هنا

[وحيدة كالقمر]

احداث حمااس ،
للان الاحداث تبشر بخير ،
انتظر باقي الاحداث ،
لكن اتمنى تكون النهايه سعيده ولا تنقلب بمنحى غير متوقع للاسوء ههه

شكراً

[زفير]

بإنتظار الاحداث القادمة

[ملكةه]

احداث حمااس ،
للان الاحداث تبشر بخير ،
انتظر باقي الاحداث ،
لكن اتمنى تكون النهايه سعيده ولا تنقلب بمنحى غير متوقع للاسوء ههه

شكراً

انشالله نورت

[ملكةه]

بإنتظار الاحداث القادمة

نورت

[ملكةه]

تكملة القصه

[ملكةه]

نهاية الجزء الاول
اشتد خوف الحب بأوصالي وخابت بسببهم كل آمالي
هددوني تحت سياط السنتهم فقلت لهم لا ابالي
لكنهم عزموا النية بدفعي عنك بأذلالي
اجبروني بالابتعاد عنك ايها الحبيب الغالي
فعذراً سوف اخرج من حياتك وها أنا اشد الرحالي
كنت خايفة
من كلام عدي اخو ثائر والله لحد الان يرن بأذني
بيوم الحادث من وصلني ثائر لبيت سارة
وفاتحني بموضوع الخطوبة
بوقتها طرت من الفرحة
لكن الفرحة ما تمت بعد اسبوع عرفت سر عموض سارة صديقتي وترددها وتهربها بالاجابة من اسألتي
انصدمت من گالت سارة
عدي اخو ثائر يريد يحجي وياج بموضوع
وفعلاً اجة عدي اخو ثائر للكلية وية عساف
بيومها اجيت اموت من الخوف والترقب
كومة اسئلة كانت تجول بخاطري
:شنو يريد مني عدي
سارة: الي عرفتة موضوع يخص ثائر يريدج تعرفينة
وبعد لقائي مع عدي
طبعاً كان نسخة مصغرة من ثائر
لكن هذا الطف من ثائر
عدي - انتي سهى
سهى بارتباك-اي نعم
: طبعاً انة اجيت اليوم لحتى اشوفج واحجي وياج
عن موضوع يخص ثائر
: تفضل اخي اسمعك شبي ثائر
:اتمنى الي راح اگولة الج ميوصل لثائر
: اني متربطني اي علاقة مع ثائر او اي تواصل
لحتى احجيلة فاطمأن من هاي الناحية
عدي بأرتباك : انا اسف عن كل الي راح اگولة بس
ثقي بالله انا عبداً مأمور مابيدي شي غير اوصلج رسالة ابوي هو الي دزني عليج
لان ثائر يريد يرتبط بيج بدون رضى اهلي
وراح يترك اهلة وديرتة حتى يتزوجج
وجدي شيخ معروف بالسلف
والناس كلها تهابة وسمعتنا عندة بكنوز الدنيا ما يفرط بيها
وجدي الشيخ مزاحم عرف بسالفتج كلها
واعترض على الزواج هو وابوي وعمامي
رفضو زواجة منج بس ثائر عاندهم وترك البيت وهج
بعدما صارت المشاكل بينة وبين اهلة
سهى
وية كل كلمة تطلع من عدي
احس مثل السهم نابت بروحي
ما استغرب اعتراضهم اصلا هذا الشي جنت متوقعتة
سهى بغصة : خلاص هذا هو لتكمل وصلت الرسالة
وافتهمت قصدك تريد مني ابتعد عن طريق اخوك
حتى هو يرجع لا هلة
:والله ما اعرف شنو اگول
بس كل الي اكدر اگولة ابوي صعب
وكلشي اتوقع منة
وما يتردد ثانية وحدة احتى يأذيج ويبعدج عن حياة ثائر بكل سهولة
مثلما كدر يطلع زوجتة الاولى من حيات ثائر
بدون ميحس على اي شي
سواه ابوي من وراه

والله لو اكول
اتمنيت الموت بلحظتها
ولا هذا الموقف حسيت بوكتها بالذل والعار
والله كانت لحظة ما اتمناهة لعدوي
قبل جنت اعاني من يجي واحد يخطبني وبعدين من يعرف بسالفتي يشرد رفضهم من بعيد
كان هواي ارحم من الرفض بصورة مباشرة وبهاي الطريقة صعبة يجي واحد ويكلج انتي متشرفينا تصيرين زوجة ابنا

جاوبتة ورجفة صوتي خذلتني
- عدي روح طمن ابوك وگلة
مو اني الي ابني سعادتي
على حساب سعادة غيري
ميحتاج يهددني
راح ابتعد عن ابنكم بس خلي ابوك يكف شرة عني

كلام عدي و تهديد ابو ثائر ادخل الرعب لگلبي
لان اعرف بيهم ناس فوق القانون وكلشي عندهم مباح
نزلت دموعي غصب عني ودرت وجهي
ورحت اركض حتى ابتعد عنهم لهنا وكافي مذلة
حسيت على صوت سارة تمشي وراي ساكتة
اي طبعاً تسكت شتحجي الموقف كلة ميساعد على الكلام والله كوة كدرت اطلع كم كلمة حتى ارد على عدي
عيوني غوشت من الدموع كنت امد ايدي
والتقط كل دمعة تنزل من عيوني وكأني التقط ثمار العار الي. دتساقط من شجرة روحي
عار يلحگني وين ما اروح
اي يسهى اجني ثمرة عارج
وذوقي مرارة طعمها وشوفيها شلون مرة
مثل العلقم هذا حالي وية فراق ثائر
اتخذت القرار
كان لازم واحد بينا يضحي
اني احب ثائر واموت على تراب رجليه
مثل ما هو راح يضحي باهلة وناسه علمودي
اني راح اضحي بروحي لأجله
وابتعد عن حياتهم الغامضة اني مو بگدهم
وموقفي حرج

اذا ابوه كدر يبعد زوجة ابنة وحفيدتة عن حياة ابنة
بدون ما يرفلة جفن
لعد الله العالم شنو يسوي بية اذا اتجرأت وعاندت
بعد الكلام الي سمعتة من عدي عن تهديد ابوه
خفت احجي لثائر لان اعرف كلش زين اذا فتحت حلكي بكلمة
راح افتح على روحي ابواب جهنم

