كلمات قصيدة اشتاكلي - مكتوبة - الشاعر حسين الحبتري 2018
تحميلmp3
كلمات القصيدة
________
اشتاكلي ..
اشتاكلي اعيوني غريبه
واليهزه الشوك كلبه
ولا اظن جدمه اليجيبه
اشتاكلي ..
الصفنه خذتني
وكلبي حيرة تايهين
ودنيتي ..
دنيتي خلافك رخيصه
وذاك من ذاك الحنين
ارد اخم خيطان كلبك
حنه حنه
وارد اشوفن يانذر
خلاك تنسه وماتلين
اشتاكلي...
اتردلي ضحكتي
وتنمد ابروحي
كناطر شوك
ما لمهه حضن
وهيه هيه ايبات
بسطوح الولايه
الطيف
حاير من يسد بيبانه ابوجهه الجفن
من يفيض اعتابهه
الروحي اعله خلهه
اتموت سكته
ونارهه ابجلمات المعاتب
تشب
دللتني وياك
والوادم شفتهه ابلا كلوب
وشنهي كلبه المايحب
المطر للكاع عاشك
والشمس ينضم ضواهه
اعله الورق ماينكتب
اشتاكلي ..
الوادم شرتني
وماحلتلي الوانهم
وما والمتني
ولا جنايزهم صدك
حته انخه متني
البارده جفوفه
تره مضيعله غالي
وهاك
هاك اجفوفي متروسه برد
وانته اعله بالي
وهاك
هاك الطير من يثكل اجناحه
ايذم سماه
ومايهم بالشوك
بس الكلبه خالي
اشتاكلي..
اعيوني غريبه
واليهزه ابشوك كلبه
ولااظن جدمه اليجيبه
_____
تدوين ؛ Zahraa
رد مع اقتباس
المشاركة الأصلية كتبت بواسطة صفاء العامري
