ولا ارهملهة
لعام تغيبت و مامتحنت بأخير السنة حتة اعيد
ماريد اتخرج ولا اريد ارجع لمحافضتي
لأن اذا خلصت من سالفة لشيخ
ماراح اخلص من سالفة بت عمي الي اجلتهة من جنت صف سادس اعدادي
بنين الي بعدهة لحد لان تلعب توكية بلبستان مالتهم وية لبنات وكصايبهة يتطايرن
الي لاتعرف تقرة ولاتكتب الي عمرهة كلة 16 سنة لاطموح لا اهداف لا رؤية للمستقبل ولاحتة عدهة شخصية لحد لأن سوالفهة مال جهال وهية اصلا جاهلة بس اهلنة الله يطيهم لعافية عدهم البنية اذا وصلت 18 سنة معناهة عنست ولازم يتبرع واحد من ولد عمهة يتزوجهة حتة لو مارايدهة
تواجدي بمحافضة بغداد واحتكاكي بيزن خلة تفكيري يختلف تماما وتكونت الي غير نضرة عن ابوي وعمامي
جانو بلنسبة الي شي جبير بس بعد مانفتحت عيوني علة تخلفهم وعادات الجهل الي عدهم صرت حييل اكره حياتي يمهم واتمنة لو استقر ببغداد بس والدتي كاسرة ضهري
نسيمة اااخ ياحضنهة لدافي و

ريحة الهيل والمسج الي بثوبهة علاقتي بيهة مو علاقة ولد وامة لا
احسهة حبيبتي من زغري علاقتي بيهة غير
اني الوحيد الي توكف بوجه ابوي علمودي ومرات حتة تنضرب من وراي
هاذ لعمر وابوي بعدة يضربهة وموبس هية حتة خواني لزغار
ابوي نوعا ما متساط بس كلبة طيب وعدة اهم شي بلحياة هوة لعيب
يهتم للعيب اكثر من ما يهتم للحرام
هوة ماجان هيج ابد بس من توفة جدي وهوة لزم مكانة وصار لشيخ تغير تماما
لان هاي لشغلة تتطلب هيج شخصية تتطلب لأنسان يفرض شخصيتة علكل سواء بلحكمة ولعقل او بلدهاء
ووالدي جان يستخدم الدهاء لأن هوة ابد موحكيم
بلبداية جانت هاذي لشخصية بس للناس
يعني ويانة بلبيت جان طبيعي ونفس ماهوة حنين وكلبة طيب ومدللنة
بس بمرور لوقت بدة يتغير ونعكست لشخصية الي جان يمثلهة كدام لناس بتصرفاتة ويانة يعني بين قوسين ابوي جذب الجذبة وصدكهة
صار كلشي عيب
ابن لشبخ يلبس بنطرون عيب ميصير وينحرك لبنطرون لو ينذب بلزبالة
ابن لشيخ يزين لحيتة نتعاقب ونمنع حتة من لدوام
ابن لشيخ يكول كولة يابوية تكوم لدنية ماتكعد وغيرهة وغيرهة
بلبداية ضجنة حييل واني كمت مااجيهم حتة بلعطلة بس بمرور الوقت تعودنة وكمنة نعرف نضم لبنطرون ونطول الحية قبل ماتبدي لعطلة يعني تعودنة علة لحياة لجديدة
بهاي الفترة ابوي حييل صار يتقربلي ويحاول يحتويني وهواي شغلات ماجاي يحاسبني عليهة وكلما اجيهم يجمع ولد عمامة وخوانة ويكعدني بصفة وكلسا يندسني يكلي احجي شارك بلحديث اني افهم علي هوة يريد يثبت وجودي يم الكل حتة يمهدلي لطريق بأن اخذ مكانة لأن هوة طب بل70 سنة وبدة يتعب ويتذمر من امور الديوان والعشيرة
مرات احب الوضع ويعجبني
لمن اشوف ابوي شلون ياخذ رأي كدام لكل ومن احجي حتة لو حجايتي فاهية وماتعجبة
مايفشلني يكول هاذهو لشيخ مبين قرر اذا شنكلة
وترد علي لزلم لكاعدة يكلولة نكلة تم شيخنة
خلقلي وجود يمهم مع انو اني خجول وابد مااناسب هاي لشغلة بس احسة دائما بضهري وساندني ومقويني كدامهم احسة ضهر قوي ووجودة بحياتنة مخليلنة احترام عد لجبير ولزغير
بس من نرجع للبيت تبدي لرزالة ويعلة صوتة

من تحجي احجي بثقة شبيك خايف جنك حرمة
انتة ابن الشيخ صلال موياهو لجان
هاي كلمة كولة اذا اسمعهة منك بعد افرك حلكك بهاي قندرتي
سمعت


سمعت يابة هاذهو
لاتصير مايع مثل ولد بغداد صير زلمة كلهة تهابك وتحسبلك الف حساب
تم يابة امرك

مبين
مبين
ها منذر ها
معود وين صفنت شبيك
لا ماصفنت وياكم
ياويانة عبالي نمت اني
شبيك لعالم ذبت لحم وانتة كاعد عبالك ام لعروس وحزينة علة بتهة دكوم اركص شوفلك وحدة شبيك جنك حالي
كلهم الولد رقمو وكبلو واني ياهية لأتقرب يمهة تشرد
هههههههه
جاي نحجي طبت وحدة هلهت حييل وكلهة تكترت علة صفحة
ويكولون هلة بليان هلة بركاصتنة
وكلهة تكللهة وينج لعرس موحلو بدونج
اي شسوي غير ام لصالون اخرتني
باوعت عليهة لابسة بدلة لون فيروزي طويلة ومخصرة وهية جسمهة كلش حلو ومسوية تسريحة بسيطة ومكياجهة حلو شعرهة كلش حلو طويل حييل وشكلهة مميز ويجذب لفتت انتباهي من دون كل لبنات رغم اني مااحب بنات بغداد و4 سنين بلكلية مافد يوم سويت علاقة وية وحدة واصلا لبنات ميحبوني وميختلطون بية يحسوني معقد وهواي اسمعهن يعيبن علة حجيي لأن اكول جا
وهية جابت لقاعة من بدايتهة تركص بشعرهة وتكمز وهمة كلهم وخرو وفرغولهة المكان وصلت يم لديجي اخذت السماعة وكامت تغني
جبنة الزين للزينة
خلاهة بوسط عينة


لحم بلعرس ذبينة ولعبنة جولة للغالي
العبلك جولة وماقصر والة اركصلك ركص يعور
ركص عمارة اركصلك حالف يلكاعد بلكوشة منور.
هية كالت ركص عمارة ولولد ركضو علية كلهم يسحلون بية
ويزن نزل من لكوشة واجاني يكلي
ادري ركص العمارة ينضرب بي لمثل انتة مو من لعمارة دكوم شبيك
سحلوني لمكان لركص وضلينة نكمز كلنة علة لغنية ونهوسلة
شوية وطبت هية بلنص وكلهة كامت تبتعد وسوو دائرة وهية بلنص تركص وتغني وتكمز روحهة كلش حلوة ومرحة وركصهة يجنن واثقة من نفسهة وكلهة حيوية
شوية وراحت جرت يزن من لكوشة وتكابلو هية ويا يسوون نفس لحركات حتة من تهز شعرهة يزن يهز راسة وياهة
وين متروح عيني عليهة وموبس اني كل لموجودين مدري شسوت بينة
ماخلت واحد ماكومتة وركصتة حتة لشياب
تالي صاحهة يزن اشرلهة علية
اجت بتجاهي تمشي جنهة غزال واني مدري شصار بية كمت ارجف
تقربت يمي جان تكلي
يلله عيني ابن العمارة كوم سويلنة كولات
ههههه مااعرف والله
دكوم كوم منين مستحي
كومتني واني عيني عليهة وعلة شكلهة موذاك لجمال يعني مواصفاتهة عادية بس روحهة حلوة وبساع تدخل الكلب
من شافوهة كرايبهم البنات كامو يغنون
ليان اطلعي من لبيت البيت اجت راعيتة
وكتهة عرفت هية اخت يزن
ورة شوية ماشفتهة ختفت من كد ماعيني عليهة بسرعة نتبهت ماموجودة
لقاعة جبيرة ومتروسة ناس

وبنات اشكال ولبسهن فاضح واصدقائي تاهو بينهن يعوفون وحدة يرحون علة وحدة
اجواء حلوة تمنيت اكون من ضمن هاي العائلة ناس متحضرة صح زيادة عن الزوم بس

كلوبهم نضيفة مومثلنة حقد وغيرة وكلمن يدني لنار لخبزتة
شوية وشفتهة رجعت لابسة بنطرون وبدي ابيض وفوكا يلك بلون البنطرون وحذاء ابيض علكو اغنية كردية وكلهم لتمو يركصون جوبي يزن من سكنة بغداد بس اصلة من لغربية وسابقا جانو ساكنين بلموصل طبيعتهم تميل لطبيعة اهل لشمال وحتة حجيهم بي كلمات كردية
ضليت كاعد واصدقائي يركصون وية يزن
شوية واجت علية
ليان خل اعرفكم بنفسي
اسمي ليان عمري 24 سنة خريجة هندسة زراعة شكلي عادي طولي 162 جسمي رشيق حنطاوية وعيوني سود كبار وكحيلات



باقي ملامحي عادية مابية شي مميز ماعدا شعري الي اموت منة واكرهة ومادري عليمن الناس حاسدتني علي ماجايبلي غير العين وبابا روحة بي ينكل علية خبطات ودهونات وماملحك يحب الشعر الطويل واني اكرهة لأن بسرعة يجبن ومايتمشط بس اني علة طول اشسوة واسويلة كرياتين
طبيعتي مرحة احب اضحك واحشش لحياة بلنسبة الي ضحك وتصنيف واكره المعقدين عصبية حيييل
يعني شخصيتي ازدواحية بين لمرحة وروحي فكاهية وبين عصبية ومااتحمل وحساسة نوعا ما عائلتي تتكون من امي وابوي واخواني التوئم يزن وصهيب
حالتنة لمادية زينة بابا يشتغل تاجر مال عبي وجبب وعدنة معمل مال ببسي ومشروبات غازية وامي معلمة ابتدائية
وبحكم كوني البنية الوحيدة بابا مدللني وكلشي اطلبة مجاب ويتنفذ علاقتي بيزن كلش حلوة عكس صهيب الي اني ويا مثل الديوجة 24 ساعة مناكر
ليوم عرس يزون وزوجتة نجاة صديقتي الروح بلروح وعن طريقي همة حبو بعض ونخطبو يعني اني بلبل الحب هههههه
لو يسمعني صهيب رأسن يكلي انتي صخلة الحب
اكفو خل شوية اجذب عليكم اني عيوني زرك وشعري ذهب وجسمي منحوت نحت وخو عيوني بيهن نضرة ثاقبة فولاذية بحيث اغمز غمزة اوكع خمسة
وشخصيتي يبوووو ماحجيلكم عذاب عذاب
عندي كريزما موطبيعية
بلمناسبة اني ماعرف يعني شنو كريزما
المهم شخصيتي كلش حلوة وقوية واخوف البيت كلة يرجف مني

اجت علية جان تكلي ابو الشباب يزن يصيحك
وينة هوة
هنا بنص هوسة الولد
كمت وياهة تمشي كدامي واني عيني علة جسمهة وشعرهة اسود وطويل يخبل
وصلت لمكان الولد وهية ختفت بين المعازيم
يزن ذاب لحم مامصدك تزوج
لزمتة من جتفة كتلة يزون اني رايح دخت كلش لشقيقة هاجت علية
يلله حبيبي براحتك
مشيت اريد اروح وصلت قريب باب القاعة لحكني اوكف ولك
ها حبيبي
طلع لورقاين الي نطيتهن الة حطهن بيدي
هاي شنو يزن ليش ترجعني
احنة مابينة واجب وجيتكم احسن واجب
هاذ مو واجب هاي هديتك تدري بية مااعرف بسوالف لهداية كلت انطيهن الك وانتة جيب
حبيبي جيب هدية عسما كلاص اقبلة واني الممنون بس ذني مااخذهن
ماشي حبيبي اجيبلك احلة هدية وعلة راسي شكم يزن عدي اني
بوستة وطلعت
صعدت سيارتي وتوجهت للسكن طبعا الساعة ب9 وممنوع نجي هيج وكت بس اني الولد المراقبين اصدقاني انطيهم شكم فلس ويخلوني ادخل
وصلت قريب لسكن دك تلفوني الوالد
الو هايابة
شبيك
علكيفك خل افتهم
ياااا ...

[ملكةه]

بارت 2
ياااا
بوية دقايق واني ادك عليك
هووسة كلشي مافهمت من عدة سديتة
طبيت للسكن ركض للحمامات دكيت علي رأسن شالة
هابوية خيركم شبيك
هاذ اخوك عماد الكلب ابن الكلب فضحنة
شبي
رحنة اني وامك لبيت خالتك فوزية للحلة من نزلنة جان وكت غدة امك كالت عيب نطبلهم هيج وكت
رحنة علة مطعم طبينة نتغدة وجان يطب اخوك الشفية وويا وحدة تمشي بلبنطرون وبلاية حجاب
اي
انة من شفتة تسودنت نزعت العكال وتناوشتة بنص المطعم كطعتة علي والبت الويا شردت
لوادم ضلت تفاكك بينة وهوة هد روحة مني وشرد
يابوية شجاك يعني زميلتة وطالع وياهة قابل شمسوي
نجب انتة لثاني انة موكايل سوالف حب وتمعشك ماكو جا اذا تركضولي علة بنات الحلة وبنات بغداد هذن بنات عمامكم ياهو الياخذهن
هسة يابة شنو المطلوب مني
انة وامك ردينة للبيت حتة خالتك مارحنالهة المطلوب منك باجر تطلع بوجهك للحلة تجيب اخوتك ثنينهم وتجي عدي سالفة وياكم
بوية انة لأحد عدي امتحان مااكدر اغيب
تعال باجر ورد بنفس اليوم
سديتة منة ورحت الغرفتي اتصفن لغرفة وياي ثنين ولد بيهة مرحلة اولى بس مااحتك بيهم يشربون جكاير وعدهم سوالف ماتعجبني ماخذين الجامعة بنات ولهو واستهتار

لفيت راسي ونمت فزيت بل5 علة صوت المنبه غسلت وصليت و لبست بساع بساع وطلعت للحلة لطريق قريب تقريب ساعة وصلت
توجهت الجامعة الولد عماد ورائد
طبعا همة قدمو محافضات من شافوني اسولفلهم علة بغداد وناس بغداد عجبهم الوضع ورادو شوية يبتعدون عن اجواء لعشيرة والبساتين
طلعلهم بلحلة
عماد شوية طبعة موحلو نسونجي ويتدحس بلبنات اصلا هوة طب للجامعة علة مود هاي السالفة
بس رائد فقير حييل وعدة مبادء واخلاقيات بلحياة مستحيل يتخلة عنهة وكلبة طيب ويسمع كلامي حييل
طبيت للجامعة مشيت مسافة بعيدة يلله وصلت للسكن
دكيت علة عماد كتلة طلعلي برة
طلعلي هوة ورائد يفركون بعيونهم
خير شجابك من لصبح
سوالفك لطايح حضهة جابتني
تدنة علية رائد بوسني واني عيني علة عماد بدي اموتة ابد ميحترم
بدلو وتعالو راح اتانيكم هناك علمسطبة
دقايق واجو
لبارحة شمسوي ولك
هوة اني الي مسوي لو ابوك فضحني كدام العالم نزع العكال وتولاني بي ماخلالي قيمة ولاكال عيب من العالم
انتة لو تتوب من هاي سوالفك جان ماوكعت بشر اعمالك
مبين شبيك احبهة والله
ياحب هاذ عماد ابوي مو خاطبلك فاطمة
مبين عود صدك تحجي يافاطمة هاي هية هم جهرة واحد يصبح بيهة
هسة هاذ مو موضوعنة الوالد يريدكم
شيريد
مادري كلي اجيبكم واجي
عليك الله مبين ماكلك شيريد
عماد اذا هيج تخاف منة بطل سوالفك واسمع كلامة فاطمة حبابة وحلوة وتحبك اقلها دارسة ثالث متوسط وهية احسن وحدة ببناتنة ترة ولد عمامنة كلهم كاتلين روحهم عليهة
خوما مثل حضي ابوي خطبلي بنين ذاك اليوم جانت تصيحلي عمو مبين
ديلله يلرومانسي اذا عاجبتك فاطمة روح اخذهة بعد عليمن ضال تتحسر عليهة

نجب واحترم نفسك طايح الحض اني مومثلك احط عيني علة ياهو الجانت حتة المتزوجات ماسلمن منك عبالك ماادري بسالفة كوثر مرت الشرطي فاطمة اختي بس انتة تفكيرك منحط مثل اخلاقك
كومو يلله بدلو بساع راسي يأذيني من لطريق اريد اولي للبيت انطمر
نص ساعة يلله اجو
اخذتهم وتوجهت للعمارة لطريق طويل وكلسا انعس بس مااكدر اطي لسيارة لعماد سياقتة ماتعجبني
ساعة بل2 لضهر وصلنة المنطقتنة
بكد مادايخ وتعبان تيهت بين البساتين ووكفت السيارة يم بستان عمي محمد
احنة بيوت عمامي واحد بصف الاخ همة 4 اخوة وابوي اكبرهم
اول مانزلت صارت بوجهي بنين شايلة اكل للدجاج
اجت علينة تركض هية ودشداشتهة
شلونك مبين
هلة بنونة شلونج
زينة مشتاقيلك
تشتاقلج العافية عمي شلونة
تعال سلم علي وشوفة شلونة
لاوالله الطريق طويل وتعبانين لعصر نمرلكم
مشيت ولولد كدامي يمشون نداريت جان اشوف بنين تكمز هية وكصايبهة طالعات من الربطة
اووووف ياربي هية هاي الي تشاركني حياتي
رأسن اجت علة بالي اخت يزن
ليان هاي بنية وذيج بنية
اوووف رغم بريئة بس كلش مابيهة انوثة

طبيت للبيت لكيت الوالدة بلمطبخ ركضت عليهة حضنتهة وبست ايدهة واشمشم بشيلتهة
اووووف مشتاقلج يمة
يبعد امك حبيبي ضعفان يمة شوكت تكضي لكلية وترد هنا
ماضل شي يبعد روحي شكم يوم
بداخلي بدي ماينكضن هلشكم يوم
وين الحجي
بلديوانية
غسلت وجهي وشعري عركان حييل ورحت علي لكيت عماد واكف بلباب
ها شبيك
ابوي مايرضة ادخل علي ولايريد يشوفني
اوكف هنا خل اشوفة
هابوية شلونك
هلة بشمعة بيتي هلة بأحسن ولدي
دنكت علي بست ايدة وراسة
بوية شبيك وية عماد قابل شسوة هوة
زميلتة بلكلية ومساعدتة بلأمتحان وحاب يرجعلهة الجميل
عازمهة علة غدة ترة مابيهة شي
مبين هاي زميلتة ومرة لشرطي وبت عمك فاطمة الي جان يوهمهة بلحب ويضحك عليهة وكلهة درت وفرحانين بيهم ونريد نزوجهم وتالي كال ماريدهة
جاب لأعدادية كلهة شالع كلبي وانجحة بلواسطات والفلوس ذبيت علي دم كلبي ردتة يصير اد

مي
بس هوة عار ومتصيرلة كل جارة خاف هدور يطلع متزوجهة لهاي البنية عدة شي وياهة اني عماد منا لهنا ما اثق بي
بعد ماكو دوام اريد ازوجة فاطمة
هوة بحال الدراسة ادري بي كتل روحة علجامعة علمود لبنات ولاستهتار
بكيفك بوية انتة اعرف
كوم صيحة الي
صحتلة راح علة ابوي راد يسلم علي دفعة وكلة
شوف عماد من يوم يومك مفشلني ومنزل راسي بت عمك الك وغير هاذ لحجي ماكو ولجمعة اخذك نمشي عليهة واعقدلكم

