هنا

[Suzana]

اولا ست ميصير تعممين على المعلمين والمدرسين كلهم
هذا الكلام ممقبول منج كونج انسانه واعيه ومثقه على اعتبارج خريجة مع احترامي للغير خريجين (الثقافه مالها علاقة كون المرء متخرج ام لا)
اذا اكو فد موقف معين فالموقف يكون على الشخص نفسه مو يتعمم على الكل
الظاهر انتي ما شايفة تصرفات الطالب واهل الطالب
قبل الي تحجين عنه المواد ركيكة مقارنة بمواد الان التي تدرس سواء في الابتدائية او المتوسطة او الاعدادية
وهذا التطور لا يشمل المعلم والمدرس بصورة خاصة وانما يشمل اولياء الامور
وامر اخر اي ولي امر يقبل الان ان يدرس ابنه ويربى في نفس الوقت
وزارتنا اسمها كان ولا يزال بدايته وزارة التربية واخره التعليم
يعني احنه نربي مو بس نعلم
هيه مكيوله ماكول مذموم
وامر اخر ايضا المعلم والمدرس لاينظر للطالب على انه طالب ينظر له بعين الابوة والاهتمام
ضغطنا على ابنائكم وطالبناهم بتحضير يومي والتزام اخلاقي اقمتم الدنيا ولم تقعدوها
شمعنى غضبج اجى عالمعلم وتركتي الاهل وهم لهم الباع الاطول في تربية وتعليم ابنائهم انا اشوف ابنج 45 دقيقة انتي تشوفيه يوم كامل
حبذا يجيني متربي اولا واني اعلمه
وهم جاي اعلمه حتى لو لم يكن متربي
وجاي نواجه صعوبات ويوميه من هالي اخلاقهم سز يضربولهم معلم او مدرس او معلمه او مدرسة بسكين
ووصلت الحالة الى القتل
بالنسبة لل 150 الف او ال 200 الف متبرعين احنا بيها للمتخرجين
والله كفيلج ياريت لو يجون ويراقبون لان انا من يطلع اسمي مراقبة بمدينة 35 كيلو متر عن سكناي ب 125 الف دينار انا اصرف اكثر منها اجرة السيارات والمصاريف الاخرى اضافة الى رمضان والافطار
يرحم والديج وبلا تجاوزات على شبيه النبي المعلم
فلولاه لم تقراي ولم تكتبي حرف


هاي حاله شاذه مو كل الطلاب بهيج مستوى
الاهل ملتهين عن اطفالهم والاب يركض ويجي بالليل
والام ملتهيه بالفيس بوك
وماتدري شسوه ابنها ماسوه
انا عندي اربع اطفال 3 منهم مدارس ما بيوم اجتني وحده منهن ماخذه 9 من 10 ليش؟ لان اني مهتم بيهم اضافة لما يقدمه معلماتهم من اهتمام ورعاية
فلا تكونين مجحفة بحق المعلم لانه هو اساس البناء لهذا البلد التعيس
لولاه ما صار طبيب ولا مهندس ولا حتى فلاح لولاه لرايتي الاوضاع اكثر سوداويه
الحالات موجودة عند ضعيف النفس
ولكن هل يا ترى موجودة عند الكل؟؟؟؟؟؟؟؟؟؟؟؟

كلام جميل..قبل شهر صارت وياي حالة طالب غش وغلط عليه وصيح عليه بداخل الصف امام الكل ..
طبعا مااكدر اسوي شي لاني بنت ولا اكدر اكوله اطلع من الصف لانه طبيعي مايطلع ..
اللي صار مجرد رحت للادارة( ابجي )وهذه لا تتصوريها سهله وانفصل 3 ايام وبعدها اجو اهله واعتذروا وخلص الموضوع..
الصف مدخلتله بعد ولا راح ادخله ..
هذا هو الجيل الجديد اللي جاي نسعى لتنشئته ..
صارلي 14 سنة بالخدمة وهذا اللي صار وياي وجاي يصير لغيري ...اتدبروها انتوا الخريجين الجدد ويه هذا الجيل اللي كاضيها فيس وطربكة(الاغلبية ) تلكين على عدد الاصابع من يلتزم ويحضر المطلوب منه واخلاقه عاليه فهذه التربية اساسها البيت اولا..
احنا شنسوي بعد عشر مرات نعيد وميتقبل ننفخ براسه حتى يفتهم ويتعلم يكتب اسمه!