بعدها اتفقت وية عساف وسارة ان يكتمون السر
بعد معارضة من عساف لموقفي
عساف -لج ليش تسوين هيج لتخلين تهديد ابوه يخوفج
ترة ثائر يگدر يحميج منة
سهى-زين وين جان ثائر عن مرتة وبنتة من ابوه
ازاحهم عن طريقة
وانت كلتها بنفسك ثائر الى الان حاقد على مرتة وطلگها وهو يعتقد ان هي السبب بخذلانة
سارة -عساف كلام سهى صحيح ترة مثلما گلت همة ناس ما عندهم شي يردعهم
وكلشي اتوقع يطلع منهم وانت تعرف كلش زين شنو حياة سهى وهي مناقصة مصايب وبلاوي
شلون ما اشوفها احس ان من مصلحتها تبتعد عن
حياة ثائر
قويت قلبي ومشيت لعند ثائر وعساف
وكانت سارة تمشي وراي
وصلت لعند البوابة الرئ
سية للجامعة
كان ثائر وعساف واكفين هناك
ورفعت ايدي وسويت نفسي دا اعدل شالي
كنت بيومها طلبت حلقة تمارة زوجة اخوي
حتى البسها واعلن امامه خطوبتي الوهمية من شخص اخر
حتى يتركني ويبتعد
مجبورة اسوي هيج اعرف
حظي عاثر ومراح اتهنة وية ثائر
راح يظل تهديدهم ولعنتهم تلحگنا وين منروح
من قررت اروح واتظاهر بالخطوبة
مجنت مسوية حساب لردة فعل ثائر بأتجاه الموضوع
كان همي اخلص نفسي من تهديد ابوه
بس من سمع ثائر بالخبر وشاف الحلقة
وهو جن جنونه
وتحول من شخص متحضر الى وحش ثائر
سحبني من زندي وجرني وراه قوي
وطلعني من الكلية صار الموقف امام الطلبة وسارة وعساف يركضون ورانة يردونة
بس يتركني بس هو ماكو ابد مو يمة
كان فاصل من الغضب
اني بوقتها جسمي بس يرجف من الخوف
والله متت من الخوف ياربي هاي وين جانتلي حب الاكشر علية
شفتة فتح باب السيارة وشمرني لداخلها
و سارة فتحت الباب الورة وصعدت بدون متسألة كانت خايفة علية وعساف نفس الحالة فتح باب السيارة وصعد شغل السيارة وشخطها وطلع مثل النار
عساف-ثائر شبيك اتخبلت انتظر لحظة شيوية بس فهمنا شتريد تسوي
ثائر وبصوت حاد
-مراح اسوي شي راح اخذها واعقد عليها عند السيد
واكسر راسهة وراس الخلفوها
مو ثائر ابن مزاحم الي يلنعب وياه
اريد اشوف منو الي تتجراء وتكسر كلمتي
ماعاش و لاجابتة امة
والله لطلع جناني عليج واخليج عبرة لمن لايعتبر
عساف-ثائر العن الشيطان شنو اتخبلت اتگلك البنية انخطبت وعاقدين عليها
شبيك انت ماعندك عقل
كانت اخر كلمة نطقها عساف
مثل الي وجه ضربة على وجه ثائر
محسينا الا ثائر لزم بريك قوي
لدرجة اني انضربت بالجامة الامامية
بس من الخوفة
محسيت بالالم بگد ما خايفة منة
التفت علية وسألني بصوت هامس مخيف
ثائر- جاوبيني صحيح كلام عساف
صدك عاقدين عليج ؟؟؟
هزيت راسي بنعم
ومكدرت انطق اي كلمة
ثائر وبكل غضب الدنيا
-عساف وسارة اترجاكم تنزلون من السيارة
عساف بخوف
-بس گلي شراح تسوي
سارة - عفية ثائر لتتهور ترة البنية ماناقصة مشاكل والي بيها كافيها
ثائر وبصوت عالي
-لك عساف اخر مرة اكلك انزل من السيارة واخذ سارة وياك
شفت عساف ارتبك وكأنه يعرف بصاحبة واطباگاته
نزل من السيارة ونزل سارة الي ظلت تسحب بيدها ظلت تقاوم وتصيح على ثائر
وعساف وكوة جرها ونزلها
لكن ثائر ابدد لا اهتز لصياح وغلط سارة عليه
گبل شغل السيارة وطلع
ما اعرف وين بس انتبهت
اخذني على مكان بي شقق سكنية
خفت لا يسوي بية شي
يعني يمكن لو يذبحني ويدفني محد راح يشوفة
ظليت ابلعم من الخوف
نزل من السيارة وسحلني من السيارة
واخذني دفع
اني احس برجلية من الثقل صاور رصاص
كوة امشي وياه
سهى بخوف -ثائر احلفك بغاليك عوفني اروح
وجهي شحب لونة وجسمي ظل كلة ينكت
من خوفي منتبهت اني وين بس سمعت صوت
الباب انفتح واندفعت لداخل شقة
بلحظتها كل خوف العالم اجتمع بگلبي
واتهسترت ظليت اعيط
-ثائر هسة تفتح الباب وتخليني اطلع
لا والله الم عليك العالم
لك انت شنو مخبل ما عندك مخافة الله
بيمن تطلبوني انت واهلك شتريدون مني
والتفت علية بكل غضب
ضربني راشدي على خدي حسيت فر راسي فر
-لج لا انتي ولا عشرة منج الي تلعب علية
لزمني وجرني من شالي
وقرب راسة من راسي
لج مو انتي التكسريني
تعرفين انة شسويت علمودج
ولج اتعاديت وية هلي وعمامي وطلعت عن شورهم
واتحديت الكل بيج وتركتهم وراي واجيتج
حتى تصيرين حلالي
هزني حيل بحيث احس باسناني اسطكت
- شلون تخليني اروح وادوروجهي عنج
وتطعنيني بظهري
حسيت بي انگلب شكلة وصار مثل الوحش
مكدرت اجاوبة اي كلمة حتى اخلي يهدء لان اعرف
اي حجاية راح تطلع مني راح تثير جنونة
صااح بصوت عالي
-لج سهىىىىىىىى ليش هيج سويتي
لج ادري بيج تحبيني
نظرات عيونج تحجي غير شكل هذا الي بعيونج شنو احجي گولي
الله ياخذج لج انتي بلاء
انتي مرض الله بلاني بي
انتي شيطان
العن اليوم الي عرفتج بي
طبعاً هو يحجي ويدفع بية
واني ارجع للخلف
عزززة بعيني مجنت متخيلة ردة فعل ثائر تكون لهدرجة مخيفة كان كل اعتقادي ان بس راح يعرف
بخبر خطوبتي من واحد غيرة راح يزعل ويتركني
بحال سبيلي
بس الي كاعد اشوفة امامي
شي ما ينسكت عليه ولا يستهان بي
اي اني استهانيت بردة فعل ثائر واكتشفت
ان عقاب الابن وابوه صارو بنفس ميزان الخوف عندي واني استهانيت
حسيت بروحي مثل العصفور الي وقع بالفخ وحاير شلون يخلص نفسة
صرت بين نارين
وما اعرف منو اختار نار ثائر لو نار ابوه
الثنين راح يحطمون حياتي وراح اروح بالرجلين
بس اني هسة خلي اخلص نفسي من نار ثائر
سهى بخوف
: ثائر لحظة بس خليني افهمك ترة اني هذا الي سوية
كلة علمود اهلك همة الي
وقطع كلامي
: لج عن يا اهل تحجين
ولج انتي خذلتيني گدام اهلي وطعنتيني وثبتي
كلامهم كلة كان صحيح
لج انتي رخيصة واني كبرتج بيدي عليتج عليّ
ك
انت كل كلمة تطلع من ثائر احس بخنجر
ينغرز بگلبي : رحمة الله والديك بين معدنك من اول
مشكلة
: لج عار هم الج عين وتحجين
جا بسيطة انا الج
راح اعلمج درس خليه يصيرلج عبرة
شفتة هجم علية وسحب شالي بكل قوة
شهگت بخوف
سهى بصرخة-لالا ااا ثائر اوكف خلي افهمك
ترة اني ممخطوبة ااابووو
ومحسيت الا ثائر طفر علية
ثائر بصوت عالي يرعد رعد
-لج سكتي عاااااار شنو تلعبين علية
اليوم الا اعلمج الله حق
واخليج طول عمرج تمشين وتتلفتين من الخوف
ولج انتي ويامن اندگيتي
ولج انا ثائر ولحمي مر
وجرني وقربني عليه
شگ قميصي وشفت الدكم اتناثرت
وهجم علية
وجر شفايفي بشفايفة وعضهن
اني من الخوف صرت
اضرب بي وادفع اتخيلت نفسي راح اتعرض للمرة الثانية بحياتي للانتهاك ربي دخيلك
حسيت صارت انفاسنة ساخنة
صرت ارجف جوة ايدة مثل الطير المذبوح
خرمشت وجهة باظافري حتى يبتعد عني وظليت اعيط
قيد ادية بين اديه وعضني حيل من رگبتي ولثم شفتي
صرت عبالك جاي انازع وية الروح
- لك لااااااا ثاااااااائر ابتعد عني الله لا يوفقكم انت وابوك دمرتو حياتي
ما اهتم لكلامي
ونزلت انفاسه الحارة على رگبتي
وايدة تعبث بجسمي
بلحظتها حسيت بروحي ضايعة مثل الي تاهت بعالم مجهول ما اعرف شنو نهاية استسلمت وخلصت قوتي وسلمت امري لله
نزلت دموع الانكسار على خدي
وحسيت بثائر فجاءة اتوقف وبعد ايديه عني
شفتة گام وابتعد مني رجع شعرة للخلف
وحجة بصوت خشن
- گومي من گدامي ما اريد اشوف وجهج
ورحت نزلت بسرعة مثل المخبلة من السرير وكعدت الم بشالي وقميصي
البس بيهم وايدية ترجف
وعيوني عليه خاف يرجع علية ويكمل الي ما انتهى
ممصدگة اخلى سبيلي
والله احس انكتبلي عمر جديد
شفتة گاعد على السرير وايدة على راسه
باوعلي ابجي واشهك والخوف ماخذ كل قوتي
نهض من مكانه وشافني رجعت خايفة للخلف وزادت
دموعي وارتفع صوت النحيب
- لتخافين مراح الوث ايدي بوحدة خاينة تافهة مثلج متستاهلين الواحد يرتكب جريمة علمودج لان انتي نكرة
انتي صرتي بالنسبة الي لاشيء
فاااااهمة لاشي ء
كمزت من شفتة كسر مرايا الميز بيدة
خفت من غضبه وظليت بس اتشاهد
- خلي هذا درس الج حتى مرة ثانية
تفكرين الف مرة قبل لا تعلبين وية اي رجال
منطقت ولا حرف بس قبل لا يطلع من الغرفة شفت بعيونة الم وانكسار
-ثائر لحظة اريد اكلك اخر كلمة ترة اني انظلمت وكنت مجبورة غصب عني گلت مخطوبة لان اهلك
هددوني
ثائر وهو يحس النار بعدها بگلبة ماطفت
رجع علية بكل غضب
- يسهوة لا تستفزيني كااااافي ترة كوة لازم روحي عنج وما اذذيج لتخليني اسمع صوتج فاهمة
اهلي مو يمج وين شفتيهم
لج انتي صدك عار
ادعي من الله كون دروبنا ما تلتقي
لان اذا هاي المرة رحمتج المرة الجاية راح اخليج تتمنين الموت وماتحصلينة
بعدها تركني وراح
وكان هذا اليوم اسود واسوء يوم بحياتي
تعرفون شنو معنى واحد يوقع على ورقة موتة بيدة
اي هاي اني وقعت على موتي
ودفنت نفسي بالحياة
ثائر
طلعت من الشقة وكل غضب الدنيا بعيني
ما جنت متخيل ان اخذها بين ايدية بهاي الطريقة
وااذيها
اااااخ الله
اتمنيتها رجال جان مصلت رگبة بدون ما يرفلي جفن
خرب بهيج قسمة الي خلتج بطريقي يسهوة
ربي ليش هي من دونهن اتعلك گلبي بيها
اي مو جنت كافي خيري شري
وعايش وبالي متهني
رحت واتصلت على عساف حتى يجي هو وسارة ياخذوها من شقتي
ما اريد عدي يرجع ويلگاهة هناك
ظليت افتر بالسيارة مثل الهايم على وجهي
واجاني اتصال
-وين هو بيا مكان
هذا هو تٌـٌـمــام انا راح اروح عليه
والله يادنيا شغليني بالمصايب اريد التهي
رحت للمكان الي وصفوه الي
كان عدي اخوي يروح على ملهى ليلي مشبوه
واحنا معروفين ونخاف من التايهة وكافي الي صار
لحد الان خلي نلحك على الباقي
رحت شفت اخوي عدي هناك كاعد
ويشرب
ضحكت بأستهزاء قبل يومين انا
لزمتة وجنزتة وعاقبتة لان وصل خبر لجدي
ان عدي يشرب ومستگعدلة وحدة بشقة
بالمنصور
مو هنا المصيبة
المصيبة الجبيرة ان هاي حامل من عندة واجت لبيت جدي هناك وصارت دخيلة عند جدي لان عدي
مهددها استغفر الله بس
والله عدي يفتهم مونس نفسة وعايش حياتة
بقانون عيش اليوم والباجر
الله كريم يعني طاك الدنيا بعرض الحايط
اتمنيت اكون مثلة لا ابالي اسرب واتونس وية البنات
حتى انسى بس هذا مو ثوبي
عدي يكوم من مكانة مفزوع
:هاي شجابك هنا
ثائر- اجيت حتى اشوف اخر مصايبك بس تدري شنو
اكتشفت انت الصحيح وانا الغلط
عدي گلبي كسرني على ثائر بس الي صار لمصلحتة
عدي : خوية شنو شبيك حالك ما عاجبني
امشينا خل نطلع من هذا المكان لان الجو هنا مو مال
سوالف
ثائر وهو يباوع داير مدايرة
-ليش خلينا هنا بالعكس حلو عوفني اريد انسى
كسرة گلبي
عدي-خوية گلي شيوجعك

