هنا

[أكرم.]

خل نسولف عن ذكرياتنا بالمراقبة والمعاناة مادام انفتح الموضوع هاي عدا الحر والوكفة 3 ساعات
يوم من الايام وتحديدا سنة 2013 جنت مراقبة ع الوزاري بالانبار غرب العراق انقتلوا 3 جنود امام المركز الامتحاني وصار الرمي عامي شامي الطلاب يسالون شكو انكولهم ماكو شي جاوبوا هاي زفة واتخيلوا الموقف حظر تجوال +خوف +دكيتها مشي تقريبا عشرين كيلو حتى وصلت البيت ..ومن يومها اي مراقبة تجيني ادورلي على بديل ياخذ مكاني وحتى 125 الف وره 4 اشهر اجتنا ..


وبالنسبة للاخت على طاري المسايسه وكيفية التعامل مع الطلاب تره مابيها مجال اليغش ينطرد وصفر بالامتحان لو يبقى يصيح للصبح ،هذه مانتساهل بيها ابد

لا داده نسويله زفه ومبارك غشك يالهيبة
وننطي 250 الف دينار كل مرة يغش
ونسويله علاوة عالمرة الثانية وبالترتيب الثالثة والرابعه
ونغنيله
هذا مو انصاف منك
انتو وين تسولفون والست وين تسولف
تكول المدرس مخرف
وهيه مدرسة
ما ادري بفنلندا
ان شاء الله تتعينين وتشوفين وترجعين وره موسم دراسي ونشوف شنو رايج بالموضوع

[أكرم.]

استاذ راهب
هاي ال 350 منيلك بالله؟
يجوز انتو ينطوكم
مو اني صار 5 سنوات لغماس 125
واجملهن انا من جيبي 100
تربيتيش مدارسيش
لو صايرين كببجيه احسن النه وننطيهن للجماعه هواي ارحم

[أغرد بهمس]

ههههه تفرع الموضوع وصار معاناة التدريسيين

[Aya Ali Abd]

اني اعتذر من الجميع على عدم ردي لاني اصلا مو متواجده بالبرامج كلها والنت كله واقتراحي كان مو علمود فلوس بس اني اقترح كذا اقتراح حتى يبقون الخريجين على تواصل وتبقى همت الجامعه الي ديصير بروح ونسيان وحالة نفسه ما لها اول ولا تالي والسبب عدم ممارسة المهنه بعد الجامعه والجلوس بالبيت بعد 4 سنوات عمل شي صعب اني اعرف صعبه وشي مستحيل بس قولت ما فيها شي لو جربنا وتبقى هي مجرد اقتراحات لدعم الخريجين ومشكورين على مشاركتكم

[Aya Ali Abd]

طالما انني لم اجد رداً من صاحبة الموضوع رغم تواجدها فيه .. لذا سأرد بحسب ما فهمت :
1) الامتحانات مرحلة خطيرة جدا .. تستلزم احيانا اتخاذ قرار باقل من لحظات .. التعامل مع الطالب وقتها مع ملاحظة ان الطالب وقت الامتحانات ليس هو الطالب ايام الدراسة .. المهم هنا هو تراكم الخبرة في مراقبة الامتحانات والتعامل مع الطالب .. حين كنا بداية مشوارنا الوظيفي كانوا يضعوننا مع اكثر التربويين خبرة في القاعة وينصحوننا بالرجوع اليهم وعدم اتخاذ اي قرار الا بالرجوع اليهم .
2) علاوة على عدم وجود نص قانوني يتيح للاخرين من غير الملاك التربوي المراقبة في الامتحانات .. فهناك مواد قانونية توضح عقوبات التقصير فيها .. تصل الى حد الحبس .. ناهيك عن العقوبات الادارية .. فلو اعتمدت العملية على الخريجين فكيف ستطبق عليهم هذه العقوبات سواء كانت ادارية ام قضائية .
3) اعترف ان هناك اخفاق في بعض مفاصل العملية التربوية وليس منطقياً القياس عليه لشمول كل العملية .. اعلم ان هناك منجهاً متميزاً لكن لا يستطيع المعلم / المدرس الابداع في ايصاله الى الطالب او لا يتفاعل الطالب مع المنهج او مع المعلم / المدرس .
4) بعد كل ما مر ... اريد من العزيزة المقترحة ان تعطينا ضماناً لنجاح العملية التربوية او الامتحانانية لو سُلمت بيد الخريجين ؟؟

اعتزاز كبير بالجميع وامتنان .