عماد ماعجبة حجي ابوي وكلة انة حاسبهة مثل اختي
الحجي عصب وكلة ليش لعد تضحك عليهة باسم الحب وخليت سيرتهة علة كل لسان
بت عمك الك واي جدال بهاذ الموضوع ماكو
وإلا تنسة عدك ابو وتنحرم من الورث كلة وتروح تشوفلك ديرة ومتراويني وجهك للموت

عماد يخاف من ابوي وموبس هوة كل احنة اكو بداخلنة رهبة وخوف من عدة رغم زلم مشوربين بس بعدنة نهابة وكلمتة عدنة ماتنزل علكاع
كلة حاضر بوية وطلع معصب وضايج حييل

رحت لغرفتي لحكتني لحجية شايلة لغدة ووياهة رائد يحب يكعد يمي ويحب نصايحي ويعمل بيهن دائما
حطت لأكل وطلعت يم لحجي

ها رئود تعال اكل
لا اكلت بلمطبخ عدي سالفة وياك
كول
اني احب بنية ويانة بلكلية
رأسن غصيت من كلي هيج هاذ الي جنت خايف منة ودائما احذر رائد من عدة
لأن ادري بي حساس ورومانسي زيادة عن الزوم
هوة يكتب شعر وخواطر وعدة احساس مرهف تفكيرة حلو وعندة نضرة للمستقبل تعجبني شخصيتة ومرات احسة اقوة مني
صح موعصبي وهادء حسة ميطلع
بس ابد ميرضة بلضلم ودائما يوكف بوجه الحجي واكثر الأوقات ينضرب بسبب هاذ الشي
ماريدة يحب لأن احنة خاطبين بنات عمي محمد تلاثتهن
أو بلأحرى الوالد خاطبهن مواحنة
وهوة حساس وادري بي اذا حب وتعلق بأنسانة ماراح يعوفهة هاذ رائد من يومة هيج صاحب مبادء وقيم ويحجي بلعدل والحرية والحب

رئود اني شكلت وشحجيت
مبين ليش هوة الحب بيدنة المشاعر بيدنة نتحكم بيهة
اني مستحيل اقبل بحجي ابوي صح اطاوعة واكلة اي بس وقت مايقرر يسويهة صدك ماراح اسكت هاي حياتي واني حر بيهة اني الي راح اعيشهة مو هوة واني مستحيل اعيش وية انسانة كل تفكيرهة شتطبخ غدة وشلون تخلي السياح مايلزك بلطاوة وشلون تداوي الدجاج من داء ابو ضريك
ههههههه والله ضحكتني يارائد
اي مبين صدك احجي لاتضحك احنة درسنة وتثقفنة وتعبنة علة روحنة من حقنة نتزوج انسانة تفهمنة بنفس المستوى الثقافي الي عدنة مونتزوج وحدة تفكيرهة بغير عالم
بشرفك مبين تريدني اعوف طيبة الي جنهة نسمة الي من تحجي تصفن زلم علة ثقافتهة وطريقة تفكيرهة واخذ صابرين
كل طموحهة تشتري بنطرون وشوكت مااشوفهة تكلي حاجي ابوي بلكي يقنع

رائد يحجي واني صفنت بدنياي راح تفكيري يم ليان اوووف شنو من بنية
اتذكر حركاتهة بلعرس شلون صفنت العالم عليهة رغم هية عفوية وعلة طبيعتهة
بس هية هاي طبيعتهة احلة مابيهة
احيانا نلكة ناس شكد تحاول ترضي طموحنة ومبين هاذ الشي بتصرفاتهم
مثل بنين الي تسأل بأمي مبين شنو يحب وشلون يحب البنية تحجي وشلون تلبس وشلون تمشي وووو
ومن تجينة علمرة الثانية انتبه عليهة تسوي حركات وتحجي بطريقة غير عن طريقتهة المعتادة حتة تلفت انتباهي
رغم كل هاذ ماتاخذ حيز من تفكيري ابد ولا حتة تشدني مهما تتعب نفسهة
بس ليان شكد تصرفاتهة عفوية وطبيعية شدتني وخلتني ارجف عليهة
اتذكر من اجت كومتني حتة اركص مدري شصار بية عبالك كهرباء لزمت جسمي شنو هاذ الشعور مادري

اووووف يارائد والله حجيك كلة صح احنة فعلا نستحق انسانة تفهمنة الزواج حياة مشتركة
لأسعاد لطرفين
مو لاسعاد ابوي وعمي محمد
مبين انتة لاتخاف شغلتك سهلة قابل مثلي
ياسهلة يمعود شتدري بية اكدر اعصي الوالد لو اكدر اوكف بوجهة
يمعود كلهة سنة سنتين وهوة راح يسلمك لشيخة بنفسة وذيج لساعة راح تكبر وكلهة تكوم تهابك وتحسبلك الف حساب وكتهة تكدر تتزوج الي تعجبك

ضليت صافن بحجي رائد صح ازغر مني بس تفكيرة دائما واقعي ويجيبهة بمكانهة

فعلا اذا لزمت امور لعشيرة بعد محد الة كلمة علية لاعمامي ولا حتة الحجي

ليان: خلص عرس صهيب ورجعنة للبيت لحفلة جانت كلش حلوة. وتونسنة بيهة وهواي خطبوني من اقارب ماما واصدقاء يزن
بس اني جنت ارفض
لان حبيبي يسوة راسهم غير يتخرج ويفضني كسول كضاهة رسوب
رجعنة للبيت راسن نمت بملابسي مال لعرس من كد التعب الي تعبتة
كعدت ساعة ب11 ونص علة صوت التلفون
هلو حبيبي شلونك
اني تمام وانتة
اوك ماشي نتشاوف شوكت ووين
اها ماشي علموعد
كمت لميت شعري وسبحت وبدلت رحت للمطبخ وصحت العاملة سوتلي ريوك كملت ورحت اتفرج تلفزيون دقايق وطبو يزن ونجاة راجعين من الفندق ووياهم ماما وبابا وفرقة مسيقا وطبول هرجو البيت هرج
عفتهم ورحت الغرفتي تفرجت تلفزيون وكعت علنت شوية
تغديت ونمت
كعدت لعصر بل4 يوووو تأخرت
ركض ركض بدلت واخذت السيارة وطلعت
دك تلفوني
اي حبيبي جاية والله هاي وصلت
وصلت للعنوان فتحلي الباب طبيت

مبين :العصر اخذنة جولة علة عمامي اني والولد والحجي وعمو محمد خلينا بلأخير لان عازمنة علة عشة ري

حة الزرع كلش حلوة فعلا هوة نقي ومنضر الزرع والحلال يريح الاعصاب
صار المغرب توجهنة لبيت عمي محمد رحبو بينة وطلعن البنات كعدن يمنة بدشاديشهن الكشمير والشال نفس لون الدشداشة وحاطات كحلة عرب مصخمات عيونهن وديرم حتة سنونهن مصبوغة بي ورجليهن بيهة فطور من كثر الفرة بلكاع والزرع
طبعا رائد يباوعلي ويضحك اعرفة يضحك علة صابرين الي عمرهة كلة 13 سنة وكوة مسوية روحهة مرة
تعشينة وكملنة وابوي فتح الموضوع وية عمو محمدوكلة نريد نمشي علة فاطمة ونعقدلهم هية وعماد
هية سمعت الحجي رأسن كامت هية وخواتهة عود ستحت تدنة يمي رائد يكلي
تستحي الخجولة وهية ماضل واحد مالكفهة هية وعماد يتختلون بلزرع
هههههه سد حلكك ولك

اتفقو علمشية لجمعة تصير وترخصنة منهم لأن ورانة كعدة من لصبح
طلعنة من بيتهم وبلطريق الحجي سألني
مبين دوامك بعدلة شكم شهر ويخلص
هاذ لشهر نسوي حفلة لتخرج ولشهر لجاي امتحاناتنة
ها خوش حتة نأجل عرس عماد لحد ماتتخرج ونزوجكم سوة مايصير هوة يتزوج قبلك وانتة الجبير ولشيخ عن قريب
غصيت من كلي هيج ضليت ساكت عود بوكتهة احجي هسة اذا فتحت حلكي راح يحط راسة براسي وحتة للدوام ميخليني اروح

ورائد يندس بية يكلي ماتحجي شبيك ساكت شمتاني لمن يكربصوهة براسك وتنحسب عليك مرة وهية بكد بزرك

اسكت رائد لكل حادثة حديث

طبينة للبيت ميت تعب كبل نمت دوخة الطريق بعدهة بية
كعدت لصبح الحجية تنده بية الساعة ب3 لفجر بساع صليت وبدلت واخذت السيارة وتوجهت لبغداد وصلت الساعة بل9 الة ربع امتحاني بل9 وكلشي ماقاري طبيت غشيتلي شكم كلمة من منذر علة كد النجاح وسلمت الورقة وبوجهي للسكن طبيت للغرفة بدون ماابدل نمت جريتهة نومة للعصر فزيت علة صوت تلفوني منذر يدك علية
ها حبيبي
اكلك اريد اروح ليزن اوديلة هدية تجي وياي
اوك ليش لا
بس اول شي نروح نشتريلة هدية لأن بعدني مماخذلة شي
بدلت ملابسي وصعدت سيارتي وتوجهت لبيت منذر بمنطقة الدورة وصلت لكيتة واكفلي بلباب صعد ورحنة لسوك الكيارة
فترينة هواي مالكيت شي عجبني
اخر شي اخذني منذر لمحل صياغة اخذتلة محبس بلاتين كلش حلو صار علية ب450 الف
اخذت منذر ورحنة لبيت يزن هوة ماخذ اجازة سبوعين
بلطريق منذر خابرتة زوجتة حامل وبطنهة توجعهة رجعتة لبيتهم ورحت وحدي لبيت
دكيت الجرص فتحتة الي العاملة تشتغل ببيتهم كتلهة جاي علة يزن
طبت دقايق وطلعتلي كلتلي تفضل طببتني لبيتهم للصالة

البيت من الداخل تصميمة حلو وحديث اني شايفة من برة بس ماطابلة
كعدت علتخم ربع ساعة ويزن مابين ومحد اجاني
ضليت اصفن علبيت ولديكورات البي بيتنة مساحتة 700 متر بس مامستغلي كلة وبنائة عادي ومابي شي مميز لأن علة ذوق الوالد وهوة يريد لببيت نفس بناء بيت جدي
اجت العاملة خلتلي عصير وكيك وفاكهة وحلويات وراحت
كتلهة وينة يزن كلتلي هسة يجي
دكيت علي اكثر من مرة جهازة مغلق
كمت اريد اطلع بعدني بباب لصالة طبت ليان مفرفحة وشعرهة منفوش وعيونهة مصخمات المكياج سايل من لبجي
احس كلبي نخمش من شفت حالهة
فاتت من يمي كبل ركضت فوك والعاملة تركض وراهة تريد تفتهم منهة شبيهة
طلعت من بيتهم متوجه للسكن
وصلت بس مالي نفس اطب مادري شصار بية من شفت منضرهة بالي يمهة وكلبي مامطمأن
رجعت درت لسيارة ورحت علة مطعم قريب علجامعة اول ماكعدت دك تلفوني يزن
شلتة
ها حبيبي
شبيك
ياستار خيرك
شنو ......

[ملكةه]

بارت 3
شبيك يزن خيرك
اهدء يمعود خل افتهم
سدة سدة واني جايك
عفت لأكل علطبلة وخليت الفلوس وركض للسيارة
لطريق ازدحام بلنص ساعة يلله وصلت للبيت دكيت علة يزن كتلة اطلعلي اني بلباب
طببني وجهة مخطوف وكوة يحجي
كعدنة بلصالة
هايزون خيرك معود قلقتني
مادري شحجي وشكول مصيبة ووكعت علة راسي
يزن طب بلموضوع مباشرتا تدري بمعزتك عدي والي يمسك يمسني
مبين انتة اخوي ونعم الاخو مافد يوم طلبتك ورديتني والله يعرف بمعزتك بداخلي
حالك حال صهيب ويجوز اكثر اني ليوم محتاجك وموشلون ماجان واعرفك اخو خيتك وانشاء الله ماتردني
ابشر يخوي تشلع عيوني وتاخذهن كول شعدك
اليوم اجتني صور لتلفوني بيهن ليان اختي ولصور يكسرن لضهر وانتة تفهم قصدي
واختي جوة تبجي وملخت روحهة تكول واحد بلشارع مهددهة بمسدس وخاطفهة من لسيارة ومغتصبهة وهية ماحجت بس الي لأن تدري بية متفهم مومثل صهيب وبابا
واني ماادري حجيهة صدك جذب
يحجي وياي ويبجي كسر ضهري منضرة كلشي ولا لشرف يحط لانسان امام واقع مالة غير حل واحد
الي دزلي لصور كاتبلي تسلملي 500 مليون استر علة اختك وامسح الصور وكاتبلي العنوان منطقة اسمهة الأورفلي
شلون بية مبين كلي لكتل حرام وعقوبتة عد الله جبيرة وليان اختي لوحيدة وروحي بيهة شلون اكتلهة كلي شتصرف هسة اني شحجي وشكل للعالم
الفلوس ماتهمني بس هاذ الي انطي الفلوس خاف مايمسح لصور
واذا سترت سالفة لصور شلون استرهة هية وشكل للعالم

من سمعت حجية جن واحد وضربني علة راسي حييل
كمت لااخذ ولا انطي
ليان معقولة تذكرتهة من طبت تبجي ووضعهة موطبيعي هوة هاذ تالي الدلال والحرية الزايدة
مافهمت الي يريدة مني يزن شنو بس قبل كلشي لازم لصور ينمسحن وذيج الساعة نكدر نفكر بحل لأختة وسالفتهة
يزن كوم وياي
اخذتة ورحنة لواحد صاحبي يعرف بلمبايلات حجينالة كلشي وكنالة البنية اخت ولد صاحبنة كال روحو للشركة نطوهم الرقم وراح ينطوكم اسم الشخص الكامل وحاولو تدورون علة عنوانة ماكو غير هاذ الحل
رحنة وسوينة لكال علي طلع الرقم باسم مرية حجية عمرهة 64 سنة
ويزن كسر خاطري بس عوزة يبجي خطية
ندلينة عنوان المرية ورحنالهة حسب المعلومات الي نطوهة النة لشركة الخاصة بلرقم من بعد ماجبنة واسطات ودفعنة ذاك الحساب طبعا لولد صاحب لصور نطانة مهلة 3 ايام بس خلصن يومين علما حصلنة عنوان لمرية ورحنالهة طلعت متوفية صارلهة سنتين وماعدهة غير ثنين بنات عايشات بامريكا ولبيت مالتهة فارغ ومقفول الة اكثر من سنة حسب حجي الجوارين
رجعنة للبيت ويزن الة يومين لكمة ماحاط بحلكة وليان هم كاطعة الأكل وبس تبجي ولببيت كلة داخل نذار علمودهم بس لحد لان محد يدري بلسالفة
رجعت يزن لبيتهم
ورجعت للسكن طبعا صارلي يومين ممداوم وتفكيري كلة يم لسالفة
تمددت بفراشي حسبة تجيبني وحسبة توديني بين المقهور علة ليان وشبابهة اذا ننشرن لصور راح تروح بشربة ماي وبلذات انو هية موبنية يعني كل لدلائل ضدهة
ضليت افكر ومخمخت لسالفة لحد ماستنتجت انو لازم نسمع من ليان ونفهم منهة عسا ولعل نحصل راس خيط لأن يزن زعلان منهة ومن يوم لصار ماحاجاهة وهية هم حابسة روحهة بغرفتهة وماترضة تطلع
حاولت انام ماكدرت احس حياتي متوقفة يم ليان اريد افهم منهة كلشي لان لحد لأن مامقتنع بحجيهة ولاداخل مخي ماكو واحد يخطف بنية ويغتصبهة ويعوفهة بدون سبب
يزن فقير حييل وبطبيعتة بساع يقتنع ومايفهم بهاي السوالف رغم ابن بغداد ولمفروض كلشي مار علي بخصوص هاي لشغلات بس هوة كلبة طيب ولصدمة خلتة مايعرف يفكر
يعني اني لو بمكانة الزمهة اموتهة كتل لحد ماتعترف وتحجي كلشي لأن حجيهة مايدخل عقلي واي واحد مراح يصدكة
صار لعصر خابرت يزن كتلة اني جايك
بس ليوم وتخلص المدة الي نطاهة النة وراح ينتشرن صورهة والله اعلم بحالهة اذا صار هلشي
وصلت لبيتهم طببني وكعد
ها مبين كلي شسوي راح يخلص ليوم ابوي اذا درة يروح بيهة والله
يزن اسمعني زين وشغل مخك
طبعا اني قررت احجيلة كلشي وافتح عينة علسالفة الي هوة يئما فاهمهة و مغشم روحة عنهة ويستحي مني
لو فعلا ماخاطرة علة بالة ومصدك الي حجتة الة اختة
يزن انتو عدكم اعداء
لا ابد
زين اكو احد رايدهة لأختك وانتو رافضي
هم لا
زين من رجعت مبايلهة عدهة فلوسهة
اي مبايلهة اخذتة منهة عد نجاة مرتي
شوف يزن ماكو واحد يخطف بنية من سيارتهة وياخذهة يغتصبهة هيج بدون كل سبب
وهوة شلون نزلهة من سيارتهة وشلون كدر ياخذهة وشلون لمن اجت رجعت بسيارتهة هاي شغلة وشغلة ثانية هوة شمعنة دز الصور الك انتة شمدري بيك متفهم وممكن تتفاوض ويا وماراح تحط طلقة براسهة وتكتلهة رأسن
ولشغلة لأخيرة ولأهم اختك من رجعت مبايلهة عدهة يعني الي يخطفهة بدون سبب وطمعان بفلوسهة مجان عاف مبايلهة جان اخذة منهة رأسن وستفاد منة وسارتهة هم تجيبلة ذاك المبلغ هم جان اخذهة
لو هوة فعلا عابر سبيل ومايعرفهة ولا الة نية يأذيهة او بلأحرى ينهي حياتهة
ماجان