[Aya Ali Abd]

على فكرة اني مدرسه مو طالبه ولا ام لطلاب بس اني شخص اعرف شلون افهم الطالب ومهما كان الطالب سيئ السمعه ومشاغب يحترمني دور صديقه اخت ام هذا اله دور انو الطلاب يتقبلونا بأسوء حالاتنا واني مدا احجي على المعلم بس دا اكول حالات وجاوبت على قد سؤال الست الي علقت واعتذر لو كان جوابي ازعجكم

[راهب]

مساء الخير ...
هسة اللي افتهمته ان صاحبة الموضوع تعرض مقترح لتولي الخريجين مراقبة الامتحانات ؟
لو اكو شي ثاني ...
لطفاً ممكن العزيزة آية تحدد ما تريد بنقاط ؟؟؟؟

[راهب]

مساء الخير ...
هسة اللي افتهمته ان صاحبة الموضوع تعرض مقترح لتولي الخريجين مراقبة الامتحانات ؟
لو اكو شي ثاني ...
لطفاً ممكن العزيزة آية تحدد ما تريد بنقاط ؟؟؟؟

طالما انني لم اجد رداً من صاحبة الموضوع رغم تواجدها فيه .. لذا سأرد بحسب ما فهمت :
1) الامتحانات مرحلة خطيرة جدا .. تستلزم احيانا اتخاذ قرار باقل من لحظات .. التعامل مع الطالب وقتها مع ملاحظة ان الطالب وقت الامتحانات ليس هو الطالب ايام الدراسة .. المهم هنا هو تراكم الخبرة في مراقبة الامتحانات والتعامل مع الطالب .. حين كنا بداية مشوارنا الوظيفي كانوا يضعوننا مع اكثر التربويين خبرة في القاعة وينصحوننا بالرجوع اليهم وعدم اتخاذ اي قرار الا بالرجوع اليهم .
2) علاوة على عدم وجود نص قانوني يتيح للاخرين من غير الملاك التربوي المراقبة في الامتحانات .. فهناك مواد قانونية توضح عقوبات التقصير فيها .. تصل الى حد الحبس .. ناهيك عن العقوبات الادارية .. فلو اعتمدت العملية على الخريجين فكيف ستطبق عليهم هذه العقوبات سواء كانت ادارية ام قضائية .
3) اعترف ان هناك اخفاق في بعض مفاصل العملية التربوية وليس منطقياً القياس عليه لشمول كل العملية .. اعلم ان هناك منجهاً متميزاً لكن لا يستطيع المعلم / المدرس الابداع في ايصاله الى الطالب او لا يتفاعل الطالب مع المنهج او مع المعلم / المدرس .
4) بعد كل ما مر ... اريد من العزيزة المقترحة ان تعطينا ضماناً لنجاح العملية التربوية او الامتحانانية لو سُلمت بيد الخريجين ؟؟

اعتزاز كبير بالجميع وامتنان .

[رحيـــل]

هسه انت ضايجة ع ال150 لو ع التدريس ؟

[رحيـــل]

اذا تحبين ممكن اسويلچ موضوع بمعاناة المراقبة اثناء الامتحانات الوزارية وكيف يتحمل مدير المركز ومعاونيه واساتذته ومشرفيه معاناة اخراج الدفاتر الامتحانية من بعض المراكز وكيف يتعامل بعض الطلبة غير المؤهلين لتلك المرحلة لا فكراً ولا دراسة مع المراقبين ، ناهيك عن التهديدات بحق المراقب او المدير او المشرف ان اراد ان يمارس حقه اثناء المراقبة .....
في جعبتي قصص قد تغير فكرة مقترحك
ولعلمك اغلب المدرسين يتهربون من المراقبة الوزارية لما فيها من متاعب ومسؤولية .

في الختام ادعو لك مراقبة طيبة بهذا الشهر الفضيل

[فم اللبلاب]

بالمناسبة التدريسيين نفسهم لو تكللهم هذا بديل عنكم و أنتوا أرتاحوا, رح يقضون عنك صلاتك وصيامك وسيسوون ثوابات لموتاك لأنهم يعرفون شنو يعني مراقبة وصفوف منتهية
فهم أصلاً يتمنون يخلصون من هالسالفة

[راهب]

اذا تحبين ممكن اسويلچ موضوع بمعاناة المراقبة اثناء الامتحانات الوزارية وكيف يتحمل مدير المركز ومعاونيه واساتذته ومشرفيه معاناة اخراج الدفاتر الامتحانية من بعض المراكز وكيف يتعامل بعض الطلبة غير المؤهلين لتلك المرحلة لا فكراً ولا دراسة مع المراقبين ، ناهيك عن التهديدات بحق المراقب او المدير او المشرف ان اراد ان يمارس حقه اثناء المراقبة .....
في جعبتي قصص قد تغير فكرة مقترحك
ولعلمك اغلب المدرسين يتهربون من المراقبة الوزارية لما فيها من متاعب ومسؤولية .

في الختام ادعوا لك مراقبة طيبة بهذا الشهر الفضيل

سجلي دعوة مني الها همينة

[راهب]

هسه انت ضايجة ع ال150 لو ع التدريس ؟

يمكن هي 350 مو 150 ؟؟؟

[Laraa]

ما اعتقد المراقبة شي هين
هي مو مسألة فلوس بس هو الكادر التربوي اللي يراقب متمرس والغش بفلس و بطرق ممكن ياخذ الطالب عليها براءة اختراع انوب تريدين خريجين جدد يراقبون

عموماً ان شاء الله يتعين الخريج
ويبطل ( بعضهم ) يخلي عينهم على رزق غيرهم
بالاضافة هم من حقه يتعين
الله يسهل