(يا اللهي)
انتَ مالك كون واسع
كلشي تملك! كلشي عندك!
بس فقط شيء (واحد)
وبس انا املكه!!
انا عندي (الله) مثلك!!
وانتَ ما عندك (اله)
انا أسجدلك (سنيني)
وانتَ تنطيني (الحياة)!!
أنا بيه الاحساس أتجاهك!!
عايش سنيني (بحقارة)
وانتَ ما عايف حقير
يا اللهي شكد (چبير)؟؟!
انتَ خالقلي (الحسين)!
أشكد چبيرة؟ من اسولف؛
ذنبي يم جوع الحصيره؟
وأشكد چبيرة
العين من يبرد جفنها!؟
اتصير دمعتها أميرة
وترتفع يمك صلاتي
وأبتدي بصفحة ذنب!
أمنيتي اموتن (موته)كشره!!
حتى اصيرن عبرة
للضامن حياته يعيش (باچر)
يا اللهي (الناس) كبرت
بس زغر بيها (الدعاء)!
والجوامع خايفة وتايه (بلال)
يا اللهي شلون بينه!؟!
ما حسبناها المسافة البينه؟
وذاك الطريق الكل تجاعيده (رحمتك)
احنا زغرنا السمه وأبليس شاهد!؟
كبرت الرغبة بحضرته؟!
يا اللهي شكد چبير!!
رد مع اقتباس
المشاركة الأصلية كتبت بواسطة ود'
