هنا

[وحيدة كالقمر]

يلعن ابليسك هههً،
صار ساعتين جالسه اقرا التكمله ،
عيوني راحوا هههه
يسلموا ع مجهودك ،،
بإنتظار التكمله

[زفير]

اويلي يا الله
راح نسوي عليج ثورة ههههههه

اوك راح نضطر ننتظر التكملة على احر من الجمر

[ملكةه]

شكرا لك على هذا الجهد..
بس مو الافضل لو تسوين كل جزء بموضوع مستقل؟!

دمتي بود

نورت بوجودك العطر اتمنـئ لك قرا۽ة ممتعه
شكرا ع اقتراح بس اكمل هذه واشوف

[ملكةه]

اويلي يا الله
راح نسوي عليج ثورة ههههههه

اوك راح نضطر ننتظر التكملة على احر من الجمر

ع حظي الخطار كومه
انشالله باقرب وقت

[ملكةه]

يلعن ابليسك هههً،
صار ساعتين جالسه اقرا التكمله ،
عيوني راحوا هههه
يسلموا ع مجهودك ،،
بإنتظار التكمله

نورتي حبي
انشالله باقرب وقت

[همس الصباح]

يااويلي الاحداث صارت كلش مشوقة
شوكت تكملين

[ملكةه]

ج 2 بارت 17
كلام سهى ورفضها الي كدام الكل
كان اكبر طعنة اتعرض الها لثاني مرة بحياتي على ايد سهوة
وانا ما مستعد بعد اتنازل
لهنا وكافي شكلي ما راح اتعلم من
لسعة الزمن
كل مرة اكون انا الخاسر الوحيد بالحب
زوجتي الاولى مقصرت
واجتي سهى وكسرت جميع القواعد بافعالها وصدها ورغم ذلك مازلت متمسك بيها

وهي كانت لحد اخر لحظة تريد تتزوج شخص ثاني
وتتركني وراها بدون ما يرفلها جفن موقفها هذا
صدمني وخلتني اصحى على حالي
والله على ايدها شفت انواع الصد والهجر
كرهت كلشي بحياتي وشكل حظي ما كاعد
وية العشك
...........................

ام سهى والفرحة ما سايعتها
تباوع لبنتها لابسة ثوب العرس
مامصدكة عيونها كل ساعة تصلي علىً النبي
خاف تحسدها
: ماما سهاوي عين الباردة عليج طالعة تجننين
ربي يسعدج ويهنيج
اباوع على امي شلون فرحانة
واني النار تسعر بگلبي من الخوف الي جاي اشعر بي
اليوم اروح برجلي للجحيم
لحد هسة اتذكر بيوم صارت مشيت الزلم
والشيوخ وصار العقد
اتفاجئت من كالت رواء ثائر صار عندة شغل
وما راح يكدر يدخل يلبسج الذهب
كلت ميخالف اصبر واتحمل ولازم اكون مستعدة
لردة فعله وما راح استسلم
اعرف كلش زين اني من وافقت على زواجي من ثائر كنت اعرف راح يكون امامي هواي حواجز
تحيل بيني وبين ثائر اولها صدي وثانيها خذلاني الة
اكثر من مرة وهو حقة هو قاتل بما فيه الكفاية علمودي
واني ما اتنازلت عن اي حق من حقوقي
وكنت لحد اخر لحظة مستعدة ان اتزوج غيره واتركة علمود ابني
وهاي شانت بخاطرة وياي
صعدت بيومها بالليل وبدلت ملابسي وغسلت وجهي
واني كلبي ميت على شوفته
وصلت رسالة فتحت النقال وجانت من ثائر
: الف مبروك عليج انا
شوفي سهوة مو بعدين تكعدين تندبين حظج
ترة انتي جبتيها لنفسج
وراح تدخلين برجل للجحيم
والظاهر بعدج مستهانة بية وما تهابين
الوحش الداخلي
كوني مستعدة للي راح يجيج
..........
رجفت ايدي وكع النقال مني من الخوف
صار ثائر يتوعدلي
واتفاجئت يوم ثاني المهر عمو قاسم كال
: الشيخ مزاحم يكول بنهاية هذا الاسبوع الزواج
استغربت من الاستعجال وخفت احس بروحي
ضيعت نفسي بقراري
وقطعت طريق طويل مامنة رجعة
ومشيت بي بدون ما التفت خلفي
مر علية الاسبوع واني احس روحي بحلم واريد اصحى منة
امي وعمة منتهى خبصني خبص
وامي كل ساعة تكول همزين اني مجهزة سهاوي
من كلشي بس لازم نطلع اكمل كم شغلة
اني سويت روحي ملتهية ادرس حسن بس لكن

هيهات اين تفرون
الجدة وعماتة استلموني زيارات وهلاهل
اتذكر دخلت علينا بيبتهم هي وعماتة وجانو محملات بالجنط ما اعرف شنو بيها
بس حسب كلام بيبتهم : يمة هذا نيشانج
تعاي يمة خل احبنج(بوسة)
اقتربت منها وباستني من خدي وهي تهلي وتصلي
وبعدها
استلمني عذراء وبنات خالها تنظيف وتعديل وحف
واني احس روحي مثل اللعابة بيدهم
وتركيزي متشتت
جنت اتمنى اشوف ثائر حتى يطمني انو قراري
بالموافقة جان صحيح
وما اريد اتندم
اباوع على حسن شلون فرحان
واستغربت من اجاني وكال ماما عمو ثائر كال
انت تكعد وية الزلم بالعرس
وعمو ناصر كال انا اجيبة وياي
طبعاً هي كانت مجرد كلمات
بس حسيت بيهم اكو امل
خلص الاسبوع وبنهاية بالليل
زارنا الشيخ وابو ثائر وصاحلي عمو قاسم حتى ادخل عليهم
دخلت وسلمت واني كلبي يرجف ورجلي تطك برجل جنت اتمنى ان ثائر يكون جاي وياهم لكن خابت كل امالي من شفت بس جده وابوه موجودين
سلم علية جدهم ورحت اقتربت اسلم على ابوه اتفاجئت بكمية البرود الي عاملني بيها
ابتعدت عنة واني محملة بالف علامة استفهام ؟؟؟
شنو سبب هالبرود،؟؟؟
اتصلت على صديقتي سارة وعزمتها
وهي كالت اتمنى اجي بس مثلما تعرفين عساف وثائر ميتحاجون وبعدة ثائرزعلان على عساف وماخذ منة موقف
ما اعرف ليش من اتصلت على سارة وحجيت وياهة زاذ خوفي بالزايد
وعرفت صفة جديدة عن ثائر انه راسة يابس
وزعله كلش صعب
يعني صديقة روح بالروح وهو لحد الان ميتحاجة وياه
والادهى والامر من هذا كلة انصدمت من
عرفت من رواء ان ثائر بعدة مزاعل ابوه ووجهة ثكيل عليه
ومن عندها قريت على روحي سورة الفاتحة
لان الظاهر طريق الوصول لثائر مو بس بي حواجز
لا وانما متروس حواجز كونكريتية
و امي وعمة منتهى اخذو جنطي كلهم وراحو هناك
يصفطونها بغرفة ثائر
يعني شنو راح نكون اني وياه بمكان واحد ويجمعنا سوة
حسيت بشعور داعب احساسي
يعني راح يرتبون عطوري بصف عطور ثائر
وملابسي يصفطونها بكنتور ثائر يم ملابسها
كان الشعور بحد ذاته بي لذة ونكهة مملؤة بالشغف
اتمنى ثائر يحس مثلي بنفس الشوگ الي اني احس بي بأتجاهة
.......................
دخلت عذراء علية وجانت طالعة تجنن
عذراء: خالة راح يوصلون خلي نلبسها البرنص
كلبي كام يرفرف مثل العصفور
امي انتبهت علية
لان اول مرة امر بهيج شعور
يعني شنو اني راح اعرس يعني بعد ما ر