دز الصور الك منين جاب رقمك شلون عرفك يزن بس كلي انتة شلون مافكرت بكل هاذ
هاذ لشخص عاف مبايلهة لسبب واحد وراح احجي وانتة اخوي عرضك عرضي
هوة عاف لتلفون لأن اصلا عدة علاقة سابقة بيهة حتة يضل يهدد بيهة ويضغط عليهة حتة اذا ماحصل شي منك وفلس من لسالفة
اختك موجودة وراح يبتزهة وهية بنية وتخاف راح تبوك وتسوي كلشي في سبيل تحافض علة نفسهة واذا مو بلفلوس فراح يهدهة ويكللهة تعاليلي للبيت وامسح لصور وراح يسويهة عاهر
حجيت هيج ويزن كام يلطم علة راسة
اهدأ يخوي اني حجيت هيج حتة نكدر نلكة حل مو حتة اقلقك بلزايد
مبين انتة شمدريك بكل هاذ عليك الله هية حاجيتلك شي
لا يزن وداعتك محد حاجيلي بس هاذ الي ستنتجتة من بعد طول تفكير ويجوز اي واحد بمكاني جان فكر بهاذ لشي بس انتة لأن مشدوه وخايف فكرك مويمك
هسة شسوي مبين كلي وحق محمد راح اتخبل حتة مرتي حست علية
يزن صيحلهة احجي وياهة بهدوء خل نفهم منهة كلشي كللهة اني ماراح اسويلح شي بس حجيلي كلشي حتة اكدر الم السالفة واساعدج كللها اذا مانحلت باجر تنشهرين وذيج لساعة محد يرحمج
مبين ماريد اشوف وجهة ولا ريد احجي وياهة راح اصيحهة الك وانتة حاجيهة
يزن مااكدر اكيد البنية راح تستحي مني خطية لاتحطهة بهيج موقف
مبين هية مال مستحة شرفهة وضاع بعد علة شنو تخاف وعلة شنو تستحي
نزلت البنية تمشي هية وزوجة يزن وهوة كدامهن طبت ودموعهة يجرن ومدنكة ومرت يزن كامشتهة اضاهر دايخة ماتكدر توكف لوحدهة كعدت كبالي ويزن اشرلي بأن احجي وياهة وهوة راح للمطبخ
خوية ليان
بس حجيت رفعت راسهة وحطت عينهة بعيني بوية مادري شصار بية بدي اروح اخضنهة واكللهة اني احميج واساعدج بس لاتباوعيلي بهاي النضرة
تدنت يمي جان تكلي انتة مو ابن شيخ
تحجي وتشهك
اي خيتي اني ابوي شيخ
اني سنية بس عدي ايمان بلأئمة وادري بيكم اهل اجنوب تموتون عليهم وتفدوهم برواحتكم
صحيح
واني ليوم دخيلة يمك واريد احلفك بأبو فاضل تساعدني وادري بيك ابن شيوخ واذا طبلكم دخيل تحمونة
اني بشاربك خوية والله صهيب اذا درة يذبحني خلاص وابوية يروح بيهة احسبني اختك وساعدني
يابوية كطعت كلبي بحجيهة ودموعهة احس كلبي يريد يحضنهة قبل ادية
احس بداخلي كم مشاعر تجاهة موطبيعي
اي اريدهة تهت بعيونهة وتملكتني من اول ماشفتهة دك كلبي الهة ومن يومهة واني تايهة بتفاصيلهة وتقاسيم جسمهة الي ماشفت مثلة
بس شلون وشلون وشلون
الف سوال والف معيق والف سبب يمنعني عنهة ويحكم بنهاية لحبي الي بدة الهة من اول ماطبت للقاعة وهلهت وكل الي سويتة ووكفتي وية يزن وركضي لأن بداخلي شعور يريد يعرف لحقيقة اريد اعرف هية فعلا مضلومة لو جذابة وسوت هلشي برضاتهة
كافي خوية لاتبجين اني اساعدج بس بشرط
شنوة
تحجيلي كلشي وديري بالج تجذبين علية اذا يزن فقير وطيب وصدك بحجيج فأني ابن عمارة وملوت ومستحيل يعبر علية الفلم الي الفتي علة يزن احجيلي كلشي حتة اصدكج
باوعتلي مسحت دموعهة وصفنت جرت نفس عميق كأنه دتاخذ دفعة من القوة والثقة حتة تكدر تحجي وتطرد المستحة من داخلهة
باوعتلي اومئتلي بعيونهة كأنه تكلي كل الي بداخلك صح
بدت تحجي واني تهت بحركة شفايفهة والعبارات الي تبديهن علة وجهة

حبيتة ومن كل كلبي وحسسني انو هوة يحبني ومستعد يسوي كلشي علمودي ووعدني يخطبني بس يكمل جامعة واني تخرجت وجنت ارفض كل الي يتقدمولي علمودة بس هوة جان ماخذ عني نضرة لان متحررة وعايشة حياتي
جان معتقد انو اني موشريفة ورخيصة
لان حبيتة صرت بعينة رخيصة لأن قدمتلة مشاعر صادقة صرت موزينة
اكثر من مرة حاول يتقربلي بس اني جنت اصدة وكتلة مستحيل تلمس مني شعرة واني موعلة ذمتك طبعا هوة جان متخيل انو اني دابيع براسة مثاليات حتة اخلي يتزوجني لأن فكرتة عني وحدة يتسلة بيهة ويعوفهة فقط لاغير
ولمن شاف لرفض مني وحس انو اني مو من لنوع الي هوة يريدة قرر ياخذ اليريدة بلغصب والحيلة
ولحد قبل 3 ايام هوة لابس لقناع كدامي ويمثل لرجولة ولحب لصادق
خابرني كلي اريد اشوفج وعندي موضوع كلش مهم وياج نطاني عنوان بيت اختة اني مرتين جايتلهم ويا وبنات اختة صديقاتي
رحت فتحلي لباب طببني
وراح جوة فتريت بلبيت رحت للمطبخ ماكو احد بدة لخوف يتسلل بداخلي اكو غرفة كبالي هية غرفة نوم اختة طبيتلهة فارغة وهوة طب للغرفة الي بصفهة وبعد مابين صحتة اكثر من مرة ميرد دكيت لباب علي مارد
بساع اخذت جنطتي واريد اطلع فتحت لباب مانغتحت حاولت وياهة ماكو طلعت تلفوني دكيت علة نجاة زوجة اخوي
باوعت علة نجاة البنية دنكت وكامت تبجي
وهية هم غصت وفرفحت كوة تجر النفس
نطيتهة كلاص ماي
شربتة وكتلهة رتاحي بعدين عود كمليلي
لا خليني اكمل فدوة
براحتج
دكيت عليهة بهلأثناء سمعت صوت باب نفتحت من جوة بس من لخوف مادرت وجهي
بعدة لتلفون يدك نجريت حييل من شعري وشمرني بلكاع
كامت تناشغ وخلت ايدهة على حلكهة لدموع ينزلن مطر غركن وجهة
اني بطبيعتي اعرف لجذاب من نضرة عيونة لوهسة شمايسوي
وهية جانت بريئة وكل الي حجتة الي صدك
كافي خوي

ة ماكو داعي تكملين لباقي اعرفة

الي اريدة منج هسة تهدين وتطمأنين وتنطيني كل المعلومات الي تعرفيهة عنة

كل المعلومات الي نطاهة الي جذب
شلون يعني
لبارحة خابرنا اني ونجاة كلت بلكي نهددة واكلة. اعرف اسمك وهوة يدري بصهيب ضابط كلت اخوفة بي
ضل يضحك وكلي اني قابل غبي مثلج حتة انطيح معلومات صحيحة عني كل الي تعرفي عني جذب وحتة اختي الي جنت اخذج الهة هاي مواختي
وحدة ك.... ة
صديقتي ونطيتهة شكم فلس حتة اجذب عليج واخليج تامنيلي
اوووف شلون هيج بساع صدكتي وانتي واعية ومثقفة وبت ناس
بس بنية وبكلمة حلوة ممكن تسلم كلبهة اني ماجرمت اني حبيت وحاولت احافض علة روحي لحد اخر نفس بية والله يشهد علة هاذ الشي بس شبيدي وشكدر اسوي واني وكعت بيد شيطان
الله كريم لتخافين انتي دخيلة عدي واني ماعوفج ولازم اضهر برائتج وهاء النذل ياخذ جزائة مني بس نتضري خل نحل سالفة لصور
اشرت لنجاة كتلهة اخذيهة
اخذتهة وصعدن فوك وهية عينهة علية
كأنه تسألني اكدر اعتمد عليك واطمأن علة روحي
واني من داخلي اتكطع من سمعت حجيهة صح غلطت بس مالهة ذنب
كلبي هم. مالة ذنب نار بية موجرة بس اريد اعرفة منو والله لو الزمة اكتلة خلاص وماتردد لحضة

قتل لبرائة الي بداخلهة ومستقبلهة على المحك وحياتهة كلهة واكفة علة شعرة

طلعت من لصالة رحت علة يزن لكيتة يدخن
هاي من شوكت تدخن يزن
مبين بروح موتاك لاتبدي تنصح وتطي مواعض ترة وحق محمد روحي كوة متحملهة وكلسا اريد الزم ليان اموتهة
لا يزن اختك بريئة ومالهة ذنب
شلون مبين كلي
بعدنة نحجي نرفست باب لشارع مالتهم حييل تفلشت طلعت العاملة ركض فتحت لباب ثواني وطب صهيب من باب لأستقبال وبوجهة صعد فوك لحكة يزن واني ضليت جوة لا بية اصعد ورا لأن ادري بي متعصب وميحب احد يتدخل واكيد يخاف من لفضيحة مهما يكون اني غريب
ولا بية اصبر روحي
كلبي احسة يريد يطفر ويروحلهة يفرغهة من ادي
راح يضربهة يربي هية وينهة ووين لضرب البيهة مكفيهة
لا يا الله صوت صياح نسوان معقولة راح يكتلهة اوووف ربي سترهة فدواتك كلسا اروح يم لدرج ارريد اصعد واكول لا يجوز صعدتي تزيد لطين بلة وتكبر لسالفة بلزايد
شبية اني يربي معقولة لهلدرجة حبيتهة
ااااخ كلبي وين ناوي توديني
دقايق وكمت اسمع صوت لصراخ يعلة ويصير اقرب علية
نزل صهيب يسحل بيهة من شعرهة وامة مجلبة بملابسة هية ونجاة ويزن يجر بيهة من ايدة
نزل شمرهة بلكاع وداس علة اديهة برجلة
المرية ام يزن ملخت روحهة وشعرهة وتصرخ وشكت ثوبهة
ويزن يحاول يجرهة منة مايكدرلة كلما يتدنالة يرفسة لبعيد ويوكعة بلكاع
ضابط وقوي واني واكف اتفرج علمهزلة اريد اروح افرغهة من ايدة بس بأي حق اتدخل وشلون
شفتة خلة ايدة علة خصرة بعد ماكدرت اصبر ركضت علي لأن ادري بي راح يطلع سلاحة

جر لمسدس وجان ....

[ملكةه]

بارت 4
جر سلاحة جان يوجهة علينة وصاح كل حسة
وحق محمد الي يتدنة ارمي
اني ماباليت لحجية بداخلي نار تفور اريد بس اجر ليان منة وبعدهة شيريد يصير خل يصير تدنيت يمة سحب اقسام ووجه المسدس علية اجة يزن جرني كلي عوفة مبين
ولك شلون اعوفة شلووووووون
راح يموتهة
لعد احسن يموتتتتك
وحنة نحجي سحلهة وطلع ويزن لازمني يكلي كافي انتة سويت العليك وزيادة لاتورط روحك اكثر صهيب مخبل وصعدت عدة ترة يسويهة ويرميك صدك
خل يرميني يزن هدني شلون تريدني اعوفهة وهية دخيلة عدي
نطيتهة وعد احميهة وكتلهة انتي بشاربي ولك ابن عمارة ونطة وعد شلون تريدني اخلف بي
اجر بروحي كل قوتي اريد افرغ نفسي منة موكادر
امة راسن وكعت ونجاة كامت تصرخ ركض عليهة يشوفهة شبيهة ستغليت لفرصة
بدون وعي ركضت للشارع ركبت سيارتي وطرت بيهة سيارتي النترة من كد ماامشي سريع كمت احسهة طايرة ماجاي تمشي علكاع
كلبي ينبض حييل واحس موبس كلبي ينبض عبالك كل جسمي ينبض
ماادري وين ختفة وصلت يم مفترق طرق دخلت علسايد اليمين وشفتة كدامي
حاولت اخفف سرعتي حتة لاينتبه علية
ضليت امشي ورا اكثر من نص ساعة حتة مامنتبه احنة بيامنطقة
شفتة دخل بفرع
ركنت سيارتي براس الفرع ونزلت ركض
وصلت يم السيارة طابكة يم بيت شوية قديم لباب ناصية حييل بحيث الحديقة تبين باوعت حديقة جبيرة حييل وبيهة زرع واشجار كبار صعدت علة كيفي علحايط ادية يرجفن ادري بلي جاي اسوي غلط بس موكادر امنع نفسي نزلت تختلت بين الأشجار لحد ماوصلت للباب الداخلية تدنيت يمهة مااسمع كلشي ولبيت كلش جبير
دفعتهة علة كيف وطبيت وكلبي مااحس بي خوف بداخلي موطبيعي بس رجلية تحركني لاكتني كلدور وباب استقبال
دفعت الباب وطبيت لكيتهة مربطة ومشمورة بلكاع علة وجههة ركضت عليهة اريد افتج اديهة ورجليهة بهلأثناء هية صحت شافتني كامت تبجي وتتوسل بية لاتعوفني
شلون اعوفهة واني احس روحي تعلكت بيهة حتة لو ماتصير الي ماخليهة تموت مستحيل اخلي يكتلهة
جاي احجي وياهة كتلهة لاتخافين اشرتلي بعيونهة نداريت شفتة وراي
انتة شتسوي هنا وخر عنههههها
كام يصيح وهية رأسن اغمة عليهة من لخوف

جريت نفس عميق قويت نفسي وكلت لازم اكمل الي بديتة اني اريدهة ولو عفتهة تموت الله اعلم شراح يصير بية
باوعتلة عيونة حمر وملامح وجهة تنم عن غضب موطبيعي ممكن يحرك الاخضر واليابس بس مستحيل استسلم بسهولة حتة لوخايف قوة العقل والمنطق تنطيني الجرأة انو اكمل حتة لو اذب روحي وسط النار

صهيب خوية خلي عقلك براسك اختك مضلومة والله بس اهدء وخليني احجيلك كلشي

شتحجي ولك صورهة ترسن المبايلات حتة الشرطة العدي بلقسم راووهن الي علفيس ماكو كروب ماناشر صورهة
ضليت صافن شحجي وشكول اكللهم هاي اختي هاي الكلبة الي امناهة علة شرفنة

خطية الموقف الي نحط بي كلش صعب اني لوبمكانة جان كتلتهة وكتلت روحي بس هية مضلومة اااخ كلبي شورطك شجاي تسوي بية ووين ناوي توديني
صهيب امك بلبيت طاحت عوفهة هنا مربطة واقفل عليهة لباب وامشي وياي خل نشوف امك خاف صار بيهة شي
يطبهااا مررررررررض
كام يصيح ويضرب بلغراض
تستاهل كلة من وراهة شكد كتلهة البنية تحتاج ايد تكفخهة حتة دائما توعيهة علة زمانهة وتعرف انو اكو اهل يطيحون حضهة لو سوت الغلط
بس هية وهاذ الاغبر يزن جانو يوكفون بوجهي ويحموهة لو هسة شماتسوي نطوهة ثقة ماتستحقهة وهواي عليهة
مستحيل اخليهة تعيش لو اني لوهية

زين زين بس ذب المسدس خل احجي وياك
ماذبة ويلله اطلع منا ترة مصختهة صديق يزن علة عيني وراسي بس مومعناهة تدخل روحك بهيج امور هلشي مومن حقك يلله تفضل رجائا

هنة كلمتين بس اسمعني
خوية ماريد اسمع كلشي راويني عرض جتافك
ماراح تخسر شي بس اسمعني ووراهة شتسوي سوي
استخفر الله ياربي شلزكت متكلي احجي وفضني
انتة موتريد تكتلهة
اني اخذهة اعقد عليهة واخذهة للعمارة وبعد متشوف وجهة. ماطولك عايش
وانتة شعليك ليش هيج تسوي شعدك وياهة

خوية ماعدي كلشي وياهة والله يشهد ماشايفهة غير مرتين مرة بعرس يزن وهسة
بس كتل النفس حرام ياخوية ليش تدخل لنار جهنم وانتة كدامك مليون حل

الله كال الزانية اجلدوهة ماكال اكتلوهة
ضل صافن علة حجيي وميرد بس يباوعلي كأنه يكلي كمل اقنعني اكثر لأن لبشر موبسهولة يكدر يكتل وبلذات اذا جانت اختة والوحيدة يعني اكدر استغل التردد الي بداخلة واوجهة لمصلحتهة

البشر خطاء ماكو انسان مايغلط واختك ضحية لعبة قذرة من انسان فاشل ستغل طيبة كلبهة واني اكدر اثبتلك حجي هاذ كلة

نضراتة فسرتلي قناعتة بحجي ولسكون الي صار بداخلة حسيت ثورة لغضب بدة تهدة وهنا اكدر اعزف علوتر الحساس واقنعة بسهولة

انتة تريد تخلص منهة واني قدمتلك حل يغنيك من نار جهنم وعقاب ربك ويغنيك عن سنتين سجن مال لحق العام واكيد الخبر راح يوصل لزملائك الضباط والشرطة اكيد راح يسمعون ذيج الساعة سمعتك كضابط راح تتضرر حتة لو انتة غاسل عارك مهما

يكون راح تتضرر ولو بلقليل وهيبتك راح تروح

طلع بلحديقة ورث جكارة وضل كاعد علصبة
اجيت كعدت بصفة
صهيب والله اني فاهمك ومقدر ضرفك ويزن غالي علية كلش وانتة بمعزتة الله شاهد مستحيل اشوف اخوي واكع بشدة ومااوكفلة ولاتعتقد عندي غاية من هاذ الشي لا وحق ربك ياخوية خوفي عليك وعلة يزن
وهلمسكينة الجوة هم خطية هية بشر والبشر الغلط مخلوق بي بلفطرة وكلنة نغلط والله يسامح
واني مو الله حتة اسامح
انتة مامطلوب منك تسامحهة بس سوي الي كتلك علي وخلص
ضل ساكت اكثر من 5 دقايق ومارد علية ولاكلمة وحقة لان موقفة صعب كلش ماكو انسان يكدر يقبل بهلشي
جريت التلفون دكيت علة يزن
هايزون
يووووو جنت بمصيبة صرت بثنين
ماشي ماشي
سديت التلوف ندار علية جان يكلي شكو شصاير
امك كلش متخربطة وسكرهة صاعد والضغط هابط اذا ماستقرت حالتهة اسم الله احتمال تفقدوهة ويزن يكول من شلناهة لسة تلهج باسم ليان
باوعلي جان يكلي ضل هنا اني هسة جاي
نبرة صوتة ونضراتة بينتلي شكد هوة مكسور وخجلان من تصرف اختة
خليت ايدي علة جتفة حتة انطي جرعة من الثقة واحسسة انو هوة مالة ذنب بهلشي فماكو داعي يستحي ويخحل
خوية هونهة وتهون كلنة معرضين لهلشي صح ماعندي اخت بس الله شاهد حاس بيك ومصيبتك ماهاينة علية وجاي احاول قدر لأمكان اساعدكم بلي اكدر علي

باوعلي بنضرة امتنان بس ماحجة شي
طلع وكلي لتسوي كلشي ولتتحرك من مكانك دقايق واني ارجع

صفت علة روحي شكد عدي قدرة علة لأقناع بحيث البشر لوجان كتلة من النار اكدر بكلمتين اخلي كتلة من الثلج
بس مجاي اقتنع بلي جاي اسوي
تصرفاتي احسهة لا ئرادية عبالك شي بداخلي يتحكم بية اوووف وين اريد اوصل اني وشلون راح اتصرف ووين راح اودي هلبنية
الف سوال بداخلي وكلشي بية يكلي انتة دتورط نفسك ومقبل علة مشاكل الهة اول ما الهة اخر

بس موكادر اتخلى عنهة مادري شلي جاي يصير وياي كل الي اعرفة اني ماريدهة تموت وبس اريد ابقة لحد اخر يوم بعمري اشوفهة
ااااااخ يا ليان شسويتي بية
نسيت ابوي نسيت امي نسيت بنين وحياتي بلعمارة لبساتين امور الشيخة والديوان الي متانيني والمصيبة الي جاي احط نفسي بيهة
كلشي ممنوع
عيب
ميصير
بنات بغداد خط احمر
دير بالك تعصة امري ترة تنسة عدك ابو وحتة امك احرمك مهنة
تنسة الورث
اذبك من العشيرة
شكد اخاف من هذني الكلمات وارتعد
بس ماادري شصار بية نسيتهن
صراع بداخلي موطبيعي صرت بين نارين كلبي وعقلي
بس اول مرة احس عقلي راضخ لكلبي ومنطي كامل الحرية بلتصرف
قطع شرودي صوتهة الناعم والي بي رجفة تفسرلي خوفهة ورعبهة من الي ديصير وياهة ومدى تمسكهة بية لأن نطيتهة وعد وهية تعرف ابن العمارة لونطة وعد
كلبي قبل رجلية ركضلهة
مبين اني عايشة
ااااخ يابعد مبين وعشيرتة يابوية احس مدري شيصير بية من تلفض اسمي

افة عليج نطيتج وعد وكتلج انتي بشاربي مستحيل اخلي احد يأذيج
باوعتلي وعيونهة مغرغرات احس نضراتهة تكلي اني كلي ثقة بيك
اني سمعت حجيك وية صهيب
اي اني راح اخذج بعيد عنهم ماراح اخلي ينهي حياتج بهلسهولة انتي مالج ذنب بلصار انتي ضحية طيش واستهتار
بس اني اريد اموت ماريد ابقة طول عمري بصمة عار بحياة اهلي همة مالهم ذنب مايستحقون ينفضحون بسببي
بابة الة اسمة وسمعتة بلسوك ماريد يتضرر بسببي وادري بي لو درة مستحيل يطلع منهة بسلام خليني اموت وارحم اهلي وانتة هم ارحم نفسك من الورطة الي جاي تحط روحك بيهة .

