ج 2 بارت 3
سهى
تعرفون شنو شعور الواحد ان يكون ميت ويرجع للحياة فجاءة
اني هذا كان شعوري بيوم وكعت عيني بعين ثائر
كان لقائي بثائر صدمة ومفاجئة مجنت متوقعتها
ولو واحد يكلي ان اليوم راح تلتقين مع هذا الشخص
كان ضحكت عليه واتهمتة بالجنون
لان من سابع المستحيلات طرقنا تلتقي
لكن الدنيا شكد صغيرة
-ثائر !!!!!
ثائر- سهوة ثائر زين بعدج ما نسيتي ؟؟؟
نسينا نفسنا للحظات وبدون شعور نطقت اسمة امام المديرة وهو نفس حالي كان مصدوم وردة فعلة كانت
عنيفة لكن سرعان ما اتلاحگنا لنفسنا
وصرنا نتصرف برسميات امام المديرة
كان الموقف والمكان جداً حرج
لكن
هناااك كان شي لم يستطيع اياً منهم ان يمنع حدوثه
لا المكان ولا وجود المديرة
كانت هناااك النظرات المتبادلة بين العيون
نظراتهم تحجي ملايين الكلمات الغير المنطوقة
سهى
يمة احس گلبي رجعتلة نبضاته عبالك ارض جافة قاحلة
صارلها سنين مشايفة الماي وبهاي اللحضة
انفتح بيها جدول من المياه العذبة الي اتوغل لداخل
اراضيها القاحلة وصار يرويها
ارتبكت ومگدرت انطق اي كلمة وعيونة ابد ما اتغيرت ونظراتة الي كصتني من فوك ليجوة
بس شفت بيهم لمحة برود وقسوة زائد انتقام خوفتني
اتمنيت اشرد من غرفة المديرة ركض بدون ما التفت من الخوف
يعني كل هاي السنين وشخصيتي القوية الي تعبت لحتى ابنيها
كل هذا طار من اقرب نافذة بلحظة الي وكعت عيني عليه
وارتبكت عبالك رجعت نفسي ذيج البنية الخجولة الي
تنخبص وتتخربط اوضاعها اذا وكعت عيونها بعيونة
انتبهت عليه
رفع تك حاجب لفت انتباهي حاجبه المقطوع من النص
الي مخلي شكله يوحي بالخطر والهيبة
انتبهت على معاني وجه صايرة اكثر قساوة
حسيت على ايد لزمت ايدي
دنگت شفتها سرى
عزة هاي سرى والله نسيتها ونسيت سبب قدومي لهنا
سرى بصوت هامس غير مسموع
-ست هذا بابا الي حجيتلج عنة
المديرة-اتفضلي ست سهى
سهى
كلش هواي على عقلي يستوعب كل هاي الصدمات والمفاجئات بوقت واحد
بالاول ظهور ثائر وبعدين تطلع سرى الي كانت طالبة عندي طول هاي المدة
وما ادري ان ابوها الي تحجي عنة هو نفسة ثائر
بالكوة كدرت اجمع اشلاء نفسي الي تبعثرت بلحظة لقاء
ثائر
سهى -احم احم اهلاً وسهلاً ابو سرى اذا متصير زحمة ممكن تعطينا من وقتك لحظة
حتى احجي وياك بموضوع يخص سرى
شفتة ابتسم ابتسامة استهزاء
وكأنه يتحداني ان اكعد وياه بنفس المكان لوحدنا
اعرف جميع نظراته واعرف هذا الشخص مثل ما
اعرف نفسي لكن طابع القساوة الي جاي اشوفة هسة هذا جديد علية
ثائر -اتفضلي ستتت سهى اسمعج
ركز على كملة ست احس بي يريد يستفزني
ما اعرف ليش حركاته كلها تستفزني
حسيت بروحي دا امشي بحقل الغام
انتبهت على ايدة اتكورت على شكل قضة وبينت عروگه منها عبالك يريد يضرب شخص
واحتمال قوي اني هذا الشخص
وهذا الشي اربكني
شافني اباوع على ايدة بخوف
رجع اتكئ على ورة وحط ايدة على لحيتة وكعد