التفت على عدي وهو يأشر على گلبه
-خوية هذا هذا ملجوم من حبها ا

نطيتها
گلب عاشگ وانطتني هجر وخيانة

عدي :عفو عليك يالوحش موش انت الته

زك مرة
وتخليك تطلع عن طورك

بس رغم كلام عدي كلة
بس حرگة گلبي بعدها تشب نار بصدري
لان ما دام حبها جوة بگلبي راح تظل هاي النار
متنطفي
ضرب بقبضة ايدة على صدره
ااااااااااااااااخ الله اريدها مو كادر ابعدها عن بالي
نهضت من الميز واخذت سويج السيارة ونقالي
وكام عدي وراي
انتبهت على النقال
لكيتة داك عشر مكالمات علي وستة الحجي ابوي
وحدة جدي الشيخ مزاحم
اتفاجئت بجدي متصل
خفت لاصاير بيهم شي لان انا متعارك وية الشيخ مزاحم واعرفة كلش زين
راسة يابس ومو بسهولة يتنازل ويطخ راس
بس مع الاسف انا خذلتهم
وكلامهم طلع كلة صح وانا الغلط
اتصلت على رقم جدي
واجيت اتخبل من سمعت بخبر وفاة امي
حسيت الدنيا افترت بية
لااااااااااااا يالله الاااااااا
سهى
بعدما اتصل ثائر على عساف اجة هو وسارة واخذوني
واني بوضع لا احسد عليه منظري كان مبين اكو شي صار بيني وبين ثائر لكن عساف فضل ان يتغاضاه
وسارة الي نزلت علية بالاسئلة
-لج احجي خو مسوالج شي هالنذل والله اشتكي عليه بالمركز واخليهم يسحلونة
عساف-سارة كافي مو وكتة هذا الحجي بعدين احجي مداتشوفين وضعها رحمي بحالها وسكتي
اني هزيت راسي بضعف ووافقت كلام عساف
فعلاً ما عندي طاقة احجي اي حرف
سارة بسؤال -اذاج ؟؟؟؟؟
هزيت راسي ب لا
ودموعي تنزل
رجعت للبيت واني اداري بجروحي
وخايفة احد يشوف منظري المخيف
ويكعد يسألني
ما اعرف منو الاشد الم جرح گلبي لو ردة فعل ثائر
حمدت الله وشكرتة الف مرة ان الوقت ظهر
والي بالبيت كلهم نايمين وكان حسن نايم عد امي
صعدت فوك على اطراف اصابيعي
وحاطة ايدي على حلگي خاف احد يسمع شهگاتي
دخلت وسديت الباب واتكأت عليه
ونزلت گعدت بالگاع ورجعت راسي للخلف
احس بروحي جاي تنازع من الالم
حطيت ايدي على حلكي وصحت بصوت متكوم
ااااااااااااااااااه ليش ليش ربي اني شنو سويت حتى استاهل الي يصير وياي

[ملكةه]

الى هنا يا احبتي يصل نهاية الجزء الاول من ثمار العار بالحلال ولحكايتي بقية فأنتظروني ارويها لكم
في الجزء الثاني مع بطلتي سهى وثائر
سوف بداء كلا البطلين مشوار جديد من حياتهم
هل يا ترى ستلتقي دروبهم ام للقدر رأيٌ اخر

[ملكةه]

ج 2 بارت 1
يا مرايتي من كم سنة لليوم
قد ايش تغيرت؟
يا مرايتي من كم سنة لليوم
انا كم مرة خسرت؟
يامرايتي ياللي بتعرفي حكايتي
انتي بتعرفي شو شفت
وبتعرفي
من شو خفت
كم مرة بوجهك وقفت
قلتلك هيدي نهايتي

يا مرايتي ياللي بتعرفي حكايتي
زهئانه من كل الدنيا
تعبانه مدري شو بني
كل يوم عم عيشوا سنه
معئول هيدي نهايتي؟

يا مرايتي شو ضيعت شو لئيت
وشو باقي فرص
يا مرايتي
قلبي تعب عن جد
من كل القصص
يا مرايتي
ياللي بتعرفي حكايتي

مقهورة من غدر البشر
مهمومة قاتلني الضجر
في جروح عم تترك أثر
ترسم طريق نهايتي
يامرايتي
ياللي بتعرفي حكايتي

مجروح قلبي وما جرحت
ع جروح قلبي تمرجحت
من يوم يومي ما فرحت
قولي لي وين بدايتي؟

يامرايتي
من كم سنة لليوم
قد ايش تغيرت
يامرايتي
من كم سنة لليوم...
انا كم مرة خسرت؟

لأ، ماكان وقتي بعد
ليلتها قررت حط نقطة لقصتي معه
لتنكتب لي بداية جديدة
سنين قطعت وكفيت طريقي
وكتبت قصتي
كتابي قصة مرة عانت يمكن اليوم عم بتشوفني لتعرف انه لأ، مش هاي هي النهاية
اكسري صمتك وما تكسري صورتك بالمراية
يامرايتي من كم سني لليوم قد ايش اتغيرت

واقفة گدام المرايا
وتنظر امام عيونها الى سنين زهرة الشباب الي عدت عليها بحلوها وبمرها
اتلمست شعرها
قربت راسي عالمراية حتى اباوع لشكلي اشكد اتغيرت واشكد حواجز عبرت لحتى اكدر اعيش
جريت حسرة
الله يا سهى شكد قوية
((شاب الرأس والعمر صار باخر انفاس
وانا لا زلت اخاف مطاردة كلام الناس
كلام جارح لايأبهًون بما سببوه من الم للاحساس ))

نور: وين صافن الحلو عفية استعجلي ترة هم يالله
نلحك نروح على حنة ريتاج
يالله قبل لايغير امجد رأيه ومياخذنا
ومنا احمد يريد بس حجة حتى ميخلينا نروح

: يالله يالله هذا هو خلصت بس شوفي حلو علية الفستان
: لج طالعة تجننين اصلاً حتى راح تكسرين علية
سمعت صوت امي تصيح علينا
ام سهى-يالله شنو السالفة نمتو ترة حتى العروسة خلصت وانتو بعدكم
نزلنا نركض لامي ولبسنا الجبب على الفساتين
طبعاً. هاي اول مرة راح اطلع بمناسبة
من عهد خطوبتي المظلمة
اي صرت اسمي العهد المظلم
وصلنا لبيت خالتي وكانت الحلفة بادية
وامي ظلت تدردم وتحجي علينا وشفت بنت خالتي
ريتاج صلوات ذاك اليوم جانت صغير وتجي عندنا
حتى ادرسها شبسرعة كبرت وصارت عروس
طبعاً جنت كلش مرتبكة ومستحية
صارلي كومة مملتقية وية اقاربنا
دخلنا وكعدنا نتبادل السلام وية خالاتي وبانتهم واحفادهم ما شاء الله الي جانت صغيرة كبرت وتخرجت والي كبرت اتزوجت والي متزوجة صار عندها اطفال
بوقتها كلش اتونست بالحنة
لمة احباب وضحكة وتصنيف
والحمد لله محد لمحلي على الماضي التعيس
مثل ما جنت متوقعة احد يذكرني بي ويخليني اتندم لان حضرت الحنة