اح صبح
بوجه امي واكللها صباح الخير
شفتها كامت تمسح بدموعها
دخلت نور وكالت اخواني يردون يشوفوني
اتصلت عليهم صوت وصورة وفتحت كامرة وياهم وشفت اخوتي
امجد قتيبة احمد كلهم كاعدين ويسلمون علية
احمد: كللللللووووش واخيرا راح تتزوجين
وظل يهوس
عرس سهوة هيل وطش بالولاية عرس سهوة
وشفت قتيبة يضحك ويباركلي
وانتبهت لامجد يبتسم وبعيونة غصة
وشوق لاهلة
انكسر گلبي على اخوتي رغم ضحكتهم وتهانيهم ماكدر
يخفون عني نظرات الحزن الموجودة بعيونهم
كان واضح عليهم يحسون بالغربة والفراق عن الاحبة
لا يطاق لكن الدنيا مالهة صاحب
خانتني دموعي من حجة امجد
: الف مبروك يالوردة اتمنيت انا موجود واسلمج بيدي
لزوجج واوصيه عليج بس
شكلي مامكتوبلي بس يالله
اهم شي شفتج بثوب العرس حيل حليانة
ولايك عليج ديري بالح على نفسج
صرت انسح دمعة وتزل الثانية
عذراء: يالله كافي شنو كلبتيها مناحة ترة راح تسيح الكحلة وتصيرين تخوفين جنج زومبي
سمعنا صوت الطبل والهلاهل والزلم صارت خبصة وكمزت من مكاني من صوت الرمي
عبالك مو عرس حرب
شفت عمو قاسم يبتسم الي كان بمثابة الاب بوقفتة وياي
اقترب مني وباسني من راسي
: الف مبروك سهاوي ربي يهنيج
دخلو النسوان بالصفكات والهلاهل
ودخل وراهم الشيخ مزاحم
كان لابس بشت وعكال كان ينطق بالهيبة الوقار
يحيطون بي مثل الهالة
يمة گلبي كمز من مكانة بيوم طل علية ثائر بطلة
العرسان اجيت اوكع من طولي
قطعت النفس
كعد بصفي بس محجة اي كلمة وياي
وكان يبتسم ويسلم على عماتة والاهل
وما وجهلي اي نظرة
جنت كلي ارجف
انتبهت على الشيخ مزاحم اقترب من عندنا
: يالله بوية على بركة الله
نهضنا اثنينا وحط ايدينا بأيد بعض
لمس ايدي حسيت مثل التيار الكهربائي سرة بحسمي
كانت ايدي قطعة ثلج وايدة نار
اتوغل دفو ايدة ووصل لكلبي
كان هناك ضوء ضعيف موجود داخل گلبي هذا الضوء هو الامل الي من خلاله كدرت امشي وية ثائر واطلع
من البيت اهلي

اتنفست ريحتة و تسربت لداخل انفاسي ودخت
صار كل الحضور مالهم وجود الا ثائر
كنت مركزة وياه لدرجة لو يرمش احس بي
انتبهت عليه مد ايدة ونزل البرنص على وجهي
احس بروحي ما اكدر اشوف طريقي طلعت بباب البيت واشتغل الرمي والهلاهل
كمزت من مكاني ولزمت ايدة حيل اريد احس بامان
رفعت راسي حتى اشوف طريقي
انتبهت عليه قرب راسه وهمس باذني
نزلي راسج لا يشوفوج الزلم
يممممممممممممة صوتة يمة ياصوتة
اشكد مشتاقة اسمع صوتة
هي كانت مجرد همسة بانفاسه الحار مرت على ركبتي
صرت ازهر مثل الوردة الي يزكونها (يسقونها)
بمي
فتح باب السيارة وساعدني هو وامي حتى اصعد
صعدت وباوعت جان الشارع متروس جهال وزلم
وشفت ابني حسن لابس قاط فدوة لطولة وواكف يم ناصر لابس دشداشة بيضة
وحارث هم لابس قاط
سمعت باب السيارة انفتح وركب ثائر
وعلي اخوه كان هو الي يسوق
باركلي وشغل السيارة سمعت اصوات الجهال تركض
ورة السيارة عبالك راح يزفونا بطريقتهم الخاصة
واتحركت السيارت واصوات الهورنات ملة الشارع
انتهت على عدي كعد يرمي
علي: الف مبروك يالوحش شايف خير وتستاهلها
كمز كلبي من سمعت كلمة وحش
ما اعرف ليش من يوم عرفت ثائر هو نفسة الوحش
واني صرت اباوعله كشخص غريب علية
لان كنت اجهل ان ثائر هو نفسة الوحش الي يخافون منة الجميع
كنت اجهل هذا الجانب من ثائر
طول هاي معرفتي بي كنت اشوف فقط الجانب المتحضر من ثائر
اما هذا الشخص الكاعد بصفي شخص غريب علية ينادونة الوحش
على اساس اني ناقصة مخاوف وهذا الاسم زادهم علية
.......................
في لب اجواء العرس كان هناك حبيب
لا يزال يعاني من رؤية بنت عمتة تبتسم لغيرة
عذار عدي
شفتها ركبت بسيارة اخوها حارث
واجيت اتخبل من شفت صديق حارث كاعد
بصفة
ما شفت نفسي الا ساحب الولد ومطلعة من السيارة وكاعد بمكانة
حارث : خير ابو الشباب جا وين مصطفى راح
: مصطفى نزلتة من السيارة وكلت اركب وياك لان
سيارتي انطيتها لاخوي رافد
شفتها ورف كلبي لهواها واتمنيت تحن عليه
بنظرة منها
.....................
وصلنا لبيت جدهم بعدما اخذونا فرة
ما اعرف ليش هاي الفرة بالسيارات
بس يتهيأ لي ان هذا نوع من انواع
التفاخر بين العشاير
يسمونة الاشهار بالزواج
واول ما وصلنا لبيت الشيخ
ذبحو يم رجلي ذبيحة
واول ما شفت الدم
گبل اغمى عليه وما حسيت بعدها بأي شي
شفتها اغمي عليها
شلتها هي وبدلتها الهوسة
وانخبصو الكل وصرت اصيح سوو مجال
اريد افوت وصعدتها فوك لحجرتي
جان كلبي يرعد رعد من حسيت بيها صارت بين ايدية
حسيت على ضربات خفيفة على خدي
فتحت عيوني على كيف واني احس بدوخة
ركزت شوية
باوعت شفت وجه ثائر الخايف يريد يطمن علية
اي هو هذا ثائر
لكن سرعان ما اتحول الى وحش من شافني
استرديت الوعي وشفت امي مدتلي كلاص
عصير
: لزمي ماما سهاوي شربيلج شوية
بللي حلكج بي
شفتة نهض من يمي
: انا اترخص رايح يم الزلم
بديت استوعب مكاني وشفت نفسي نايمة بوسط
سرير عليه فرشة ملكي

