هنا

[ملكةه]

باخر فترة كام يورم حيل مو مثل بلبداية جان الصواب بعدة بحرورتة شافتهة ودق ركضت عليهة بلهفة شلون الي مضيع امة ولكاهة حضنتهة وفرفحت بحضنهة ماتت تبجي بصوت عالي وتشهك كطعت كلوبنة تكللهة ولج زهراء من بعد عين زيدون محد رحمني ولج زهراء ذولة مو اهلي اني زيدون كل اهلي راح وخﻻني اﻻياد الكلب ينهش بلحمي ومحد يخلصني منة دنية المابيهة زيدون ماريدهة زهراء ماريدهة واني وامي نتهينة من لبجي عليهة اخر شي جرتهة امي من حضن زهراء وحضنتهة كلتلهة ولج يمة اني اصيرلج اهل ولج ليش ماتحاجينة تحجين وية زهراء وتشكيلهة واني امج حملتج ببطني تسع شهور ماتحاجيني يمة كطعتي كلبي عليج كافي حتة راسي شيب هاج شوفي شوفي وتفتح بشعرهة وتراويهة بعدين زهراء اشرتلنة بمعنى عوفوني بس اني وياهة طلعنة وعفناهم زهراء :يايمة عمت عيني عليج ولج شمسوين بيج والله جواد كلبة حاس صارلة 3 ايام يومية يكلي روحي لودق شوكت ترحين ﻻهلج شوكت تجيبيلي اخبار ودق كلبي يمهة
ودق:ولج شحجيلج زهراء شحجيلج ولج اخوي ابن امي وابوي مابي كل رحمة علية يشمرني بلكاع ويرفس بية بكل مكان مايهمة وين تجي الضربة يسحلني مثل الحيوان شوفي طلعلتلهة رجلية شلون متملخات من اثر السحل بلكيعان جاي احجي ونتبهت علة سني مكسور كلتلي

زهراء :هاذ سنج هم هوة كاسرة

اي

الله يكسر ايدي بجاه الحبيب محمد وياخذ حقج منة الصاع صاعين ولج هاذ ماعندة كلب احلف علقران
شلونة جواد

زين خطية كلش مقهور يكول اهلهة قللو من شأني حيل وماحترمو العالم الي جايبهم وخايف ﻻيرفضو حيل خايف من هلشي حتة صار عندة ارق من كثر التفكير

زهراء اهلي مو ذوﻻك الي عشت حياتي وياهم ﻻ حبيبتي كل واحد نزع قناعة وطلع الوجه الحقيقي

اوووف شبيدي عليج بس انتي ليش هيج مسوية بروحج ضلم النفس حرام والي جاي تسوينة انتي اكبر ضلم بحق نفسج

شسوي زهراء اني اريد الله ياخذ امانتة ويريحني ثكل الحمل علية كلش وبعد مابية حيل صدمات والله مابية وخايفة ﻻبابا يرفض جواد والله اموت روحي وﻻ صير لغيرة

اسم الله حبيبتي تعتقدين جواد يخليج تروحين لغيرة

الله كريم

يلله حبي اني اترخص

راحت زهراء وبقيت بهمي لحمد لله طمنتني عن جواد بعد روحي روحة شكد مشتاقتلة

جواد كاعد بلبيت ومتاني زهراء تجي تجيبلي اخبار عن الحبيبية ودق كلبي يمهة صارلي 3 ايام مدري ليش
طبت زهراء من لباب تصيح

زهراء :ولك جواد ولك الحك زهراء ماخلولك بيهة شي سالم اياد مسوي وجهة فلم رعب وجسمهة يخووف خطية صارلهة تلث ايام لكمة ماحاطة بحلكهة ماعرفتهة والله شحالهة مو ذيج ودق الوردة المفتحة حتة كاسر سنهة الكدام سودة علية

جواد :زهراء كلتلي هيج احس تيزاب وندار علة كلبي اريد اجر النفس مااكدر وردايتي الي سكيتهة بدموع عيني هيج مسوي بيهة
(قصص واقعية عراقيه )
(الناشر الرسمي أدارة القناة تيمور العراقي)
لبست وطلعت ركض بدون مااحجي كلشي امي حست علية كلت الزامل يمة الحك اخوك ﻻ يروح يتعارك واسمعهة تصيح علة زهراء تكللهة ليش حجيتي كدامة اني ركضت من غير فرع حتة زامل يتيهني صعدت سيارة ورحت علة اياد ادري بي لعصر يكعد بلكهوة طبيت لكيتة بس هوة وصانع وثنين زلم يشربون جاي غلطت علي من باب لكهوة بدون ماطب ماردت اتعارك ويا بلكهوة ﻻن ماريد احد يفاككنة ويخلصة من ايدية اريد شكو شي سوا بودق اسوي بي لحكني يغلط ويفشر صرنة شوية بعيدين علكهوة وبمكان فراغ لزمتة دك بوكسيات علة وجهة ماخليت شي صاحي بي ضل يتوسل ويبجي مثل النسوان كتلة
جواد :ها ولك سكط عار بيك خير بس تضرب اخيتك المسكينة تضرب مرة ياعار يازبالة الزلم ولك تتمرجل علنسوان ياحرمة تعرض مراجلك علة مرة ﻻحول وﻻقوة هنا تعال طلعهن لو بيك خير هنا يمي

اياد :عوفني الله يخليك والله بعد ماسويلهة شي والله

من بعد مادميت وجهه واخذت ثار ودق وريحت كلبي عفتة مثل الجلب بلكاع ومشيت

رحت كبل بوجهي للمحل روحي طالعة ماردت اروح للبيت امي مناك تضل تحجي هسة لكيت زامل جاي قبلي ولكيت يمنةتلث سيارات مدعومات بس حديثات جايبيهنن للتصليح كلت لحمد لله اليوم الرزق زين بدلت هدومي لبست بدلة الشغل نمت جوة السيارة جاي اشتغل بيهة طلعت ايدي جاي اخذ سبانة من علبة الغراض حاطهة بلكاع بس مو جوة السيارة بصفهة لزمت السبانة واحس

يتبع

[ملكةه]