باوعتلهة كلامهة احسة يطلع من اعماقهة ووية كل كلمة تجر حسرة وتنزل من عيونهة دمعة
تريدني اعوفهة ومتدري اني عدي استعداد اموت ولا اخلي شي يمسهة ليش شلون
مااعرف كل الي اعرفة اني حبيتهة وهاذهو
هوة هاذ حب من اول نضرة الي اسمع عنة بلأفلام واكول ماكو هيج شي

وامج ليان تدرين امج بلمستشفى بين الحياة والموت وبس تصيح باسمج تخيلي لو متتي شراح يصير بيهة تتخيلين ممكن تعيش من بعدج
اااااخ ماما سودة بوجهي الله يطيح حضي انشاء الله شسويت بيهة
كامت تبجي وتضرب براسهة علحايط حييل

بساع تدنيت عليهة خليت ايدي ورة راسهة وهية مستمرة تضرب بدون وعي بعدين حست علة نفسها ووخرت راسهة من ايدي

باوعتلي وعيونهة ذبلانات احس كلبي رجف رجفة موطبيعية عبالك روحي جاي تنسحب مني
ما حسيت علة روحي الة واني اجرهة واخلي راسهة علة صدري
اشششش بس اهدي صدكيني كلشي راح يكون بخير وكلشي ينحل وتصير سوالف وداعتج

مانطقت ولاحرف بس احس برطوبة دموعهة علة ملابسي واسمع صوت شهكاتهة الي دمرتني بيهن

سمعت صوت الباب الخارجية نفتحت بساع وخرتهة وكمت علة حيلي طلعت بلحديقة جان اشوف صهيب و ويا ثنين زلم واحد لابس ملابس شرطة والثاني شيخ معمم بس اضاهر من جماعة الوقف السني
يعني قتنع لحمد لله
اجة قريب علية جان يكلي ماصحت
اي صحت
طب جوة يفتح اديهة لكاني فاتحهن جر جرجف من لقنفة كللهة ستري روحج بي
طلع للحديقة كللهم طبو
تفضل شيخنة تفضل
طبو الزلم ليجوة وصهيب نطا جنسية ليان واني طلعت جنسيتي من لمحفضة ونطيتهة الة
عقدلنة علة طريقتهم بد

اخلي مامقتنع انو لعقد صحيح بس هدئت نفسي وبداخلي احجي وية روحي
اهم شي بلزواج هوة لنية وماطول احنة ننطق الشهادتين ونبينة واحد وربنة واحد معناهة خلص
وليان مابطلت بجي اشوف بس دموعهة الي ينزلن من عينهة كبل للكاع
من شفت منضرهة احس غصة بداخلي وخنكتني لعبرة اريد ابجي
ابجي عليهة وعلة حالهة لان الي صارلهة شي صعب مارضا علة اي انسانة حتة لو مااعرفهة
بلذات اذا جان باسم الحب يعني فوك ماخسرت شرفهة
صدمتهة بلأنسان الي حبتة ووثقت بي سنين
ااااخ لو يوكع بيدي
كمل لشيخ وصهيب حاسبة ماخلاني ادفع ونطة شكم فلس للشرطي لان شهد علعقد وسد الباب وراهم واجة
كلي
مبين هسة هية صارت زوجتك رغم ماتستحق هاذ الشي بس يجوز ربك كاتبلهة عمر و حب يلتفتلهة
اني ممنون منك خوية بس طلب واحد واذا مانفذتة ذيج الساعة تعذرني علي راح اسوي
كول
ماريد اشوف وجهة ولا حتة صدفة
نحترك تموت امي يموت ابوي ماريد اشوفهة وماريدهة توصل لبغداد نهائيا ولو سمعت ان احد من كرايبنة او معارفنة شايفهة ذيج الساعة تقرة علة روحهة الفاتحة
انشاء الله خوية انشاء الله
سيارتك وينهة
ركنتهة براس الفرع
يلله خوية اخذ مرتك وتوكل
رحت عليهة لزمتهة من ايدهة كومتهة كوة كامت ودموعهة ماوكفن ابد
اخوهة واكف يريدنة نطلع حتة يقفل البيبان
جرت ايدهة مني وركضت شمرت روحهة جوة رجلي وفرفحت
سامحني صهيب ادري اذيتكم بس والله هلشي موبأرادتي صار غصب عني
والله ياخوية موبقصدي هيج اسوي بيكم
وكارهة روحي واتمنة لو هسة تكتلني وتريحني وانتو ترتاحون
ضلت ربع ساعة تبجي ولازمة بنطرونة بس هوة ابد ماحاجاهة ولا ابدة اي ردة فعل
فرفحت كلبي منضرهة يكسر لخاطر تطلب لسماح علة ذنب هية مامسويتة صح غلطت لمن راحتلة بلبيت بس هية لو مامطمأنة من عدة وواثقة بي وتدري انو لبيت مال اختة ومتأكدة من هلشي ماجان راحت

الذنب موذنبهة ذنب الكلب الي ماعدة شرف ولاغيرة ولاحسب حساب عقاب الله

اشرلي صهيب كلي شيلهة
رحت عليهة كومتهة وهية ذبلانة ومنتهية من البجي اخذتهة وطلعنة وين اوديهة ماادري
ركبنة لسيارة واني فكري مشوش وموكادر حتة اسوق وصوت بجيهة وشهكتهة زرف كلبي
امشي امشي ومادري وين رايح وصلت لأطراف بغداد نزلت يم محل اخذت اكل جبس وبسكت وماي وشفت عدة شالات يبيع اخذتلهة واحد نطيتة الهة لبستة بدون ماتحجي لبسهة مامحتشم اول ماعبرنة لسيطرة دخلت بسوك اخذتلهة جبة ونطيتهة الهة
هم فتحت لعلاكة ولبستهة بدون ماتحجي تصرفاتهة توحيلي شكد هية كارهة الحياة وبعد ماكو شي يفرق بلنسبة الهة ولا اكو شي يعنيلهة
ضلت طول لطريق ساكتة واني هم متردد احاجيهة ضليت ساكت
مابطلت بجي ابد
وصلنة يم سيطرة بغداد لأخيرة وراهة نعبر لمحافضة ونطلع منهة
وكفت ونزلت لجامة
هويتك سنويتك
نطيتهن الة
ضل يباوع لوجهي بعدين عاين علة ليان وطول بلنضر الهة كانه دايتفحص ملامح وجهة اني ماستغربت وتبادر لذهني ان يكون من معارف صهيب ويعرفهة الليان
راح علضابط
دقايق واجة هوة ولضابط اشرلي علة مكان اركن بي
داورت لسيارة واني حاط ايدي علة كلبي من دون كل السيارات وكفني شجاي يصير
اجة يمي تقرب علة ناحية ليان اشرلهة تنزل لجامة
نزلت ليان لجامة صفن بوجهة شوية اشرتلة كتلة سيدي خير اكو شي
فتح تلفونة باوع بي وباوع عليهة
جان يكللنة .....

[ملكةه]

بارت 5
داورت السيارة وطبكت بلمكان لكلي علي
اجة لضابط ورانة وكلي نزلو ثنينكم
خير سيدي شكو
هاي البنية شتقربلك
زوجتي رأسن طلعتلة لعقد ونطيتة الة رجعة الي بدون ميشوفة
شنو اسمهة
ليان عمر
ليان عمر محمد ؟
اي سيدي
تفضلو ويانة اشرلي علة سيارة الدورية
سيدي خير شكو
لأخت عليهة بلاغ
هية رأسن ضربت صدرهة وشهكن
بلاغ شنو سيدي
تفضلو ويانة وتعرفون كلشي بلقسم
زين ممكن نلحكم بلسيارة مالتي
لا خليهة تتفضل ويانة وانتة الحكنة بسيارتك
باوعت عليهة رأسن كامت تبجي
مبين لاتعوفني فدوة والله مامسوية شي
لتخافين اني وياج
اخذتهة للسيارة صعدتهة ليورة ولشرطي طب راد يكعد يمهة متت من شفتة رأسن كتلة اني اجي وياكم
شلون اخليهة بدين الشرطة
ركضت قفلت سيارتي واجيت كعدت بصفهة وهية نتهت من البجي والطريق كلة لازمة ادية وترجف تكلي مبين لاتعوفني اني كلشي مامسوية والله
علما وصلنة للقسم مال لشرطة اني نتهيت من التفكير الف حسبة اجت ببالي ساعة اكول خاف صهيب هيج مسوي بيهة ساعة اكول خاف هاذ النذل حبيبهة ساعة اكول خااف هية فعلا مسوية شي
وصلنة للقسم نزلنة وهية لفت وجهة بلشال ماخلت شي يبين منهة غير عيونهة
تخاف لا احد من اصدقاء صهيب يعرفهة
طبينة ليجوة وهية مكمشة بدية كل قوتهة عبالك طفل ولازم ايد امة
دخلنة لغرفة لضابط جان يخابر ضلينة واكفين احنة والشرطي تقريب 10 دقايق كمل مكالمتة واشر للشرطي كلة هذولة شنو
كلة هاي المتهمة بلسرقة ليان عمر وهاذ رجلهة
اشرلهة كللهة كعدي
خير سيدي ياسرقة
زوجتك متهمة بسرقة ذهب يقدر بقيمة 15 مليون دينار عراقي
شنوووو
هية رأسن باوعتلي نضراتهة تكلي اني بريئة لتصدك بي
سيدي ياسرقة الله يخليك
زوجتك سارقة الذهب بيوم 24 /10/2014 ساعة ال6 مسائا والدعوة صارلهة 3 ايام من تقدمت من صاحبة البيت الي سرقة الذهب منة اثناء تواجدهة بي
يابيت ومنو صاحبة لبيت
شال تلفونة تصل
اقل لنص ساعة اجت وحدة شكلهة استخفر الله
ابد موراحة طبت وليان من شافتهة ضلت صافنة بوجهة ومصدومة نضراتهة فستري معرفتهة بيهة وتحفضهة علة هاذ الشي لسبب معين
والضابط كلش متعاون وياهة رحب بيهة وكوم ليان كعدهة بمكانهة
وهية تعابير وجهة تفسرلي خوف ورعب وصدمتهة بلي ديصير

ليان :طبت شذى اخت عامر الي وهمني بيهة وتالي طلعت وحدة موزينة واصلا مو اختة
نصدمت من شفتهة يعني فوك سوايتهم بية هية وعامر هدور يتهموني بايكتهم

كعدت علكرسي وطريقة سلامهة وتعاملهة ويةةالضابط اوحتلي بأنو اكو شي بينهم
وهاذ الشي واحد ماكو غيرة
ستغلت كونهة عاهر حتة تنفذ مخططهة بما انو هية وعامر فلسو من اهلي من سالفة لصور فدبرولهم طريقة ثانية يبتزوني بيهة
بس شريد اسوي اذا هية الموزينة صارت تحرك حتة كراسي الدولة

باوعلي لضابط جان يكولي تعرفيهة
لا سيدي مااعرفهة

متعرفيهة
اي
تكدرين تكليلي يوم 10/24/2014
وين جنتي
ضليت صافنة من كلي شكلة جنت يم عامر الكلب وعتدة علية
ها شو سكتتي
جنت ببيتنة سيدي


كللهة المتهمة شتقربلج
باوعتلة وهية تمثل دور الضحية والمجني عليهة
صديقتي
وشلون سرقتج
جنت مسافرة للبصرة علمود معاملة وامنت مفتاح بيتي يمهة
وهية داخلة للبيت وسارقة كلشي وراجعة قافلتة حتة تداري عملتهة بس الله كشفهة والجوارين حجولي كلشي
ولمن رجعت هية ختفت تماما رحت لعنوان بيت اهلهة طلعو حتة اهلهة ميعرفون عنهة شي ولايدرون بمكان تواجدهة
باوعتلهة واني مصدومة بيهة وبحجيهة
الله اكبر علة راسهة شكد جذابة وجمالة حتة اني نفسي قتنعت بحجيهة بكد ماتمسكنت وحتالت حتة توصل للي تريدة
ومبين واكف مايدري شنو السالفة بين المصدكني وبين الي مصدكهم
ونضراتة فسرتلي الف سؤال وسؤال
اوووووف ياهلأنسان مادري شلون راح اجازي علي سوا والي جاي يسوي
اهلي ماصدكوني وهوة صدكني

لضابط رد عليهة كللهة عندج الي يثبت هاذ الحجي
اي بلي سيدي جواريني كلولي شفنة صديقتج الي تتردد عليج دائما دخلت لبيتج ومحد غيرهة دخل خلال فترة غيابي الي دامت 3 ايام

خوش لعد هسة اصيح الشرطي يطلع دورية وتروحين بصحبتهم لبيت جوارينج الي شافوهة من دخلت وتجيبيهم وتجين حتة يشهدون

لاسيدي عليمن دورية هسة اني اخابرهم وهمة يجون
وفعلا خابرتهم واقل النص ساعة اجو عبالك جانو منتضرين اتصالهة وعلة علم بي

دخلو ثنين زلم ومرية
مبين يعاينلي كأنه يكلي نلاصت

بدة الضابط يحقق وياهم وشهدو وحجو كل الي كالتة واكدو علة كلامهة عبالك حافضي وية الحلفان والقسم علة كتاب الله

اني فقدت من شفت الوضع شلون صار اوووف يربي انتة ماترضة بلضام

باوعلي الضابط جان يكلي ها شنو ردج علة حجي الشهود

سيدي والله كل الكالو جذب ومستعدة احلفلك

باوعتلي شذى بعينهة الصلفة وخلقتهة الي الله ماسخهة من كل رحمة
جان تكلي كالو للحرامي احلف كال اجاني الفرج وتضحك هية والضابط واني بداخلي

افور نتهيت
مابقة غير هلك....ة هيج تسوي بية
جن نشاليت ونركعت بلكاع من

الصدمة ومن الي وصلتلة بيوم وليلة
ضليت بس ابجي ماعرف حتة ارد بس اباوع بعيوني واتنخة الله بداخلي واحاجي
ومبين لحد لان ماحجة بس واكف يتفرج بعدة تحت تأثير الصدمة
اووف ياهلمسكين تورط وياي

لضابط كلي عندج احد من اقاربج جوارينكم يشهد بتواجدج بلبيت اثناء وقوع السرقة

اي سيدي
حجيت الكلمة وية ماصديت علة مبين تذكرت المصيبة العايفتهة وراي
الله اعلم بحال امي وابوي ويزن هسة شصار بيهم
والله اعلم هسة اني بنضرهم ونضر الجوارين شنو
كافي الصدمة الي تلقوهة من شافو الصور هدور تجيهم صدمة البوكة
ماهان علية ادخلهم حبوس تالي عمرهم والجوارين تعرف بسالفتي
همة خواني الولد عمرهم ماداخلين سجن ولاواصليلة واني البنية اووووف الله يعين كلب بابا هسة
ربي دخيل اسمك وين جنت ووين صرت قبل 5 ايام اني مثل الورد وحياتي تجنن والدنية زاهيتلي بزود خواني وامي وابوي
قطع شرودي صوت الضابط الي يعلن نهاية جلسة التحقيق وية ضميري

ترة ماعدي وقت الصفناتج وراي 100 سالفة غيرج فضيهة عندج احد يشهد لو اغلق المحضر

لا سيدي ماعندي
كلتهة ودنكت راسي واني اعلن ستسلامي ويأسي من اخر خيط امل ممكن ينقذني من مصيري المحتوم

غلق المحضر واجرة اتصال طويل
ونضرات مبين تطالب بتفسير لكل لصار بس شريد احجي واني نفسي مامصدكة الي صار وحاسة كانه بفلم
كلي راح تبقين يمنة محبوسة لحد ماتصعدين محكمة
صاح للشرطي ياخذني ومبين يباوعلي وملامح وجهة كلهة توحيلي بصدمتة بية وكانه ديعاتبني ويكلي شلون هيج

اخذهة الضابط واني لحد الان مادري شصار الصدمة فصلتني عنهم تماما
منو هاي صديقتهة شلون هيج سوت وباكتهة لا ولمصيبة لسرقة صارت بيوم اغتصابهة فاتت من يمي واني كل احاسيسي تلاحقهة وتطالب بتفسير لكلشي
اريد اكللهة لتروحين وتخليني معمي علة عيني مااعرف راسي من رجلية احجي كليلي انج بريئة كافي يومية مصدوم بيج

اخذني الشرطي لغرفة لحبس واني بين الي مصدكة وبين الي مامصدكة معقولة
يربي هيج بيوم وليلة حياتي تنكلب
رفعتني لأخر سمة وفجئة ذبيتني لسابع ارض
ليش ياربي لأن كلبي طيب وماعرف لجذب والحيلة لان حبيت لان وثقت وسلمت كلبي ونيتي جانت صافية
دخلت للغرفة كاعدة بيهة لوحدي لغرفة ضلمة وبيهة دوشك واحد ومخدة وبطانية بس ريحتهن تلعب النفس ومن غير ريحة المكان نفسة هم مقرفة
اني بت عمر المعموري
صاحب اكبر محلات عبي وجبب بلعراق كلة هيج يصير بية
اخت الضابط صهيب تدخل حبوس
ضليت اضرب علة صدري وابجي اتذكر قبل 5 ايام وين جنت وهسة وين صرت
ثقافتي دراستي تعبي علة نفسي مستقبلي المنتضرني كلة راح ينمحي كلة راح يروح
ولاعدي احد يوكلي محامي ولاحتة اهلي اكدر اوصللهم
هاذ كلة بكوم والشرطي الي لمن جابني للغرفة مال لحبس والحركات ولمساتة علة جسمي والحجي الي سمعتة من لشرطة اصدقائة
ليش ياربي ليش اني ليان هيج يصير بية
وينك يزن وينك موطول عمرك ضهري وسندي وتحميني حتة من صهيب

اخذهة لشرطي كدامي واني ضليت افور
طلعت من لمركز واني اجر ذيول اليأس والخيبة
بس بداخلي خوف عليهة موطبيعي
ماجان لازم اطلعهة خارج بغداد بكل الأحوال ابوي مستحيل يستقبلهة واني ماعدي مكان ائويهة بي
معقولة تكون بايكة الفلوس حتة تنطيهن لصاحبهة حتة لاينشر صورهة
اي اكيد ماكو غير هاذ لسبب ليان اهلهة مامقصرين عنهة بشي سيارة احدث موديل ولبسهة مبين ماركات يعني مستحيل تكون اخذتهن لنفسهة
ضليت امشي بلسيارة وافكر
رجعت بذاكرتي لأول مرة شفتهة بعرس مبين يعني عمري ماحاضر اعراس وبيوم قررت احضر ورطت روحي ورطة العمر
عقلي تفكيري كلة منحصر بيهة
احس حياتي متوقفة يمهة
متوقفة يم هلهولة اهل الموصل الي تختلف عن اي هلهولى سامعهة بحياتي كلهة
يم لشعر الاسود الي جنة ليل
يم الجسم الي يتمايل عبالك اكو لحن ويتحرك ويا
يم العيون الي شفت بيهن قصتي
شفت بيهن ضياعي علة اديهة
بس مع ذلك ماخطر علة بالي انسحب ولو خطوة
امشي بلسيارة واتذكر كلشي جمعني بيهة من اول مادخلت للقاعة لحد ماودعتهة و نضراتهة الي تطلب مني اصدكهة وماعوفهة نضراتهة الي تكلي انتة خيط الأمل الوحيد الي الي بهلدنية