ة لونها ابيض
مال عرسان بس كلش حلوة
وكان عطر الغرفة كلة بخور عربية
صرت اباوع لكل تفصيل بالغرفة
واتمهن انتبهت على بش معلك على زاوية الغرفة
وبصفها روب نوم ابيض خاص بية
حسيت بخدودي صارن حمر
من كد ما جنت مشغولة بالتفكير بثائر
نساني حتى شلون استعد لهاي الليلة
بعد مرور ساعات
لاتخلو من الخبصة والهوسة ناس داخلة وناس طالعة
والجدة خطية دخلتلي
وكالت يمة غيري هدموج (ابدل ملابسي)
دخلت وياي امي وساعدتني
ما اعرف شنو كان قصدهم
لبست السيت الابيض رغم اني مو بنية (عذراء)
بس امي اصرت هي والجدة الا البس ابيض
تكول فال خير
طلعت وصارت الجدة تهلي وتصلي وتقرة ايات
بعدين شفتهم
جابو طشت ماي ورد وورق ياس
: سهوة جدة حطي رجلج بهذ الماي
وبعد سوتلي طقوس غريبة عجبة
تكول انها لها الدور بنجاح الحياة الزوجية
بين الزوجين
كنت انفذ كلشي تطلبة مني
احتراماً الها لكن بغير اقتناع
من خلصت صاحت لعذراء
وانطتها الطت وكالت
: شمري الماي بالسطح
دخلت رواء بصينية العشاء وكانت مغطيها بقماش ابيض
وانفتح الباب وسمعت صوت خشن
يمة ثائر نزل على راس وايد بيبتة وباسها
ونوب اترخصت مني اني وياه وطلعت هي وامي
...............
وتركوني لوحدي يم الوحش
حسيت بروحي رجعت طفلة صغيرة
اول يوم الهة بالمدرسة وتبجي تريد
امها
اي اني بهاي اللحظة اريد امي
ولوما عيب جان كعدت بالكاع اصيح اريد امي
لان شعور اول مرة بحياتي احس بهذا الاحراج
الارتباك من الموقف والله يحفظة ثائر مدري
الوحش ما جاي يسهل علية الامور
رفعت راسي اريد اوف شنو جاي يسوي
انصدمت شفتة
واكف بمكانة يم الباب
مصدوم ويباوع عليه وكانت عيونة تريد تاكلني بنظراتة
اي هاي النظرات نفسهم نظراتة
الي كانت تراقبني من جنت بالكلية وخلتني اتعلق بي
انتبهت عليه هز راسة مثل الي يصحي نفسة
حتى يوعى
اباوع عليه بطرف عيني نزع عكاله
والجفية وعلكهم
وفتح كم دكمة
جنت كاعدة على طرف السرير ومدنكة راسي
وايدي متشابكة مع بعض
حسيت بي اقترب مني
وظل واكف
رفعت راسي اريد اعرف شنو ديسوي
باوعتلة كعد يخربط بشعره
وخربط الدشداشة وحطها الفتحة صفح
جنت اراقب حركاته
مستغربة شنو ديسوي
اقترب مني وهمسلي
شوفي يسهوة كل الي راح اسوي
مو لخاطرج لا
وانما حتى اثبت للكل انا امتلكتج
مسح بطرف صبعة شفتي وعصرها
ونزعني الروب وميل الشريط عن كتفي
وخربط شعري ومسح عيني من الطرف

راح اتخبل هذا شديسوي وياي
باوعت عليه شلون حط
صبعة الي صار بي اثر الحمرة
ومسح بي ركبتة
نهضت مصدومة من حركتة

تركني وطلع يتباهة امام اهلة والربع
بأمتلاكي وصرت من حلاله
عرفت شنو كان يقصد بكل هاي الحركات
حتى تبين عليه معالم العريس
حتى كل واحد يشوفة من الاهل راح يعرف
انه قضة هاي اللحضات الحامية بحضن زوجتة
وامتلكها
ومن هاي اللحظة عرفت
ان هذا شي سيء والقادم اسوء
كعدت عالسرير واني مثل المبنجة مابين
ندم وحيرة
فهمت رسالة ثائر والله يعلم شنو راح اشوف على ايد
ثائر والوحش

وهنا تبدا حياة جديدة مع سهى وثائر

[ملكةه]

يااويلي الاحداث صارت كلش مشوقة
شوكت تكملين

هذه اخر بارتات

[ملكةه]

اعتذر ع تاخيربارحه جنت طالعه

[ملكةه]