يتلمس بيها وعيونة سافرت على طول جسمي
هسة اني ليش كدام هذا الشخص ارجع لنقطة البداية
ولا كأني اني المدرسة المحترمة صاحبة الشخصية القوية والكل بالمدرسة يشهدلي على ذلك
زين ليش امام هذا الشخص
ارجع تلميذة بالمدرسة واكفة گدام استاذها ومنتظرة العقاب على شنو العقاب ما اعرف
اوووف والله احس اعصابي اتوترت وانشدت من وراه
سحبت نفس شهيق عميق وزفير
سهى- احم اني سمعت بيك انت جاي حتى تاخذ سرى تعيش وياك هناك ببيتكم
قاطعني ثائر
-وانتي شكو شنو دخلج بالموضوع
باوعت عالمديرة اتسعت عيونها متفاجئة من رده
المتهجم
-ارجوك ممكن تسمعني للاخير ومتقاطعني اذا متصير زحمة
-اتفضلي بس اختصري بالكلام عندي شغل مستعجل
يعني صدك ميستحي وينرفز ومستفز
عضيت شفتي كوة كدرت اتحكم بغضبي وبلعت كم الكلمات الي كنت ناوية امطرهم على راسه لكن
اتلاحكت للوضع واتذكرت هدف وجودي هنا
امام هذا الشخص
هدفي سرى لازم اسيطر على اعصابي علمودها
-صحيح كلامك اني مالي حق اتدخل لكن
من اشوف طالبة شاطرة ومجتهدة من طالباتي
مستقبلها الدراسي مهدد بالفشل
يكون من واجبي ان اسعى لتنبيه الاهل
على مستقبل بتهم
فكل الي ارجو منك ان لا تهمل مستقبل سرى العلمي
خطية اتمنى ان تسعى بالبحث على مدرسة قريبة هناك
وتنقل اوراقها حتى تكدر تكمل دراستها
اباوع عليه ظل صافن على شفايفي من احجي عبالك
بالة مو يمي بغير مكان لدرجة اضطريت ان اسألة
-احم العفو حضرتك تسمعني
ثائر وهو ينفض راسه من الافكار
الجريئة الي استولت على تفكيره
وهي تحجي
-ا اي نعم استمري كملي كلامج اسمعج
عضت شفايفها قضت على اخر لحظة تعقل
براسي
كلما تحرك شفايفها
انة عقلي يروح بغير عالم كلماتها وصوتها
مثل خيوط العنكبوت تنسج خيوطها حول افكاري وتعزلني عن كلشي يحيط بية وتخليني
اباوع فقط الى حركة هاي الشفايف الي لطالما
عانيت منها ليالي وايام لحتى اكدر ابعدها ع
ن عقلي وگلبي
دخيل الله شكد حاقد عليها لدرجة الكره الاعمى
لكن مع الاسف هاي السنين كلها ما كدرت تشفيني
كان مجرد نسيان مؤقت
لكن ليس علاج من الشغف
المديرة
كملت على كلام سهى لان حست التوتر زاد بجو الغرفة وانتبهت على نظرات ابو الطالبة الغير مرحب بيها وكأنها راح تاكل سهى اكل
-صحيح كلام ست سهى بنتك سرى امامها مستقبل باهر
فنرجو منك ان لا تتهاون وتهملها
ثائر انتبهت على صوت المديرة البارد
والتفتت عليها وشفت بنطراتها الصارمة عدم موافقتها
باسلوبي المستفز مع احد مدرساتها القديرات
- اشكركم على اهتمامكم بمستقبل بنتي
لكن ما اتوقع انتو راح تكونون احرص عليها من عندي
ترة لتنسون انا ابوها
وان شاء الله بدون متحجون
راح اكلف شخص يكمل معاملتها واوراق النقل لعند مدرسة قريبة من منطقتنا
سهى -اني استأذن من عندكم واشكرك على استماعك
الي ودير بالك على سراوي ترة هي وردة مال الله
التفتت على سرى وحظنتها
-يالله حبيبتي اني عني كملت رسالتي
