كلمات اوبريت #إسكت (مكتوبة)
آنه اسنين عابرهم
أخاف احچــي واكبرهم
جازوا خيري ابشرهم......إسكت......إسكت
صول ولاچ بالساحه
على الكل عالي اجناحه
خلص وگــتك اخذ راحه......إسكت.....إسكت
بوياي بويه...سلمان ابن غيلان وافرض بيهه
بوياي بويه....راوي گــلب چــلمة الطيبة احچــيهه
انا البيهه اطلع راس عالساتر صعد صيتي
تعرفني جميع الناس عراقيتي على نيتي
امن ازغرهم لأزغرهم
امن آخرهم العاشرهم
بلا جنحان اطيرهم.....إسكت.....إسكت
☆▪☆▪☆▪☆▪☆▪☆
منو همه ومنو آني
بله اشلون بلساني
عشتوا افلاني لفلاني.....إسكت.....إسكت
اللوزه استاذي اللوزه
ذيب انضمه للعوزه
صاير لود ع الجوزه.....إسكت.....إسكت
بوياي بويه...المرجله المثلي تخورد بيهه
بوياي بويه...من هيه مهره ابلا رسن حاديهه
موكلمن مشه ع الگــاع حي يُرزق تحسبونه
اكو عدلين شبعوا موت واكو ميت يفگــدونه
طيحنه وفتت زايد
منك كلشي مارايد
سلامي اشنفعه لوبارد.....إسكت.....إسكت
☆▪☆▪☆▪☆▪☆▪☆
عراقي والحشد ربعي
اويه اليكرهني موگــطعي
اعله گدي وراضي ابوضعي.....إسكت....إسكت
ذموني الكلوا تمري
وياهم خلص عمري
مدري اشلون ماادري.....إسكت.....إسكت
بوياي بويه.....نيتك مريضه ابيا دوه انشافيهه ؟
بوياي بويه.....مره عشرته جيب اليحليهه
حقد ينشاف ماينگــال ولا يحتاج ابو مرايه
تاخذهه يمين اشمال هيه امبينه الحجايه
مشيت انه ومشت كلهه
وراي اعرفهه واندلهه
الأشدهه محد إيحلهه.....إسكت......إسكت
☆▪☆▪☆▪☆▪☆▪☆
وچــلمتي الغمست بالگاع....انه مسحات شايبهه
تعرفني الفرس والطير......عل حرث انه جايبهه
وجدي البيده ع الماضي غدي
لو بي ساعه مامر الطي
☆▪☆▪☆▪☆▪☆▪☆
كلمات الشاعر : فاضل حسن
_______
تدوين : ZAHRAA
آنه اسنين عابرهم
رد مع اقتباس
المشاركة الأصلية كتبت بواسطة عاشق السيّاب
