هنا

[Aya Ali Abd]

هسه شكو بيها لو التربيه تخلي الخريجين هما يراقبون بالامتحانات للصفوف المنتهيه شبيها ال150 وال200 بدل ما يبقون المدرسين هما الي مستفادين خلي الخريجين هم يستفادون عود المدرسين بس يصححون على اعتبار الخريجين ميعرفون بالتصحيح ومبتدأين

[Suzana]

خوش مقترح بس شبدينا احنا

[ضياء المالكي]

المراقبين شكل والمصححين شكل اخر
ممكن يكون الخريجين مراقبين لكن بنفس الوقت ماعندهم الجرأة من المحافظة على الامتحانات بشكلها الطبيعي
لازم يكون الكادر التدريسي افضل لانه متمرس على هذه القضية

[Aya Ali Abd]

النا الله

[Aya Ali Abd]

ليش المدرسين مو هم خريجين واصلا بهذا الوقت تساوى الكل هما المدرسين ورجعو التدريس الف سنه واكو شي اسمه دورات مثل المفوضيه هم جابت ناس لا الها علم ولا فهم بأجراءات الاقتراع ودربتها مجرد 5 ايام كافيه فهمو كل شي في كثير حلول بس مع الاسف المصالح الشخصيه هي السبب واذا نبقى هيج ميصير اي تغيير

[Suzana]

ليش المدرسين مو هم خريجين واصلا بهذا الوقت تساوى الكل هما المدرسين اخرفو ورجعو التدريس الف سنه واكو شي اسمه دورات مثل المفوضيه هم جابت ناس لا الها علم ولا فهم بأجراءات الاقتراع ودربتها مجرد 5 ايام كافيه فهمو كل شي في كثير حلول بس مع الاسف المصالح الشخصيه هي السبب واذا نبقى هيج ميصير اي تغيير

ليش المدرسين اخرفوا ؟شنو اللي صار وياهم؟واشلون رجعوا التدريس الف سنة؟

[Aya Ali Abd]

مديعرفون يدرسون المواد اختلفت وكل واحد مدير نفسه والطريقه الي تعجبه يتخذها تعاي شوفي الاخطاء حدث ولا حرج ويكفي انو اتشوفين طالب واحد بصف الخامس ابتدائي او سادس لا يعرف يكتب ولا يعرف رياضيات البارحه يحكولي عن طالب ثالث متوسط يدرسوه فيزيا يقول الهم اني هسه يالا دا اتعرف على الفيزيا وشنو معنى مسائل شلون اجمع او طرح اقسم شنو مادة العربي وغيرها وغيرها كله فساد بفساد

[أكرم.]

ليش المدرسين مو هم خريجين واصلا بهذا الوقت تساوى الكل هما المدرسين اخرفو ورجعو التدريس الف سنه واكو شي اسمه دورات مثل المفوضيه هم جابت ناس لا الها علم ولا فهم بأجراءات الاقتراع ودربتها مجرد 5 ايام كافيه فهمو كل شي في كثير حلول بس مع الاسف المصالح الشخصيه هي السبب واذا نبقى هيج ميصير اي تغيير

اولا ست ميصير تعممين على المعلمين والمدرسين كلهم
هذا الكلام ممقبول منج كونج انسانه واعيه ومثقه على اعتبارج خريجة مع احترامي للغير خريجين (الثقافه مالها علاقة كون المرء متخرج ام لا)
اذا اكو فد موقف معين فالموقف يكون على الشخص نفسه مو يتعمم على الكل
الظاهر انتي ما شايفة تصرفات الطالب واهل الطالب
قبل الي تحجين عنه المواد ركيكة مقارنة بمواد الان التي تدرس سواء في الابتدائية او المتوسطة او الاعدادية
وهذا التطور لا يشمل المعلم والمدرس بصورة خاصة وانما يشمل اولياء الامور
وامر اخر اي ولي امر يقبل الان ان يدرس ابنه ويربى في نفس الوقت
وزارتنا اسمها كان ولا يزال بدايته وزارة التربية واخره التعليم
يعني احنه نربي مو بس نعلم
هيه مكيوله ماكول مذموم
وامر اخر ايضا المعلم والمدرس لاينظر للطالب على انه طالب ينظر له بعين الابوة والاهتمام
ضغطنا على ابنائكم وطالبناهم بتحضير يومي والتزام اخلاقي اقمتم الدنيا ولم تقعدوها
شمعنى غضبج اجى عالمعلم وتركتي الاهل وهم لهم الباع الاطول في تربية وتعليم ابنائهم انا اشوف ابنج 45 دقيقة انتي تشوفيه يوم كامل
حبذا يجيني متربي اولا واني اعلمه
وهم جاي اعلمه حتى لو لم يكن متربي
وجاي نواجه صعوبات ويوميه من هالي اخلاقهم سز يضربولهم معلم او مدرس او معلمه او مدرسة بسكين
ووصلت الحالة الى القتل
بالنسبة لل 150 الف او ال 200 الف متبرعين احنا بيها للمتخرجين
والله كفيلج ياريت لو يجون ويراقبون لان انا من يطلع اسمي مراقبة بمدينة 35 كيلو متر عن سكناي ب 125 الف دينار انا اصرف اكثر منها اجرة السيارات والمصاريف الاخرى اضافة الى رمضان والافطار
يرحم والديج وبلا تجاوزات على شبيه النبي المعلم
فلولاه لم تقراي ولم تكتبي حرف

مديعرفون يدرسون المواد اختلفت وكل واحد مدير نفسه والطريقه الي تعجبه يتخذها تعاي شوفي الاخطاء حدث ولا حرج ويكفي انو اتشوفين طالب واحد بصف الخامس ابتدائي او سادس لا يعرف يكتب ولا يعرف رياضيات البارحه يحكولي عن طالب ثالث متوسط يدرسوه فيزيا يقول الهم اني هسه يالا دا اتعرف على الفيزيا وشنو معنى مسائل شلون اجمع او طرح اقسم شنو مادة العربي وغيرها وغيرها كله فساد بفساد

هاي حاله شاذه مو كل الطلاب بهيج مستوى
الاهل ملتهين عن اطفالهم والاب يركض ويجي بالليل
والام ملتهيه بالفيس بوك
وماتدري شسوه ابنها ماسوه
انا عندي اربع اطفال 3 منهم مدارس ما بيوم اجتني وحده منهن ماخذه 9 من 10 ليش؟ لان اني مهتم بيهم اضافة لما يقدمه معلماتهم من اهتمام ورعاية
فلا تكونين مجحفة بحق المعلم لانه هو اساس البناء لهذا البلد التعيس
لولاه ما صار طبيب ولا مهندس ولا حتى فلاح لولاه لرايتي الاوضاع اكثر سوداويه
الحالات موجودة عند ضعيف النفس
ولكن هل يا ترى موجودة عند الكل؟؟؟؟؟؟؟؟؟؟؟؟

[وسـام]

بعض المدرسين والمعلمين قدمو على المفوضية وزاحمونه ع الكم فلس وحنه طلاب جامعات ومتخرجين تريدين يتخلون ع المراقبة
الك الله يا عراق

[Mohammed K.F]

هذا مو حل للمشكلة..الصحيح اما ان تغلق بعض الدراسات التي تسبب فائض بعدد الخريجين..او ايجاد خطط تساعد الخريج على الحصول وظيفة تليق به وتكون ضمن اختصاصه. مو يتعب كذا سنة وبعدين شغلته مراقب!!

ينقل الموضوع للقسم المناسب