بارت13
جواد :مديت ايدي جاي اخذ السبانة ماحس الة
واحد داس علة اصابيعي حيييل مردهن مرد شاغت روحي طلعت بسرعة من جوة السيارة اربد اسوب منو واباوع اياد وويا ثنين ولد ﻻزمين تواثي ثخان يخوفن ضربني واحد منهم علة ايدي حييل زامل والصانع الي ويانة جانو بلمحل شافوهم اجو يركضون همة عبالهم اني وحدي همزين صرنة تﻻثتنة عليهم اني حصتي اياد لزمتة موتتة وزامل هم لزملة واحد بس ماكدرلة ذاك الولد دفع زامل وتوﻻ بلتوثية اني عفت اياد بلكاع جثة وركضت علة زامل وبيدي حديدة طلعتهة من المحل ضربتة علة ضهرة كومتة بلكاع بعد ماكام لزمت زامل منتهي من الضرب جاي اكومة ونضربت حييل علة راسي رأسن نشك ونزف دم كوومة نداريت هاذ اياد الكلب وية مانداريت ضربني علة كصتي بلتوثية دخت حييل وراسي ثكل وعيوني غوشن وكعت بلكاع بس بعدني احس بلحوالية واشوف بس مغوش زامل ولصانع اجوني يفززون بية وذوﻻك الجﻻب ركضو علة سيارات العالم الي جاي نصلح بيهن فلشوهن ماخلو بيهن شي سالم ﻻجام ﻻدعامية تالي اجت الشرطة بلوقت الضائع الجوارين مخابريهم كلبشونة وصعدونة كلنة بلسيارات اخذونة للقسم اني كوة امشي زامل كامشني طببونة اجة لضابط يحقق ويانة رأسن شاف اياد سلم علي طلع صديق المرحوم زيدون ورأسن كلة تفضل وكعدة وجابلة مي اني كلت هايهية نمنة بلسجن ومحد يخلصنة بعد بدة يسأل كال شنو منو متهجم علة منو وماعرف ايش اياد حجالة كلشي من اني اجيت علي للكهوة وضربتة
كتلة سيدي مو صحيح اني ﻻضاربة وﻻ واصل يمة اذا صدك ضاربة خل يجيب شاهد ﻻن ادري المكان الي ضربتة بي جان فارغ ومحد بي

الضابط :نجب لك مو انتة تعلمنة شغلنة

رفع التلفون خابر مدري علة منو بس مبين شخصية ﻻن كلة يكلة سيدي

كلة تعال شوف اكو واحد من ريحة الغوالي هنا تعال شوفة شوية وطب علينة واحد ضخم وشكلة هيبة ورتبتة جبيرة تلكا الضابط كلة تفضل سيدي هوة شاف اياد هم سلم علي وبوسة اني نتهيت كلت ﻻهاذهو رحت بلرجلين القسم كلة طلع جماعة اياد

اياد :محمد فدوة بس اخابر علبيت اطمنهم ﻻن صار اليل ومامتعود هيج وكت مااتواجد بلبيت

محمد :تدلل اياد حبيبي اني هسة اخابرهم الك وﻻ يهمك
محمد :اني كيفت من كال يخابر اهلة لكيتهة حجة حتة اسمع صوت ندى دكيت واني اكول بلكي ندى بلكي هية رفعت التلفون كلت الو اي هاي ندى

محمد :الو سﻻم عليكم

ندى :هلو منو محمد

اي بلي محمد

ها هلو شلونك

لحمد لله اخذت التلفون وطلعت برة مشتاقلهة حيل نسيت حتة موضوع اياد

شلونج نداوي مشتاقلج حيل

اني هم والله

عذريني والله ملتهي بلشغل انشاء الله افرغ روحي الج فد يوم نطلع واجيبج يم الوالدة تسأل عنج دائما

انشاء الله هلة بيك بأي وقت

ها صدك ندى اياد يمنة بلقسم متعارك بس لتخافين هوة صح غلطان بس اني شغلة نص ساعة واطلعة ليضل بالكم

من كلي محمد اياد متعارك كلت اكيد وية جواد ﻻن هوة عمرة ماتعارك بس من عرفنة جواد ودخل حياتنة

اكول محمد ويامن متعارك هوة شسمة الي متعارك ويا

ماعرف بس انتي يهمج تعرفين

اي كلش

هسة ثواني خل اسألة

كوم لك كوم شسمك انتة

جواد سيدي

ها عيني اسمة جواد

كلتلي ندى اطلع برة لتضل يم اياد اريد احاجيك ولتكلة اني الي رديت عليك كلة رباب اذا سأل

شوف محمد اريدك تنيم اياد بلسجن فد شهر شهرين واذا بابا لو ماما خابروك علة مودة كللهم شغلتة كلش جبيرة وينحكم بيهة اكثر من هيج بس اني توسطتلة وخففت حكمة

ليش ندى شبيج شنو السالفة اياد مأذيج بلبيت مسويلج شي احجي

ﻻ محمد موهيج بس تشوف هاذ جواد الي متعارك وية اياد هاذ درة مال الله حب ودق اختي وحبتة حافض عليهة ومالعب عليهة واجة دك بابننة وخطبهة اكثر من مرة بس اياد الكلب شد ويا وماقبل ولزمو هوة وحسام شبعو كتل بدون كل سبب وﻻشتكة عليهم وﻻحجة واياد يومية يكمش ودق يضربهة ضرب ماصاير اريدك تذبة بلسجن تربي وتوصي المساجين علي كود يعيشو برعب اريدة يعرف ان الله حق ومثل ما يضلم بودق يشوف شلون الله يسلط علي من يضلمة هاذ اول طلب الي يمك واعتقد بعد الي سمعتة منعندي بنضري اياد يستحق اكثر من هيج

انشاء الله غالية والطلب رخيص وهاذ جواد راح اطلعة هوة والي ويا ﻻن هوة اصﻻ اياد الي متهجم علي ومفلش غراضة ومفلشلة تلث سيارات مال زبائن مومﻻتة خطية وراح اخلي اياد يدفع تعويض عن كل الي سوا بجواد شتردين بعد

اي عاشت ايدك خطية هوة حالتة مو هلكد اكيد هلتعويض راح يفيدة

بس تدرين ابدماتوقعت ايادهيج همزين خابرت جان هسة الولد راح بشربة ماي

اي لحمد لله ربك مايعوف احد مضلوم

ونعم بلله

ندى :سديتة من محمد وركضت علة ودق بشرتهة خطية كيفت راح نخلص من اياد شكم يوم ورحت علة رباب كتلهة روحي كلي لماما وبابا وفهمتهة شتكللهم

جواد :لحمد لله الضابط كللنة روحو للبيت وحجز علة اياد واصدقائة مع انو همة مبينين كلش يعرفون اياد بس لحمد لله الله ماقصر رحنة للمستشفى خيطو راسي وضمدوني زامل ولود الصانع هم متأذين بس مو مثلي ضمدونة

[ملكةه]

ورجعنة للبيت امي وزهراء خطية كلبهن نار سولفت ﻻمي كلشي كلتلي
يمة روح تنازل عنة وطلعة هوة واصدقائة

شنو يمة انتي شتحجين اكلهة تهجم علية هوة ويا ثنين بلتواثي وفلشو سيارات العالم

مثل ماجاي اكلك يمة انتة من راح تسوي هيج راح تكسر عيونهم هوة واهلة وخصوصا انو همة هسة عرفو هوة الي متهجم عليك لمحلك راح تكبر بعينهم ويلينون وياك صدكني يمة وبعدين ﻻتنسة انتة الي بديت ويا من رحتلة للكهوة وضربتة

والله يايمة مادري شكلج

كلشي ﻻتكول يمة سوي الي كتلك علي واتكل علة ربك والمسامح كريم يايمة انتة حابس ولدهم وتريدهم يطوك مرة طبعا راح يعاندون اكثر وحتة لو ابوهة قبل اكيد اخوهة راح يعارض بعد الي صار اكسر الشر يمة وروح تنازل عنة