كانت ريتاج طالعة كيكة تجنن ودخل خطيبها وكالعادة خظع للفحص الشامل من كافة لجنة الحكم ارب ايدل
نور وامي وبنات خالتي
اني عني ما اعرف شنو الشروط المتطلبة بالعريس لحتى يكون عريس خمس نجوم
ههههههع لذلك طلعوني من مناقشة لجنة الحكام
اباوع على العرسان جنهم عصافير شلون لبسها ويهمس بأذنها
ما اعرف ليش
زارني بلحظتها شعور جميل كنت غالقة عليه الباب
مع باقي الذكريات القديمة وحاطة عليه الشمع الاحمر
مكتوب عليه ممنوع الدخول
كمت من مكاني ورحت اساعد البنات بالمطبخ واقدم وياهم
اريد الهي نفسي ما اريد افتح باب الذكريات
التهيت مع البنات
واشتغل الديجي وگامو يركصون رحت سلمت على
خالتي سعاد اخت امي شافتني وظلت تصلي عالنبي
- ما شاء الله سهاوي طالعة قمر يا رب اشوفج عروس
سهى بضحكة : ههه اشكرج خالة عيونج الحلوات
بس راحت علينا كبرنا
: لا عيني شنو كبرتي دشوفي روحج ولابنت ال١٦سنة
تلحكج وتلحك رشاقتج وجمالج
: حبيبتي خالتو الله يجبر بخاطرج هههههه
ام سهى: سعاد شوفيها شلون تكسر الواهس
تركتهم ودخلت لعند البنات بالصالة
بعدين طلبو من
كل بنية ممتزوجة تگوم لعند العروسة حتى تحطلها
حنة بيدها
ام سهى- سهى سهى بسرعة ركضي حصلي حنة خلي تحنيج ريتاج
طبعا صرت بنص هدومي
:يوم بكل عقلج هسة ترديني اگوم حتى تحطلي حنة
دتشوفين شلون صارت كتلة عليها عبالك
د يوزعون بيض
ماعلية ما اگوم ولا اتحرك من مكاني
شنو يوم لا عمري ولا شخصيتي تتقبل احط نفسي بهيج
موقف محرج
والله امي معقداتها ما اعرف منين تجيبها
اخلي حنة حتى اتزوج والله يا الله
نور-هههههههه خرب بالحظ لج سهى شوفي الفصمة
بنت خالي دانة ذاك اليوم فطموها من الممية
شوفيها شلون تتعارك علمود تحني ايديها
:ههههههههههههههه خرب والله شكلها يضحك
اباوع على امي تفر بيدها
ام سهى- انتي ظلي كلها عرست بس انتي ظليتي
سهى-يوم الحمد لله على كل حال
اني احسن من هواي بنات يحسدوني على النعمة العندي
اجتي وحدة من بنات خالتي
- هاي شنو سهاوي بعدج متزوجتي اووو

ف خطية
فاتج القطار
نور بحركة گلب
: يالله فاتها القطار احسن من ما داسها مثل بعض الناس
الي رجلها كل يوم وية وحدة شكل
:شنو قصدج عيني
: مقصدي شي بس الي على راسة بطحة يتحسسها
امشي حٍٍِْــًبٌٍـــِٓېٍٓ سهاوي خلينا نسلم على ريتاج قبل
لايجي امجد
كمت واني گوة لازمة نفسي لا اضحك على نور
خرب عبالك عجوز ماكلين عشاها اكلت البنية بكشورها
طبعاً اني ابد ما يهزني كلامهم ولا اتأثر بي اصلاً اتعودت
بالعكس احس
الحياة بيها هواي اشياء مهمة غير الزواج
عندي شهادتي وظيفتي وابني واهلي
حسيت على امي سحبتني من ايدي ومدتها لريتاج

ام سهى : هاج خالة عيني خليلها حنة
ظليت فاتحة حلكي على امي يعني صدك نبع الحنان عايشة اللحظة
ام سهى -كومي خالة ريتاج دوسي على رجلها بلكي تنفتح قسمتها
نور تصنف على امي : ريتاج وياج ضربيها جلاق
بلكي تعرس ههههه
ضربتها امي على راسها
-: امشي ولي منا كاعدة تصنفين حضرتج
وخلصت الحفلة ونور تقلد على هذا وتحجي على ذاك
رجعنا وشفنا احمد اخوي بالبيت
عافسة عفس
احمد - يوم اكلج شوكت ارد الخبر للرجال ترة لحد اليوم منتظر جواب سهى
سهى-احمد كطنة وشيلها من اذنك رجال بعمر ابوي ما اتزوج لو تنگلب الدنيا
احمد -ليش عيني ترة انتي مو صغيرة حتى تتشرطين
لتنسين عمرج ٢٨سنة شنو تنتظرين بعد
:يعني هو لازم اتزوج ترة مصارت هاي
والله زهكتوني منا امي ومنا انت
امجد : احمد اتركها براحتها
كلتلك متريد الرجال ترة هي مو بالكوة
وتعال بعدين هذا التحفة منين جايبة بكد جدي

احمد: مو زين لكت واحد يگلبها
والتفت على سهى وكمل كلامه
ترة خلي ببالج مراح يجيج كل يوم خطابة على مزاجج انسي
لان سالفتج رح تظل معلكة بركبتج منا للموت
مو عبالج سهلة علية اشوف الناس تجي تخطبج ومن
يسمعون بسالفتج يطفرون
ثائر
وهو لازم بيدة واحد من الخارجين عن القانون
جابوه الحرس لعند ثائر
كان يحاول يهرب مخدرات
عن طريق الحدود
واستلمة ثائر
ونازل بي دك بوكسات
بغضب وبدون رحمة حس على واحد لزمة من زندة
التفت عليه بعيونة الجمر
عدي - اترك الولد عنك لايفطس بيدك دخيل الله شجاك صاير طاغية
احس بيك جاي تفقد السيطرة على اعصابك وغضبك
ثائر ماجاي اعرفك هذا الي اشوفة گدامي
انسان منزوعة من گلبة الرحمة
عدي
طبعاً ثائر
كلش اتغير باخر اسنين من يوم الي
عرفت بي
سبب مشكلتة وية اهلي واتعارك وية
ابوي وجدي الشيخ مزاحم

ترك اهلي وراح سافر لبغداد
افتهمت منة راح وترك اهلة وناسة
علمود مرة
بس مع الاسف سافر اخوي ثائر ومن رجع
هذا مو ثائر هذا طيف ثائر
كان كل ظني ان الي سويتة وية ثائر
كلة لمصلحتة وكلها شغلة ايام وينسى البنية

لكن اخوي انگلبت احواله وصار ان انسان طاغي وقاسي بدون رحمة
ظل على هذا حاله
وشما اجالة يزيد بالقسوة
وبوقتها ادركت
انا ارتكبت اكبر غلطة بحياتي بيوم سمعت حجاية ابوي ووافقت على كلامه
عضيت على ايدي من الندم شلون فرطت بأخوي
بس ما ينفع الندم الي صار صار