مادريت بنفسي غير واني اطبك سيارتي يم بستانة وادخل للبيت بدون حتة ماادك الباب
طبيت والبيت سنطة وماكو احد اضاهر نايمين توجهت لغرفة ابوي دكيت لباب
فتحة الي وهوة متفاجأ لأن بحياتنة ماسويناهة ودكينة لغرفة اثناء تواجد امي وابوي بيهة
طول عمرنة عدنة هاذي الغرفة شي مقدس محد يتقربلة
طلعلي ابوي اول ماشافني تفاجأ
مبين شجابك بهاذ الوكت بوية خيرك شصاير
اخذتة للصالة وفتحت الضوة
بوية صديقي واكع بشدة ومحتاج 15 مليون اذا مادفعهن راح يخسر حياتة
شنو من شدة مبين ليكون انتة هم متورط ويا
بوية شني السالفة شتدري بية صاحب مشاكل
الولد دعم واحد بلسيارة بلغلط واهل المدعوم يردون من عدة فصل وهوة ماعدة
ويريد يتداين مني
ماشي هسة طب نام والصباح رباح
بوية اريدهن هسة لان اني بل4 لفجر اطلع عدي دوام مااكدر اغيب
شيوديك وليدي وانتة بكل لاحوال لجمعة هم لازم

تجي لان المشية مال اخوك عماد
ميخالف بوية اوديهن الة وراجع
طب الغرفة وطلعلي فلوس من القاصة ونطاهن الي
مبين بوية اكيد ذني الفلوس لصاحبك
يا بوية شني السالفة جا وين اوديهن
هاذهو وليدي بس ردت اتأكد
بعدنة نححي طلعت امي
هلة بشمعة بيتي تعال يبعد امك
رحت عليهة شميتهة وحضنتهة اوووف ياريحة الجنة شكد مشتاقلج ماجن 5 ايام فاركتج عبالك عمر
بست امي من راسهة وطبيت لغرفتي نزعت ملابسي وتمددت
لساعة ب12 ونص تعبان حيييل ميت بس اذا نمت ادري بروحي بعد مااكدر اكعد بل4 لفجر
طلعت مبايلي بي صورة اليان اني طكيتهة الهة بيوم عرس يزن شلون هيج سويت ماادري
حتة ناسي هاذ لشي
اباوع علصورة شكلهة ماواضح لأن جانت تركص بس جسمهة اااااخ
جسمهة يجنن ضعيفة بس مربربة يعني ضعفهة موبقباحة مثل البنات الويانة بلدوام
صفنت عليهة شسوت بية هاي البنية
رغم لليوم مادار بيناتنة حديث ولاحتة اعرف افكارهة شخصيتهة
بس مدري ليش اضعف كدامهة ينتابني شعور مااكدر اوصفة عبالك كهرباء وتلزم جسمي كلة وماالكة روحي غير واني اذب روحي بلنار علمودهة وماابلي لأي شي
لاسمعتي لا اهلي لاخوفي من ابوي
كل الي اريدة انو هية تكون بخير وخلص

ضليت بلحبس واليل كلة مانمت خايفة من مصيري الي راح اواجهة دخيل اسمك يربي شنو الجرم الي سويتة وهيج بيوم وليلة نكلبت حياتي سودة مصخمة
يمي بطل ماي توضيت بي وضليت اليل كلة اصلي واندعي وابجي هاي اول مرة بحياتي اصلي ومادري اذا صليت صح لو غلط بس اني نيتي صافية والحجي احسة يطلع من روحي مو من حلكي
لل4 لفجر اني ابجي ليلة سودة مرت علية بحياتي ماحاسة بهلخوف طول عمري عايشة بزود اهلي مترفة ومرفهة والدنية بلنسبة الي لبس وطلعة وونسة اول مرة اوكع بشدة اول مرة اتنخة بلله واحتاجة من كل كلبي
بل4 ونص طلع لضوة واني كاعدة

بل4 ونص صليت وبدلت واخذت الفلوس وتوجهت لبغداد راسي ثايل وتعبان كلش صارلي سبوع لاليلي ليل ولا نهاري حياتي نكلبت فوك حدر من شفتهة لليوم الدنية وكفت عدي هناك ببغداد دنيتي عفتهة يمهة
وصلت لبغداد ساعة بل9 ونص بوجهي للمركز طبيت نطيتهم الفلوس واجت صاحبة الدعوة تنازلت عنهة
بس بقة الحق العام ومحكمتهة يوم الخميس هاذ الي فتهمتة من لضابط طلبت منة اواجهة كلي ماكو مواجهة لحد ماتنحكم يلله
رجعت للسكن والدنية ضايكة بعيني ويزن من يوم لصار ادك علي مايرد ومادريت عنة كلشي
طبيت سبحت و بدلت صليت واكلتلي لكمة رحت للصف مالتي لطلاب اصدقائي كلهة تسألني وين جنت ووين هلغيبة اخذت محاضراتي الفايتاتني ورحت للأساتذة طلبت منهم يعيدولي لأمتحانات الفايتتني وبلكوة يلله قنعو خلص لدوام طلعت تغديت وصليت نمتلي ساعتين كعدت لعصر علة صوت تلفوني ابوي يدك علية يريد يعرف شوكت اجي علمود المشية مال عماد
ها بوية بس اروح اشوف صديقي واجيكم اليوم
لا وليدي خليهة علة باجر من غبشة تعال بعد راح تليل الدنية
ماشي بوية ماشي
شصار علة هاذ صاحبك
لحمد لله فضت
نهيت لأتصال ويا
طببت للحمام ذبيت علة روحي مي وبدلت بوجهي لبيت يزن بالي يمة اريد اشوف شصار ماصار بغيابي حتة والدتة مادريت عنهة صارت زينة لا
اخذت سيارتي ورحتلهم وصلت لمنطقتهم بعدني براس الفرع شفت

[ملكةه]

بارت 6
طبيت لفرعهم جان اشوف
قطعة مال حداد مكتوب بيهة اسم ليان واسم ابوهة
لا يا الله ابوهة مات انا لله وئنا اليه راجعون
الله يساعد يزن
تاريخ الوفاة 30/10/2014
يعني ليوم ثالث
تقربت عليهة قريت عنوان القاعة الي مسوين بيهة الفاتحة
لاوفت سيارتي وتوجهت للعنوان وكلبي معصوور حيل يعني صهيب سواهة ميتة
الله يعين كلبك يزن اختك وابوك مرة وحدة
اكيد ابوهة مات من قهرة عليهة
وصلت للقاعة نزلت وبداخلي رهبة ومستحة من يزن لأن بهيج محنة لمفروض اني اول واحد اكون يمة
اول ماطبيت صار بوجهي صهيب واكف بلباب يسلم علناس الي تدخل
تقربت يمة مديتلة ايدي وكتلة
البقاء في حياتك الله يجعلهة خاتمة لأحزان
هوة بس يحرك ايدة مانطق ولارد علية بس نضراتة عكستلي انكسار موطبيعي رغم هوة جبل بعنفوانة وجبروتة ومتهزة ريح بس لأنكسار واضح بملامح وجهة
باوعت اكو بصفة واحد كاعد علكرسي ومدنك ركزت بي هاذ يزن
تدنيت علي كعدت بلكاع يم رجلي
اول مااجت عينة علية شمر روحة علية من لكرسي وفرفح
ولك مبين ابوي مات راح سندي وضهري راح بركة البيت راح لجبل الي جنت استند علي لو ردت اوكع
حضنتة ودموعي متزجن وية دموعة بجيت بجي مال سنين دموع ياما خافيهن بسبب كلمة الزلمة عيب يبجي
الي عودنة عليهة ابوي لحد مانملت كلوبنة حصرات بكد مانكابر ونضم بداخلنة
يزن حاضني وجسمة كلة يختض
متت علي ياريت لو بيدي شي اكدر اقدمة الة وامحي هاذ الحزن ولهم من كلبة
ابد مايوم حسيتة صديق طول عمري عادة اخو ويجوز اعز
الوحيد الي حبني من الجوهر مع انو عائلتهم مثقفة وواصلة
بس هوة الوحيد الي ماعيب علية وعلة حجي بأول مرحلة من اجيت من العمارة
ووكتهة صرت حديث الشعبة
او بلأحرى حديث القسم كلة
لوحيد الي ماستهان بية لأن جنت ماعرف البس مثل ولد بغداد
اجة صهيب جاب كرسي حطة بصف كرسي يزن وندسني من جتفي اشرلي علي كلي اكعد
بست يزن من راسة وكعدت علكرسي واني امسح دموعي الي غركن وجهي
صهيب كعد بصفي من لجهة لثانية ومبين وكف وتدنة ليكدام شوية يسلم علناس
صهيب تقرب يمي جان يكلي
مبين ليان
ميتة لتخاف قريت القطعة قبل مااجي
بس ليش هيج سويت صهيب ليش مادبرتلك حجة احسنلك هيج خسرت ابوك
مبين شتحجي انتة ترة ابوي مامات عليهة
لصور وصلن لتلفونة وورة مارحتو انتة وياهة رأسن خابرني يصيح ومفرفح
رحت لكيتة واكع بلمحل ولعمال ملتمين علي اخذتة للمستشفى


طلع عدة جلطة وانسداد بلصمام
ماطول بلمستشفى يوم واحد ولثاني نطاك عمرة ااااخ ياليان وحق محمد هسة اذا اشوفهة كدامي اكتلهة خلاص ومااتردد لحضة
حياتنة عائلتنة كلهة تدمرت بسببهة
ردت احجيلة سالفة لبوكة لمتهومة بيهة كلت بلكي بمعرفتة يحلهة
بس من شفتة شلون كارهة وحاقد عليهة جريت بوش ونسيت السالفة
ضليت كاعد اقل لساعة وسلمت علة الولد ورجعت للسكن
لطريق كلة افكر بليان وردة فعلهة لو درت بأبوهة ميت ادفع نص عمري وابقة محافض علة هاذ السر ولا اخليهة تدري بي
افضل الموت على انو انقل هيج خبر واشوف ردة فعلهة وهية تتلقة خبر فقدان انسان ممكن يكون بلنسبة الهة الكون كلة
لأن الي يكون بلسجن ويخسر شخص عزيز علي تكتلة لحسرة علي لا حضرت فاتحتة لابجت وفوخت كلبهة
اوووف ياهلبنية شسوت وهيج يصير بيهة
وصلت للسكن
غيرت ملابسي لأت جنت لابس بنطرون ضيك وبدي وذني عد ابوي ممنوع
ركبت سيارتي وتوجهت للعمارة لأن لدنية ضاكت بية حييل ومابية اتاني لباجر اذا ابقة هنا يمكن مايصبح علية لصبح من لتفكير والقهر
لطريق اضلم وقلة سيارات يمشن بهيج وكت ولجو حلو بارد
اجت ببالي ليان هاي وين تتحمل لسجن وجماعتنة عدهم كل وحدة تدخل سجن يعني موزينة خايف عليهة حييل من لسجن والبي الله اعلم هسة شصاير وياهة
شسوت بروحهة هسة يربي هوة لسجن زلم ماتحملة
ساعة ب11 و40 دقيقة وكفت سيارتي بباب بستانة ونزلت منهة
طبيت للبيت سنطة والكل نايم بس امي بلمطبخ تنكع باكلة حتة ثاني يوم تستوي بساع

وكفت وراهة واني هموم لدنية فوك راسي بس من لاحلي ثوبهة وشيلتهة وكفخت خشمي ريحة الهيل والمسج والعنبر البيهة نسيت كلشي وجن كلشي ماصاير وياي
نسيمة ااااخ ياحضنهة بي حنية تخليني مجرد ان اتقربلة ارجع طفل وبس بدي اشكيلهة واحجيلهة لان ادري بيها تسمعني للأخر ومتقاطعني ابد تخليني افرغ كل همومي ومن اخلص تعقب علة كلامي وتكلي هنا انتة غلطت وهنا تصرفت صح وتكعد تنصحني وتوجهني
صح مادارسة بس عقلهة يوزن بلد ودائما رئيهة صح وكل الي تكولة الي يصير
ندارت علية جفلت من شافتني بس ماابدت اي ردة فعل غير لابتسامة
هاي لأبتسامة الي اتيه بيهة والي تخفي وراهة همهة ومشاكلهة وية ابوي واهمالة الهة وتهديدة بلزواج عليهة وحدة حلوة وزغيرة وتداري وووو
دائما تداري الي بداخلهة وتخفي بهاي الابتسامة لأن متحب تشيل احد همومهة شعارهة بلحياة كل واحد البي مكفي
همك علة كلبك لايزي

د ولاينقص لو شما تشكي والنار ماتوجع بس صاحبهة
صح عبارات بسيطة بس تنم عن

عقل ووعي وثقافة اكتسبتهة من تجاربهة بلحياة ومن معاشرتهة لأبوي الي هوة عبارة عن كتاب ويومية تطلعلهة صفحة جديدة مرات تكون هلصفحة حلوة ومفهمومة ومرات تكون مرة وغامضة
فتحت اديهة كبل رحت عليهة حضنتهة وبدون سابق انذار نزلت دموعي
الي عمرهن مانزلن بهاذ البيت ولاعمر احد من عائلتي شاف دموعي
انتة الشيخ مبين جبير عمامك واخوتك عيب تنزل دموعك بس لنسوان تبجي والدموع تزغر الزلمة وتطيحة من عين اهلة وربعة
من اني طفل ربيت علة هاذ المبدأ والمفهوم الخاطأ الي ينم عن جهل وقلة ثقافة ووعي

بست ايدهة وراسهة
نطتني كلاص ماي وكعدتني علكرسي وطمأنت انو اني مابية شي وتمام
يلله سألتني شجابك بهاذ الوقت يمة ابوك موكالك باجر لصبح تعال
ماحطيت عيني بعينهة لان تعرفني من عيوني اذا ضايج ومهموم
يمة اجيت ليوم لأن باجر ابوي يحتاجني موراح يسوي غدة وذبيحة ويعزم الوادم ماترهم ابنة لجبير مايتواجد ويجي وكت لضهر فشلة
ماقتنعت بكلامي لان تعرف طريقة تفكيري وتدري بية هاي السوالف اخر همي
كلتلي احطلك عشة
جوعان حييل بس ماردت اتعبهة
لايمة متعشي وشبعان
تانيتهة راحت فتحت لثلاجة وطلعت فاكهة وجبن وتمن ولحم زايد من لغدة دست بيهن فد دوسة صارلي سبوع ماماكلي لكمة مثل لاوادم كلة لفات من لشارع
كملت رجعت لأكل لمكانة وشطفت ماعوني وصعدت لغرفتي بس شمرت روحي علجرباية راسن غفيت بملابسي وحذائي
لفجرية حسيت امي كعدتني علمود لصلا بس مابية اكوم لحد ما أيست مني وعافتني
حسيت احد ينزعني بحذائي
سمعت صوت طفل ووحدة تكعد بية
فتحت عيني بنين وشايلة اخوهة الزغير والوحيد مصطفى
ادري انتي اخت العريس لو لعروس
انة اختهم ثنينهم
ها شيخ مبين شلونك لحمد لله علسلامة
الله يسلمج
صح لنوم جا شهني لشمس طلعت وانتة لساك نايم
تعبان بنين تعبان
انشاء الله عدوينك شنهي التاعبك
باوعت بعينهة شكللهة تزوجت وانتي مخطوبة الي وتنتضريني وبانية احلام وردية
اووووف شكول عليك بوية
كمت اريد اطلع للحمام
ها احضرلك لدشداشة والشماغ
لاعوفيهن اني اطلعهن
شلونهة بغداد
زينة
شلونهن بنات بغداد
زينات يسلمن عليج
يا شنهي يسلمن علية ليش انتة تحجي وياهن
لا
اي جا هلكول انتة ماتحلة بعينك غيري
ياربي شكد تحب تسولف وتحشر نفسهة عفتهة ورحت للحمام سبحت و رجعت لكيتهة لامة فراشي ومعدلة لجرباية ومطلعلتلي دشداشتي وشماغي ولعكال والعبا
عليمن مطلعة لعكال والعبا شعدنة فصل
لا موهيج بس انة احبهن عليك
مرات انقهر عليهة عايشة الحضة وحاسة روحهة عبالك صدك مرتي
بس موصوجهة بهلشي
صوج ابوي الي من اجي من بغداد لحد ماارجع
كلسا يكللهة
شوفي رجلج شيريد كعدي يم رجلج سولفي وية رجلج فرجي رجلي تعبان
شنو مصيرنة اني وياهة ماادري
نزلي بنين عفية اريد ابدل
لبست دشداشتي وخليت الدكم لبست لساعة وتعطرت واخذت لبسحة ونزلت جوة
لبيت مخبوص نسوان وجهال سلمت علكل حتة لجهال بوستني
وتوجهت للديوان لكيت خواني وولد عمام ابوي وعمامي وولدهم
ماعدا عمو محمد علة عتبار هوة ابو البنية
سلمت عليهم وكل واحد يكمشني يضل ساعة يبوس بية ويسأل وشلونك وشعلومك ومشتاقين
كعدت بصف ابوي لازم هنا اكعد حتة يضل يلقني ويكلي احجي هيج وكول هيج
احاول اسمع كلامة رغم هلشي حييل يأذيني بس شسوي ابوي ويخاف علية يريد يثبت وجودي لأن خايف لا واحد من عمامي يكون حاط عينة علة مكان ابوي ويريد يصير لشيخ من بعدة فيحاول بصورة غير مباشرة يكللهم انو مبين هوة لشيخ
كملن لنسوان لغدة



ونكلنا اني وخواني وولد عمامي مفطح ولبن وخضرة وطرشي وفاكهة ومي وببسي
اكلنة وكملنة وراهة صعدت لبست عكالي ولشماغ



حسب توصيات الوالد وتوجهنة نسوان وزلم البيت عمي محمد الي هوة بصف بيتنة
طبينة لكينة خوال البنية وولد خوالهة رحبو بينة وبعد لسلام المطول
كعدنة وبدة ابوي يحجي شكليات لأن هوة وعمي متفقين علة كلشي بس باقي انو يعلنون هلشي كدام لناس
لحاضر 20 ولغايب 25 وبستان يتسجل بأسم فاطمة والهة هايشة هم تصير ملكهة هاذ من ضمن المهر الي ماسوف الة كل داعي لأن اول وتالي هية بنضر عماد خدامة وتخلفلة جهال هاذ مبدأة ونضريتة بلحياة عن الزواج

تفقو علة كلشي ورحنة اني ورائد اخوي جبنة لشيخ عقدلهم وبدت هلاهل لنسوان نسمعهة من جوة وطلعنة كلنة برة وعتلك الرمي
اني بطبيعتي احب ارمي بس طلقة وحدة لوثنين مو اكثر
ابوي صاحني نطاني رشاشة وشاجورهة مليان كلي كلة ترمي
حجيت ويا ردت عالجت كلتلة احنة منطقتنة مفتوحة حاف احد يتأذة بلرمي مارضة راسة والف سيف عبالة المراجل بهاي السوالف
نفذتلة مبتغا ورميت لشاجور كلة حسيتة فرح كلش عبالك ماخذ كأس العالم
سلمنة عليهم وماضل واحد ماعزمني علعشة وعلغدة ثاني يوم
رجعنة للبيت وبنين ويانة عبالك بتنة

ثاني يوم الي بلسجن نقلوني لغير مكان ببغداد ((لاتذكر اسماء الأماكم تحفضا على الابطال ))
دخلوني لسجن جبير كلش طببوني بغرفة بيهة ثنين بنات وحدة سمرة حيييل ووحدة عادية بس عينهة عورة متشوف بيهة اول مادخلت للمكان لزمتني رجفة موطبيعية وجسمي