خوش يمة خوش باجر من الصبح اروح

كعدت الصبح رحت للمركز تنازلت عنهم وحتة تعويض مااخذت رجعت للبيت صح ضايج ﻻن ردتة يتعفن بلسجن ماردت اتنازل عنة بس خفت ﻻهلشي يكون سبب بخسارتي الودق

ودق :ندى حجتلي كلشي ونقهرت حيل علة جواد وفرحت من الي سوتة ندى هية ومحمد اعرف انه هاذ الشي جان كشكر الية عن موقفي وياهة مع انه هاذ واجبي بديت شوية شوية ارجع لطبيعتي واطلع من غرفتي وبديت اكل واكعد يم اهلي وبابا وماما حيل فرحانين بية خو بابا يوكلني بأدي كاعدين الصبح اني وندى ورباب وماما وبابا وخواني الزغار مرتضى ومصطفى بلمطبخ شي ستوهم كاعدين جاي يتريكون شي جاي يحضرون بلغدة واني جنت جاي اغسل مواعين ندكت الباب راح مرتضى يفتحهة واجة يصيح اجة اياد اجة اياد اني ﻻزمة الماعون بيدي وكع ونكسر وبابا وكف علة حيلة وطلع ديشوف صدوك طب اياد باس بابا من ايدة ومن راسة وطلب السماح من عندة بس بابا كالة روح اطلب السماح من ودق متطب للبيت الة اذا ودق سامحتك ورضت عنك تدري شصار بيهة من وراك

اياد :شنو بابا خل تولي هاي تستاهل هيج واكثر تدري هاذ الكلب اجة ضربني علمودهة يكلي شلون تضربهة معناهة الخاتونة جاي تحاجي وتكلة كلشي وأﻻ شلون درة واني اصﻻ بيوم الي ضربتهة لكيتهة جاي تخابرة بلتلفون يعني ﻻضالمهة وﻻشي

ودق :الله واكبر عليك ولك انتة شنو لوما هاذ الكﻻص جان بيدي وجنت واكفة اشرب مي ولك هاذ المطبخ لو يحجي جان شهد علة صراخي وانتة تضرب بية هنا

اﻻب :بابا ودق لعد شلون جواد يعرف بكلشي يصير وياج وشلون يندل مكان شغل اياد وشلون درة بي جان بلكهوة وراحلة لهناك تكدرين تجاوبيني

اني ضليت ساكتة ماردت احجي واكلهم زهراء هية الواسطة بيناتنة خاف بعد يمنعوني منهة ويطردوهة

ندى :اني اجاوبك بابا زهراء بت ام احمد تصير مرت اخو جواد وهية الي توصلة اخبار ودق واكيد منعدهة عرف مكان تواجد اياد سواء من جان بشغلة او بلكهوة

اﻻب :هيجي يعني هاي زهراء المنافقة بعد ماتدخل لبيتي سمعتو لو ﻻء
وانتة شلون طلعت اياد موكالو راح تنسجن شهرين

اياد :هوة تنازل عن القضية وطلعني

ندى :ﻻن شريف وابن اصول ويخاف ربة

اياد :ﻻ ﻹن يدري بروحة باطل وﻻن طماع وابن فكر وعود يريد يكسر عيونة بهاي الشغلة عبالة ذني يعبرن علية

اﻻب :اياد كافي لغوة و كوم بوس راس اختك واعتذر منهة يلله هواي ضلمتهة واذيتهة

ودق:اياد ضل واكف يمكن شي عشر دقايق وماتحرك بعدين تقدم علية عود دا يبوسني كلي اعتذر منج
(قصص واقعية عراقيه )
(الناشر الرسمي أدارة القناة تيمور العراقي)
ودق :ﻻتعتذر ماكو واحد يعتذر عن اخﻻقة ماكول غير حسبي الله ونعم الوكيل عليك الله هوة المنتقم الجبار هوة الي ياخذ حقي منك خصيمك ربي يوم القيامة ولو تسويلي الي محد مسوي ماراح اسامحك وﻻ اغفرلك عن شنو اسامحك كلي عن ياأذية بيهن عن ياضربة عن يادمعة الي حفرت علة خدودي ولك عدوي مايسوي بية هيج ولك انتة اخو وزيدون اخو ﻻوالله جذب

عفتة وصعدت لغرفتي يريد اسامحة والله لو يصبني ذهب مااغفرلة وﻻسامحة

اووووف كلة صوج جواد لو مخلي شوية يتربة بلسجن ومخلينة نخلص منة شكم يوم بس اكيد سوة هلشي علمودي يربي احفضة الي وﻻتحرمني منة بس هوة كلبة علية من بعد زيدون الله يرحمة

اياد بعد الصار خنس وبعد ماأذاني مدري خاف من جواد مدري كﻻمي اثر بي ولو هوة كلبة حجارة

الجمعة العصر كاعدين بلمرجوحة اني وماما وندى وزينب بلكاع فارشة فراش وكاعدة تقرة ورباب ترش بلزرع هية تحب ترشة علمود تطلع ريحة التراب من يتبلل وعلمسطبة كبالي كاعد مؤيد هوة ومخلد لبارحة خميس واجوي ملتمين كلنة نسولف ومخلد يحجي عن الجامعة والبنات واجواء بغداد من بعد مابدة الشتة يجي طب حسام من برة جان بلكهوة كال ماطول كلكم منجمعين عندي خبر حلو الكم
ماما كلتلة شنو يمة كول والله كلبي خلص من لقهر احجي وفرحني

يتبع

[ملكةه]

بارت14

اجة حسام كال عندي خبر يفرحكم
كلنة كلنالة شنو كول
حسام :حزرو انتو

زينب :راح تاخذنة سفرة
ﻻء

مؤيد :عمي اسماعيل مات

ولك هوة هاذ خبر يفرح

بلنسبة الي كلش يفرح

مخلد :اي طبعا يفرحك طبعا عمي حقك غارك بلحب قابل مثل حضي

مصطفى :راح تودينة لمدينة العاب مو

هم ﻻء

ندى :بابا وافق علة جواد

ليش هوة هاذ خبر يفرح
ساد صمت موطبيعي كلهة سكتت واني دنكت والدمعة وكفت بطرف عيني كل اﻻخبار تفرح الة لخبر الي ينجاب طاري جواد بي ميفرح عدهم اووووف ياندى هسة شحجاج متكليلي الة تفتحين جروحي

امي قطعت حديث الصمت الي صار بلعيون وكالت
نويت تتزوج مو

حسام :يمة متكليلي انتي شنو كاعدة بكلبي

مصطفى :هوة هاذ خبر يفرح عبالي راح ياخذونة للزوراء شو وين والله وﻻفرحت اصﻻ

كلنة ضحكنة علة مصطفى

اي ماما وقررت تاخذمن

وحدة تعرفوهة

منية ولتكول حجزرو

سكينة بت خالتج ماما

سكينة شذكرك بيهة ولك صارلنة 7سنين ﻻشايفيهم وﻻشايفينة
بس عفية عليك خوش اختيار سكينة حلوة وام بيت

