هنا

[ღ عِشق ღ]

" جديد ناظم الحاشي قصيدة للإنتخابات 2018
قصيدة المُجرب لايُجرب
مكتوبة كلمات "



_________________

الما يعبر نهر بحرين عبرنا
ولاجله المايصير ايصير سوينا
المايحلم كبل يصعد السطح البيت
نفخنه ابصورته وللنجم صعدنا
واكل لمن شبع ما كال ذوله وياي
وغص واسم الله صحنه
وماي شربنا
عوافي انصيحله وانام جوعانين
وسكتنه وماحجينه وبينه طمعنا
وصوج المرجعية اسمع كلام ايدور
ولاجن من ادينه الصار والشفنا
المُجرب لايُجرب ياشعب غيروا
المرجع رادهه ومارحنه غيرنا
بالحظ بالبحت كولوهه بالوجدان
ابعلي الحبه الاله ورحنه حبينا
الفرهدنه ونهبنه وصحنه باك البيت
المرجع رجعه لو احنه رجعنا ؟؟
ولولينه لمن مانامت الحراس
وغفينه والحرامي ايبوك علمنا
والمجرم عرف لاماوراه احساب
ولاجان ايتماده لون حاسبنا
والفاسد دره ماواحد ايقاضي
ولهس بينه وباكنه وعفنا
ولهسه المرجعية اتنادي بالاصلاح
منو ياهو السمعهه وشنو الصلاحنا
غيروهه الوجوه الماتجيب الخير
سمعناهه وسكتنه ومنو الغيرنا
الفاسد لاترشحه المرجعية اتصيح
وسدينه أذنه ورحنه رشحنا
وسدت بابهه ابوجه السياسيين
واحنه البابنه مايوم سدينا
تطرده المرجعية ومن نشوفه انصيح
علي وياك ونهوسله وتلكينا
واصفكناله وهتفنه وصار بينه الصار
وشبجنه اكبال شخصه لمن سودنا
وصوج المرجعية انكول هاي اشلون!!
لاهذا تجني اعليهه لوقسنا
حاشه المرجعية اتريد منه انروح
الواحد مايفوز ورحنه فوزنا
ولادعمت ابد قائمة هذا وذاك
ولاميزت واحد واحنه ميزنا
وياما حذرت من الصار والي يصير
وانبح صوتهه ومحد عرف معنى
وياما شخصت اخطاء يابو اخطاء
ومحد سمع منهه الواقع العشنا
ابراتب مارضت يتميز المسؤول
وبتعديله رادت كبل ماردنا
كل جمعة ابخطبهه انشوف توجيهات
هلبت بالتريده العقل وجهنا
المحد طاعهه جا صوج بيهه اشلون!
وليش انريد منه انكون ماطعنا
وصوج المرجعية اشلون هيج انكول؟
ولوما المرجعية الدرب ضيعنا
ولوما المرجعية م انكتب دستور
وجا هذا العراق ارباع قسمنا
ولوما المرجعية الوطن جا ماجان
بالفتوى العظيمة اليوم رجعنا
ولوما المرجعية ماتضل اعراض
وجا بيد الدواعش شرف سلمنا
ولوما المرجعية مايضل كل دين
ولايوم اربعين حسين بي زرنا
ولوما المرجعية مايصيح آذان
ولافرض الصلا علترب صلينا
لوما المرجعية ماثبت كل جيش
ولاجان الحشد بالفتوى اسسنا
ولوما المرجعية ودم ولدهه السال
ماجان اعله داعش نصر حققنا


____________________

كلمات الشاعر المبدع : ناظم الحاشي

___________________

تدوين :Zahraa Al obaidi



تحميل او استماع هناmp3

[Mohammed K.F]

الموضوع مو بحاجة الى مرجعية ولا فتوى! الكل يعرف واجبه وتكليفه ومن الطبيعي السياسي الفاشل ما يجرب!
بس ابتعدوا عن وضع الخطوط الحمراء وفلان تاج راس والثاني خليفة الله والمصلح الموعود!!
شكرا زهراء واحسنتي النقل

[ღ عِشق ღ]

الموضوع مو بحاجة الى مرجعية ولا فتوى! الكل يعرف واجبه وتكليفه ومن الطبيعي السياسي الفاشل ما يجرب!
بس ابتعدوا عن وضع الخطوط الحمراء وفلان تاج راس والثاني خليفة الله والمصلح الموعود!!
شكرا زهراء واحسنتي النقل

"" نحتاج الوعي الكافي لتخطي كل الازمات ""

شكراً لحضورك انرت..VIP Engineer

[أبو فاطمه]

هسة الشبعان واموره توب ساكت على الوضعيه
بس الناس الحياتهم صعبه ليش ساكتين وشنو ينتظرون

مشكوره خيتي

[ضياء المالكي]

شكراً زهراء

[aboj]

احسنت النشر

[أبو حسين الزيرجاوي]

صح السانك

[ღ عِشق ღ]

هسة الشبعان واموره توب ساكت على الوضعيه
بس الناس الحياتهم صعبه ليش ساكتين وشنو ينتظرون

مشكوره خيتي

السكوت على الوضع اكبر خطأ

..
العفو اخي الطيب انرت

[ღ عِشق ღ]

شكراً زهراء

عفواً ضياء نورت

[ღ عِشق ღ]

احسنت النشر

شكراً لحضورك