صخن ووجع موطبيعي براسي نتهيت
لبنات ماحاجني ابد ولاتقربلي بس اشكالهن ومنضر ملابسهن المشككة واديهن عليهة اثار ضرب وحتة وجوهن بيهة زراك وصاختهن والريحة الي تنبعث منهن وكفشاتهن
تكفي ان تخليني ارتجف من لخوف
لليل ماتحملت الوضع نهاريت وخصوصا اني لحد لان مادخلت لكمة بمعدتي
اغمة علية ونقلوني لمستشفى وهاذ لشي وحدة عيشني برعب موطبيعي خفت لايشوفني احد من معارفنة واقاربنة وتذكرت حجي صهيب من كل لمبين ماريد اشوفهة واذا اسمع احد شايفهة تقرة علة روحهة الفاتحة
طلع عندي هبوط حاد شكلولي مغذي وعلاج وشي
خليتهم يطلعوني علة مسوليتي من لخوف ماردت ابقة بلمكان ابد
رجعوني للأسوء
كعدت بلغرفة واني اخاف حتة ارفع عيني واباوعهن يجوز يكونن زينات ومضلومات مثلي بس احنة هاي نضرتنة عن كل الي بلسجن وبلأخص هنة اشكالهن مريبة
وتثير الشك وعدم الأطمئنان
ساعة بل9 اجة شرطي صاح اسمي
وكلي محكمتج تقدمت باجر لساعة بل10 لصبح هنا بدة الخوف لحقيقي
كل الايام الي مرن علية من غتصاب عامر لنذل الية لحد هاي الحضة بكوم وهاي اليلة الي قضيتهة واني انتضر لحكم الي راح يصدر بحقي بكوم ثاني
اليل كلة ابجي واناشغ بسكوت اخاف اطلع صوت وافززهن
اريد الهوة يدخل لزردومي ماكو اكثر من مرة ختنكت ووصلت مرحلة عيوني تكت دموع وبلمعجزة يرجع لهوة يفوت لصدري وارجع اتنفس بس ماغمضت عيني للصبح ولابطلت بجي ومايجي بتفكيري غير حبل المشنقة والمؤبد
ليلة اسود من اي ليلة مرت علية بحياتي كلهة ضامة راسي بين رجلية واشهك بس موشهكة عادية لا شهكة موت احس روحي تطلع وياهة ساعة بل7 لصبح نفتح لباب وطببو يمنة 4 بنات ضلن لبنات الي موجودات وياي يسألن بيهن ويتعرفن عليهن طلعن جايات
بتهمة التحرش بيومهة اول مرة اسمع انو بنية تتحرش ببنية
من ل7 لحد ل10 عشت عذاب الله وحدة يعلم بلي مر علية والي حسيتة بهاي الساعات
احس لدقيقة تمر بسنة بين خوفي من ذني لجديدات الجابوهن وبين الرعب العايشتة بسبب الحكم المنتضرني
لحضات مرت علية اخذت من عمري جزء كلش جبير وكبرتني سنين
ساعة بل10 و9 دقايق
نصاح اسمي كمت واني احس كل قطرة بجسمي ترتعد وترجف
اريد افتح حلكي واحاجي ربي اندعي مااكدر عبالك حلكي تخيط
شراح احجي بلمحكمة وشراح اكول مادري
اخذوني بسيارة اني وشكم بنية
كعدنة برة لغرفة وبدو يصيحون اسمائنة وحدة وحدة وكل الي تطب يطب المحامي مالتهة وياهة وهوة يلقنهة ويعلمهة الحجي الي تكولة كدام القاضي والي تنقذ نفسهة بي
واني ااااخ ياحالي اريد عيوني بس تبطل بجي حتة اهدئ وادخل طبيعية ماكدرت

صاحو اسمي بين ماوصلت للمكان الي اوكف بي اني منتهية احس حيلي باد وبس اريد اتناوش الكاع واكعد
وصلت يم القاضي كاعد ورة ميز
ندار علة واحد بصفة
منو مترافع عنهة للدفاع
ماعدهة احد سيدي
ضل يكلب بأوراق كدامة دقايق وصاحو اسماء طبو ثنين زلم نفسهم الي شهدو لشذى
قسمو علقران وشهدو بلي صار وكررو نفس القوانة
لقاضي كال
بعد ان تم التنازل عن الدعوة من قبل صاحبتهة بعد ارجاع قيمة المسروقات اعلن انا القاضي محمد سلام الأعرجي واصدر الحكم المقرر من محكمة (( ))
على المدعية ليان عمر بلسجن 6 اشهر للحق العام للدولة
شنوووو 6 اشهر بس
اريد اوكف علة حيلي موكادرة بين صدمتي بتنازل شذى عن الدعوة
وبين صدمتي بلحكم الي اخذتة
كل اجان ببالي والي ساعمتة من صهيب لسرقة ميقل حكمهة عن تلث اربع سنوات هاي السرقة لبسيطة مو اني بايكة 15 مليون
صعدت بلسيارة وياي لبنات بين الفرحانة بلحكم وبين لخايغة
6 اشهر اوووف يربي شراح يكضيهن
واني الي كاضية حياتي طلعة وونسة وسفر شلون راح اكدر استحمل السجن وكلة بكوم وخوفي من لبنات الي وياي بكوم ثاني
قاطع تغكيري لشرطي وهوة يكول يلله نزلن خاتونات
نزلنة ويم لباب لداخلية واكفة بنية تفتح الكلبشان من ادينة
وتنطينة ملابس الزي الرسمي مال اسجن الي محد تلتزم بي وكل وحدة لابسة شكل

طببونة للغرف الي جنة بيهن
منا بدة مشواري بلسجن وايامة التعيسة الي ماادري شلون راح اكضيهن

لعصر طلعت افتر بلكاع ورحت يم الحلال
شفت الهوايش والجواميس لكيت لهايشة مالتي ابوي بطبيعتة اي واحد يجي للدنية يسمي واحد من لحلال بأسمة بس اني من اجيت صدفت ماكو عجل سمو بأسمي هايشة
لكيتهة جايبة ثنين نثية وفحل
ضليت للمغرب افتر اذن رحت للبيت جاي اصلي بغرفتي طب علية ابوي
ها مبين عمك محمد مو عزمك علة لعشة
طبعا نص لعشيرة عزموني بس هوة يريدني اروح لعمي محمد
كوة كوة يريدني احب بنين يدري بية ماهاويهة بس يغشم روحة
واني هم اجاري ماعدي حل ثاني
كمت بدلت ورحتلهم ...

[ملكةه]

بارت 7
رحتلهم للبيت رحبو بية وعمي كاعد يمي هوة ومرتة وبناتة وكلسا يتشاورن كدامي هنة وبنين ويباوعلي
شوية وكللهن عمي كومن صبن العشة اقل لربع ساعة وحطن لسفرة كباب شوي وتشريب لحم وزلاطة ولبن وخضرة
اني بلغدة دست حييل وهمة من ل7 ونص صبو لعشة فما اكلت هواي وبنين وية ماكمت اغسل لحكتني بيدهة لخاولي
كتلهة حطي هنا وروحي كملي عشاج
لا كملت انة
ضلت واكفة يمي وعينهة علة ادية شلون اغسل بس عوزهة تكلي جيبهن اني اغسلهن الك
كعدت شوية شربت جاي ورجعت للبيت عمي لح راد كتلة تعبان اريد انام
رحت للبيت لكيت الولد ملتمين رائد وعماد وقصي كعدت يمهم وكعدنة نسولف كل واحد يحجي عن دوامة ولبنات الوياهم ووضعة بلشعبة بس نتبهت رائد جان وضعة موتمام مالة خلك يسولف وشكلة يكلي اي
شوية واخذتة للغرفة
اريد افتهم منة شبي حاولت ويا ماقبل يحجيلي يكلي تعبان من الدوام والأمتحانات
ماقنعني بهلعذر بس عفتة علة راحتة مالحيت
طبيت لغرفتي اريد انام ليوم جان متعب شوية
تمددت علفراش
اجت كبال عيني صورتهة وهية تودعني بنضراتهة الي تحاول بيهن توصللي رسالة ملخصهة ضياعي وضياعهة
حاولت انام ماكدرت مجرد التفكير بيهة وبوضعهة بلسجن يقلقني حييل ويضيفلي حمل فوك حمولي
ضليت للوحدة اتكلب بفراشي حسيت صوت باب نفتحت نزلت عبالي امي راحت للمطبخ
بعدني علدرج شفت عماد اخوي طلع برة
صعدت لغرفتي وعاينت من لشباك شفتة يتختل بين لزرع ويتلفت لحد ماصار ببستان بيت عمي محمد وكتهة عرفت مبتغا والي مطلعة بهليل اوووف لويدري بي ابوي هيج يسوي تكوم لدنية ماتكعد
بس كون فاطمة لغبرة ماتطي روحهة لأن بس تسويهة يعوفهة بحجة نطتني تنطي لغيري هاذ شعارة بلحياة
اخوي واعرفة واعرف تفكيرة الوصخ
قريب ال2 نمت وعماد ماطب للبيت

طببونة ليجوة وكل وحدة رجعوهة للغرفة الي اجت منهة طبيت واني امثل كوني طبيعية وماخايفة ماريد احد يستضعفني
كعدت بلغرفة ولبنات البيهة كل ثنين يسولفن سوة وعادي لايفكرن ولاحتة ضايجات مثلي عبالك كاعدات بحديقة عامة ومكان مريح نفسيتهن عال العال
مرن يومين الي بلمكان مااتحرك بس علة كد روحة التواليت الي هية بنفس الغرفة ومابيهة باب بس بردة جرجف معلك وخغيف كلش ولأكل قاطعتة تماما بس مي اشرب
اعاين علبنات الوياي
وكل وحدة تحجي مصايبهة وهية مفتخرة وتضحك عبالك دتكول نكتة وحجيهن كلش بيئي ولفشار ولكفران مايوكع من حلكهن
خاف شوية جنت متمالكة نفسي من بدن يستعرضن سوالفهن وطيحان حضهن
كلش لخوف خلاني لنفس كوة اجرة يجيبونة الأكل خالي بصينية مو بمواعين تمن وفوكا مركة يتكومن كلهن عليهة عبالك سباق ياكلن بشراهة موطبيعية واني اضل بس اباوع بعيني واتذكر بيت اهلي ووضعنة
ومن يجي اليل اوووف كلشي اتحملة الة كسافة اليل
لغرفة زغيرة 4×4واحنة 7 كل وحدة تمد دوشكهة وتنام واني مايضللي مكان اضل للصبح كاعدة وخاف افرش دوشكي وياهن كل وحدة تكلي مكاني ومحجوز
مابيهن كسرة السجن ابد ولابيهن لخوف من لمستقبل الي ينتضرنة ورة طلعتنة من لسجن لأن اغلبهن محكومات 5 سنين و7 يعني بعد وكت علخوف
مر اول سبوع عادي انام اكعد وبديت شوية اكل وياهن واتدنة علصينية اكللي شكم لكمة بس لأن اخاف منهن حييل وهنة اذا وحدة تاكل هواي يطيحن حضهة وحتة يكتلنهة ويدفعنهة من لصينية
بس وضعي ابد موتمام وكمت شوية شوية اتغير بكلشي نفسيتي طريقة تفكيري لخوف صار مثل المرض بية بليل اتانيهن كلهن ينامن يلله انام اخاف وحدة تأذيني مع انو هنة بدن شوية يتعاطفن وياي ويسولي مكان يمهن انام
لتفكير خلق بدماغي نوع من الشلل كمت مااتجاوب وية الحياة الداير مدايري عبالك لعابة موبشر وين اولي لوطلعت من لسجن بس هاذ لخايفة منة
وعدة اول شهر بس كلشي وياي بدة يأزم
اشتياقي لأهلي حييل اذاني بيوم وليلة خسرتهم وللأبد ادفع عمري ثمن وارجع اعيش يوم واحد وياهم
امنيتي احصل خبر منهم
اعرف شحالهم هسة وشصار بيهم
بديت شوية افتهم نضام السجن كل جمعة يطلعونة بلساحة ساعتين الي يلعب رياضة والي يسولفن والي يكونن صداقات من غير غرف واكو مثل لحانوت يشترن من عدة لبنات كلشي يبيع بس اسمعهن يتذمرن من الأسعار لأن غالية ويكولن يستغلوهن
وكل سبوعين اكو موعد زيارة لبنات الوياي بلغرفة يطلعن بيوم لموعد مرات كلهن ومرات بعضهن واني اضل اتحسر علة وضعي
حتة الي عدهن شذوذ جنسي هم يجوهن اهلهن ويسألون عليهن
وبيوم جنت كاعدة اخيط بجبتي طلبت ابرة وبكرة من لبنية العورة اسمهة زهور رغم بشاعة شكلهة بس احسهة كلبهة طيب ومومثلهن حتة حجيهة شوية مابي فشار وكفران هلشي خلاني اطمأنلهة اكثر من لبقية
جان يوم زيارة وكلعادة طلعن لبنات بعد ماصاحو اسمائهن ورة ربع ساعة من طلعتهن من الغرفة اجتي الشرطية صاحت اسمي
ليان عمر عندج زيارة
شنو
عندج زيارة
خاف مشتبهة بلأسم
لامامشتبهة ليان عمر زنزانة رقم 22
كمت وياهة واني لفرحة موواسعتني معقولة يكون يزن ياربي كون يزن فدواتك ربي بس خليني

اشوف واحد من عائلتي
وصلت للمكان واني لكاع ماشايلتني من لفرح وكفت اكو كدامنة يصير سيم مشبج عالي للسكف واصل باوعت بلناس حاولت الكة احد اعرفة ماكو ضليت اكثر من ربع ساعة اتفحص الوجوه واباوع بس ردت المح احد مبين يزن غيرهم
ماكو
ولمكان جان كلش هوسة وكلهة تصيح لأن محد يسمع لثاني بسبب الضوضاء وعدد الناس
درت وجهي واريد ارجع
سمعت واحد يصيح اسمي
نداريت ورجعت لمصدر لصوت بعدني ادور بلوجوه صار كدامي مبين مادري شصار بية من شفتة بدي اعبر السياج البيناتنة واحضنة الي حسيتة ساعتهة مثل احساس الشخص العايش بغربة ويشوف واحد من بلدة
كلمات الشكر كلهة مستحيل تكدر تعبرلة عن امتناني الة
عن الفرحة الي خلاني اعيشهة من بعد ماصار اليأس يخيم علة حياتي
وكفت كدامة واني اضحك من الفرح

كعدت ثاني يوم لسبت ساعة بل9 لصبح تريكت وسلمت علة اهلي وتوجهت بسيارتي لبغداد هواي دروس فاتتني وهاذ لسبوع لأساتذة راح يعيدولي الأمتحانات الغاتتني
وصلت لبغداد وثاني يوم داومت ورحت لصفي لكيت يزن مداوم ولولد ولأساتذة تاخذ من خاطرة
شكد اكره روحي من اتذكر انو اني ادري بليان عايشة وضام علي
بلفرصة رحت للنادي اني ويا
هوة نفسيتة تعبانة كلش وكوة يتجاوب وية الطلاب وكاره حتة روحة
ضلينة نسولف ونحجي عن وفاة ابو ولفاتحة وحجالي عن وضع امة ووضع لبيت بس ليان ماجاب طاريهة
ساد صمت وثنينة سكتنة
دنك علعصير يلعب بلكصبة ويطلع صوت مزعج بيهة خلة سنوني تأذيني
حركتة وترتني حييل
بعدين حط عينة بعيني وهوة يتفحص نضراتي وكأنه يحاول يكتشف كلشي اني ضامة علي
واني اداري بنضراتي من عدة ماريد احط عيني بعينة
جان يكلي مبين ضام علية شي؟
شي مثل شنو
ليان فعلا ماتت ؟
غير انتو تكولون
انتة من طلعت من لبيت ورة ماصهيب اخذهة وين رحت
رحت لل
رحت ورة صهيب مو
لا لا
مبين عليك بداعة الوالدة اذا تعرف شي عن ليان كلي
مااعرف شي صدكني
والله اني جنت ناوي اشوفلي واحد محتاج انطي شكم مليون واخلي يتزوجهة ويستر عليهة هية صح غلطت بس هم احنة لسبب بهاذ لشي هواي دللناهة اني وامي
بس ااااخ يالصور لو ماناشرهن هلكلب ماجان صار كل هاذ
هاذ قدر ربك يزن قابل تعترض علي
خلص لدوام ورجعت للسكن مهموم حييل ضام سر كلش جبير عن صاحبي واخوي الي عمرة ماضم عني شي كاره روحي بسبب هلشي بس شسوي مجبور
حياة ليان مقابل هاذ الشي
مر علية سبوع منين مااندار اشوفهة وين ماروح وين مااطلع تتراوالي كبالي مدري شسوتلي عبالك سحرتني صرت اشوف ملامحهة بوجوه الناس ادمنت علة صورتهة الي بتلفوني 24 ساعة مكابلهة واباوعلهة ومن اشوفهة ترجع بية لذكريات لعرس يزن وارجع اتذكرهة قبل واسافر بعالم لذكريات للحفلة ولشكلهة جسمهة ولبسهة حركاتهة شخصيتهة الي توحيلي انو هية برج لأسد لأن كل اصحاب هاذ لبرج يتمتعون بحضور وكريزما ملفتة وجذابة
تانيت لخميس اجة رحت للسجن سألت بطلاع الروح يلله نطوني خبر
طلعت صاعدة محكمة من يوم لأحد ومحكومة 6 اشهر فرحت لأن لحكم جان مخفف نوعا ما جنت اتصور بلقليل تحكم سنة
سألت علزيارة كلولي كل سبوعين وبيومهة جان موعد زيارة لصبح يعني لازم اتاني فد سبوعين مرن هلسبوعين واني مالي واهس كلشي بلحياة بس اريد اشوفهة مشتاقلهة
اي مشتاقلهة كلش
جان يوم زيارتهة كعدت من لصبح بدلت وتحضرت وستعديت ركبت سيارتي وتوجهت للسجن بعدني ستوني عبرت منطقتنة خابرني يزن
ها حبيبي يزون
مبين لحكني
شكو خيرك
امي ماجاي تشوف بعيونهة واخذتهة للمستشفى
اااخ جن واحد وشالني وركعني بلكاع من كلي هيج ولمصيبة كل الي يصير بي اني اول واحد ادري لأن يعرفني مستعد افوت بلنار علمودة واتفدا بروحي
بس لسر لضامة علي مخليني عايش برعب اوووف لودرة يزن شنو راح يكون موقفة مني

لفت لسيارة ورجعت للمستشفى
لكيتة منهار ويبجي حضني واحسة مات بين ادية يبجي ويكلي
مبين راح اموت واني اشوف عائلتي يرحون من ادية واحد ورة الاخ
كوة هديتة وزوجتة هم موتت روحهة علة عمتهة

لدكاترة كالو تصيرلهة عملية بلخارج شوية فرح يزن وبدة بستعدادات السفر وورة سبوع سافرو هوة وزوجتة وامة طلب مني اجي وياهم بس كتلة مااكدر علمود امتحاناتي
تانيت السبوع مشة بفارغ لصبر واجة يوم لسبت كعدت من لصبح بدلت وتوجهت الهة طبيت للمكان واني عيوني تدورهة شفتهة وتهت بتفاصيل شكلهة الحزين الي تعتلي نضرة الكأبة واليأس من صرت كبالهة فرحت حييل وردة فعلهة خلتني طاير موبلكاع

[ملكةه]