اي وهسة شوكت ترحون تخطبوهة

نكل ﻻبوك ليوم بليل وبأقرب فرصة نروح نخطبهة اني وابوك والبنات

زينب :اني عدي دوام ماروح

ودق :اني اضوج من طريق العمارة كلش طويل ودائما اتخربط ماروح

رباب :اني رعد ميقبل اطلع مكان بعيد هوة لبيت ام احمد مجاي يخليني اروح

ندى :ماخلولي حجة شحجي شكول ضليت ساكتة طبعا احنة كلنة تحججنة ولحجي الي حجو البنات مو صحيح ﻻن سكينة فد وحدة مغرورة ومتعجرفة وشايفة نفسهة ومنافقة وانتقادية وكﻻمهة كلش جارح وماعدهة اسلوب وشكو صفة سيئة بيهة بس لﻻمانة هية كلش حلوة ونادرة

حسام :خلص يمة اخذي ندى وروحي انتي وبابا

ودق :شاورت ندى كتلهة ها راح ترحين ولج تخبلتي ترحين تخطبين سكينة الحية

ﻻولج اني اروح لو اموت بس ماخليتولي حجة بس راح اسوي روحي مريضة بيومهة واخلص
نعلعلة يومك حسام عكر مزاجنة موفرحنة بهلخبر خربت اللمة و كل وحدة طبت لغرفتهة

ثاني يوم اجت زهراء خطية داكة الباب وطالعلهة اياد الكلب طاردهة وكايللهة ديري بالج توصلين بعد وكلي لذاك الكلب الي يدزج جاسوسة لبيتنة من يحطوني بلكبر تاخذ ودق امي ماتت من لفشلة وتعاركت وية اياد لعصر خابرت زهراء حاجتهة امي وضلت تتعذر منهة سدت التلفون وكلتلي
روحو انتي وندى يم زهراء تريدكم خطية حامل وجاية تبشرنة وهاذ الكلب فشلنة كدامهة شكد عيب من امهة
روحو تباركولهة وتعذرولي منهة وشوفوهة شتريد وتعالو نص ساعة ﻻتتأخرون

لبسنة اني وندى ورحنة حييل فرحت صارلي شكد ماشايفة الشارع وام احمد كلش شتاقيت السوالفهة وصلنة لبيتهم طلعتلنة زهراء رحبت وطببتنة شافتني ام احمد خطية حضنتني وبجت

ولج وديقة مشتاقتلج سودة علية لسا وجهج ماطاب

اني هم مشتاقتلج والله خالة شسوي هاي ضريبة اﻻخوة لحمد لله علة كل حال
بعدني جاي احجي وية ام احمد وصاحتني زهراء كلتلي

زهراء :ودق تعاي شوفي غرفة احمد صبغهة يخبل كلش حلوة صارت رحت وياهة طببتني وطلعت باوعت علغرفة شو صبغهة القديم نفسة بعدة صحت ولج زهراء وين رحتي حسيت واحد غمض عيوني
ذني اﻻدين اعرفهن اﻻدين الي بيهن عﻻمات الرجولة والتضحية عﻻمات التعب اﻻدين الي مشككات من كثر الشغل كفخت خشمي ريحتة اي هاذ هوة هاذ حبيبي لساهة ريحتة بثوبي لمن حضني بلبستان اعرفهة
نداريت علي وياريتني مانداريت كصتة مشكوكة واثر شكبرة صاير بيهة

جواد :افيش ياريحة هلي

شلونج يبعد اهلي وعشيرتي كلهة

لحمد لله حبيبي انتةشلونك واتلمس بكصتة

ااااخ موزين ودق كلش موزين

ادري حبيبي ادري بسواية اياد الكلب

ﻻيحبيبتي اني اتحمل علمودج الي ماينحمل واياد مايكدر يهز مني شعرة اني موزين عليج انتي كل فكري يمج ليلي مانامة اكول خاف اذوهة خاف ضربوهة هسة جاي تبجي هسة محاربيهة بلبيت من وراي

حبيبي ﻻتشيل هم تربات ايدك اني مثلك قوية وصبورة صح تربات دﻻل بس تعلمت هﻻشياء منك انتة الفقر علمك واني الحب علمني

انتي ماتعلمتي هﻻشياء انتي اصﻻ روحي شلون ماتحملين صفاتي

جرني خلة راسي علة صدرة كلي سمعي سمعتي دكاتة هاذ كلبي مادك بس بأسمج واذا دك لغير اسمج راح اوكفة بأيدي

اسم الله حبيبي

دكت زهراء الباب

زهراء :ودق خابرت امج تكول خل لبنات يجن

ماشي هسة ثواني
يلله حبيبي اني اروحي
جرني من ايدي حضني اووووف احس حضنت الكون بدية مو حضنتة شكو احساس حلو بداخلي تحرك يمكن عشر دقايق احنة متحاضنين اريد اوخر روحي عنة واروح مااكدر مااشبع منة

طلعت من لغرفة ورحت اﻻستقبال سلمنة عليهم اني وندى وطلعنة جاي نمشي بلطريق جان ندى سألتني كلتلي
ندى :ودق
ها
شو احسج فرحانة وين رحتي وعفتيني يم ام احمد بطني نشكت من الضحك

موشفتي زهراء صاحتني تراويني غرفة احمد وضلت تسولف علة رجلهة وعلحمل تدرين بيهة تحب تحجي

تجذبين علية ودق جواد جان جوة اصﻻ اني شفتة من عبر من المطبخ للغرفة باب ﻻستقبال مفتوح والصالة صايرة كبالي
اني امنتج علة اكبر سر بحياتي وانتي تضم

[ملكةه]

ين علية
ﻻوالله مومسألة اضم عليج بس ستحيت اكلج

ودق احجيلي الصدك خوما صار شي بيناتكم

يااا عود هاي انتي الي تعرفيني هيج تشكين بية

ولج مو اشك بس خايفة عليج والله

ﻻ لتخافين اصﻻ جواد مستحيل يسوي هيج شي
وصلنة للبيت تلكتنة امي كالت
اﻻم :ابوكم خابر علة خالتي ام سكينة وكللهم نريد نخطب سكينة كلولة تعال كبع واخذ ابوكم كال نروح كلنة وياخذ اخوتة هم هية مشية وهية خطبة وهية عقد بعد احنة النة خلك يومية رايحين الناصرية قريبة قابل

اني ماروح ماما من هسة اكللكم

ندى :اني هم (قصص واقعية عراقيه )
(الناشر الرسمي أدارة القناة تيمور العراقي)
رباب مدت راسهة من الصالة وصاحت اني هم ماروح ماما
اﻻم :ﻻمو بكيفجن كلجن ترحن وماريد نقاش بلموضوع ولجن اول فرحتي هاذ المفروض هسة كلجن تتوسلن حتة ترحن ويانة مو احنة نتوسل يلله كل وحدة علة غرفتهة حضرن هدومجن ومو كل وحدة تجيب اربع جنط هدوم مانتأخرن يومين ونرجع
ندى :اوووف ماما هسة الة سكينة خطبولة غيرهة والله ماتنجرع يمة وكلنة منحبهة هية جانت تجينة خطار مانتحملهة هدور تعيش ويانة

اي يا ماما هوة اخوج ختارهة وبعيدن انتن قابل باقيات طول لعمر هم كل وحدة تروح لبيت رجلهة