اعتذر عن عدم ردي لاني ما كنت موجوده اصلا ومشكور على التوضيح

[Aya Ali Abd]

لا داده نسويله زفه ومبارك غشك يالهيبة
وننطي 250 الف دينار كل مرة يغش
ونسويله علاوة عالمرة الثانية وبالترتيب الثالثة والرابعه
ونغنيله
هذا مو انصاف منك
انتو وين تسولفون والست وين تسولف
تكول المدرس مخرف
وهيه مدرسة
ما ادري بفنلندا
ان شاء الله تتعينين وتشوفين وترجعين وره موسم دراسي ونشوف شنو رايج بالموضوع

لا عزيزيي اني بالعراق مو بفنلندا انا شخص تدرب وتعلم على يد ناس واساتذه افتخر فيهم افتخر في يوم رزلني استاذ حتى يعلمني افتخر في مدرسات كانو شديدين معي علموني كيف اوصل من المعانات صرت انسان واعي بعد ما كنت شخص طايش ما يفهم شي غير هو الموجود بالدنيا وبس تعلمت كيف اعرف اني انا ولا شي تحولت من شخص يتذمر وشايف اهله يقدرون يعملون الي يريده وحتى اذا صرخ بوجه مدرسه عادي هي تنطرد واني ما انطرد على اساس قوانين هذا الزمن لكن كان في ناس عرفت كيف تردعني وتفهمني معنى الحياة واني اكون بمجهودي لكن هؤلاء المعلمين وليسوا مدرسين اعتقد اصبحو 10 بالمئه فقط نحن اليوم ندرس اسقاط فرض لا اكثر ندرس بمجرد ما نخلي مسؤوليتنا وبس كل واحد مل حتى من نفسه ومن حياته لهذا وصلنا لهذه المرحله مع تحياتي لكم ...

[Senorita91]

شكد فكرا

[برلين]

عزيزتي اية لا يمكن ان نرتقي بحالة الخريجين الى الامام بنظرة قصيرة ومتزاحمة
نحن قد تناولنا مشكلتك هذه وقدمنا لها بعض الحلول الجذرية في برنامجنا الانتخابي لعام 2026


بروفا البرنامج الانتخابي لمرشحكم
السيد ادولف هتلر لانتخابات 2026

1- بناء وإعادة تأهيل القطاع التدريسي والتعليمي في العراق

2- توفير ارضية خصبة لدخول شركات الاستثمار الاجنبية مع (شرط العمالة العراقية) لبناء مدن حديثة وعصرية بجانب المدن الحالية لتوسيع رقعة السكانية

3- خفض نسبة البطالة وذلك عن طريق تعين اكبر عدد من الخريجين في مستشفيات ومدارس ودوائر المدن الجديدة والعصرية

4- تقوية الاقتصاد العراقي وذلك عن طريق حماية ودعم المنتج المحلي وفرض كمركية عالية وقيود وضوابط ع المنتج الاجنبي

5-تطوير القطاع الزراعي والنفطي وبناء محطات كهربائية تعمل بالغاز والمضي بمشروع الخصخصة

6-نبذ الطائفية واعتبار العرق العراقي في اعلى المراتب. وفرض عقوبات على كل شخص يرفع شعار غير شعار الدولة العراقية بدفع غرامة تقدر ب1000دولار
.....................
انتبه ع النقطة الثانية والثالثة التي هي تمثل حلول جذرية للمشكلة البطالة التي تفتك بالمجتمع العراقي
نحن نعلم ان اعداد الخريجين في تزايد و يتنافسون ع مقاعد شبه ثابتة بالدولة
اي لدينا عرض متزايد مع طلب ثابت
لذلك يتوجب علينا زيادة المقاعد الوظيفية سواء كانت في قطاع حكومي او خاص
لذلك يتوجب علينا بناء مدن حديثة وذات بنية تحتية متكاملة.. حيناها نحتاج الى عدد هائل من الخريجين ليقوموا بملئ وتشغيل دوائر هذه المدن الحديثة (بحيث نقوم باستقدام المصرين والجنسيات العربية الاخرى لملئ الاماكن الشاغرة العفو يمكن هنا حميت مثل الشهرستاني) وبالمناسبة بناء هذه المدن والبنى التحتية الخاصة بها لا تحمل ميزانية الدولة العراقية اي مبلغ مالي لان ذلك يتم عن طريق الاستثمار والمساطحة