هنا

[ارجع يازمان]

بويه بويه!!
بويه جا ليش الفقير ايضل يتاني وينتظر
بويه كالولي الصريفه ماتجي الباب القصر
حافي شافوني ابدربهم
مارضوا ابقى ابلعبهم
بويه والدشداشه عركت داخت ابذاك العطر!
بويه بويه

::::::::::::::
الزمن هذا المنافق مانصف ويه الفقير!
احنه يابويه انعدمنا ابيوم ما مات الظمير!
لا جوامع لا مدارس
لا حكومه اولا مجالس
بويه جذابين ذوله و تاجرو بينه اشكثر!!
بويه بويه
بويه جا ليش الفقير ايضل يتاني وينتظر
بويه كالولي الصريفه ماتجي الباب القصر!

::::::::::::::
بويه مكتوبه علينه مانحب ابهل درب
احنه للموت انخلقنه ولازم انطب الحرب!
جنهم ايبيعون بينه
واشكثر ضحكوا علينه
بويه هم زين الفقير ابموتته ايحصل الكبر!
بويه بويه
بويه جا ليش الفقير ايضل يتاني وينتظر
بويه كالولي الصريفه ماتجي الباب القصر!

:::::::::::::::
كالوا انتظروا المهدي وانه شوكي الجيته
انتظرته اويه الفقاره ابعيني دمعه الشوفته!
واكف ابدرب اليتامه
انتظر نور الامامه
بويه شو ما مر علينه وينه ذاكَ المنتظر!
بويه بويه
بويه جا ليش الفقير ايضل يتاني وينتظر
بويه كالولي الصريفه ماتجي الباب القصر!
حسين االساعدي

[Giant]

عاشت الايادي

[ارجع يازمان]

عاشت الايادي

انته العايش شكرا لحضورك الاجمل