ج 2 بارت 18
طلعت من يم سهوة وانا خايف اضعف كدامها
وما اتمالك نفسي وارجع عليها اكلها
كون اخليها للصبح تون وما بقي بيها شي صاحي
اريد اطفي نار گلبي بيها
بس لزمت نفسي
من شفتها بالروب الابيض
جانت هاي اعز امنية على گلبي
اشوفها لابستلي الثوب الابيض مثل الملكة
وبهذا اليوم كنت ناوي اروي عطشي
وضمأ السنين
لكن موافقتها بالزواج مني كلبت كل الموازين
وخلتني اعيد كل حساباتي وياهة
اجت موافقتها بالزواج بالتوقيت الصحيح بالنسبة الهة لان شافت ان زواجها مني يخدم مصلحتها
صرت بالنسبة الهة وسيلة حتى احقق هدفها
مو لاجل حبها لثائر
يعني بأختصار كانت راح تتزوج بكل الاحوال انا او غيري اهم شي تتزوج
اذن ماكو شي خاص
.............
عدي : هاي شنو وحش شجابك علينا بهالليل
ولك جا مو اليوم ليلة عرسك شعدنك لاحكني لهنا
وعايف مريتك
كعدت على الكرسي مقابيل عدي
جان كاعد بمكان مخصصينة بالمزرعة نجتمع بي انا والشباب مثل الكعدة العربية بنص المزرعة
قرب ساكية(الساقية) الماي
مرات نلتم احنا والربع
نشرب نركيلة لو مرات نلعب دومنة
اسمع صوت صفير صراصير الليل ونقيق الضفادع جان يخترق سكون الليل
رفعت راسي جانت النجوم واضحة بالسما تلالي
هنا عدنا النجوم اوضح من نجوم بالمدينة
يمكن لان اضواء المدينة تعم على ضوة النجمة وسواد الليل
عدي: شبيك ياخوي مو على بعضك
ليش لافي هنا وعندك حرمة تنتضرك
: عدي احس بروحي مخنوك ما اعرف شبية
: شبيك وحش صار شي بينك وبين حرمتك يخلك تطفش منها من اول ليلة
: ليش هو بقى شي ما صار بيني وبينها حتى تجي هاي الليلة وتكملها
: وحش انت هذا عيبك بيك طبع
صعب تسامح غيرك
وبعدين تكعد تشتكي من سوء الحظ
يا اخي سامح حتى تعيش حياتك مرتاح
انا ما اعرف شنو صاير بينكم انت وزوجتك
بس اعرفك انت شنو لان اخوي وصعب العشرة
لذلك راح اكول الله يساعد المكرودة عليك
وهسة راح اطلع صدري مثل بيبيتي
وادعليها كون الله ينصرها عليك
ويقويها وحتى تقضي على الوحش الراكب راسك
لدرجة احس بيك راح يطلعلك گرون
التفتت ادور عالحارس
: زيدون جيبلي ستكان جاي راسي راح يطك
ردت اماطل بالوقت واتأخر لتالي الليل
حتى من ارجع الكاهة نايمة وما اظل اعاني

عدي : يالله وحش كوم لا توصل علومك لجدي
ويبهذلك ترة هذا جدك الله يسترة منة حاط بكل مكان عيون تترصد
: هذا هو كايم لان كلش تعبان ومتكسر استغفر الله
مو عرس جهاد هذا حرب البوم طاح حظي من الركضة والوكفة
تركتة لوحدة ورحت اتمشى بالمزرعة حتى اوصل للبيت
.......................
دخلت للبيت الساعة (٢ ص )
شفت جدتي مرت من يمي بدون ما تنتبه علي
جانت رافعة ردنها بوضعية الوضوء ومحللة شيلتها
ومطلعة مقدمة شعرها
هاي الصورة دائماً تتكرر بهيج وقت من الليل
استعداداً لصلاة الليل صارت عادة كل يوم اسمع صوتها الهامس بالتسبيحات
صعدت فوك ودخلت للغرفة جان الضوة مفتوح
انتبهت على سهى بنص السرير ومغيرة ملابسها بثوب ثاني عادي
وكانت نايمة بوضعية الجنين وحاضنة صورة
بدلت ملابسي
وكعدت على طرف السرير اباوعلها مديت ايدي وسحبت الصورة الحاضنتها
شفتها صورت ابنها
اخذت نفس عميق ما اعرفج انتي شنو
انسانة ضعيفة لو شيطان بجسد ملاك
جنت كلش تعبان وما مستعد اغير مكان نومتي
اتمددت بصفها
والتفتت عليها مديت ايدي وسحبت خصلة
من شعرها وشميت عطرها
ثائر مو هو هذا الي جنت تتمناه
وهاي سهوة صارت ام بيتك ليش ما
تاخذها لحضنك وتشم عطرها
اي بس وكرامتي الداستها وجرح گلبي الي بعدة ما شفى
صرت اخوض صراع بيني وبين نفسي
ونجح الجانب المتلهف لحضنها
يعني ترة صعبة تطلب من واحد جوعان
كدامة اكل ما يمد ايدة وياكل
ما حسيت على نفسي من مديت ايدي وسحبت جسمها الدافي لحضني
انتبهت عليها اتململت من نومتها مثل البزون
بدون ماتحس
وقربت راسها وخلتة بين رگبتي وراسي
حركتها قضت على اخرقطرة عقل عندي
لميتها كلها لحضني
ولاؤل مرة بحياتي احط راسي عالمخدة وانام مرتاح
................................

صحيت من نومي على صوت واحد يدك بالباب
فتحت عيوني وبديت اتذكر روحي اني وين
اي نعم
البارحة عرسي واني هسة مو ببيت عمو
وحسن ابني مو بحضني ولا نور ولا امي يمي
واخر شي اتذكرة بالليل ثائر طلع من يمي
وتركني لوحدي مع المجهول
بوقتها صرت اروحً وارجع وما اعرف شنو اتصرف بمثل هيج موقف وشنو الخطوة القادمة الي راح اخطيها
وية ثائر احس بروحي جاي امشي على
جسر وهذا الجسر يكون مملؤ بالخطاطيف
وما اعرف بَـــأي لحظة ازلك من الجسر واوكع على وجهي (اسقط) باوعت لروحي بالمرايا
وشفت ملابسي المهوسة مكياجي المخربط
للحظة اتوهمت ان ثائر كان فعلاً قبل ساعات نايم بحظني
يعني فعلاً وحش وما يفوتة شي
سبحت ووبدلت روبي لان بعد مالة د

