اذكرك ياعراق ابكل الجروح
هذيــچ المـاگــدر چــفـك يشلهه
امس من حشمتنه ابساعة الضيــچ
وخانوك الخوان الموش اهلهه
فزعنه وريحة العنبر بالصدور
ولعبنه ابريحة الذل وفشلهه
اجيناك ابشباب اتكحل العين
وجان الساتر ايذوب ابشكلهه
اجوك المالحين ابوگــت الزماط
وگــعدتهم فلا واحد يملهه
العله الذل عينهم ماتعرف اتنام
وترابك ساعة التشتد كحلهه
الواحدهم تبختر ساعة الموت
وحمل وحــچـــاية الشامت حملهه
الواحدهم ذهب ومرخص الروح
الخوته التهمته ابوگـة سملهه
ويحب اولايته وع اساتر احلام
ابدمه اﻟچــان ينزف يرسملهه
الشيمهه ابوگــفته اعله اليضدون
وغم طـــگــهن فلا اعوفــچ يــگــلهه
اليم كل طفلة تاهت يعتني الموت
والاجلهه الما تهل چــانت يهلهه
اخوتي الما حصتهم ذيــچ الاقلام
وبيهم حارت الفتوه وسجلهه
على ترابك تهاووا مثل النجوم
وجثثهم بالنجف ملتم شملهه
اجوك وردوا ابحضن التوابيت
جنايز والـثـچـــالة اتلهلهل الهه
جفوا لكن وراهم شبحت العين
وبعدوا ونذبح بالعين املهه
فلا ذلوا وعاشوا بأرضك احرار
وساعات الشدد چــفهم يحلهه
الــگــصصهم تنتمي لعباس وحسين
وعاشت رافعة الراس اشيذلهه ..؟
____________
التدوين : ZAHRAA
رد مع اقتباس
المشاركة الأصلية كتبت بواسطة صفاء العامري