وياج اتمنى اشوفج احلى دكتورة يالله في امان الله
ديري بالج على نفسج
وصيري سباعية
تركتهم وطلعت
واحس بالنظرات تخترق ظهري بسهام
اتعثرت واني امشي وكان بداخلي هناك كم من المشاعر المتضاربة الي غزت افكاري مسحت
دموعي من على خدي حسيت ودعت بنتي
ما اعرف ليش كلش متعلقة بطالباتي بشكل موطبيعي
بحيث احزن لحزنهم وافرح لفرحتهم
اشكد اكره لحظات الوداع
همزين طلعت من يمهم
اريد ابتعد عن نظراتة الي ابد متغيرت
بحيث حتى المديرة حست عليه
ثائر
بالسيارة جاي اسوق وبنتي سرى كاعدة بصفي
وبالي عند الي استأذنت وطلعت
كوة كدرت الزم روحي وما اكوم وراها
ذكرت نفسي ان هي هسة مرة متزوجة وما يجوز الي
جاي اسوي وياها بس اااااخ الله مو بيدي
استغفر الله كوة اتمالكت نفسي وما هجمت عليها
واخنكها من ركبتها النحيلة
بنت اللذين اشو الزمن زايدها جمال فوك جمالها
على الاساس انة جنت ناقص
وهسة شفتها احس بنفس اللهفة والشوك الي بصدري
وبعد زادت اضعاف ما اعرف شنو متغير بيها
كان مثل اول لقاء وياها اخذت عقلي ورجف گلبي الهة
يالله شكد گوية عين وتحجي وبعدها لابسة
ثوب البرائة المزيف
تگدر تخدع الناس كلها بس متگدر تخدعني
صرت اعرفها كلش زين
ذيب متنكر بثياب الحمل الوديع
سرى- بابا اشكرك على موافقتك اكمل دراستي
انتبهت على كلام بنتي
-بابا سرى انا زعلان عليج
كان بأستطاعتج تجنبيني هذا الاحراج الي صار اليوم امام المديرة والمدرسة عبالهم انا رجال متخلف وما مهتم لمستقبل بنتي الدراسي
ليش ما اتصلتي علية وحجيتي هذا الكلام الي
بدل ما ترحين لمدرستج وتشتكيني الها
-اسفة بابا بس ست سهى علمت الطالبات كلهم اذا عندهم مشاكل يجون يحجون وياهة واني اتعودت احجيلها واني ما كدرت اوصلك واحجي وياك
انت تعرف امي متقبل اتصل عليك
من يكون الموضوع بي سيرة سهى اصغي بكل حواسي
-انتي شتعرفين عنها وتگعدين تحجيلها اسرارنا
-لا بابا ست سهى كلش حبابة ودائما تساعد الطالبات
تگول احسكم بناتي
گلبي متروس غل وقهر منها
ومايشفي غليلي منها غير الانتقام
بس احمد الله واشكرة
هي متزوجة وغير حرة
جان عرفت شغلي وياها
والله جان حطمتها بدون ميرفلي جفن
واخليها تتوسل الرحمة وماتنولها
سهى
رجعت من المدرسة واني بعدني بحالة صدمة
معقولة الي ديصير وياي يعني شنو من صدفة هاي
الي جمعتني بهذا الشخص
كنت دايخة واحس راسي يريد يطك من التفكير
همزين بعد ما اداوم وراح اسافر
لان نظراتة القاسية كانت تنطق بالانتقام
وهذا الشي خوفني من عندة ولد عندي احساس
الهروب لابعد مكان لحتى ما اوكع بين ايديه
احمد الله الف مرة لان بعد دروبنا مراح تلتقي
وصلت للبيت وشفت امي مخبوصة هي وتمارة ونور
وريم اختي خطية جايبها زوجها لعدنا
اباوع عليها شلون تشد بالغراض ويانة وتبجي على
فراكنا
وخالو موفق ديفتح بأخشاب الغرف
ام سهى: همزين وصلتي يالله شوفي شغلج ويانة
سهى: هسة يوم