ور بدلتة
بدشداشة فانيلا ربع ردن
اني لازم اكون قوية
وما راح اخلي هذا الموقف يهزني
اي سهى انتي قوية وكدرتي تجتازين
هواي حواجز وصبرتي
اكبر من هذا الموقف
وبعدها الحياة كدامنا وهذا اول يوم الي وية ثائر
لازم انطي فرصة
اتمددت على السرير بتردد وارتباك
حتى بنومتي ما اعرف اقرر وين انام انتظرت ثائر والوقت اتأخر وهو بعدة ما رجع تالي
غلبني النعاس وحطيت راسي عالمخدة وحسيت بجفوني ثكلت
وغطيت بنوم عميق
.................
رجع مرة ثانية صوت طرق الباب
ردت اكوم من مكاني حتى افتح الباب لكن حسيت على شي جر شعري لحظة هاي شنو التفتت
وفتحت عيوني على وسعهن هذا ثائر نايم بصفي
يبوو وما لابس بس شورت
يبووو ونايم على شعري سحبتة على كيف من جوة راسه كمت واتوجهت للباب حتى افتحة
سمعت صوتة الثكيل من اثر النوم
: اوكفي لحظة وين رايحة وانتي بهذا شكلج ومفرعة
رجعي دخلي جوة بالحمام سوي نفسج جاي تسبحين
احتمال هاي عمتي سناء لو واحد من اخوتي
كان يحجي وياي وهو يكوم من السرير
اتعجبت على شكلة شلون واثق من نفسة يتنقل بالغرفة وهو لابس بس شورت حاف
الله على برودك يا اخي
ارحم گلبي جريت حسرة
رحت دخلت للحمام وغلقت الباب وراي
وحطيت اذني عالباب وصرت اسمع اصوات الهلاهل
هاي عمتة سناء ما كو غيرها
سمعت صوت رجال دخل ويكلة هَـا وحش بشر
وسمعت صوت ضحكة ثائر
يمةةةةة منك ثائر
عادي عندك تضحك وية غيري
يعني انت انسان طبيعي تضحك وتبتسم وتجامل وتبتسم اشو اني ولامرة شفتك تضحك وياي
اوووف منك شكلي راح اكوم اغار حتى من عمتة واخوتة
لحظة سهى بعدج ببداية الطريق
لا تستسلمين من هسة
سمعت الباب انسد
رحت غسلت وكملت
وفتحت شعري وخليتة على جانب ورشيت شوية عطر
وطلعت شفتة يكلب بالTV
حجة وياي بدون ما يلتفت : تعاي اتريكي

اخذت نفس عميق ما راح اسمح لنفسي اضعف امامه وابين خوفي منة حتى لو كان ذاك الوحش الي الكل يخاف منة
لان اني الوحيدة الي كدرت اشوف الجانب الجميل
بثائر الي كان
يبادلني النظر بكل شوك ولهفة
راح اسعي افرض نفسي عليه وارجع حب ثائر
مستحيل اخليه يخليني على هامش
حياتة
.................
رحت كعدت بصفه
كانت صينية الريوك متروسة بانواع الاكل
من جبن وگيمر وكاهي وبيض وزيتون وخبز حار
كان كلش هواي اكل يكفي لعشيرة بحالها
مديت ايدي اخذت السكينة وصرت اقطع الكاهي
لقطع صغار
انتبهت عليه يمد ايدة على القطع وياكل وعيونة
عليه يباوعلي شلون اكل بخجل
مديت ايدي على قطعة كاهي وغمستها بالكيمر
ردت اكلها محسيت الا على ايد ثائر سحبت ايدي
ووصلها لحلكة واكل القطعة وعيونة بعيوني
هنا انا ضيعت كلشي
وصرت بس ارمش بعيوني
يالله شكد احبة بس هو قاسي وگلبه جافي
شفتة اقترب مني وصارت انفاسنا وحدة وعيونة
على شفايفي تريد تاكلها غمضت عيوني وسلمت
للي راح يصير حسيت على انفاسه صارت قريبة
وهمس يم اذني وكال
: سهى حضري نفسج حتى ننزل جوة
نصبح على اهلي
فتحت حلكي وعيوني على وسعهن من البوري الي اكلتة
: هاااه
: شنو شبيج ما سمعتي اكلج جهزي نفسج حتى ننزل
سوية
: هااا اي هسة لحظة
......
صبري علية شوية يبت گلبي
خليني احرك اعصابج مثل ما حركتي اعصابي
بالليل اشوفج نايمة متهنية الليل كلة وتتكلبين وانا
ابو ابوي مشتغل
اتمنيت هذا الصار بية كون بيج يصير
............
بنفس اليوم اجتي امي وعمة منتهى وعذراء
سلمت عليهم وسألت امي عن حسن
ورة فترة اخذتني عذراء وصعدنا فوك عرفت بيها تريد تحجي وياي عن شي
عذراء: سكتي سهى راح اموت
: لج شنو احجي
:البارحة بالليل صديق حارث الدكتور الي اسمة مصطفى طلب ايدي للزواج من حارث
وحارث خبر ابوي
شلون دبريني وانا ما اريد اتزوج
: لا مو ما تردين تتزوجين
كولي اريد عدي لاتكابرين
اريد اعرف انتو من يا طينة مخلوقين انتي
وابن خالج
: ليش شنو صار بينكم
: لا ماكو شي سلامتج لاتغيرين الموضوع
هسة شنو راح تسوين تحجين لعدي لو تفضلين
تسكتين
: لج ما اكدر كرامتي فوك كلشي وهو الله يحفظة بعدة ما اتغير
لج تتذكرين من صاحتني جدتي حتى اذب طشت الماي (ماء)
اخذتة وصعدت فوك للسطح
وما حسيت الا وواحد سحبني من زندي وهمس باذني
وين ترحين مني اليوم
جا عدالج من تتمضحكين وية صاحب حويرث
اعبرها الج
ضربت على وجهي : عزة بعينج شنو سوالج
: والله لو اكلج يمكن تضحكين
: شنو؟
: اقترب مني وخمطتي بعضة من زندي حيل بحيث اجيت ابجي الا شوية
اتفاجئت من حركتة الغريبة
عدي: اعتبري هاي العضة ختم بالملكية حتى توبين
تباوعين لغيري
عذراء: والله انت اكبر مخبل شفتة بحياتي والا اشتكيك لجدي ودفعتة من صدره حيل
زين ما وكع من الدرج الله لطف
عدي : والله ياريت تشتكين لجدي
راح تسوين علية فضل بلكي يعجل بزواجنا من يشوفج
كاتلة روحج عالزواج مني
:لا والله احلف شنو شايفني حبوبي كاعدة ابجي عليك
: جا شعدالج ما اشوفج شلون تعاينين علية
وين ما اروح
:لا عيني حضرتك متوهم
: ترة الله وكيلج البارحة هواي شيوخ هدو بناتهم للشيخ