اعرف بثائر اخوي
كلشي ولا الخيانة والغدر
صعبة عليه ان يأمن گلبه بيد وحدة
داستة وعبرت عليه بدون رحمة
بس مع الاسف هاي الاحداث ووفاة امي وغيرها من الاحداث
صنعت من ثائر رجل متوحش لابعد الحدود
اراقبة دافن نفسة بالشغل وملتهي بمشاكل
المنطقة وية جدي
مرات اباوع بنظرات ابوي اشوف بيهم ندم
بتجاه ثائر بس ميكدر يحجي
لان يخاف من ردت فعل ابنة الطاغي
اي ثائر اصبح انسان طاغي وحش كاسر عايش على
سحق جميع واحد يوكف بطريقة بدون رحمة
ثائر : انا مو گلت تكثفون الحراسة هنا بهاي المنطقة
عدي: وحش ترة وصيت على كم واحد يفرغون نفسهم بس مركز الشرطة كالو راح نرسللكم من عندنا اربع حراس يجون يلزمون خفارة بس لحد الان ماكو
ثائر: شنو وين صارو يعني همة اتأخرو انت ليش ما اتصرفت من يمك
يعني حضرتك تشوف ان يبقى المنفذ يضل هيج تايه
وننتظر لحد ما يحنون علينا عودك احنا من شوكت ننتظر غيرنا يقوم بشغلنا
مرة الثانية من اكول حجاية نفذ ثم ناقش
عدي : تم يالوحش بس انت هدي نفسك شوي
انت الله يحفظك صاير نار كبرة
وانا من باجر اجهز خمسة من زلمنا بالسلاح
واخليهم يلزمون خفارة حرس دوري
كملت لبس ملابسي حتى اطلع للدوام
سمعت صوت امي تصيحني
نزلت لعند امي شفتها مسوية ريوك وحاطة قوري الجاي عالصوبة
سهى-صباح الخير يوم
ام سهى -هلة يمة سهاوي صباح الانوار
تعاي اكليلج لگمة قبل مايجي عليج السايق
سهى وهي تلبس ساعتها وحطت النقال بجنطتها
-والله ماما ما الحك هم يالله اروح صفي عندة امتحان احياء اول درس ولازم اكون موجودة من وكت
سمعت هورن الخط بس اخذت شربة جاي من الكوب عالسريع وطلعت مستعجلة
ام سهى
- والله يا سهى صارت حصرة بگلبي شوكت يمة
اشوفج عروسة وعايشة ببيت رجلج
والله قهر صار عمرها ٢٨سنة
ولحد هسة محد دك بابهة واتقدملها
اشوف شبابها كدامي يوم عن يوم يذبل
ج
ميلة بس ماعندها حظ والاصغر منها اتزوجن
وهي ياهو اليجي يدك بابها يشرد ومانشوف بس غباره
واليقبل بيها لو تعبان لو شايب
ركبت السيارة
-صباح الخير عمو
ابوعباس- صباح النور ست سهى
وكالعادة انطلق السايق عمو ابو عباس بزدحام الشوارع لان وقت دوام ودائما تكون الشوارع بهيج وقت بذروة الازدحامات ودائما مثل كل مرة اسمع كلمات عمو ابو عباس من يرزل بالسواق الي بالشارع واضحك على تصرفاته وكلامة
اني مشوار مدرستي بعيد عن مكان سكني
لذلك اجرت سيارة خاصة توصلني كل يوم للمدرسة اما بقية المدرسات تكون المدرسة قريبة على بيوتهم
وصلت عالمدرسة
ورحت على غرفة المدرسات
وكعدت احضر الاسئلة حتى اتوجه لصفي
ست عهود - سمعتي بالي صار
- شنو صاير هو يوم واحد غبت معقولة صار شي
: لج يكولون لازمين بنات ثنين بصف الثالث متوسط جايبين وياهم نقالات ومصورات بيها فديو للطالبات
بدون ميدرون بأثناء تعيير ملابسهم مالت الرياضة
وصايرة مشاكل وبس الله يسترنا
وحدة من البنات اشتكت عليهم عند المديرة
- عزة بعينهم والمديرة شنو سوت
: دزت على اولياء الامور اجتمعت بكل المدرسات
وخصصت كل يوم اربع مدرسات مسؤلات على تفتيش كل الطالبات
قبل دخولهم للصفوف حتى لو ياخذ وقت من حصة الدرس الاول
: استغفر الله وحدتهم بكد عقلة الاصبع
وتطلع منهم هيج تصرفات الله يستر على بناتنا
دخلت بغرفة المدرسات شفتهم ديحضرون للدروس وبعضهن ديباوع على الجدول المعلق عالحايط
حتى يشوفون الدرس الاول بَـــأي صف يعني الروتين اليومي
صبحت عليهم وردو الصباح
طبعاً احنا الكادر التدريسي كلنا صديقات
واحبهم ويحبوني ومتعاونين ودائما نكون مع بعض من نشوف وحدة من المدرسات تطيح بازمة او يصير عندها لا سامح الله حزن او عندها فرح الكل يتواصل مع بعض
ما تخلو من بعض المشاحنات لكن ضمن الايطار التدريسي
اني مدرسة احياء ادرس بمدرسة متوسطة بنات
طبعاً من خلال دوامي وتدريسي للطالبات
صرت قوية الشخصية
كنت مسؤلة عن طالبات بعمر الزهور حبيت
اكون الهم الشمعة الي تضوي دربهم
واهتم للاستماع لطموحاتهم
احياناً اساندهم واحياناً انصحهم
صار هدفي انشر بينهم الوعي
سمعت صوت الجرس دك وعندي امتحان بصف اول متوسط
رحت دخلت لصفهم
-السلام عليكم
الكل وقف احترام واستعداد ورد السلام
طبعاً شفتهم كلهن محضرات اوراق الامتحان
وكعدت اوزع نسخ الاسئلة عليهم بعد ما عدلت اماكن الجلوس الامتحاني حتى اسيطر عليهم. لان همة كأي صف لايخلون من محاولات الغش
وبين مدااوزع الاوراق وصلت لرحلة
طالبة من طالباتي الذكيات وشاطرة جداً ومستواها دائما عالي وكلش طيبة وحبابة
جنت دائماً اتسائل ان هاي الطالبة بالذات
اني شايفتها قبل بس ما اعرف وين المهم
الطالبة اسمها سرى
شفتها لازمة ورقتها وتبجي حطيت الاسئلة امامها
وسألتها
-هاي شنو حبيبتي سراوي ليش دتبجين
شفتها تمسح بدموعها -ست خايفة
-ليش منين تخافين اشو انتي شاطرة وسباعية
-لا ست اني مخايفة من الامتحان
-لعد شنو منين خايفة
-ست عندي مشكلة بس ما اكدر احجيها هسة
ست اذا تسمحين من تخلصين الامتحان
اكدر اجي لعندج بالادارة عندي موضوع اريدج تساعديني بي ؟؟
-عادي حبيبتي بأي وقت اني موجودة
طبعاً اني مرشدة مسؤلة عن هذا الصف وعودت بنات
صفي اي وحدة عندها مشكلة تجي تحجيها الي حتى لتأثر على مستواهة التعليمي واكدر من خلالها اتواصل
لنقاط ضعفهم
يعني اخذت دور المرشدة الاجتماعية
وشفت البعض بدة يتجاوب وياي بهاي الطريقة كدرت احسن هواي من مستوايات التدريس عندهم
لان هنة مراهقات وبسرعة يتأثرون بالمقابل
ويحبون ان يلگون حضن يستقبلهم ويسمعهم
كنت اشوف بكل وحدة بيهم
سهى المراهقة صاحبة الخطاء الفادح الي ارتكبت
الغلطة في سن المراهقة كانت غير واعية
دنگت عليها
-ماما سراوي تكدرين تمتحنين ويانة اليوم؟؟
لو تأجلين الامتحان كولي ترة عادي امتحنج بغير يوم
-لا ست شكراً
اني دارسة امتحاني اكدر امتحن وياكم

بديت اقرة الاسئلة واشرحلهم شنو المطلوب منهم
وگعدت اراقب الطالبات وحركاتهم
وكلساعة انبه وحدة ان تكعد عدل
وكافي حركة وغيرها
خلص وقت الدرس وبدو الطالبات يسلموني اوراق الامتحان وكملت واتوجهت لغرفة المدرسات
كان عندي ثاني درس شاغر

فوديت على الطالبة سرى حتى تجي لعندي مادام عندي وقت اسمعها
دخلت علية واحس بيها مترددة لكن اني ابتسمت بوجها
-تعاي سرى
واشرتلها على كرسي مقابيل الميز
كعدي هنا
اتقدمت وكعدت
-يالله اني اسمعج كلي اذان صاغية احجي شنو مشكلتج
دنكت وحجت بصوت حزين
-ست اني مثل ما تعرفين ماما وبابا منفصلين عن بعض صارلهم هواي واني من بعد طلاكهم عشت وية ماما
لكن هناك كانت شروط
اذا ماما تريد تتزوج لازم ارجع اسكن وية بابا
-اي وين المشكلة
-ست المشكلة ماما اجوها خطابة وراح تتزوج وبابا
سمع بسالفة زواجها واتصل على خالو اخو ماما
يريد يجي ياخذني ويا

ه لبيتهم اعيش هناك
صفنت شوية وسألتها
-شكو بيها حبيبتي ترة امج من حقها

[ملكةه]

