درر العراق

قناصه وعيوني رصاصة · 10/October/2012

دليل الها الكمر
لو شمسي ساعة تغيب
بس انت إن غبت
ياهو بديلك ؟؟

يبو طول الحلو
بوصفك تعبت الناس
من شيل الحسن
ماتعب حيلك؟؟

بقالب هالبشر
الله حط عيون
وانت بقالبك
بدرين منطيلك

اذا دمعك نزل
بسرعة شك الليل
من ثوبك جزء
سواه منديلك

واذا يطفى الضوه
ويصعب عليك الشوف
الكمر ينزل الك
ويصير قنديلك

ولو تمشي احسك
انت واكف بس
هي الكاع من جواك تمشيلك

اذا مرة احزنت
من يمه يبجي الليل
ومثل جري الدموع
نجومة تجريلك

الفرات ودجلة صارو
بس الك يجرون
واسد بابل تحرك كام يغنيلك

وهناك بمصر
اختفى نهر النيل
وبالحدود انلزم رايد يجيلك