مزاحم لواحد منا
ترة مو عدالج والله الكل يتمنى بس اشارة مني حتى اشرفهم واناسبهم
وانتي امج داعيتلج بيوم حبج گلبي
: لا ياشيخ احلف
قصدك انت الكاتل نفسك علية
وشكلك انت بعدك ماتوب من هذا الغرور
خلي ببالك ترة انت حتى ما تطري على بالي
.........
: يعني سهى
بأختصار هو لحد اخر لحظة بعدة شايف حالة
ما اتغير شفتي شلون صعبة
اتنازل واحجي وياه
: والله موقفج صعب ما اعرف شنو اكلج
: تعرفين شنو مستحيل اتنازل لعدي واحاجي على موضوع الخطوبة
بس اني راح اسلم امري لله
واشوف شنو تاليها
....................
دخلت علينا رواء وصاحتنا
لان امي وعمتي راح يطلعون
نزلت حتى اسلم عليهم قبل لا يرحون
: يالله ماما سهاوي اني رايحة خلي اسلم عليج
: ليش ماما بعد وكت
: لا يوم عيب انتي عروس وحسن تركتة بالبيت وكوة
قبل يبقى هناك يم نور
: ليش ما جبتي وياج
:لا ماما عيب خلي تعدي يومين يالله اخلي يجي
وصلت امي وعذراء وعمة منتهى للباب
وشفت حارث منتظرهم بالباب
حارث: هلة بسهاوي مبروك يابة والله البيت
يگلي اطلع جيف انتي ماكو
:هههه تسلملي والله ابن حلال ما تنسى العشرة
كان هذا الكلام المتبادل بيني وبين حارث
متعودين عليه اني وياه وعذراء
عادي
بس سمعت صوت خشن من وراي
ثائر : حارث شعندك موگف النسوان بالباب ومنا الزلم
داخلة طالعة
خزرني : وانتي فوتي دخلي جوة كدامي
شفت حارث اتضايق من كلام ثائر
طبعاً امي راحت تتمشى هي وعمتي منتهى وعذراء قبل حارث
دخلت جوة للمطبخ ماحبيت موقفة بس ما كدرت اعلق
صار وقت العشاء
وانخبص المطبخ خبص بالبنات قرايبهم وسناء
الي تطبخ وتحضر بالاكل وتحجي وية البنات
لان عندهم خطار
مبينين معزبين
والظاهر اربعة وعشرين ساعة بيتهم ما يفرغ
وثائر ما بين
ردت امد ايدي لساعدهم
سمعت صوت عمتة صاحت وكمزتني
: لالالا خليج حبيبة مرتاحة مالج دخل
انتي عروس
ما اعرف خايفة علية لو خايفة مني
اتدخل بامورها
اجتني بنية صغيرة من بناتهم تصير بنت حماي
: عمة سهى عمي ثاير يريدج
ابتسمت على كلمتها
احجي وية نفسي
وحش عليج حٍٍِْــًبٌٍـــِٓېٍٓ مو علية
اوووف رحت ادور عليه بلهفة
صدك هي ما كالت وين
التفتت صاحني جان بالهول لوحدة
: اكدر اعرف شنو تفسير الموقف الي شفتة يم باب الشارع
: قصدك اني وحارث
: اي ليش اكو غيرة بعد جنتي واكفة وياه يم الباب
: لا بس ترة عادي رحت وصلت امي وعمتي للباب
وسلمت عليهم وهو بالصدفة جان جاي عليهم حتى يرجعهم للبيت ترة لتنسى هو ابن عمي قبل لا انت تصير زوجي والسلام واجب
شفتة لزمني حيل من زندي وهزني قوي احس سنوني
اسطكت وراسي هدل
: اخ ثائر على كيفك دتأذيني
احجيً والدمعة كامت تلالي بعيني
: لج سهى هذا السانج اكصة واذبة للجلاب البلسلف
ديري بالج بعد تعدين حدودج
ووكعت دموعي وصرت ادفع بي
سمعنا صوت عمتة اقترب من الهول
شفتة سحبني عليه فجاءة واخذ شفتي بين شفايفه
صدمتني حركتة وحضني ودارني وصار ظهري
مواجه الباب
للحظات حسيت بروحي دخت وذبت بين ايديه
كانت فقط مجرد لحظات لكن سرعان ما اختفى
سحر اللحضة
بدخول عمتة : يااااا خايب وحش
جا ماعندك صبر على مريتك وتاخذها للغرفة
جانت تحجي وتخزر بية احس بعيونها تجدح نار

انتبهت عليه حجة وية عمتة ببرود
ولا جنة قبل شوية يبادلني الحضن
يابرود اعصابة
مو مثل حظي صار وجهي ينطي الوان
ورجلي كامت ترجف
كوة لازمة روحي لا اكعد بالكاع
انتبهت على عمتة طلعت
ورجع ثائر كمل كلامة
: شوفي سهى هَـاي اخر مرة احذرج
انتبهي لتصرفاتج ترة هنا مو بيت ابوج وتاخذين راحتج بالحجي وية ياهو الجان
هذا بيت شيوخ والة هيبتة لا تخلين تصرفاتج
الرعنة تعم عليج اتجنبيني ما دام النفس عليج طيبة
: ليش تصيح وتهدد
تكدر تحاجيني بهدوء بدون توعد
تركتة وطلعت
عرفت شنو جان سبب حضنة الي قبل شوية
كان يعرف عمتة راح تدخل علينا وحب يراويها
احنا عرسان بطريقتة الخاصة واتوقع هاي رسالة ثانية لعمتة
والله هذا ثائر حيرني ما باقي واحد بهذا البيت ما مسوي وياه مشكلة
........................................
عدة اسبوع على زواجي
وبعد ما التقيت بثائر
ولوما اثر طبعة راسة على المخدة الي بصفي
يشهد على انه بات الليل بقربي
جان شكيت انه عندة مكان ثاني ينام بي
وهذا الشي حييموتني
صحيح وعدت نفسي اصبر عليه
لكن عندي لهفة وشوك كومة لثائر
شلون راح اوصله
وخلال هاي الايام بديت اتكيف بين عيالي
بالبداية جان حالي مثل الاعمى الي يتخبط بالظلام
وما يندل اي شي
وثائر ما كلف نفسة يساعدني ويشوفني شمحتاجة
او على الاقل يعلمني على اطباعهم
جنت اكعد من النوم ما الكاه وانزل
اشوف البنات زينة مرت اخوهم سعد
وسناء ورواء على قدم وساق واكفات بالمطبخ يسوون ريوك
يعني اول مرة اشوف هيج شي
احنا عندنا الريوك قطعة صمون وقطعة جبن او بيض گلي متتعدة هذني الثنين وكوب شاي
بس همة هنا لا غير
عبالك عازمين
لازم تنفرش سفرة وينصب الاكل
ينزلون ترمز الجاي وترمز الحليب يحطونة بطرف السف