تعيش واذا عشتي يم ابوج ترة مبيها شي
لتخلين هذا الشي يأثر عليج
-ست مو هنا المشكلة
المشكلة ماما تكول
بابا واهلة عايشيين بقرية ريفية
وهمة ناس كلش همج متخلفين
وميخلون البنية تكمل دراستها حدها صف سادس ابتدائي ويبطلونها هاي اذا ما زوجوها
وهي صغيرة
وهو قرر يجي ياخذني اعيش عندة
شلون ست شسوي خاف من ياخذني
صدك يبطلني ويزوجني
طبعاً هي تحجي وتبجي
والله احس اندليت مكان گلبي متت قهر عليها احس روحي فرفحت
خطية طالبة شاطرة وراها مستقبل باهر حرامات يضيع هيج بين الاهل
مديت ايدي ولزمتها
- لتخافين ما كو اب يقسو على بنتة
ان شاء الله من تحجين وياه وتفهمينة
شي اكيد راح يقبل تكملين لان انتي بنتة مراح يخليج
بدون شهادة ومن يعرف بيج شاطرة مستحيل يرفض
طلبج
ما اعرف ليش شفت نفسي بهاي الطفلة
خطية حريصة على مستقبلها لكن الظروف دتمشي ضدها
طبعاً اني اطمن بيها وخايفة عليها لان اني اكثر وحدة تعرف شكد البنية تعاني اذا كانو اهلها من النوع القافل
شفتها مسحت دموعها وكامت واستأذنت مني
وراحت على درسها
وقبل لتروح التفتت علية
وابتسمت وبرزت غمازتها
-اشكرج يا احلى مدرسة بالعالم
من وكع نظري عليها وعلى ابتسامتها
خطية حسيت بيها صار عندها امل
يارب ساعدني ان اوكف لجانبها
خلص وقت الدوام
واني بالطريق
سمعت نقالي وكان المتصل صديقة عمري سارة
سارة -هلة شلونج بذاتة والله گاطعة لج گولي خطية صديقتي مريضة وماعندها اخت تسأل عليها لج ليش هيج ناسيتني
سهى -لج والله افة انت والسان وما اكدر عليج
لج هو بس البارحة متصلت عليج بعد شكو گلبتيها دراما
سارة -اي غير اني اتمرضت البارحة وخطية
عساف ابتلى بية
-اهوووو هسة والله خبصتينا
يابة بس انتي صرتي حامل
ولازم الناس كلها تتدخل بالانذار
-لج شبيج حرام عليج انتي تحجين علية وعساف يحجي علية والله حرام عليكم راح ازاعلكم
-ههههه لا عفية لاتزاعليني ترة بعد ما اكل
خاب ماتطيرين
شوفي عيني هاي سوالفج تعبر على عساف المگرود مو علية
طبعاً
عساف وسارة اتزوجو بعد قصة حب جداً جميلة من مرسال غرام الى ان اصبحو اصل الغرام
جريت حسرة عميقة
اما الاساس صاحب رسالة الغرام لم يكتب لنا ولحبنا ان يدوم
الى يومي هذا مدا اكدر اشوف رجل يملي عيني غيره
ابد مدا اتخيل رجل راح يستوطن قلبي غيره
ظليت عاكفة ومغلفة قلبي لأجله واني اعرف ما عندي امل ان التقي بي بس مثل ما يكولون الحب اعمى
واني اضيف واكول الحب ابله واعمى واطرش
بس مو بيدي احب شخص الله العالم هسة هو وين
واصلاً يمكن حتى ما يتذكرني
مرات سارة تريد تجيب طاريه عندي لكن اني اتهرب
مثل الخايف يسمع خبر يحطمة الى قطع
فخليني متمسكة بوهم او حلم لكن الي اعرفة عنة
ان هو الى الان ما ارتبط مثلي
ولا مرة سأل عساف عني
احتمال كدر يعدي مرحلة حبنا بسهولة
عكسي اني الي حطمت حياتي وحولتني الى رماد
مجرد شبه انسان خلصت سنين الدراسة واتخرجت
واني معدومة بدون روح
لكن الله ما ينسى عبده انشغلت بالتعيين والتدريس
وابني حسن
صحيت على صوت ابو عباس
-ست الباجر دوام لو عطلة ؟
-ما ادري عمو كالو شوفو قناة العراقية همة يعلنون اذا اكو عطلة انطيك خبر
نزلت من السيارة ودخلت البيت شفت امي واختي نور
مخبوصات ديجهزون نيشان اختي نور
عندها هواي تحضيرات على العرس
ام سهى -يالله يمة سهى اشو اتأخرتي يالله بدلي ملابسج وتعاي اتغدي
-اكول يوم حسن رجع من المدرسة لو بعدة
-لا بعدة مجاي
رحت ابدل
وهجمت علية حقبة الذكريات
اني ابد ما كدرت انسى حٍٍِْــًبٌٍـــِٓېٍٓ لثائر
ولا يوم عدة علية اذا مو اكعد اتذكر كل لحضة وكل
همسة وكل حركة من عندة
ولا كدرت انسى لحظة هجومة علية بيوم الي اخذني وياه للشقة ولا نسيت عيونه الي كانت تجدح من القهر كان حتى بغضبه علية كان مهتم ومراعي الي
رغم الي سواه بية بس من اتصل على عساف وسارة
حتى ياخذوني شفتة طلع من عندة قميص من عندة ولبسني اعرف غيرتة متقبل علية اطلع لعساف بهيج وضع ولحد يومي هذا اني محتفظة بهذا القميص
ما اعرف ليش محتفظة بي يمكن غباء مني لكن العشق والحب مالة حدود بالغرابة
على اثر هذا الموقف رجعت لاهلي و وكعت متخربطة عليهم واخذوني للمستشفى
واضطريت ااجل امتحاني وظليت طريحة الفراش
لمدة اسبوع ومحد يعرف بأمري الا سارة
بس مع الاسف كل هذا الي صار بية ما كدر يشيل حب
ثائر من گلبي
كنت راح اموت من الخوف
اخاف احد من اهلي يكشف سري
او خاف ثائر يجي على بيت ويطالب ان افسخ خطوبتي الوهمية كدام اهلي ويسببلي مشاكل لا حصرلها
كنت كلشي حاطة ببالي لكن عدت الايام وثائر ما بين
ولا اني سألت عنه كنت اخاف حتى من اجيب سيرتة
سمعت صوت املي الصغير
-هلو ماماتي انتي هنا فوك جنت ادور عليج
-هلو حسوني ماما الله يساعدك اشو اتأخرت اليوم
حسن -ماما السايق اتأخر علينا يكول الكيا عطلانة
وجابنا بالكيا مال صديقة
مسحت دموعي حتى ميحس علية
-يالله ما
ما تعال اصبلك غدة
نزلت وكالعادة متعودة على حسن ابني يحجي عن يومة المدرسي
طبعاً جدة حسن اتوفت
وبعد مظل واحد ببيت اهل فراس غير اخوه الي بالسجن واخوه الثاني مريض فقبل يبقي حسن عندي ويروح يزورهم بالعطل
صفنت اني شوصلني لهاي الحالة
وليش عيشتي هيج من دون البنات
صرت انتبه على كلام المدرسات
ومعاملة ازواجهم
وشلون يحجون بحياتهم الزوجية
صرت اريد اجرب هاي الحياة الي ملحگت اعيشها
ولوما اني غبية جان موصل بية الحال هيج
نور اختي خطبها ابن عمي قاسم
ومباقي على زواجهم شي
امي خطية اتمرضت بالقلب
واباوع عليها
مضل نذر ما نذرتة علمود تشوفني متزوجة
وتعبتني وياهة بمحاولات ايجاد العريس المناسب
سمعت صياح امي جوة
ام سهى -يمة صخام الصخمنة يبوووو هاي وين جانتلي
نزلت الدرج اركض ورجلية ترجف
سهى-يوم شكو شصار

[ملكةه]

ج 2 بارت 2
ام سهى -يمة صخام الصخمنة يبوووو هاي وين جانتلي
نزلت الدرج اركض ورجلية ترجف
سهى-يوم شكو شصار
امجد- لتخافين مصاير شي بس الوالدة
لازم تسوي من الحبة كبة وتعظم الامور
ام سهى- ولك يمة امجد شتحجي انت
يمة الموضوع ما ينسكت عليه
سهى -عفية احجو شنو صاير
امجد- استلمت تهديد من جماعة مجهولة
هاي ناس تعبانة
ام سهى-لك يوم شلون ناس تعبانين ليش مو همة نفسهم الي قتلو ابوك بباب البيت
سهى : منو هذولي شنو يريدون
منتصر -ولك عدي الحك سمعت الشيخ مزاحم يحجي وية ابوي يگول
راح نسوي مشية زلم وشيوخ بهاي الفترة علمود نطلب ايد عذراء بنت قاسم لعدي
عدي -اااااخ الله هاي شلون ورطة
انا ليومي هذا اتهرب من بنت عمتي الي حجزها الي جدي ورطني بيها
اتذكر من واحنا صغار
جنا نلعب سوية ولد وبنات
بس احنا طبعنا اذا البنية بلغت يعني و يصير عمرها
١٢سنة
تكوم بعد متطلع بباب البيت ومتختلط بالاولاد
بس اني اتذكر عليها ملحة وصحابة ظفاير
وتقويم اسنان
يعني بعد هاي السنين شتريد تصير
استغفر الله والله بلوة
واذا بنت عمتي منتهى
يعني هي جبر لازم اتزوجها ؟؟؟
عدي وهو يجر حسرة
-استغفر الله وكل هاي السنين اتهرب من سيرت الزواج
حتى بلكي احد يتقدملها ويتزوجها ويخلصني منها
بس صار عمرها
٢٢سنة وماسمعت فد يوم واحد اجة اتقدملها
يعني دخيل الله شكد جكمة
منتصر -يا خوية حرام عليك معلگها خطية
شنو ذنبها تراه الناس كلها تعرف هي محجوزة
الك بعد منهو الي يتجرء يطلبها
عدي -خاب متولي منا لا اجي اطلع حرگة الي بگلبي
كلها بيك
منتصر وهو يضحك
-ههههه ولك عمي انت صدك فلم خايب شنهي السالفة
اتزوج وفضها
من وراك محد راضي يزوجني الا انت تعرس
-خلاص هذا هو خليهم يزوجوني
بس خليها ببالهم
والله ولا ابطل سوالفي
وابقى اسافر لبغداد واتونس وهمة بكيفهم مشكلتهم
خو مايعدموني بالحياة علمودها
دخل ثائر هو وابوه
يتنفس بغضب
ثائر-گتلك يابة اجيبها هنا تعيش عندي لاتطولون السالفة ترة الموضوع ميحتاج هاي الهوسة كلها
ابو ثائر -بس بوية ثائر امها تريدها
ثائر بكل قسوة-مشكلتها مو مشكلتي