ودق:عود ليش زيدون من ختار ماقبلتو وطلعتو بيهة الف عيب وحسام من ختار محد فتح حلكة وهية البنية اخﻻقهة زفت وكلكم تدرون

اﻻم :ولج يمة عوفي زيدون وانسي سالفتة وﻻتضلين كلشي تقارني بزيدون يمة خلي مرتاح بكبرة

اي انسة سالفتة مو انساهة اوووف يازيدون ولج ماما سالفتة هنا تدك بكلبي شلون انسا

سوينة عشة اني وندى اني ماتعشيت بكد مافرحانة بشوفت جواد حتة اﻻكل ماشتهي
طبت ندى ضلينة نسولف ونطلع بلمﻻبس محتارين شنلبس اخر شي ستقرينة علة فساتين وحضرنة الجنط ونمنة من وكت ﻻن بابا كال باجر بل4 نطلع
الساعة ب3 طبت علينة ماما تفزز بينة كوة كمنة للجو بارد والبطانية دافية ميهينلي اعوفهة خطية امي راحت علكت الصوبة ودفت الغرفة يللة رضيت اطلع من الفراش كمت ركض للحمام سبحت طلعت ضربت شعري شسوار لبست بلوز حياكة ضيك طويل لحد الركبة وفوكا قبوط اسود ﻻن باردة و لبست حذاء بوت بي كعب ولفيت لفاف علة ركبتي ولبست كبوس ﻻن اذاني تلتهب بلشتة اذا يلوحهة برد نزلت الكل منجنع وماما خطية نزلت جنطنة من وكت بدو عمامي يوصلون همة وعوائلهم لبيت صار هووسة كمل العدد كلمن صعد سيارتة اني ورباب وندى وزينب ومرتضى صعدنة وية كميل ولبقية توزعو شي بسيارة بابا وشي بسيارة حسام نطلقنة ساعة بلﻻربعة ضبط طريق كووولش بعيد ومتعب حيل صارلي كووومة مرايحة نص الطريق نزلنة تغدينة أو بﻻحرى تريكنة ﻻن طلعنة بلة ريوك كملنة اكل ومشينة وصلنة لحدود المحافضة واخيرا ورة نص ساعة طبينة لمنطقة زراعية تذكرت هاي منطقتهم الزرع يجنن مبلل من المطر وصلنة لبيتهم الضهر نزلنة كووومة احنة وجنطنة رحبو بينة طببو الزلم لﻻستقبال واحنة طببونة بلصالة اجت ست الحسن سكينة سلمت علكل تبوس بوسة وحدة متكلف نفسهة وصلت يمنة اني وندى مابوستنة من بعيد سلمت عاطت بيهة امهة فشلت واجت غصبا ماعليهة سلمت علة ندى واجتني عود دتبوسني اني رجعت ليورة ومديتلهة ايدي صافحتهة كتلهة منشولة خاف اعديج وانتي عروس خطية مو مال مرض واتنعوص مثلهة من تحجي
ندى غصت بلضحك كوة ﻻزمة نفسهة
كلش فرحت من فشلتهة حسيت بطعم اﻻنتصار
ضلت هية منتقمة وضايجة وكلة تنتر من تحجي
صار حجي الزلم واتفقو علحاضر ولغايب بت اﻻوادم طلبت مهر بكد صماخهة وحسام اﻻثول رأسن وافق كالو باجر يعقدولهم وماما كلت ﻻمهة لعصر نروح اني وياج وسكينة نشتري الذهب
اني كاعدة يم ندى كتلهة هية هاي شكول ذهب بت المعدان حلقة كلش كافي عليهة
وماما كاعدة كبالنة تغمز وتعض بشفتهة عود سكتو لتتشاورون
ندى :ولج ودق شوفي امي خطية عبالك بيهة شرجي تغمز وتعض بشفتهة
ودق :والله لوتغمز من لباجر مااسكت هاي سكينة ام كصة تستفزني واسكت ولج انفجر مااكدر
اﻻم: فتون خالة اخذي ندى وودق شوفيهم البستان كلش يحبن الزرع
ودق :ﻻ مو اني احب الزرع هاي رباب تحبة
ندى :اي اي صدك احنة نحب الزرع
امشي ولج ودق امي بعد شوية وتمطلنة هنا بلكاع تشبعنة كتل
امشي يلله اني الهة سكينة الحولة
امشي ولج هاي يسموهة حولة الحسن
رحنة وية فتون الي هية جنتهم طبعا همة كلهم محجبين ويلبسون دشاديش حتة هاي سكينة العوبة هم هيج
رحنة للبستان يخبل ليكول جنة مو بستان وصلنة يم شجرة تخبل مال نبك بس مونبك عبالك تغاح اني تسودنت اموت علنبك
ودق :ندى حبابة صعدي جيبيلي انتي مو تعرفين تصعدين
ولج اني هم عجبني بس شلون مو ﻻبسة فستان ماكدر

هسة منو اكو بس احنة وانتي ﻻبسة كالون بعد شكو يلله صعدي حبابة قبل ميصيحونة
صعدت ندى تخض بﻻغصان ويوكع النبك يخبل ليكول مطر اني نزعت قبوطي وحطيتة بلكاع والم واذب بي اخر شي ندى كالت تعبت راح انزل
يلله نزلي هوة احنة شبقينة بلشجرة بس عوزهة نشلعهة وناخذهة ويانة
جاي تنزل ندى
وسمعت صوت من بعيد
ندارينة اني وفتون ونشوف الرعب

[ملكةه]

بارت 15جاي تنزل ندى وسمعنة صوت
ندارينة اني وفتون ونشوف الرعب تلث جﻻب يخوفن جايات علينة من بعيد يعون اني كبل اخذتهة ركضة وشردت حتة النبك الي كتلت روحي علي عفتة وفتون هم ركضت هية ودشداشتهة تفطس ضحك وندى المسكينة ضلت معلكة علشجرة وتصيح
ندى :ولج ودق ﻻتعوفيني فدوة ولج ذني ياكلني والله
ندارت عليهة فتون وهية تركض كلتلهة هسة نجيبلج واحد من الزلم ونجي
وصلنة للبيت نلهث اني ضليت واكفة بلحديقة وهية صاحت واحد من الجهال كلتلة روح صيح بلبل
اجيت يمهة كتلهة ولج شنوة هاذ بلبل كلتلي
جا ماتعرفي هاذ اخو سكينة بس من غير ام

ها اي صح تذكرت عدهة اخو من غير ام
بس ليش مسمينة بلبل شنو خلصت اﻻسامي خوما خلصت

ﻻخية مو هيج بس هاذ امة سمتة هيج من كد ماحلو

جاي نحجي وطلع الولد ﻻبس دشداشة بيضة ومرتب شكلة هيبة ركزت علة وجهة اريد اشوفة صدك حلو رفع راسة يحجي وية فتون اباوع علي العيون زرك والشعر بي لون شوية وسييم بشكل يشبه الممثل المصري حسين فهمي
باوع علية مستغرب كلي خوية انتي ليش ماساترة روحج
باوعتلة كبر متخلف
كتلة ليش شطالع مني لحمد لله لبسي مستور ولو لبسي بي شي فعندي اهل يحاسبوني