ام سهى : مو تنسين غراض الجهاز مالتج
جمدت بمكاني باوعت على امي
مرات امي تخوفني بتصرفاتها
يعني بكل عقلها تحجي تريد مني احمل حتى الاشياء
الي كانت تشتريهم الي
وتضمهم لجهاز عرسي
ما اعرف يمكن امي صار عندها هوس
او انظربت بعقلها من وراي
يعني اباوع عليها هي بيا حال
وتفكيرها ابد ما بطل من ناحيتي
احنا نريد نترك بيتنا ونسافر علمود الامان
وامي دايخة
بجهاز عرس لا وجود له اصلاً
: ان شاء الله يوم راح احضرهم
اسايرها احسنلي
سمعت نقالي
طلعتة من الجنطة وشفت عساف يتصل بك
رديت بخوف
: الو هلو عساف شعجب متصل
: هلو شلونج سهى اتصلت عليج حتى اكلج
سارة بالمستشفى وراح تدخل عمليات
عندها التهاب (بالزائدة الدودية )
وخبصتني الا تتصل على سهى
خليها تجيني اريد اشوفها قبل لا ادخل عملية
ضربت صدري بخوف
: لج يمة سودة بوجهي
هاي شوكت صارت اشو ما عندي علم
البارحة كنت احجي وياهة مجابت سيرة
: ليش هي صديقتج تنحزر
اشو كلها مفاجئات
وانتي انشغلتي بسالفة اخوج فما رادت
تشغلج اكثر
: عفية بس كلي هسة هي بأي مستشفى
ذكر اسم المستشفى واتفاجئت كانت نفس المستشفى الي بيها احمد
صادف كان خالو موفق اخو امي موجود واخذني اني وامي وياه للمستشفى
والله بوقتها معرفت شنو لبست من كد ما گلبي كارصني
على صديقتي ورفيقت دربي
دخلت وعيوني تدور على عساف وركضت بتجاه عساف
: هَـا بشر عساف سارة وينها لاتكول دخلت للعمليات
: اي والله دخلوها ستوهم لصالة العمليات
وكانت منتظرتج
بس انتي اتأخرتي
: اي والله الازدحامات مكدرت اوصل بسرعة
كعدت بصف امي انتظر بقلق
خالو موفق
: كولو يالله ترة العملية بسيطة وميحتاجلها شي
: صحيح كلامك بس هي لان حامل وعملية بنفس الوقت شوية الشغلة تخوف
والله راح اموت من الانتظار
اباوع على عساف
رايح راجع مثل التطلك خطية
والله ورة ساعة طلعت الممرضة
وركضنا عليها
وكالت المريضة حالتها مستقرة وتمت العملية بنجاح
صرنا نحمد الله ونشكره
ورة ساعة اجة عساف وكلي
تعاي دخلي لسارة تريدج
اكلت گلبي تريد تشوفج عبالك طفلة
دخلت عليها وكسرت خاطري
هي كلش متعلقة بية ومن هاللحظة شلت هم فراكها
هي كلش متعلقة بية
لان ما عندها اخت
واني كضيت كل عمري وياها
اعرفها وتعرفني عشنا الحياة من الصغر
سوية بحلوها وبمرها وتشاركنا
جميع احزانا وافراحنا
شافتني دخلت مدت ايديها الي
ولزمتهم شفتهم باردات
ابجي وامسح بدموعي
: هَـا لج ثولة شلون تسوين عملية وما تنتظريني اجي
اخذ وياج صورة سلفي قبل لتدخلين لصالة العمليات
حتى الزمها عليج تهديد
سارة بتعب وكوة تحجي ابتسمت
: شفتي شلون اني طلعت انصح منج وسبقتج
بستها من راسها
:لج عوبة خوفتيني
: لتخافين صديقتج بزونة بسبع ارواح
: ههههههه ستوج واعية من البنج وانتي السانج بعدة طولة مترين
اقتربت منها وحطيتها بحظني
طبعاً سارة وعساف عانو كلش هواي بسالفة الحمل
و سارة بالكوة صار عندها حمل
