ورثت منج جم صفه .... يامثال العاطفه
احلى ما بالدنيه اسمي ..... يقترن بإسم الوفه
__________
اني يابضعة محمد .. قطرة يمج في بحر
كل صفاتج العرفتهه .. صورة من بعض الصور
نجمه تطفه بالليالي .. لحظة غياب الكمر
الكون انتي بكل كيانه .. سيدة كل البشر
ابنورج اتشع السمه ..... اصل اصله فاطمه
تصبح الدنيه ضلام ..... لحظة لو نورج طفه
_________
تستحقين الزعامه .. وانتي قمه اعله القمم
من رسول الله خصالج .. من علي سيد الأمم
لاجلج الباري رعاني .. ودخلت بيت الكرم
ارعى من بعدج يتامه .. وامسح الدمعه وألم
اشكد عظيمه المنزله ..... بيتج اكدر ادخله
ذايبه ابحب وحنان ..... وانهل من المعرفه
________
لحظة ودخلت الغرفتج .. وعلكت جفي شمع
هنا مشيتي اهنا كعدتي .. وشفت محرابج يشع
فاضت اعيوني بغزاره .. والدمع ماينمنع
وانا اسمع صدى صوتج .. وذكرت كسر الضلع
ويلي يا ام الحسن ..... كلشي راواني الزمن
وسمعت حيدر ينادي ..... من على الدنيه العفه
________
غاليه وولدج غوالي .. عمري ماغمضتلي عين
اسهر اعليه الليالي .. وشلي من بعد الحسين
اربعه افديته وحياتج .. مايكفونه اربعين
انا ام حسين اسمي .. انا مو ام البنين
لحظه لو فكري سرح ..... اشعر بگلبي انذبح
ابقه اسهر انا احرسه ..... لحظه ماجفني غفه
________
سامحيني يالحبيبه .. منج ارجوا المعذره
اربعه انطيتج هواشم .. احس روحي مقصره
زينب اتكلي وسافه .. راح سبع الكنطره
جاوبتهه وينه ابني .. صدك كطعو منحره ؟
وينه ابني يمه وين ؟ .... ياحبيبي ياحسين
يالحبيب اجرحت كلبي ... عمري كلبي ماشفه
________
كاصده وحروحي كبلي .. اتقدم ويايه العذر
منزله انطاني الاله .. واحمد الله والشكر
بس سؤالي يبقه واحد .. ارجوا توضيح الامر
ابريت ذمتي لوبعدهه .. قبل ميلمني الكبر
ابريني ذمتي لوبعد .... لو انا وفيت الوعد
من ينزلوني ابحفرتي ..... ابقه اني خايفه
________
كلمات الشاعر : عقيل فرهود الكربلائي
________
التدوين : ZAHRAA
رد مع اقتباس
المشاركة الأصلية كتبت بواسطة مزاجية وكذا