رة
كلما اكعد من النوم ونزل الكة البنات سابقاتني وكاعدات قبلي
ادري همة بأي ساعة يكعدون ؟؟
حتى يلحكون يسون هذا كلة
خلصو صب الاكل وكعد الكل
اباوع عليهم حمويني سعد ومنتصر وعدي
بالله علي اخوهم الجبير عازل عنهم ببيت لوحدة
وثائر مموجود
باوعت على زينة شلون كعدت بصف زوجها
والكل اخذ مكانه والتهى ياكل
حسيت مكاني غلط بينهم
لان جانت بطاقة الانتماء الى هاي المجموعة
مفقودة الي هو ثائر كان المروض يكون متواجد
حتى يساعدني اتعود عليهم
لذلك جنت كلة اكعد بطرف السفرة
واستحي امد ايدي واكل رغم ميتة من الجوع
همة ناس غربة بالنسبة الي وما اعرف اخذ راحتي
اشوف حمويني شلون منطلقين بالسوالف عالاكل
جنت مستغربة هذا الوضع
يمكن لان طلعت من بيت
واهل مثل بابا الله يرحمة مجان هالكد يتواصل
او يعزم الناس
وتجمعنا كان ينعد بالاصابع ببيت اهلي
اباوعلهم
رغم هوستهم بس جان يحيط بيهم جو عائلي جدا دافيء

والجد كاعد يسمعهم بوقار وما يعلق الا بكلمة او كلمتين والجدة منطلقة وية احفادها
اما عن ابوهم فهذا الشخص بالنسبة الي جداً غامض
وبارد هو وسناء حاطتهم بنفس الخانة
ما حبيتهم والظاهر الشعور متبادل همة هم ميحبوني
بالله سناء عرفت علتها شنو
زين الاب شنو سالفتة وياي
يكومني بنت المدينة ويكعدني بنت المدينة
لحد ما خزرة الشيخ مزاحم
وكلة شمالك يارجال گمت على بنت المدينة
الله العالم شنو مسويات بيك بنات المدينة
لحتى تعادي الفرخة
شفتة بلع السانه وسكت
وانتبهت بعد على فقرة خلال هذا الاسبوع
شفت الشيخ يعتمد ويكلف ويستشير احفاده
اكثر من ابنه
هذا الشي غريب والسؤال ظل بدون اجابة شمعنا
ابوهم منبوذ من قبل الشيخ وثائر
اما البقية فيكنون له الاحترام والطاعة
صحيت من تفكيري على صوت جدتهم تحجي وياي
: يمة سهوة اخذي
انطتني كلاص حليب
هاج شربي حبيبة هذا حليب دواب (جاموس)
من حلالنا
اخذتة منها وقربتة اريد اشرب وقبل لا احطة بحلكي بس شميت ريحتة واني معدتي گلبت
رجعته لمكانه وعقجت وجهي
: بيبي هاي شنو مَحلوة ريحتة
عدي : اوووي دادا على كيفج لتوگع اظافرج
: حبيبة شربي حتى لو كوة عليج ترة هو الي
يقوي العظام ما تشوفين روحج شلون ترفة
ومن الهوى توگعين
شوفي هذا حليب دواب
عدكم بالولاية مو ياهو الجان يكدر يحصلة
وانتو كاضيها على حليب قواطي مابي خير فاهي

همة يحجون اني وجهي صار طماطة
وخاف جنت افكر امد ايدي واكل
بعد تصنيف عدي وكلام جدتهم بطلت امد ايدي واكل
حسيت بمراقبت الكل الي
اتململت من مكاني واني اباوع على الكيمر والخبز الحار احس بطني ظلت تطلع اصوات مو سيقية
من اثر الجوع
سمعت صوت ثائر دخل للمطبخ
: الله بالخير
الكل : الله بالنور
الشيخ: هلة بالوحش عجزنا نحصلك هاي الايام
كلنا نعذرك عريس وملتهي بمريتك بس اثاريك عايف حتى المرة وطالع من الغبشة
: مشغول يالغالي
باس راس جدة وكعد بصفه
اني كمت من السفرة حتى اجيب ستكان
حسيت بنظراته وراي
مثل الي كان يدور علية
ما اعرف ليش گلبي يظل يرفرف من اسمع صوته
صبيتلة الجاي وانطيتة
واتلامست اصابعي وية اصابعه الخشنة
رجفت ايدي واهتز الجاي
رفع راسه وصارت عيونة بعيوني
فهيت ونسيت حالي
اريدة مثلما البنية تحن لحضن ابوها
حسيت بغصة من ورة جفاه
اخذ استكان الجاي ورجع كمل كلامه واني
كمت من السفرة على شنو كاعدة واني مالي دور
الجدة : ها يمة سهوة ليش كمتي اشو ما اكلتي شي
: لا مامشتهية
اباوع على عيونه شلون ظل يراقبني
احس اكو كلام بعيونه مو راضي يحن علية
ويسمعنياه
خلصو اكل وصار علية غسل المواعين
والتهيت افرغ بالصحون
وعمتهم سناء طلعت للسوك
سمعت صوت ثائر من وراي كلش قريب
صبيلي استكان جاي وكليلي بيض
وصعدي الي فوك
عگدت حواجبي هاي شنو هذا كم مرة يتريك
باليوم

كملت تنظيف المطبخ وعدلتة على حباية ونص حتى ما اوكع بالسان عمتهم
حضرت الريوك وحطيتة بالصينية وصعدتة فوك
دخلت للغرفة وشفتة متمدد عالسرير
كان لازال بملابس الشغل العجيبة
ثائر مجموعة الغاز يعني هذا الخير كلة
عندة ملابس تعبانة دائما يطلع بيها
بس حقيقتا حتى هذني الملابس هم لايكات عليه
شماغ عربي ملفوف عالراس وبدي اسود
وكاوبوي كاحت
اصلا صايرات عليه عبالك مودة
حطيت الصينية
قريب عليه
وردت اطلع
صاحلي : سهى تعالي
لا عفية شنو سهى هاي كل مرة يصيحني سهى اموووت من القهر ليش سهوة وين راحت
عرفت نوع الحرب الباردة الي شنها علية ثائر
التفتت عليه : نعم
: تعاي اتريكي
اتفاجئت بطلبه يعني شنو هذا الريوك الي
: لا ممشتهية اكل
: مو بكيفج تاكلين ما غصبن عليج
ما بية حيل توكعين فوك راسي وابتلي بيج
: لتخاف علية ما يصير بية شي
: ما خايف عليج يالله لاتخليني اوكلج بيدي
: لا ميحتاج راح اكعد
كعدت اكل وما حسيت على روحي الا خلصت على كل
الاكل الموجد بالصينية
جريت نفس عميق براحة الشبع
ورفعت راسي شفت ثائر عيونة مسبلة علية ونظراته
كانت بيها لهفة على شفايفي
ارتبكت
قطع علينا لحظة