بعد ما دخلت بمشاكل لا حصر لها مع عيالها
حتى وصلت هي وعساف للطلاق بسبب امة
ولحتها على الطفل وربي رزقهم بالاخير بعد سنوات صبر بهذا الحمل
سارة بخوف : سهى اني كلش خايفة على الحمل
خاف افقد الجنين
: لتصيرين خوافة ربي الحافظ مو كدامج الدكتور كال الطفل ما عليه شي والعملية مو يمة مراح تأثر عليه
: ما كلتيلي انتي شلونج وشغلتكم شصار عليها
كعدت احجي لسارة كلشي عن احمد والطلابة والسفر
وسولفتلها عن ثائر وبنتة والصدفة
وهي ظلت فاتحة حلكها من المفاجئة
: شوفي اخذنا الوقت بالسوالف ونسينا امي وخالي برة كاعدين منتظرين
خلي اسلم عليج واطلع احتمال راح اسافر بعد ما اشوفج
مثلما تعرفين الوضع خطر علينا
شفت بعيونها دموع وصارت تبجي مثل الطفلة
: يعني شنو بعد ما اكدر اشوفج شوكت ما اكدر
لعد منو اشتكيلة همي
حسيت گلبي اجة يطلع من ورة كلماتها
فعلاً صعبة علينا نتفارك بعد ما اتعودنا كلة سوية
مع بعض
: لج عوبة اني كلت راح اسافر ما كلت راح اموت
يعني اكو شي اسمة نقال تكدرين تتصلين علية
شوكت ما تحنين ويعجبج تخرعيني بصوتج
اتصلي
كمت من يمها احس بگلبي يريد يطلع من الغصة
طلعت من عندها والدموع خنكتني
عساف : اوكفي على وين ليش هالدموع
مكدرت اجاوبة شفتة دخل على سارة
وركضت شفت خالو موفق كدامي رحت عليه
خطية فتحلي ذراعه واني شمرت نفسي بحضنه
وظليت ابجي
وكعد يمسح على ظهري وراسي يواسيني
لكن كانت هناك عيون تراقب المنظر
وتشتعل نار ومحد انتبه عليه
ثائر
اخخخ الله شفتها طالعة من غرفة سارة مرت عساف
وراحت لحضن رجال جبير بالعمر
اجيت اتخبل والله لو ما عيب اجيت ارتكب جريمة
شفتة شلون اخذها بحضنة وكعد يواسيها
من واساك ملك الموت لاجل لا تقرب على شي
يخصني
عمري ما اتمنيت شي يصير الي
بس بساعة الي وكعت عيني بعينها اتمنيت الله يسلطني عليها واملك عليها الحق لحتى
افرغ كل قهر الدنيا الي شفتة بيها
احس نار تلسع بصدري وصارت الحرارة تطلع من جسمي شي اكيد هذا هو رجلها معقولة
هو هذا الي فضلتة علية
اريد اموت واعرف شنو شافت بهذا الشايب
شنو عندة واني ما املكة
اشو انا عندي المال جاه وبعد فوكهم شباب
ليش فضلتة علية
شفتها ابتعدت عن زوجها وكعدت تمسح بدموعها
وهمست بأذنه وهو تركها لوحدها وراح
اخ الله حقة يسمع كلامها مثل الطفل المطيع
وين يحلم بهيج جمارة تصير من قسمتة
كوة اتمالكت نفسي وشفت رجلية خذتني لعندها مثل كل مرة اصبح مو ملك نفسي
: هَـا يسهوة اشو جن طريقنا صايرة تتلاگة
هاي الايام
سهى بشهكة وحطت ايدها على صدرها
: ثائر شتسوي هنا
وهو يتبع حركتها الي ما تجوز منها الا من اكسر ايديها يالله تـُـــوب منها
: اي ثائر
وانتي منو لحتى تسأليني شسوي هنا
ليكون المستشفى مالت الخلفوج
وانا ما عندي علم
سهى بارتباك : لا مو قصدي بس اتفاجئت
: مو بكدي متفاجئة
مفاجئتي بيج كانت اكبر
من شفتج انتي و هذا الشايب الي اسمة زوجج بأحضان بعض