بارت 8
صارت كبالي والفرحة تارسة وجهة اول مرة اشوفهة فرحانة من عرس يزن لليوم كضتهة بجي فرحت من شفتهة لأن حسيت جيتي الهة قيمة يمهة حسيتهة متلهفتلي مثل ما اني متلهف لشوفتهة تدنيت يم لسيم كلش
وهية هم تدنت
خليت ادية بلفتحات البي وبدي اتلمس ملامح وجهة كلهن مليت واني اشوفهة بس بخيالي
شلونج ليان
لحمد لله عايشة
انتة شلونك
لحمد لله زين
اهلي شلونهم شخبارهم
ضليت ساكت واني احاول الكة اخبار زينة عنهم حتة انقلهة الهة بس للأسف كلشي يخصهم ممكن يأذيهة ويحطمهة
ليش سكتت مبين حجيلي اهلي خوما بيهم شي
همة زينين كلهم ومابيهم شي بس
شنو
انتي بلنسبة الهم ميتة ومحد يدري بيج عايشة غيرنة اني وصهيب ولسبب تعرفي اعتقد
دنكت وهية تحاول تتماسك نفسهة وتضم عيونهة عني حتة لااشوف دموعهة
رفعت راسهة وعيونهة مغرغرات جان تكلي
مبين ابوي زين
اي زين
اكيد
اي اكيد
وامي خوما بيهة شي
لا مابيهة شي
وشسوت من درت بية ميتة
حزنت حالهة حال اي ام تتلقة هيج خبر
زين خوما احد درة بلسالفة
لا محد درة تدرين بصهيب شكد متحفض علموضوع
انتي شلونج بلسجن وضعج شلونة
يعني داحاول اتعايش وية الوضع واتقبلة
جاي تحجي وياي خلصت لزيارة وبدو ياخذون السجينات وهنة يحجن وية اهلهن الي يعلون صوتهم وهمة ينقلونهن اخبار مهمة نسوهة اثناء السلام والسؤال عن بعض
واني تاه الحجي مني مادري شكللهة مشتاقلج لو راح اشتاقلج
ماريدهة تروح لان شوفتهة ماروت الشوق والعطش الي بداخلي
جنت تايه بتفاصيلهة وشكلهة المتغير حييل مدري لأن بدون مكياج مدري بسبب وضعهة
راحت وهية عينهة ونضراتهة تودعني واني كلشي بية يلاحقهة ويحاول يكون صورة واضحة الهة بدماغي حتة اسكت بيهة روحي من تشتاقلهة
طلعت من لمكان وعفتلهة فلوس يم غرفة الأمانات الي يوصلوهن للسجينات من اهلهن
وغير الفلوس ولأكل ميدخل كلشي لاملابس ولااي شي ثاني
ركبت سيارتي واني اغادر محطة كلش مهمة بحياتي بيهة انسانة اخذت حيز كلش جبير بداهلي
اغادرهة واني ماادري اذا ضروفي سمحتلي ارجع مرة ثانية لو لاء
رجعت للسكن واني احاول ابقي ملامحهة كدام عيني وبخيالي حتة لا انساهن منا للزيارة الثانية

رجعت للغرفة واني مقهورة حييل لأن ماصاحو اسمي من وكت كل لبنات اخذن نص ساعة زيارة بس اني ربع ساعة ردت اسالة بعد عن اهلي لأن اجاباتة جانت غامضة نوعا ما
ردت اسألة عن ماما عن يزن ونجاة عنهم كلهم اريد اعرف اخبارهم بس الوقت ماسمح
رجعت للغرفة ولبنات يباوعلي بنضرات غريبة يمكن لأن شافن مبين من بدينة نرجع للغرف وهوة ضل واكف
شوية واجت لمسؤلة صاحتنة اني وزهور
تعالو ستلمو اماناتكم
باوعتلهة واني متفاجأة كتلهة يا امانات كلتلي الي جابوهن اهلج
رحنة اني وزهور وياهة وقعونة كدام اسامينة ونطوني ضبت فلوس
فرحت حييل بيهن صارلي هواي مالازمة فلوس بيدي ومن اشوف البنات يشترن الجمعة من الحانوت كلش انقهر اني الي جنت اشمر بلفلوس تشمر هسة صار الفلس حسرة علية
بس هوة ماكلي عفتلج فلوس يجوز ماراد يحرجني ويحسيني بمنية
رجعت للغرفة واني احسب بيهن 175 الف مع انو هلمبلغ جنت بضرف اسبوع واحد اطيرة بس من نحرمت عرفت فيمة الفلوس وشلون تسير حيات الانسان
طبيت للغرفة وضميتهن بصدري قبل مااطب بس هم مامطنأنة لان مبلغ جبير
احنة ماعدنة لاكنتور ولااي شي نصم بي غراضنة بس اكو بسامير بلحايط نخلي شغلاتنة بعلاكة ونعلكهة بلبسمار وكل وحدة تحفض لون علاكتهة لأن مرات يعلكن بنفس لبسمار علاكتين لو تلاثة
تانيت اليل اجة فىشت فراشي وتضاهرت النوم تانيتهن نامن وكمت علة كيفي شكيت قطعة زغيرة من بطانة الجبة مالتي وخيطتهة غلة شكل جزدان زغير وشديتهة بخيط بركبتي وخليت الفلوس بيهة وخليتهة بصدري
لفيت راسي بلبطانبة واني احاول انام بس موكادرة ضليت استعيد ذكرياتي من جنت طفلة لحد هاي الحضة واتحسر علة كلشي فات من حياتي مرت تقريبن ساعة واني مطية وجهي للحايط لأن احنة من ننام نصير وحدة قريبة علثانية بسبب زغر لمساحة واني اتضايق من هاذ لشي فأدور وجهي علحايط
بهلأثناء حسيت صوت حجي بس علة كيف درت وجهي بحركة سريعة وبدون مااحسسهن بهلشي ختلست النضر من لبطانية شفت شيماء وسحر يحجن بهمس وبلأشارات
بعدين كامن للحمام ثنينهن ووحدة لازمة ايد الثانية ويسون حركات اعوذ بلله عبالك ولد
واني بين المصدكة وبين المامصدكة
واجذب علة روحي اكول يجوز عدهن سالفة شوية وكمت اسمع اصواتهن
صح لصوت ناصي بس اني نرعبت
بكد ماخفت حتة النفس كطعتة
نص ساعة ورجعن كل وحدة لفراشهة
واني اريد النوم يجي لعيني ماكو اريد انسة هلشي وانام ماكو غيرة بتفكيري
صح اني ادري بيهن من زمان بس ليسمع مومثل اليشوف
ومن شفت حركاتهن كمت كلش اكرهن واخاف منهن
صار لصبح كعدن عادي يسولفن ويتريكن طبيعي واني من داخلي احترك ومنضرهن ميروح من بالي
اكو خبر تسرب للسجن الجمعة الفاتت من طلعنة بلساحة لبنات تناقلنة وسمعت انو
راح يجببون تلفزيونات وستلايت

ات للغرف
كلش فرحت موبس اني حتة البنات الوياي وفعلا يومين وجابو التلفزيونات ونصبوهن بلغرف هنة سابقن جان موجودات بلغرف حسب حجي زهور بس لان قديمات بدن يعطلن اكثر من مرة لحد ماذبوهن كلهن وهسة جابو جديدات
وخلولنة مبردات هم
صار للمكان شوية مريح بس لخلافات علتلفزيون والقنوات متخلص اني اسكت وماعدي مشكلة واي قنا يطلعن عادي المهم شي اتسلة بي واضيع الوقت
بس هنة يدورن المشاكل من جوة الكاع
وحدة تريد هندي ووحدة تريد تركي ووحدة تريد مصري وتكب لعيطة يومية ويصيرن ممالخ من الروس واني اتكتر علة صفحة واضل اباوع عليهن وعلة تصرفاتهن عبالك من المغول

وعدة الشهر الثاني والوضع كما هو
انعزالي عن البنات بعدة بس علاقتي بزهور بدت تتطور ماانكر بعدني اخاف من شكلهة بس جوهرهة وطيبة كلبهة بدت تنعكس علة ملامحهة الخارجية وبديت احبهة
ميدور بيناتنة اي حوار عن حياتنة الشخصية بس اكو تعاون بيناتنة بلنسبة للأكل والأمور الأخرى يعني من تاكل شي تقدملي قبل متاكل دونن عن كل البنات ومن اطلب منهة شي تنطي الي ومتقبل ارجعة تكلي اخذي الج هوة ميسوة
كل جمعة نطلع اني وياهة نفتر بلساحة ونسولف ونروح للحانوت نشتري مال سبوع كامل
حتة مشترياتنة هم نفس الشي اندومي حب نساتل وعلج وببسي وموطا
هية دائما وبكل زيارة تطلع ماعرف منو يجيهة وماحب اسأل بس هية الوحيدة الي بكل زيارة تطلع ومن ترجع
فرحانة حييل وتضل طول لنهار فرحانة وهلشي ينعكس بتعاملهة ويانة مع انو هية كأيبة ونكدية وبساع تزعل
شيماء طبيعتهة تنكت وتضحك صح مااحتك بيهة بس هية دائما تحشش علية وتضحك اني ماضوج لأن طبيعتي نفسهة صح هاذ الشي ماضهرة الهن بسبب. قلة تعاملي وياهن بس اني احب لتحشيش
بس مع ذلك ماابينلهة انو هلشي عادي عدي حتة لاتتمادة واحاول دائما اردهة ولو بكلمة وحدة

جان يوم ثلاثاء وجنت متوجه لمطعم اريد اتغدة بلطريق واني امشي خابرني رائد يبجي
ها رئود حبيبي خيرك
مخنوك مبين كلش مخنوك
شبيك ليش
متكدر تجيني اريد اروح للعمارة وماعندي فلوس خلصت مصرفي
شعجب خلصتة هيج وكت حتة ماصارلة 15 يوم من بدة لشهر
من تجي احجيلك مبين مومال تلفون
حجية ونبرة صوتة كلش قلقتني علي توجهت بسيارتي للحلة حتة بدون مااتغدة جان لطريق كلش ازدحام لأن بيومهة صادف معرض بغداد الدولي وبغداد صايرة لخة لل2 يلله طلعت من حدود بغداد
واني امشي علسريع مال بغداد صارت كبالي بزونة دكيت هورن ماوخرت تتمشة علة كيفهة واني جاي مألف حاولت اوكف لسيارة ماوكفت دست بريك ضلت تتسرسح لحد ماصارت البزونة جواهة نزلت واني ماحس بكلبي بكد مايدك سريع
وكفت دنكت اباوع جوة لسيارة لكيتهة ممرودة مرد
من شفت منضرهة رأسن تقيأت ومدري شصار بية اريد اوكف علة حيلي موكادر
صعدت سيارتي وسقتهة واني وضعي ابد موطبيعي لعبانة نفسي ومنضرهة حييل قهرني شنو ذنبهة هلمسكينة اوووف ياحضي
كوة سقت وصلت لجامعة بابل منتهي جوعان ولشمس سطرتني سطر
خابرت علة رائد طلعلي برة اخذتة وبوجهي لأقرب مطعم كتلة خل اتغدى وبعدين حجيلي لأن منتهي جنت وضغطي هابط حييل من هبطة لبزونة ومن لجوع
اكلت وشبعت ورائد منتضرني اكمل وعينة علية
ها كملت
اي هسة اكدر اتناقش واحجي تفضل رئود غرد اطربني انتة وهاي تسريحتك جنك فرخ بشة

مبين اني واكع بمصيبة خل اكلك هيجي حتة تاخذ الموضوع علة محمل لجد ترة روحي لعبانة ومالي خلك شقاك
مصيبتيش رائد
اني تزوجت مبين
شنووو
اي مبين اني تزوجت طيبة ولتكلي شلون تدري بية ماحب لحرام واني احبهة للبنية وماكدر امنع روحي عنهة وماريدهة تصير لغيري ومستحيل ارضخ لقرار ابوي واخذ صابرين

يعني انتة مسوي لمصيبة ومكمل وجاي تبشرني هسة شنو لمطلوب مثلا ازفكم بسيارتي

لا ابوهة يريد يزوجهة
الله الله
وانتة حضرتك ماخطر علة بالك هاذ الشي من رحت صخمت وجهك ووجهة وعقدت
لا ماخطر ببالي ادري بيهة زغيرة مومال يزوحهة بهيج عمر

هسة شلون مبين كلي شسوي
اووف هاي سالفتك يرالدهة كعدة رائد
كوم خل نروح للعمارة وهناك عود نشوفلهة حل يم لسيد الوالد
اخذتة ورحنة لطريق كلة هوة موعلة بعضة وخايف ومتوتر ورط نفسة واني هم ورطت روحي بلأكبر منة
كرة عين الحجي ولدة متزوجين بلسر عود احنة احسن شي بخواني ويمدحنة دوم ويكول ماشالعين كلبة مثل عماد
وصلنة للبيت وية اذان المغرب سلمنة وطبينة وجيتنة سوة وبهيج وكت وموموعدهة ثارت شكهم شوية بس ماحجو شي
خليت فترة لمغرب عدت صلينة وتعشينة وكلت لرائد قوي كلبك واستعد للصدمة الكهربائية
كعدنة اني ويا والوالد بديت مقدمات حتة امهد للموضوع خاف ينجلط الزلمة اذا اطيهيا مرة وحدة

يابة انتة تدري لأنسان بهيج عمر شيطانة شوية يصير قوي وخصوصا احنة شباب ولبنات الويانة الله يستر عليهن لبسهن يثير

طبعا اتفقنة اني ورائد نكلة هوة غلطان وياهة لأن بكل لأحوال احنة لازم نروح نخطبهة من اهلهة
من بعد لكليشة ولمقدمة كتلة لسالفة
اني كتلة وهوة تحول الى بركان ثائر نزع عكالة وحصر رائد بلزوية هوة طويل وضخم محد بينة طالع علي
نها من لكتل طبع

ا رائد مافتح حلكة بكلمة غير بس كلة كافي بوية وجعتني
ابوي عبالة احنة منوكف بوجهة خوفا من عدة ميدري احنة نهابة ونحترمة
بلبداية ماتدخلت لأن ادري بي كلبة محروك ورائد هم غلط ويستحق هلشي
مهما يكون هوة كبر وربة مايصير هيج يجازي واني مصيبتي اكبر منة مدري احجي علة رائد مدري علة روحي
بعدين من شفتة اذا حييل حتة دم كان يطلع من وجهة صرت كدامة وجريت الحزام من عدة هوة وية مااخذت الحزام رجع ليورة كعد علتخم وخلة ادي علة راسة
حركتة هاي الي عمرة مامسويهة طول عمرة جبل شامخ ومتهزة ريح يذب الملح علة جرحة ويكابر حتة يبقة جبير بعين اخوتة ويهابو
ونضراتة اوحتلي صدمتة برائد وتصرفة
نضراتة بيهة. انكسار
انكسار ابو كبر وربة سوالنة قيمة وصنعلنة هيبة بين لناس كسر ضهرة علمودنة وكل تفكيرة احنة ومصيرنة من بعدة
كعدت بصفة واني مااعرف شنو اتصرف وشنو احجي بهيج موقف
بوية صلي على محمد لايصير بيك شي بس اهدء كلشي الة حل وداعتك وانتة فصل واحنة نلبس هوة غلط وطالب لسماح منك وانتة ابو كلب لجبير
اشرت لرائد كتلة تعال بوسة
اجة وهوة وجهة مدمة ولازم ايدة دنك علة ابوي باس راسة ودنك علة رجلة نام عليهة وكام يبجي
بوية ادري صدمتك بية بس الله شاهد نزوة يابوية انتة هم اكيد مريت بهاذ لشي وجنت شاب وتعرف لشيطان شلون قوي
اذا ماسامحتني ورضيت عني والله احط جيلة براسي هسة
عليك بروح بيبتي العزيزة بوية سامحني كلشي يهون بس زعلك شتريد اني حاضر
باوعلة جان ياشرلة علة باب لاستقبال بمعنا اطلع برة
هوة هم ماحجة كلمة طلع وسد لباب وراى
ندار علية ونضراتة كأنه تكلي هوة هاذ اخر تعبي بيكم هيج تجازوني يضرب ايد بأيد ويفرك براسة
شور علية يجبير ولدي شسوي وشتصرف
بوية ماكو غير نروح نخطبهة ونلم السالفة البنية هم خطية خوما نعوفهة تروح بلرجلين باجر عكبة الله يطلعهة ببناتنة
وهاي المسكينة بت عمك لخاطبهة الة صارلي سنتين ومتانيتة وترفض ياهو اليجيهة علمودة

اي بوية خل يخطب هاي البنية هسة ونزوجهم هناك بلحلة لامن شاف ولا من درة وبت عمنة من يتخرج حسب اتفاقكم انتة وعمي يتزوجهة وهوة بعد يحير بيهن ويدبر امرة شنو اول واحد بتزوج ثنين
رائد زغير بويى مومال هاي المسؤلية
شنسويلة لعد هوة ورط نفسة
كوة قنعتى نخطب البنية وثاني يوم اخذت رقم ابوهة من رائد وخابر عليهم الوالد واخذ منهم موعد علة يوم الجمعة ضطريت ابقة لان الوضع مكهرب بلبيت وابوي كلسا يتعارك وية امي ولاهة ولية
ذب حركة كلبة بيهة واني احاول اهدء بي واهون عليهة واصبر بيهة هلمسكينة الي جابت حياتهة كلهة ويا صابرة علمودنة
صار يوم الخميس ورحنة لبيت اهل البنية اني وابوي ورائد ومحد يدري من عمامي
طبينالهم وبعد السلام والترحيب والمقدمات الروتينية طلب الوالد ايدهة وابوهة بدون حتة مايتعمق بلموضوع رأسن رفض وابوي لكاهة من الله راسن كلة بكيفكم وخلة وطلع
حجيت ويا ردت كتلة احجي اغري بلفلوس همة حالتهم عادية ابد مانطة من روحة ويكلي همة ميردون الستر شنسويلهم
رجعنة للبيت ورائد اكل كلبي يكلي قنعة وجاب لطريق كلهة مخنوك وكوة يتنفس كلسا نوكف لسيارة وانزلة يشتم هوة شوية وارجع امشي وصلنة للبيت ورائد بنفس اليوم رجع للدولم اخذ من الوالدة شكم فلس لأن ابوي مايحجي ويا سلم علينة وراح
واني هم ثاني يوم الجمعة من غبشة طلعت بالي يم رائد وردة فعل ابوي خلتني اعيد حسابتي كلهة شلون بية اني وبسالفتي ماكو شي ينضم ولابد بيوم من الأيام راح تنكشف
لطريق كلة اتصفن وكلسا اريد انام علة روحي وبالي يم رائد وخايف علي لاصدك هدور يزوجون البنية ذيج الساعة لسالفة راح تكبر وجيب الي يحلهة
جاي امشي وماحس الة نشاليت ونركعت بلكاع كوة فتحت عيوني ورموشي احس بيهن دم ولسيارة معفصة واني رجلية ليفوك وراسي ليجوة
لتمو لعالم طلعوني وجع موطبيعي برجلية عبالك نشلن اريد احركهن واعين روحي حتة انزل مااكدر نزلوني زلم وصعدوني بسيارة دايخ حيييل وكوة افتح عيوني
اباوع سيارة دورية وناس كومة وسيارتي صايرة سكراب كلشي مامبين منهة
كمت احس راسي كلش ثكل وعيوني تغوش غمضت عيوني ووراهة ماحسيت علة شي
فتحت عيني واني بلمستشفى راسي ثكيل ووجع بي موطبيعي حاولت احرك رجلية ماتحركن جريت الجرجف عنهن شفتهن مجبسات ثنينهن
شافتني سستر جانت بلصالة بس يم مريض ثاني رأسن اجت علية
ها شلونك شنو تحس
راسي راسي اأشرلهة علي وكوة احجي
راحت جابتلي علاج وبطل مي شربتة ورجعت تمددت
كلتلي نطيني تلفونك خل اخابر علة اهلك اكللهم
كتلهة لا اني اخابر مابية شي
فتحت التلفون ودكيت علة منذر نص ساعة واجاني جايب اكل وفاكهة شوية وطلعني اخذني ويا للبيت بتت يمهم يوم واحد ثاني يوم جان موعد زيارتهة حييل نقهرت بيومهة وتمنيت لو اكدر اروحلهة اكيد هية تنتضرني لان محد غيري يزورهة
ثاني يوم اجة الرجال الي دعمني طبعا هوة اني لغلطان اجانة لبيت منذر تنازلتلة عن كلشي حتة تصليح لسيارة لان ابوي معودنة ماناخذ فصول ابد
رجعني منذر لبيتنة بسيارتة اهلي تخبلو من شافوني وامي راسن اغمة عليه

ة وكوة صحيناهة وكوة قنعتهة اني مابية شي
لوالد ماخلة منذر يروح وذبحلة ذبيحة وجاب عمامي كلهم رحبو بي وتغدو ويا وتشكرو من عدة وراح لعصر
ضليت شهر ونص يم اهلي ولأمتحانات مال اخير لسنة فاتتني واني لكيتهة من الله كيفت لان ماريد اتخرج وبدي ابقة العمر كلة بلجامعة ماطولهة تخلصني من بنين وسالفة لزواج
فتحت رجلية وكوة يلله كدرت امشي عليهن بعد لعلاج لطبيعي ولنتلات والتمارين يلله صرت امشي طبيعي
تحدد عرس عماد يوم الجمعة ورائد طول هاي لفترة مازارنة وميرضة يجي وكلما اسألة عن سالفتة يكلي خليهة سكتة وميرضة يحجي وينهي لأتصال رأسن
ليوم خميس حنة عماد وجاي نحضر لان ابوي عازم الكون كلة
يوم لسبت موعد زيارتهة حاسبلهة يوم يوم ومتاني بس يخلص عرس عماد اطلع لسبت من ل3 واروحلهة كلبي طاك علة شوفتهة
...