باوعلي كلي ارجو المعذرة خوية حقج اني مومن حقي احاسبج بس ترة هنا العيون ماترحم مومثل عدكم ببعداد ﻻن ماشايفين هيج شي وانتي حرة بعد خوية اني علية نصحتج
باوعتلة هيج ردت اجاوبة كلت هسة ذيج المسكينة مصلوبة واني ضالة اجادل

كتلة يلله خل نروح خاف الجﻻب أذنهة
فتون كالت اني مااجي وياكم اريد اروح ارضع ابني عفتة يم عمتي هسة خابص اﻻمة
رحنة اني ويا دخت وفتر راسي بستانهم كلش جبير واني اكلة يم شجرة النبك كلي ترة بكل ركن بلبستان اكو شجرة نبك فترينة البستان كلة يلله لكيناهة علة صوت الجﻻب تتبعنا ووصلنة
اباوع خطية ندى معلكة وثوبهة مشكوك من الصفح وعيونهة حمر من البجي والجﻻب جوة يعوون عليهة عبالك موجﻻب كل واحد شكبرة ليكول اسد
اني ماتقربت ضليت واكفة بعيد شوية هوة راح بس صييح عليهن راحن
ركضت علة ندى خطية حاولت تنزل ماكدرت ثوبهة مجلب وماتكدر تطلعة صعد هوة كللهة خوية شصعدج ماتكليلي ادري انتي زلمة وهيج تسوين طلع ثوبهة من الغصن ونزلت ندى بس رجليهة واديهة تزلغن خطية
اني ركضت علنبك شلت قبوطي بحجة القبوط لفيت النبك وشلتة
مشينة ورة الولد حتة مانندل منين اجينة بستانهم مدري شكم متر كلش ضخم
تدنت يمي ندى وتحجي علة كيف حتة الولد ﻻيسمع

ندى: ها ام بطن ركضتي علة بطنج ماكلتي خل اشوف هاي الحيوانة الي طاح حضهة من وراي

ﻻ حشاج حبيبتي حشاج بس يعني خوما نعوف هاذ النبك واحنة تحملنة كل هلمشقة علة مودة

اي تفلسفي ام بطن تفلسفي
يامشقة هاي الي تحملتيهة شو اني الي صرت فلم وانتي وﻻ يمج

ليش مو رحت جبتلج المنقذ واجيت

صدك هاذ الحلو منين ولج

متصدكين اذا اكلج

احجي ولج كرايبنة يعني

اي اخو سكينة الغبرة
حريمة عود كلت بلكي ينعجب بزينب عاد وحدة من عدنة تاخذلهة واحد حلو بس ماطول اخو سكينة ﻻمنريد خلي زينب تاخذ مصلبخ شبيهم المصلبخين

ولج ومحمد وجواد شبيهم بلة رعد مو حلو عوفينة منة
ﻻولج مابيهم شي حلوين بس مو مثل هاذ
جاي نحجي وندار علينة الولد كال

ها خوية كلتن شي
ندى :ﻻ ﻻ سﻻمتك خوية جاي احجي وية اختي

اذا اكلج شسمة متصدكين

شسمة ولج

اسمة بلبل

ندى فطست من الضحك واني حاطة ايدي علة حلكهة اريدهة تسكت ماكو

ولج سكتي هسة الولد يحس بينة جاي نضحك علي

ولج ماكدر اخ يمة بطني راح اموت عود هاذة اهلة لو رادو يدلعو شيكلولة
عزززة ولج سكتي ﻻيسمعنة كوة وصلنة للبيت وندى مستمرة تسكت وترجع تتذكر وتضحك وتكلي اموت واعرف امة شتدلعة
طبينة ندى بوجهه ركضت علة غرفت فتون

ندى :فتون فتون

هاها

خوما كلتي ﻻمي اني صعدت علشجرة

ﻻ اصﻻ مارحت يمهم لتهيت بلمطبخ وابني كلسا يبجي

همزين

ركضت للحمام سبحت وبدلت فستاني خرب كبل ذبيتة طلعت من لحمام طبيت للصالة مادين سفرة من الركن للركن شتشتهي روحي سمج شوي يخبل وتمن بلدهن الحر ولبن مدخن وخبز حار وخضرة وفاكهة
اكلنة واﻻكل مينشبع منة خو ودق تريد تكوم وترجع تكول ﻻحريمة اﻻكل طيب ماكوم
تغدينة وخلصنة كمنة وية فتون نساعدهة بلمواعين نكلنة السفرة كلهة وست سكينة ماتحركت غسلت ايدهة ورجعت كعدت عود عروس عشتو ماتشتغل
وكفنة اني وفتون علسنك وحدة تجلف ووحدة تشطف وندى وزينب يعزلن المواعين ودور جابو مواعين الزلم صارت لخة
وبلبل كلسا يجي يجيب وجبة مواعين ويرجع

بلبل :فتون لعد وين سكينة الخطار واكفات يشتغلن وهية ماكو

فتون :والله ياخوية تعرف بعد عروس ومايصير تشتغل

شنو عروس امشي صيحيهة بسرعة لعد لخطار يصير يشتغلن وهية مايصير

اجت سكينة وكفت يمنة عاركت فتون تكللهة انتي كتيلة سكينة خاتلة مو ورة شوية خلت وفلتت

اجة بلبل سأل عليهة حجتلة فتون كللهة خل تولي حسابهة يمي راح شوية ورجع جايب بت اختهة يطلع عمرهو 12 سنة اجة وكف يمي كلي وخري

[ملكةه]

خوية فاطمة تكمل كتلة راح اخلص مبقة شي كلي ﻻمايصير وخرت شو هاي فاطمة عشر دقايق جلفت المةاعين كلهن صدك نادرة احسن مني خلصنة رحنة للصالة نسولف سوالفهم حلوة ورة شوية امي راسهة ضل يأذيهة رتفع ضغطهة من ورة اكلهم كلش دسم اخذت دواهة ونامت واحنة رحنة وية فتون بغرفتهة طلعتنة صور عرسهة وراوتنة اهلهة وخواتهةرحنة كعدنة امي حتة تروح وياهم يشترون ذهب كالت راسي بعدة يوجعني ودايخة خل ندى ورباب يرحن وياهم رباب راحت سألت رعد كللهة مترحين ماقبل امي كالتلي لعد انتي روحي اني كتلهم ماروح امي ضلت تحجي تالي غصبا ماعلية رحت وام سكينة كالت اني هم ماروح ابقة يم ام حسام خاف تتخربط خطية خل لبنات ياخذهن بلبل ويرحن جاي نبدل اني وندى بغرفة فتون وكلسا تجي سكينة تكول يلله تأخرنة مستعجلة بت اﻻوادم كملنة طلعنة بلبل واكف كال صعدو بسيارتي صعدنة والطريق كلة كلما احجي يباوعلي بلمراية وندى نتبهت نزلنة طبينة لمحل مال صايغ سكينة المعيديدة ختارت ذهب يلعب النفس هدور ردنة اني وندى نشتري فساتين للحفلة جان سكينة كالت اني اريد ارجع عود باجر تعالن شترن