ام ابراهيم-لج عيني ام امجد شفتلج شيخ كلها تحمد بي
يگولون عنة مبروك
خلي ناخذ سهى بلكي يسويلها حجاب
لو يقرة عليها بلكي تنفتح قسمتها
ام سهى-والله ياريت الله وايدج بلكي تنفتح قسمتها
لج عيني راح اموت من القهر عليها
بس لا تعنس وتظل محد يقبل يتزوجها
ام ابراهيم - اي عيني حقج الله يساعد گلبها
الاصغر منها اتزوجن وفتحن بيوت وخلفن
وهي بعدها والحظ من حظها
هاي بتج بس جمال بلا حظ
ام سهى-اكلج هذا الشيخ ميصير يسويلها حجاب
بدون متروحلة
ام ابراهيم-لا دادا ميصير الاهي صاحبة الشأن تروحلة

سهى سمعت كلام امي وام ابراهيم متت قهر ودخلت عليهم وفاجئتهم
-يوم من صدك تحجين كل عقلج
هاي انتي الواعية المثقفة تدورين هيج سوالف
مع الاسف عليج يوم شبقيتي للمتخلفات الي ماعدهم
توعية ومعرفة
قابل الشيخ احسن من رب العالمين ؟
والله صدمتيني يوم زين لهدرجة اني حجر عثرة صايرة
بحياتكم انتي وامجد واحمد
اي مو زهگتوني بعيشت الله كافي عاد
اعتبروني عندكم جلب واتحملوني شلون بالله تذبوني بالشارع
يعني زواج والله ماكاتبلي اتزوج
ترة لااني اول وحدة ولا اخر وحدة
اني ادري بيج ليش هيج دتسوين لان اختي نور الصغيرة راح تتزوج واني بعدني
يمة ارضي بالامر الواقع كلمن وقسمتة
عفتهم وطلعت

ام سهى وهي تحجي وية ام ابراهيم
- خو شفتي بعينج صايرة اعصاب وماتتحاجة
ام ابراهيم بجهل -اي عيني هاي بنتج بانت عليها علامات العنوسة ماعليج بيها وبكلامها ترة بنتج حلها عند الشيخ

ام سهى - لج عيني سدي الموضوع هو حتى لو هي تقبل
اخوانها مراح يقبلون تطلع اذا درو يلعبون بيها طوبة
شوفت عينج حصرة عليها الطلعة
سودة علية حتى زيارة لأبوها كوة اخذها امجد مرة وحدة متشوفين اريد اشوفها متزوجة وبراس رجال حتى اطمن عليها ويرتاح بالي
سهى
بالمدرسة
:هلو سرى هَـا شلونج اليوم
سرى- هلو ست
اني زينة الحمدلله
:حجيتي وية بابا على موضوعج
:لا مكدرت احجي وياه سمعت من خالو كال
ابوج راح يجي ياخذج على نهاية الامتحانات
:يالله حٍٍِْــًبٌٍـــِٓېٍٓ عادي من يجي عليج حاولي تفهمي
:ان شاء الله
:اني راح اخلي المديرة تحجي وياه على مستواج
من يجي ياخذ اوراق النقل مالتج بلكي يتفهم
سرى بامل : والله يا ريت ست اكون ممنونة
ثائر
بوية منو گلك تخطبلي بنت الشيخ راجح
ترة انا موش جاهل
انت حتى ما كلفت نفسك تسألني
الشيخ مزاحم ضرب العصا بالارض
:وما دامك يالوحش موش جاهل معناتها تعرف بالاصول
والاصول تگول توافق ابوك لان انطة حجاية للشيخ راجح
وطلب منة ايد بتة الك
والشيخ راجح قبل وكال گبعو واخ
ذو
نهض ثائر بغضب ولم ايدة بقبضة
- هذا هو براحتكم الي تشوفو سوه
انا اترخص منكم
وتركهم وطلع
التقى بطريقة بعدي وضربة بكتفة ومشة بدون ما يلتفت
عليه
عدي - شني وحش على وين رايح اوكف
ثائر-فاير من الغضب والقهر وكأن انا ناقص علة ويردون يحطون براسي مرة

عدي كمل طريقة وهو يفر بيدة متعجب على اخوه الثاير
ودخل على ابوه وجده
وشاف الجو متوتر
: احم الله بالخير
الشيخ مزاحم - هلة الله بالنور
ايه شرف المسعد
جا انت شنهو ماتكول عندك اهل وتنشد عليهم
عدي يحجي وية نفسه
والله واجاك الموت يا تارك الصلاة الظاهر اليوم
الشيخ مزاحم مسوي حملة تصفية
: شيخنا اعذرني
تراني معذور شغل بغداد طايح كلة براسي
وشوفت عينك ما فارغ احك راسي
: خايب شوف ولك هاي سوالفك ما تعبر علية لا عدالك
انا ما اعرف وين تولي
ووين تخوتل ترة يكون بعلومك
كلشي تسويه يجيني بالحرف الواحد
عدي : ما ادري ليش ما استغرب ولا متفاجيء
اعرف بيك ما تعدي عليك لاصغير ولاجبيرة
اذا مايكون عندك بيها علم عمنك ذيب

: بلا هذرة حضر نفسك على نهاية الشهر راح نسوي مشية زلم ونخطبلك بنت عمتك
ما اريد هالمرة اعذار وحجج
والله من وراك كصرت رگبتي جدام قاسم رجل عمتك

عدي بطاعة مغصوبة
: هذا هو جدي تم شتفصل انا البس
ابو علي: ما غصبن عليك تنفذ وانت الممنون
شنهو نسيت سوايتك
الي سودت وجوهنا
عدي بقهر -بوية مو وكتة هذا الحجي
جنت راجعة من الدوام
واشوف الناس ملتمة بباب البيت وصوت عياط
عزة العزاني يمة هذا بيت اهلي
شنو صاير وصلت السيارة يم باب البيت وفتحت الباب
اريد بس انزل من السيارة
واوصل لباب بيتنا
مكدرت احس رجلية صارو خيوط
لكيت امي كاعدة بنص الكراج يم باب المطبخ ونسوان المنطقة يهدؤن بيها ولازمات ايدها حتى ماتلطم
شفتها تحرك براسها وتصيح يمة احمد يمة قتلو ابني

حسيت باد جسمي ووگعت جنطتي من ايدي وجسمي صار كلة يرجف
اجاني ابني حسوني يبجي وحضني
حسن -ماما رمو خالو احمد يم باب البيت
الناس تكول
صفت سيارة يم باب البيت بيها اثنين رياجيل
ورمو على خالو احمد وعلى البيت
وكعت بالگاع من سمعت كلام حسن
احس گلبي انخمط التفتت
شفت خالي يهدي بأمي ويصبرها
موفق - ام امجد رحمة على والديج ميصير الي دتسوي بروحج حتى مو زين على احمد
هيج تفاولين عالولد
سهى وبصوت يرجف وگوة تطلع الكلمة
- خالو اروحلك فدوة فهمني گلبي راح يوگف
مدا افتهم شنو صاير
-احمد رموه بباب البيت وهسة هو بالمستشفى وحالتة كلش خطرة
واجتي الشرطة لهنا وگعدو يحققون
وبعد التحقيق يكولون اكو شهود عيان شايفيهم بالمنطقة قبل كم يوم
دازين الكم تهديد على اساس بينهم وبينكم ثار
ودم لان ابوكم الله يرحمة بزمن النظام البائد
كان حاكم على ثلاث خوان بالاعدام
وهسة اخوتهم الي كبروا يردون ياخذون الثار ويكلج
هذا واحد وبعد نكتل ثنين منكم حتى ناخذ بثارنا
حسن -اي ماما حتى كتبو على السياج
هذا البيت مطلوب دم
كعدت اضرب على وجهي والطم عالضيم
يمة هاي وين جانتلنا

وشفت امي اتخربطت واخذوها للمستشفى وبيومها
خطية وطلعت مرتفع ضغطها انطوها ابرة تنزل الضغط ورجعنا وامجد بالمستشفى وية احمد
والكل مخبوص خبص على بيتنا
وصلنا للبيت واجتي ريم اختي وجها اصفر من الخوف رجلها جابها لعدنا وراح للمستشفى يم الولد حتى يطمن على احمد واحمد الي لحد الان ما نعرف وضعة شنو

وبوقت المغرب
وصل عمي قاسم وهو وخمس سيارات متروسة رياجيل معگلة واحدهم جنة باب من الضخامة بالاول خفت حسبالي هذولي اجو علينا حتى يصفونة واحد واحد
جنا كاعدين يم امي بغرفتها
دخل علينا امجد
وصاحني اني وتمارة وريم ونور
امجد -بنات سوو حسابكم اليوم عمي قاسم والزلم الي جايين وياه راح يبقون عدنا
وحضرو الفرش والعشا اريدكم تبيضون الوجه
سهى-هذولي منو الي اجو وية عمو قاسم
امجد- هذولة نسابت عمو قاسم خوال اولادة اهل زوجتة
لج هذولي يهزون الكاع هز اذا صارت عندهم طلابة
والله سخرهم النة من درو بعمو قاسم عندة طلابة ومتعدين على اولاد اخوه
مقبلو يخلونة يسافر لوحدة واجو وياه
لج لوتشوفين سياراتهم شلون سدت المنطقة
خطية جابووياهم اثنين بيك اب دبل قمارة
وعليها اثنين حرس مسلحين برشاش ((بي كي سي ))
گالو سيارة تبقى بباب البيت والثانية تنتقل وياهم للمركز