[ملكةه]

بارت 9
رائد شلون متجي ولك ابوي اصلا كلبة محمل عليك ومن يومهة وهوة مقهور ومهموم وبس يتصفن لازم تجي
اذا مولخاطرة لخاطر عماد وعيب من لناس فشلة تدري ابوي لودرة بيك مخلص امتحانات وكاعد بفندق شيسوي بيك
مبين الله يخليك كافي ملحة كتلك مااوصل للعمارة
ماشي رائد لتحضر لعرس وضل هناك بس بعدين لتجيني تتوسل وتكلي توصطلي عد الوالد
ترة ابوي مقهور منك كلش وكلبة محمل عليك وعدم حضورك لعرس عماد راح يزيد التوتر لبينكم وانتة تدري بأبوي شكد يحب يتباهة بينة وبلمتنة كدام عمامة واخوتة وكرايبة

مبين من رخصتك عدي شغلة اريد اطلع

بعد كل هاذ الحجي وفرفحت واني احاول اقنعة سد لتلفون بوجهي
رائد موطبيعي كلش من يوم ابو البنية رفض لخطوبة وهوة تحول لانسان ثاني جان تغكيرة واعي ومنفتح ولسانة حلو وبس يعجبني احجي ويا
هسة صاير كلش ميحترم وضارب الوضعية كلهة عرض الحايط
وابوي لحد لآن مغلس علة سالفتة وناسيهة بمزاجة
رائد عبالة ابوي عايفة علة راحتة ميدري بي متاني عرس عماد يخلص حتة يتفرغلة
وياخوفي من ردة فعلة لوشاف اسلوب رائد وحجية شلون صاير
لبيت مكتض بلناس ولجهال ولنسوان وهوستهن وبنين وين مااولي تلحكني لعبت نفسي
طلعت برة يم الولد بلبستان جاي يعلكون لزينة مال لحنة ويرتبوهة ضليت اشتغل وياهم واساعدهم
صار وكت لغدة طبيت للبيت لبنات بلمطبخ كوومة يشتغلن وينضفن ولطبخ علحجية ابوي مايرضة احد غيرعة يطبخ يحب طبخهة بس هوة ميكللهة احب طبخج يكللهة عيب من الوادم جاين خطار ويطبخنلج لأن عدة لرجال عيب يمدح مرتة لويحسسهة انو هوة يحتاجهة ويعتمد عليهة هاذ لشي ينقص من رجولتة
هاذ تفكيرة ووجهة نضرة
كعدنة بلديوانية وكلهة تسأل علة رائد وابوي يندار علية عود يكلي انتة جاوب واني اكللهم عدة امتحانات دور ثاني وكوة اسكتهم لأن ولد عمامي هم يدرسون ويدرون موموعد الامتحانات
صارت لساعة بل4 بدينة نتحضر للحنة ونبدل صعدت لغرفتي لبست قاط لون اسود وقميص ابيض



ابوي ميحب هاذ البس بس اني استغليت الهوسة والزلم لعازمهم ابوي ادري بي راح يلتهي ومينتبهلي او بلأحرى اني راح اتختل حتة اضيع روحي من عدة
بدت لناس تجي شيوخ عشاير وناس معكلين وعالم من غير محافضات يعرفون ابوي عن طريق الفصول والمناسبات لان ابوي صاحب واجب وهواي ياخذونة كواجهة بهيج مناسبات وكلهة مديونتلة بوكفاتة
ياهو ليجي يوكف يهوس شوية لابوي ولعماد واحنة ندبج ويا ونكمز اللمة جانت كلش حلوة وفرحة جبيرة لأن اول واحد من ولد الشيخ يتزوج
شوية واجة المطرب رعد الناصري احنة اغلب حفلاتنة نجيبة ابوي وعمامي يحبون صوتة ومن بدة يغني لعالم نكلبت علينة من كل مكان بحيث البستان كام مايشيلهم واكفين برة ويتفرجون والي متشلبين علبيوت والنخل ويباوعون اجواء كلش حلوة جانت عماد ذب لحم وابوي كومو عمامي وضلو يدبجون ويركصون جوبية
واكف احجي وية ابوي علمود العشة نريد نصب وواحد ضرب علة جتفي نداريت رائد
لك رئود هاذ انتة .حضني وكام يبحي ويشهك اخذتة من ايدي وطبيت للحديقة وسديت باب المطبخ من جوة خاف النسوان يطلعن
رائد شبيك يخوي ليش تبجي
موزين مبين كلش موزين والله اجيت علمود ابوي ادري بي زعلان مني واذا ماجيت هدور يزيد وياي
دتعال يخوي خل نطلع برة سلم علي وعلة عمامي كلهة تسأل عليك وبعدين نحجي اني اصلا جنت ناوي اجيك للحلة وارجعك
اخذتة برة سلم علة ابوي وباس ايدة طبعا ابوي تضاهر انو الوضع طبيعي وعادي ماكو شي بس بداخلة يفور اعرفة من حركة السبحة من يفرهة

بيدة ويضل مدنك يداري نضرات عيونة والحزن والأنكسار البيهن من الناس
خلص وقت المطرب ونطيتة حسابة 7ورقات وراح وبدينة نصب بلعشة الساعة ب8 مدينة لسفرة بلكاع وخلينة الاكل تمن بصوواني زغار وفوكا تاجينة وقطع لحم هبر كبار ولبن وخضرة وخبز وفاكهة بدت الناس تاكل واحنة المعزبين نعزم عليهم وعينة علياكلون خاف واحد يفرغ ماعونة حتة نزيدة
كملت لناس والأكل نصة ضل بمكانة لمينة السفرة والمواعين اني وقصي وولد عمامي كعدنة بلحديقة غسلنة لكدورة وضحك وشقة وسوالف خلصناهن بساع
طبيت لغرفتي تعبان كلش تمددت اريد انام ندكت لباب
كلت تفضل واني نايم طبت بنين
كمت على حيلي وتعدلت
هابنين خيرج
اريد احجي وياك مبين
تفضلي
احنة شوكت نتزوج
صدمتني بسؤالهة عن شي صارلي سنين اتهرب منة
موت لابد منه
واني احاول اتهرب وااجلة باوعتلهة وهية تنتضر مني اجابة وشكلهة معصبة حييل ومتنرزفة
ليش بنين غرتي من فاطمة
لامبين ماغرت هاي اختي اتمنالهة لخير مثل مااتمنا لروحي بس اني جبيرة خواتي
وكلهة كامت تكلي معنسة وانة ياهو ليخطبني ارفضة علمودك
اوووف نقهرت عليهة هية هم مالهة ذنب وباقي شكم شهر وتطب بل18 سنة ذيج لساعة راح تصير فعلا معنسة بنضر اهلنة وكلها تعيبهة
الله كريم بنين بعد وكت كلشي بوكتة حلو
مبين انتة شنو ..
بنين تغضلي بر

ة ولتلحين
باوعتلي وعيونهة غرغرن ونزلت رأسن
جريت نفس عميق نكدت علية من لصبح ماحب البنية

هيج تصير كوية وتوكف بوجهي
واني كوة اتناسة هاذ الموضوع الي احسة مثل شوكة حاشرة ببلعومي
ثاني يوم زفيناهم ورة لعشة ولزفة جنت تخبل سياراتنة هواي وناس كومة اجت وكلسا ننزل نركص ونهوس بلشارع ونرمي حركنة الحو حرك لعبنة لعب
فعلا جانت فرحة كلش جبيرة
وديناهم للمصور وبنين نزلت وياهم تشيل بدلة فاطمة وابوي اصر الة اني هم انزل
نزلت وبنين تتدحس بية وتريد توكف بصفي واني كلشي ولا اخذ صورة وياهة لأن ادري بيهة تراويهة للبنات كلهن وتكللهم شوفو مبين شلون لازك بية وميكدر يفاركني حتة بلصور

اكثر من مرة تسويهة بمناسباتنة وبلأعياد ويوصللي لحجي سويت روحي اجاني اتصال وطلعت وهية كامت تبجي وهم طلعت وابوي اكل كلبي لطريق كلة يحجي علية يكلي شلون تزعل حرمتك
رجعنة للبيت وتلكونة هوسات ودبج وركص نسوان وزلم
وذبحو عجل جوة رجلين لعرسان وصعدناهم لغرفتهم ولوادم كلهة راحت
بقو بس عمامي وولدهم
كعدنة بلديوانية كلنة وجاي نشرب جاي اجة رائد كعد بصفي ابوي يتصرف عادي ويسألة شلونك وشلونة الدوام ميريد احد يحس
بس رائد كلش جان مقهور ونفسيتة تعبانة جاي احجي وية عمي صبار وحسيت شي نهبد علة جتفي نداريت واشوفة رائد مكوم
ركضو علي كلنهم وابوي ماتحرك من مكانة غسلنة وجهة وصحة
اخذتة اني وعماد لغرفتة تمدد وكعدت بصفة شوية وطبت امي جايبة عصير برتقال
كوم ييمة اشرب هاذ خل تروح الدوخة منك
ماريد يمة عوفيني
اشرت للحجية كتلهة عوفينة شوية اني ويا طلعت وضلينة بس احنة
اباوعلة عينة علسكف ودموعة يجرن بغزارة

تذكرتة من جان زغير ويكتلونة لجهال يجيني يبجي ويشتكيلي جان يحتمي بية وبس احد يتدنالى يكللهم اصيح لمبين عليكم
مع انو اني جنت فقير وموصاحب مشاكل ودائما احل لنزاع بلحجي ولتفاوض بس هوة جان مستقوي بية ومحسسني انو اني ضهر قوي وهوة ساند روحة ومستقوي بية

جريتة حيل حضنتة
رائد لاتسوي بية هيج احجي موشليت حالي صارلي شهر اتوسل بيك
مبين لخميس لفات مشيتهة تعرف شنو مشيتهة مرتي راح تصير لواحد غيري وهية علة ذمتي واني واكف عاجز لأن السيد الوالد يستحي من عمي وميريد غير بت اخو واني عرضي يردون يزوجوهة تفهم الي اني بي لو لا
ولك نار بصدري تسعر وضال بس اكل بروحي وهية حتة الدوام بطلوهة من عدة والي اكثر من شهر ماشايفهة
اباوعلة شلون يبجي ويحجي بحركة كل كلمة تطلع من كلبة ويجر وراهة حسرة
مشكلتة كلش جبيرة ولازم بأسرع وقت نلكالهة حل
كافي حبيبي لاتبجي ذب حمولك علة الله وصدكني ميخيب الي يتمسك بي
مبين فدوة اريد انام بلا امر عليك اطلع وسد لباب وراك
نصدمت بأسوبة وياي طول عمرة ابو حجاية الحلوة. والرزنة ومن كد مالسانة حلو كلهة تحبة بس الصار ويا موشوية واني مقدر ضرفة

ماشي حبيبي ماشي طلعت وسديت لباب وراي رحت بوجهي للصالة ودكيت علة ابوي كتلة بوية اطلعلي برة
اني باجر اروح لبغداد حتة اشوف ليان ويزن هم اريد اروحلة مشتاقلة وامة عمليتهة نجحت ورجعت تشوف لحمد لله هم اريد اروح اتحمدلهة علسلامة
وماكدر اروح قبل مااحجي كلشي لأبوي حتلو هاذ لشي راح يأثر علة علاقتة برائد مهما يكون البنية زوجتة خوما نتانيهة تعقد يلله نتحرك
دقايق واجة ابوي
نضراتة
مشيتة الي كلهة ثقة
خطواتة المنتضمات وية حركة ادي
كل هلشي ينطي هيبة ويخليني ارتبك واتوتر لأن ادري بروحي اكدر بأسلوبي اقنع الدنية كلهة الة هوة
لأن اسلوب التفاوض والتسايس واستخدام الفلسفة الي تحسس لأنسان انك تفتهم وكلش مثقف تعلمتهة من عدة يعني هوة استاذي بهلمجال وماكو واحد بكدر يغلب استاذة
تقرب علية كعد يمي وهوة يفر بسبحتة ويحرك رجلة حركة سريعة زادت توتري وترددي من لمصيبة الي اريد احجيهة الة
ندار علية وسوالي حركة بحواجبة بمعنا تغضل احجي
بوية بدون لف ودوران وبدون اي مقدمات راح اكلك الموضوع لأن ميستحمل تأخير ولا تأجيل

احجي بوية نعسان وتعبان اريد انام

جريت نفس عميق ترست صدري هوة واني اطرد كل شعور موحلو بداخلي
بوية البنية الي رحنة نخطبهة لرائد هوة ماغلطان وياهة
هوة متزوجهة
ضل ساكت ويباوع علكاع واني عيني علي خوفي لايكون سكرة رتفع وداخ
تدنيت علي لزمت جتفة دفعني حييل بحركة سريعة رجعت ليورة
فرك راسة وزجهة بيدة وجر نفس عميق وزفرة ندار علية جان يكلي وانتة طول هاي المدة تدري وضام علية
والله يابوية من خوفي عليك خفت لايصير بيك شي بس من هاي جنت خايف وهوة هاذ لسبب لخلاني اجذب عليك الله شاهد

وهسة شحجاك ضميرك صحة لو ذاك الصكط دزك تكلي مالة عين يحطهة بعيني مو؟
لابوية موهيج اصلا رائد مايدري بية كتلك بس اهل البنية يردون يزوجوهة ولخميس الفات مشو عليهة ناس
ورائد كلش متأذي وضال ياكل بروحة ياساعة ونجلط
ويطبة عرررررج ياهو لضربة علة ايدة وكلة يورط روحة هيج
لو مايتحمل ابن نسيمة معلم شيريد نكلة لبيك

بوية ادري بيك متأذي وكلبك محروك بس الموضوع ميستحمل لف والدوران البنية علة ذمتة واهلهة يردون يزوجوهة وميدرون بيهة متزوحة يعني لازم نقنع ابوهة ونخلي يقبل

من بعد حوار طويل دام اكثر من ساعة ونص و

اني احاول اقنع الوالد نروح نخطب البنية لأن هوة اذا قتنع يكدر يقنع لرجال ويفر عقلة ابوي محد يكدرلة عشاير يسكتون لو راد يحجي ويتفلسف ابن ديوان وعندة دهاء وحنكة بشكل موطبيعي
كمت واني اجر ذيول الخيبة من بعد مافشلت بأقنااعة وستخدمت كل طرقي بلأقناع
طلعت من لأستقبال ومتوجه للغرفة
جان يصيح وراي
مبين .
ها بوية
حضرو روحكم باجر من ل5 نطلع
كال لكلمة وهوة متوجه لغرفتة كأنه يحاول يطلع قبل مايرجع بقرارة لان ادري بي صعوبة لموقف هية الي جبرتة ان يوافق
سويت لدرج شبختين ودكيت لباب علة رائد ادري بي كاعد بس ميريد يفتح لباب
صحت علي رئود اكعد سالفتك نحلت
فتح لباب رأسن وطببني

رائد ابوي قبل يخطبهة الك مرة ثانية وباجر من لصبح نروح نخطبهة واني حجيتلة علة كلشي
صدك مبين
وداعتك
كعد بلكاع حط راسة بين رجلي وكام يبجي فرفح تدنيت علي جريت ادي ومسحت دموعة كافي ولك انتة زلمة تبجي علة مرة تخسة اذا تنحسب علزلم تنزل دموعك علمود حرمة لاراحت ولااجت كلهة حرمة ولك ولنسوان بكد الزبل
ههههه مبين من شوكت انتة تحجي هيج
سد حلكك ولك واحترم اخوك لجبير من يحجي
كام يضحك وحضني
تدري مبين والله ستوني احجي وية روحي وكلت اذا صدك عقدولهة الجمعة اكتل روحي واخلص
اسم الله حبيبي ربك مايرضة بهلشي وانتة مؤمن وحاشا لله ان يترك عبدة

ضلينة نسولف ورائد عبالك تحول بدقيقة رجع لطبيعتة يضحك ويسولف وينكت
شوية وترخصت من عدة ووصيتة لصبح بل4 يكعد وينزل علة ابوي يطيح علي ويطلب لسماح منة عسا ولعل يرضة عنة
رحت لغرفتي نبهت تلفوني وتمددت بفراشي باحر لمواجهة مالتهة وهم ماراح اكدر اروح اوووف اكيد هسة تضوج لان محد يزورهة غيري صارلي اكثر من شهر انتضر يفتحون رجلية واحسب يوم يوم. حتة اروحلهة
بس يالله اهم شي شغلة رائد تنحل ولايام جاية انشاء الله واروحلهة
حاولت انام ماكدرت مجرد ان اتذكرهة يطير النوم من عيني واشتاقلهة تتروالي كدامي واشوفهة عبالك يمي
غفيت عل تلفون واني اباوع علة صورتهة واتأملهة
كعدت بل4 علة صوت رنة لتلفون بوجهي توضيت وصليت ورحت علة رائد كعدتة ونزل علة ابوي يسلم علي ويطلب لسماح بس ابوي ماعلق ولا كلمة رغم شفت لمعة عيونة الي عكستلي اشتياقة لرائد ولهفتة علي
بس ميريد يضهر هلشي ويكابر
كلة كوم بدل ورانة طريق
كام رائد وهوة يتذمر لأن ابوي ردة جان بارد حييل بدل وتوجهنة لبيت البنية الطريق متعب حييل رغم اني متعود علي

جان بوم سبت وليوم زيارة تمنيت مبين يجي من كل كلبي لان ادري محد يزورني غيرة الفلوس العدي خلصن كلهن ومتانية جيتة الي بفارغ الصبر
كعدت لصبح ساعة ب8 واني عيني علساعة متانية لساعة شوكت اصير ب11 حتة يصيحون اسامينة لدقايق تمشي ثكيلة كلش
صارت ب11 واني نتهيت من الانتضار اجت المسؤلة صاحت اسامي البنات كلهن ماعداية اني اوووف اكيد مبين نساني وبعد ميجي
شلة بية واني وحدة عاهر وحرامية ورط روحة وياي واكيد هسة تندم
راحو همة واني كوة داريت دموعي كدامهم وزهور تباوعلي بنضرات العطف لان تدري شكد منتضرة يوم لزيارة بلكي احصل اخبار عن اهلي طلعن كلهن واني كمت للحمام لان ماحب اسبح باوقات تواجدهن احاول اسبح وقت لضهر لمن يكونن نايمات ووقت لزيارة هم استغل الفرصة طبيت للحمام الي هوة نفسة تواليت فتحت الماي بلطاسة وبديت انزع بملابسي واني انزع سمعت صوت لباب نفتحت معقولة رجعن شبسرعة
سديت صوت لماي حتة اتاكد فعلا هاذ صوت لباب لو اني يتراوالي
وية ماسديتة سمعت صوت قريب
نداريت جان اشوف ....