ودق :واحنة نريد نشتري هسة مابينة حيل نجي باجر وبعدين احنة اجينة للسوك خو مو كل يومية نجي

سكينة :اني مالي شغل تعبت اريد ارجع
عاط بيهة بلبل كللهة

بلبل :سكينة شو انتي ماتستحين صارلهن ساعة واكفات وياج ماكالن تعبنة روحي صعدي بلسيارة يلله تانينة
امشن خوية امشن

اخذنة المحل مال مﻻبس كلش حلو وراقي طبينة اني وندى وهوة ضل واكف برة

ودق :الة اخذ احلة فستان بلمحل اريد اطلعهة كسر مكيفة بلبدلة الي مخيطتهة الهة امهة بت المعدان
اجة ابو المحل رحب بينة وكال شنو تريدون
كتلة اريدك تطلعلنة احلة فساتين عدكم كال عدنة وجبة كلش حلوة بس غاليات شوية كتلة مومهم كيف ركض طلعلنة هوة ولعامل ماتة كومة بدﻻت يجنن وموديﻻت حديثة اني ختاريت بدلة لونهة رماني كصت السمجة جانت ستوهة نازلة وندى اخذت فستان قصير هم لونة رماني طلعنة من المحل بلبل واكف كلنالة نريد احذية بعد كال امشو اوديكم لصديقي طبينة هم خوش محل الضاهر عدة ذوق هاذ بلبل مو مثل اختة
ضل ابو لمحل يطلعنة موديﻻت وبس يلغي ويضحك نحاول منطي وجه بس هوة شكلة لوكي وبلبل صار عصبي اجة وكف يمنة كلة يلله عيني مشيهم فضنة ترة حجيت هواي
الولد نطانة اﻻحذية ونلصم هاذ بلبل طلع حمش
رجعنة للبيت طلعنة مﻻبسنة زينب ورباب تخبلو عليهن رادت سكينة تشوفهن اني كتلهة ﻻباجر من نلبسهن شوفيهن لهناك بلبل ذبح طلي وجاب الحم كللهم ثرمو بلمكينة كعدت فتون تثرم بي بلحديقة واني وربابا وندى مباويهة وزينب ﻻزكة بأمي تستحي تتحرك بس احنة اخذنة علمكان وحبينة اجوائهم لهناك كملت فتون صاحت بلبل اجة كللهة ها كملتي يلله طلعيلي المنقلة طلعتهة الة راح غسل ادي واجة يسوي كباب واحنة مكابلي ريحة الشوي تجنن اجو خواني الزغار كعدو يمنة واني كلما يطلع مجموعة ابوك شيش وندى تتعارك وياي بلشقة تكلي ام بطن وبلبل يكللهة الف عافية هني ومري
وهية تكرص بية وتحلف تكلي بلبل معجب بيج ومن تحجين يصفن علة حلكج واني اجذبهة واجذب روحي مع انو هوة موكادر يضم هلشي مبين بعيونة ومعاملتة الي
كمل بلبل شوة الحم كلة واني وندى ورباب اصرينة نتعشة بلحديقة فتون راحت صبتلهم جوة هية وام سكينة وجابتلنة صينية برة كعدنة ناكل علة ضوة الحديقة والذبان اكل وجوهنة بس احنة مستمتعين وبلبل ضل طاب طالع من اﻻستقبال للمطبخ من الباب الخارجية بحجة ملح خضرة لبن حتة يباوع علية ادري بي وندى كلسا تكلي خطية العاشق الولهان واعيط بيهة واسكتهة خلصنة طبينة جوة بليل اجن خوات فتون بعمرنة كلش حبابات صادقناهن وضلينة نسولفن وياهن ولل4 يلله نمنة اخذتنة السوالف كعدنة الصبح علة صوت الزلم يتريكون بلحديقة وهوستهم واصلة السباع جار اني وندى ورباب تريكنة شلون ماجان نريد نروح للصالون رباب خطية رعد ماخﻻهة يكللهة شنو قابل انتي لعروس كبر والله همجي واني اكل لندى ﻻزم نطلع سكينة كسر هية راحت الوحدة جيرانهم تمكيجهة واحنة خلينة بلبل ياخذنة ﻻرقة صالون مكيجنة اني وندى وهاي اول مرة اخلي مكياج بصالون طلعت مو اني كلهم شبهوني بلممثلة المصرية بوسي كملنة خابرنة علبيت من الصالون اجانة بلبل خطية مكيف صعدنة اني وندى وبلبل ماعرفنة يكلي احجي خل اسمع صوتج يريد يتأكد اني ودق لو ﻻء وصلنة للبيت متروس عالم اشكال والوان بس كلهة معدان اغلبهن جايات بلدشداشة بدلت لبست بدلتي وشعري نفشتة بأيدي ولبست لحذاء كعب عالي اسود باوعت علة روحي بلمراية اي هسة طلعت اخبل
اجت سكينة تخرب ضحك مكياجهة مو عدل بس هية حلوة حيل فهلشي مااثر عليهة بس يعني مابيهة نشعت عروس
كعدو سكينة علة كرسي وحطو الصينية كدامهةطلعنة اني وخواتي كعدنة وحدة يم الخ والعالم عافو العروس وكابلونة خو اني رحت للمطبخ الجهال لحكوني زفوني للمطبخ طلعت بلحديقة اختنكت جوة احس العالم مراقبيني استحي حتة اكح
وكفت اباوع علزرع ورة شوية طب ولد ماشايفتة يمكن كرايبهم كلي جيبيلي دولجة مي اني ضحكت علة ح

[ملكةه]

جية رحت جبتلة واجيت جاي انطي طب بلبل ضل يخزر بي الولد من شافة اخذ المي وراح بسرعة اباوع علة بلبل صافن علية وفاك حلكة تالي كلي ودق طبي جوة عفية اهنا زلم طابين طالعين بلحديقة اجيت اكلة انتة شعليك تالي كلت عيب ماقصر ويانة للسوك ولصالون طبيت جوة طببو حسام يلبسهة الذهب من بعد ماعقدولهم اباوع عليهم يلبسون الحلقات وتذكرت جواد دمعت عيوني وماصيطرت علة روحي رفعت راسي كتلة ربي كلهة لبست الحلقة ورتاحت الة اني الهي باوعلي بعين عطفك وارحم بحالي وحالة باوعت كلهم مشغولين فكرت اخابر جواد مشتاقتلة حيل وميدري بية اجيت لهنا
رحت اخذت لتلفون وكلت لفتون راح اخابر بغرفتج قفلت لباب ودكيت الرقم
دك التلفون ......