سهى
وبيومها انخبصنا خبص
طبخ وجاي وكل ساعة صينية جاي تروح وتجي وظليت احوم والله خايفة على اخوتي
وهذا احمد ما اعرف شنو مصيرة
وبعد ساعات الانتظار والدعاء وما ظل دعاء ما دعيتة لحتى يطلع اخوي من هاي الشدة ويرجعة النا سالم

بس الحمد لله طمنا امجد عليه وگال كدرو يجتازون مرحلة الخطر وسيطرو على الاصابة

اما هاي الطلابة والهوسة استمرت ثلاث ايام
والشرطة مكدرت توكع على الي رمو اخوي احمد
وصرنا بحالة قلق ونترقب الرايح والجاي

واني عندي امتحانات نهاية السنة
بهاي الايام
ولازم اروح طلبت اجازة يومين بس المديرة اتصلت وشرحتلها ال

سالفة وكالت بس تعاي امتحني صفج
واخذي راحتج احنا نسد مكانج

صار الليل ودخل علينا عمو قاسم ووياه اخوي امجد جانو ستوهم راجعين من المستشفى
طبعا نص الزلم الي اجو وية عمو قاسم رجعو
وبقو بس كم واحد
- الله يساعدكم اصبلكم عشا
قاسم -لاعمو مايحتاج متعشين بس اذا تكدرين صبيلي جاي يابعد عمج
-من عيوني عمو
رحت دخلت للمطبخ وشفت نور اختي گاعدة على ميز الطعام ودتقرة امتحانها
فزت من مكانها واجتي لعندي
نور بتسائل وعيونها على باب المطبخ
: اكول سهاوي منو اجة
: عمو قاسم وامجد ليش تسألين
: هَـا لا هيج بس حسبالي بعد اجو ناس وياهم
: لا حٍٍِْــًبٌٍـــِٓېٍٓ اعرفج على شنو دتسألين
على حبيب القلب
دخل علينا امجد
: سهى حضري شوربة لحم حتى ناخذه ويانة للمستشفى لاحمد
: صار ٺــڊٍلََُلََُؖ بس دقايق
ونور انشغلت بتحضير الشوربة
كملت الجاي واني اباوع عليها خطية كان بعد كم يوم زواجها لابن عمي قاسم بس من ورة سالفة احمد
راح يأجلون العرس
رحت اخذت الصينية الجاي ودخلت عليهم وسمعتهم
قاسم- شوف عمو امجد ترة السالفة ما ينسكت عليها
وشوفت عينك الي رمو اخوك لحد يومك هذا محد لزمهم لا حكومة ولا جماعتنا كدرو يطيحون على اثرهم
امجد: يعني شبيدنا شنسوي
: لا بيدنا خو ما نكعدلهم منا احد ما يصفونكم واحد واحد
عدي : وحش خوية اتكفى الشر والعن الشيطان مو كلشي بالقوة تاخذة
ثائر: مالك دخل انت اطلع منها انا اعرف شجاي اسوي
قابل تريدني اعاين على لحمي يتربى بيد الغريب واسكت مثلك
عدي بقهر : شتقصد يالوحش موش انت الي تعيرني
عفو عليك هاي موش من شيمك
ثائر: هذا مو عار هذا واقع حال انت اتنازلت عن
ابنك وانهزمت من مسؤليتة عبالك اذا اخذتة تحت اجناحك راح يصبح عار يسود وجهك
عدي : انت شنهو ما تسمع زين اكتل روحي بالله حتى تصدكوني
يا ناس يا عالم هذا الفرخ موش الي
ابتليت على عمري وسويت زين
ثائر : تريد تقنعني ان انت كاعد تصرف على الحرمة وابنها لسواد عيونها زين هي ليش
شكتك عند جدي
عدي : وانا شدراني ما تروح تسأل ابوك اشو هو ورة كل مصيبة تطيح فوك راسي
ثائر بتسائل : وابوي شدخله
عدي: والله يا وحش مرات احس بيك مظلوم ومرات
احس بيك ظالم
: خايب تحجي عدل ولا تظل تذب الغاز
فهمني شتقصد كل مصيبة وراها ابوي ثمن كلامك كبل لا تحجيه
عدي : ماكو الغاز بس احب انبهك لاتثق بأي واحد واتوقع الغدر حتى من اقرب الناس الك يالوحش
اذا طاح الگوي كثرن سجاجينه (السكين )
قاسم
انتو ملازم بعد تبقون هنا لان الوضع خطر عليكم
وعلى البنات فاحسن شي تجون عندي هناك واني اضمنلكم سلامتكم لان السلف راجع كلة لنسابتي
وهناك اكثر امان
ام سهى-اي والله خوية يا ريت
اني بعد مالي گعدة بهذا البيت
الي اخذ ابو بيتي وهسة زين ما اخذ ابني
امجد-عمي شنو تحجي وشغلنا وبيوتنا
قاسم-عمي ياروح مابعدج روح انت شتحجي ولك عمي هذا ثأر تعرف شنو ثار يعني مراح يرتاحون الا يصفوكم كلكم انت واخوانك وموبعيد حتى البنات
هذولي ناس مايخافون الله وشوفت عينك دولة وحكومة
ماكو اشو هي تايهة هذا اخوك صارلة اسبوع حاولو اغتياله ولحد الان ماكو اي خبر عن الي رموه ولا كدرو يوصلونهم بالله فهمني من
يعيدون الكرة ويهجمون عليكم
بالله گلي انا اطالب منو بدمكم
امجد باستسلام -شوف عمي انت هسة اخذ امي واخواتي وسافر بيهم لسلفكم
وانا اخذ زوجتي والاولاد اوديهم لاهلها
واحتمال هناك ابات عندهم
منا لحد ما اشوفلي حل لوضعنا

قاسم : شتنتظر تعال ويانة بعد
امجد ..واحمد اخوي هنا ما اكدر اعوفة على الاقل خلي
يشفى جرحة واجيبة وياي

سهى وتم الاتفاق على هذا المبداء
يعني شنو اني اسافر وابني واهلة شي اكيد مراح يقبلون
اسافر بي بدون علمهم
التهة امجد اخوية بترتيب الوضع
واني وامي التهينا. نحمل باغراض البيت بالكراتين
وكانت جارتنا ام ابراهيم موجودة ويانة
تساعدنا

سهى-يمة اليوم راح اداوم اسلمهم السجلات والاسئلة
وامتحن صفي واجي مراح اتأخر
والله كان اليوم اخر امتحان
رحت للمدرسة واحس الدنيا ضايكة بعيني
ابو عباس السايق-هلة عمو الحمدلله على سلامتكم
سمعت بالخبر ووالله كلش انقهرت على احمد ميستاهل

- الله يسلمك عمو والله عمو كلش خايفة على اخواني
- الله يكفيكم شرهم هذولي ناس متخاف الله ما عندهم شغل وعمل فارغين

وصلت للمدرسة ورحت دخلت عالمديرة و سلمتها سجل الدرجات وفهمتهة السالفة
وكان اليوم اخر يوم في الامتحانات
لكن المديرة انطتني اجازة واستثنتني من تصحيح دفاتر الامتحان لان وراي سفر

ورحت على صفي وبلشت يومي الامتحاني
وكالعادة اشجع بطالباتي
وشفت الطالبة سرى تكتب وتباوع علية بارتباك
وكل ساعة تباوعلي
عرفت عندها كلام بس كان الوقت ميسمحلي
ان اتكلم وياهة لان جنت اراقب
ورة ربع ساعة
اجتي مدرسة صاحت لسرى
كالت ابوها إجة عليها
شفت سرى ظلت تبجي وباوعتلي
سرى-ست عفية هذا بابا اجة علي

ة حتى ياخذني وياه
هو حجة وية خالو گلة اليوم اخذ سرى من المدرسة حضرو جنطة ملابسها
عفية ست تعاي احجي وياه وقنعي اكمل دراستي
-شوفي حبيبتي روحي انتي واني جاية وراج بس شوية
اشوف مدرسة تأخذ مكاني
راحت سرى وصحت للمدرسة وسلمتها مكاني
ورحت ورة سرى حتى احجي وية
ابوها
سألت الفراشة عليها كالت يم المديرة
دكيت الباب استأذنت
رفعت راسي واني مبتسمة
هناااااااااا
وانصدمت صدمة حياتي واتزلزلت من ارضي
ووگعت الاوراق الي جنت لازمتهم
لاااااا مستحيل
همست بصوت ناصي
-ثائر
شفتة رفع راسة واجت عينة بعنيني
وكانت المفاجئة مرسومة على وجهة مثلي مصدوم
-نهض من مكانه وعيونة بعيوني وكأن يريد
يتأكد
- سهوة