الوصال صوت النقال المزعج
رد على المتصل
اني استغليتها فرصة واخذت الصينية وردت اطلع
وسمعت صوت ثائر يحاجي المتصل
: سجى انا كلت ما راح اتاخر عليج يومين وانا يمج ببغداد على شنو حاركة الجو
جمدت بمكاني وحسيت گلبي وگع بين رجلية
شنووو و سجى منو ؟؟!!
لا عفية ثائر كلشي اتحمل واصبر صدك جفاك قساوتك الا الخيانة
ما اكدر اتحملها لا ياربي
......................
عدت الايام وبيدت شوية شوية اتعلم عليهم
والله ينطي رواء
علمتني على ذبة اهلها يعني مثلا
ماكو وحدة تظل نايمة بغرفتها لحد الساعة ٩الصبح
الج حق تصعدين الظهر لغرفتج هذا الكلام مو بس ينطبق علية لا حتى ينطبق على البقية عندهم جنة
اسمها زينة كلش حبابة ومطيعة طاعة عمياء لسناء
لدرجة حتى تتدخل بنومتها وية زوجها
اجة شعر راسي يوكف من كلام رواء
لهل الدرجة وصل بيها الحال وفرض سيطرتها وصلت لحد تدخل بحياتهم الشخصية
واني هذا الشي ارفضة
منعاً باتا مستحيل اخليها تتدخل بحياتي اني وثائر
ابتسمت بسري على الاساس الاستاذ فاضيلي
واني كاعدة اتحلف اصلا هو مامگلبني وما يدري بية
بيا ارض
ومن ثالث يوم قسمو شغل البيت بيني اني البنات
جان نظام البيت ماشي مثل الساعة
واي خلاف او بلبلة تصير
گبل تدخل سناء تسكتهم
................
اتصلت على صديقتي سارة وكالعادة كنت احجيلها
عن حياتي وية ثائر وظلت تعلم وتنصح بية بحكم انها متزوجة قبلي وعندها خبرة
وبعدما فهمتها عدم وجوده وما ينفع تطبيق نصائحها
بلبس ملابس النوم والفيكات
: زين ليش متجربين ان تنزلين تنامين جوة عند حماتج رواء بالله شوفي شراح تكون ردت فعله.......
........
مرت الايام على زواجي
وانا انسمط ابو ابوي من ورة سهوة
جنت اطلع كل يوم من الصبح وارجع بتالي الليل متأخر جان عندي شغل هواي واصل لراسي
وهم هي فرصة حتى ما اشوفها كدامي واضعف
جنت من ارجع وادخل للغرفة اشم ريحة عطرها
مالية الغرفة صرت وين ما ادور وجهي الكة الهة شي يخصها
اتعودت كل يوم انام واخذها لحضي بدون متحس علية واظل اشم ريحة عطرها وانام على شعرها
بس جنت هواي اعاني قربها مني بدون ما املكها
وانا رجال مو ملاك واريدها كمرة
صار حالي وياها مثل الي يمشي على المسامير
حتى يوصل للجانب الاخر سالم بدون خسائر
دخلت للبيت
وصار جدي بوجهي
: تعال ثاير اريدك بجلمة (بكلمة)
: امر شيخنا
:ما يأمر عليك عدو
اريد احاجيك بسالفة تخص ابوك
: شبي ابوي
: وصلني خبر انت كاعد تلم بخرابيط ابوك
من وراه تكدر تفهمني شنو بينك وبين ابوك
غير سالفة سهوة
احس اكو شي غايب عني
اريد اسمعها منك ولا تخليني اسمعها من غيرك
احجيلي ما دام ابوك هسة بالعمرة
............................
انتظرتة واني نايمة يم رواء
بعد ما انسطرت سطر منها ومن اسئلتها
شنو وليش وشصاير بينكم واسئلة كومة
اختصرتها بجملة وحدة
:اخوج يتأخر واني اخاف انام لوحدي

انتظرتة والافكار سطرتني وكالعادة يغلبني النعاس وانام
حسيت على ايد تحرك بكتفي
وهمس بصوت ناصي
: سهى كعدي صعدي فوك لغرفتج
كوة فتحت عيوني من النعاس وشفت
ثائر واكف فوك راسي
همست : ثائر انت رجعت
شفت شرر يتطاير من عيونة من الغضب
: انا طالع خلال دقيتين الكاج صاعدة وراي
تركني وصعد
كمت من مكاني وصعدت وراه اغمض عين وافتح عين
ابتسمت بداخلي واخيراً كدرت اخذ منة استجابة
اهتز الجبل
بعدما ايست من وجوده بالبيت
فتحت الباب ودخلت وحسيت على ايد
سحبتني ودفعتني كدام
: اكدر اعرف شنو معنى هاي الحركة الي سويتها
:انت دائماً تتأخر واني اخاف لوحدي
فنزلت يم رواء ونمت
: اهاا يعني حضرتج ما حسبتي حساب
اخوي عدي يدخل عليكم و ينده رواء مثلما متعود كل يوم
ولا سويتي حسابي من ارجع وًما الكاج
واذا شافوج اهلي تطلعين من غرفة رواء
شراح يكولون ما صارلهم هواي من متزوجين وهاجرة فراش رجلها
: هاا ما تسأل نفسك منو هاجر منو اني لو انت
يعني كل همك خاف تهتز روجولتك
لاتخاف حٍٍِْــًبٌٍـــِٓېٍٓ انت رجال
وهزيت ايدي بستهزاء
حسيت على راشدي انطبع على خدي
رفعت ايدي ولزمت خدي من اثر الضربة حسيت بحرارة تطلع من خدي
: لج سهى انا رجال ما غصباً عليج وعالخلفوج
وهسة اراويج شلون تستهزئين بالرجال
دفعني عالسرير وشهكت بخوف من نيتة