تعّبني ليل مناطَرَك
يسألني گلبي إشأخّرك
و يلگى الجواب بدمعتي
المحتارة فوگ خدودي
اميال ساعة موعِدَك
ثگلن و انا المترصِّدَك
ابسندانة آمالي اشكثر
ذبلَن عليك ورودي
طرّز عمُر روحي الأمل
تحسب بدت ساعاتك
و اتصلت برابط عشگ
ذاتي الحزينة و ذاتك
گلبي وية گلبك متِّحـِد
رغْم الهجر رغم البعد
عيون اليحبّك تستعِـد
كل جمعة تحسب شوفَك
لوما أمل عدها و صبر
ما تحتمل هذا الهجر
يا أحلى من وجه الفجر
لمَّن تمُر اطيوفك
دگينا بچفوف الأمل
يلمهدي باب احسانك
دلّينا نوصل لك عشگ
يبن الحسن عنوانك
و لمن يحب القصيدة موجودة بصيغة mp3 بصوت الملا ياسين الوائلي في المنتدى
رد مع اقتباس
المشاركة الأصلية كتبت بواسطة أبو فاطمه
