يادائم الفضل على البريه
اجعل حياتي خدمه زينبيه
يادائم الفضل على البريه
اجعل حياتي خدمه زينبيه
________☆________
بعيونه الكلب يدعي ابدمعته اشما يطلع فجر
اقبل هالعمر لحجاب العرش ياربي نذر
متولع اضل رتبةْ خدمتي بيهه افتخر
اجعلني عبد عد سيدتي يوسفت الخدر
بيه الجوارح تدعي هالمسيه
اجعل حياتي خدمه زينبيه
________☆_______
ذريني رمل من كاع الابه بهامات الشرف
يسومرني الحزن مثل ال بالشمس عاري دم نزف
بكل لحظة صبر عد زينب يرب دلالي هتف
هودجهه علك يتبلل دمع ع الكطعوله جف
روحي ابقوافل دمعتي سبيه
اجعل حياتي خدمه زينبيه
________☆_______
ماشاغلني بس هالجم امنيه غايه مطلبي
خيمه تحترك روحي بالجمر لومثل العبي
اكسرلي ظهر من سوط الشمر لودمعة سبي
سويني يرب ذرة من ترب تل الزينبي
تلمسني اشرف خطوه هاشميه
اجعل حياتي خدمه زينبيه
________☆_______
خليني هوه ابريات الخيم من حلك السمه
عطشني ارتضي برياك الطفل عيشني الضمه
لوكطرة عذب بجف ابوالفضل لوكطرة دمه
خيط من الستر احمي من الضرب زينب فاطمه
سويني كلشي ابعطره غاضريه
اجعل حياتي خدمه زينبيه
_______☆_______
يارب احمدك لوصاير دوه السطره ابخد طفل
فضلك اشكره لو استشعره شيسوي الحبل
اسجدلك لإن حسست الكلب عثرات الهزل
لزينب انجعل من درب اليسر بالظهريه ظل
خْلقني دوه لسطرت جفن رقيه
اجعل حياتي خدمه زينبيه
________☆_______
عايش دنيتي عاشور الحزن حوراء الهضم
يبقه هالحزن فرض محبتي ميمنعه الخصم
من طبت العزه من حب خدمتي مااريد انحرم
شينفعني العمر لو ماكو بجي لو مابي لطم
ياباسط اليدين في العزيه
اجعل حياتي خدمه زينبيه
________☆________
كلمات الشاعر : حاتم صبري الكاظمي
________☆________
تدوين؛ Zahraa Al obaidi
رد مع اقتباس
المشاركة الأصلية كتبت بواسطة مزاجية وكذا