بالله شكالتلج روحج واخذتيه
وفضلتيه علية شنهو ك
در ينطيج وانا ما كدرت عليه
بالله كليلي احلفج بالله بتوالي الليل من يجمعكم
حضن هم تهمسين باذنه ويسمع انفاسج
سهى
اسمع كلامه واحس بگلبي يريد يوكف
هو نفسة ثائر ما اتغير ولا راح يتغير وقح وقح وقح
: ااااانت شكاعد تحجي استحي على نفسك عيب هذا الكلام
:تعال شوف منو يحجي عن العيب
لج ياعيب وانتي الي سويتي بية توعدين وتخلفين الوعد شيسمونة
قلة اصل لو قلة حياء من حضرتج
انطيج گلب واهديج وطن واوهبلج اسمي زواج وستر
كلهم ضربتيهم بعرض الحايط دستي عليهم ودرتي وجهج علمود شنو لا تكولين علمود هذا الشايب
والله ادفنج هنا بأرضج وما ارمش لحضة
: اني ما مجبورة ابررلك عن موقفي هي جانت
مرة وحدة بررتلك وانت ما سمعتني بوقتها
بعد ما كو فرصة ثانية حتى احجي لك
: طبعاً حقج ستتت سهى وقتج ثمين
والله ربج حابج انتي هسة بعصمت رجال
والله وحق الحق لو ما متزوجة لخليج تتوسلين الرحمة وما تطولينها وتلكيني بكل مكان حتى باحلامج اطلعلج
لكن مو من شيمتي ادوس على عرض رجال
مو ذنبة ماخذلة نسرة
دار وجهة وراح
وظليت اباوع لظهرة يمة اجيت اوكع من طولي من الرجفة
هذا شنو من انسان ما اعرف احبة لو اخاف من حبة
هذا لعنة حلت علية بيوم ولادتي
لا انطيك ولا اخلي رحمة الله تنزل عليك
بيومها رجعت للبيت وگلبي مهموم وخايف
وصلنا للبيت وشفناه مخبوص خبص من خالاتي وخوالي الي جايين لحتى يودعون امي ويسلمون عليها
وامجد الي طرح المقترح كدام امي
امجد: يوم اني قررت اصفي شغلي واسافر
للخارج ورة قتيبة واسحبكم وراي انتي وسهى واحمد
وعائلتي
ام سهى: يمة امجد ما اعرف شنو اكول
حايرة واني اعرف بروحي مو حمل غربة
من سمعت بكلام احمد گلبي انقبض
وانضاف هم جديد لهمومي
على الاساس اني ناقصة
هاي منين طلعتلي سالفة السفر للخارج
ليش هو اني كادرة اتحمل السفر القريب حتى اتحمل السفر للخارج
عزة بعيني وابني حسوني مليون بالمية اهلة ما راح يوافقون على سالفة السفر
همة هنا وبالشافعات يالله قبلو يبقوه عندي
هاي شلون ورطة
ما اكدر احجي والوضع والجو مشحون ومتوتر
وامجد بالكوة يريد يقنع امي
ما اكدر افتح حلكي واعترض
سودة علية هو بروحة محتار يقنع منو
وياخذ منو مو كافي كلنا بركبتة الله يساعده
التهيت وصارت هواي مشاكل عندنا تشغل بلد كامل بحاله
اهلي احمد والثار بيتنا لازم نتركة وحسن ابني لازم يسافر وياي زين لازم انطي خبر لاهلة
وبيت عمو قاسم الي خطية راح يبتلون بينا
حضرنا نفسنا للسفر لبيت عمو قاسم
ونور حضرت جنط النيشان بلهفة
وريم الي خوت من البجي على فراقنا
وصرت اودع بحيطان البيت والگلب مملوء
ذكريات بيها الزين وبيها الشين
وما اعرف شنو منتظرني هناك
يا الله شكد قاسية الدنيا
(((( واني اگلج يسهوة ثاير وما خفيَّ كان اعظم ))))
رد مع اقتباس
المشاركة الأصلية كتبت بواسطة وحيدة كالقمر