[دكتور جميل]

بارت9
مديت راسي اريد اشوف شكو واباوع امي مكومة بلكاع واكو ولد واكف بلباب ولباب مفتوحة ركضت علة امي اصحي بيهة صحت علة ندى وتذكرت ايدهة صحت علة رباب ماتسمعني فوك بغرفتهة عاوني لولد وطببناهة للمطبخ ذبيت علة وجهه مي وبدت تصحصح كلت للولد شكو شبيهة امي شكتلهة ووكعت دنك راسة وماحجة صحت امي جان تصيح يمة وليدي زيدووون وكامت تلطم وتصرخ علة صوتهة اجن ندى ورباب يركضن شكو شكو امي تلطم وتصرخ نداريت علولد كتلة ماتحجي شكو مو حيل مابقة بينة
كلي خوية اخوج زيدون نضرب بسجينة غدر من واحد مجرم جاي يحقق ويا وضربة وهسة هوة بلمستشفى بس زين مابي شي
كل ﻻمي خالة مابي شي والله ﻻتبجين خيطو جرحة وكلشي مابي هسة اخذكم الة
ركض لبسنة شلون ماجان ورحنة وية لولد اني وندى وامي ورباب ضلت بلبيت خاف يجون لولد تكللهم حتة يلحكونة اخذنة بسيارتة الطريق كلة نبجي ومفرفحين علة زيودي علما وصلنة عيونة خلصانة من لبجي طبينة علي حاطي بغرفة وحدة ويمة المدير مالتة ركضنة علة زيودي امي تبوس بي وتبجي
اجة الواء الي هوة المدير مال زيدون سلم علة امي وكللهة
حجية زيدون بطل رفع راسنة ترة اخذو غدر ولوما هيج محد يكدرلة لمجرم ضربة وحاول يشرد وهوة ينزف وماخﻻ يشرد مجروح وماكدرلة احسن ضابط عندي هوة زيدزن رفعي راسج بي وندعيلة هسة يومين وتشوفي يكمز كلشي مابي

ندى :وانتو وين عن هاذ لمجرم شلون دخل سجينة بس اريد اعرف

الواء محمد :والله ياخيتي لمساجين كلشي يكدرون يسوون يضموهة باماكن صعب نلكااهة ولسجينة زغيرة حيل ام لياي

والله زيدون لو صارلة شي محد يرحم هلمجرم من عدنة والله اكلة بسنوني

خوية علة كيفج بس لتعصبين زيدون مثل لورد وهلمجرم حصتي اني اني الي راح اطلع حليب امة من خشمة واندمة علساعة الي نولد بيهة

ندى حيل نغعلت وضلت تصيح علواء خزرهة زيدون وكعدت ورة شوية راحو الواء والضابط صديقة وخلونة وحدنة يمة كالو لعصر نجي

طب لدكتور للغرفة مالتة ديشوفة

الدكتور :هابطل لحمد علسﻻمة

زيدون: الله يسلمك دكتور الوالدة سوتهة مناحة كللهة اني مابية شي رحمة ﻻهلك طمنهة مو راضية تصدك بحجيي

الدكتور :امي هاذ ابنج بطل كلشي ميصير بي لتخافين علي كلشي مابي مسالة وقت ويكوم علة حيلة ويرجع مثل لورد

اﻻم :انشاء الله يمة انشاء الله

شافة لدكتور كمل ومن طلع نطاني ورقة كلي هاذ دوة جيبو الة من لصيدلية مامتوفر بلمستشفى
كتلة ماشي وراح

فتحت الورقة مكتوب بيهة اسم الدوة وجوة مكتوب الحالة ﻻتخلو من الخطورة ندعولة الله ينجي

اني قريت لحجي تخبلت كلتلهم راح اجيب لدوة واجي طلعت لدكتور بعدة جاي يمشي بلممر ركضت ورا وصلت يمة
كتلة دكتور اخوي راح يموت احجيلي شبي ليش هيج كتبتلي
كلي اختي السجينة الي مضروب بيهة مسمومة يعني بيهة سم ومخترقة كليتة مأذيتهة حيل سوينة الي علينة والباقي يم رب العالمين اني ماردت احجي كدام لوالدة خطية خاف يصير بيهة شي

عافني وراح ضليت جامدة بمكاني وابجي والناس تباوع علية اخر شي سمعت واحد وراي يصيح ودق نداريت هاذ حسام كلي شبيج تبجين وين زيدون بيا غرفة اخذتة ورحنة هاذي اول مرة يحاجيني من بعد المشكلة الصارت
طبينة للغرفة ورة شوية اجة بابا واياد وكميل رجعونة للبيت اني وامي وندى وبقو يمة امي عاندت بلكوة رجعوهة رجعنة للبيت مالنة واهس كلشي حتة غدة ماتغدينة
لعصر كاعدة اني بلحديقة وافكر بزيودي بالي يم الحجي الي حجا لدكتور خابفة حيل علي وادعي ربي يكومة سالم
نفتحت لباب طب كميل باوعتلة عيونة وارمة وكفت علة حيلي كتلة زيدون شبي

كميل :زيدون مات ودق مااات

شنو زيدون ميموت والله ميموت زيدون قوي ﻻ لتجذب دفعتة وردت اطلع اروح للمستشفى حضني بثنين ادي وضل يبجي كتلة وخر انتة جذاب زيدون مايموت إلة زيودي موتو كلكم الة زيودي . زيودي قوي مايموت والله
علة صياحنة طلعت امي ولبنات كميل ركض علة امي حضنهة امي تخربطت ووكعت بلكاع شالهة وركض بيهة للمستشفى هوة ورباب واني ضليت مثل المخبلة افتر بلبيت واصرخ ندى كرفصت بلكاع وحطت راسهة بين رجليهة وتبجي واني روحي ﻻيبة مامصدكة زيدون يموت اصرخ واملخ بشعري ارجع علة ندى اكللهة ﻻتبجين ﻻتفاولين علي مايموت والله مايموت
لهناك بدو لجوارين يجون ام احمد راحت علتلفون لزمت لدفتر مال ﻻرقام وخابرت علة كرايبنة كلهم بدو خاﻻتي يجون بديت استوعب الي صار بس بعدني مامصدكة امي بعدهة بلمستشفى مادرينة شصار بيهة ورة ساعات قليلة طببو زيودي ﻻفي بعلم العراق حطو تابوتة بلكاع شمرت روحي علي مامصدكة زيودي بهاذ التابوت مشيول كتلة زيودي كوم حبيبي كوم كوم اكفخني كوم اضربني والله ماشتكي البابا والله كوم حبيبي مو الك النومة كوم ليان تنتضرك تخطبهة زيودي يبو طول لحلو ولك شايلينك بتابوت عمت عين الدنية زيودي كوم كللهم اني عايش زيودي كوم كلي جاي اشاقة وياج اني ماميت ولك زيدون البيت ماينطب اذا انتة مو بي ولك زيودي يبو سوالف لحلوة كوم ضحكنة كوم هذولة كلهم يبجون بكلمة وحدة منك تضحك

صدك تبچّي... نزلت دموعي على زيدون...

[زفير]

حقيقة القصة جداً مشوقة
عشت احداثها بشغف وحزن
اثر بي موت زيدون المفاجئ الذي غير مسار الامل الذي كانت ودق ترجوه
وقساوة الاخ الجاحد لنعمة الاخوة وطبقية الاب المتعنصرة
وآهات جواد الذي عانا من عدم الانصاف في قصته مع ودق
وما سيزيد الطين بلة ذلك الـ بلبل الذي خرج لهم في ورقة يانصيب

سيدتي
ارجو ان لا تكون هذه نهاية القصة
فانا متشوق للقادم
تحياتي مع الود