هنا

[ملكةه]

بارت 20 فتحت الباب ماما ودخل شخص ممتوقعي
بلبل
اهوووو هاذ شجابة
ندى :خرب هاذ بلبل. يمة صخام وجهي شلون ذكريات فضيحة عدي ويا والله استحي احط عيني بعينة
ودق :دخل يولي
بلبل :شلونج ودق
عايشة
سلم علية قبل لكل ومن دون خواتي رديت علي ببرود اني بيا حال هاذ شجابة هسة اني عايزة مشاكل دخلتة امي ليجوة وهوة عينة علية وامي تحجي ويا يجاوبهة ويباوعلي ليكول وجهي لوحة لعب روحي تالي عفتة وكمت طبيت لغرفتي الي هية غرفت الضيوف سابقا صبولة اكل واجو لولد يمة ضلو سوالف وحجي وحسام يتلوكلة علمود ست الحسن سكينة بقة يمنة 4 ايام شعدة شنو المناسبة ماادري لعب نفسي بنضراتة وحسام كلما اطلع يصيحني عبالك سلعة ويتاجر بية علمود مصلحتة ﻻن استاذ بلبل محاجي علية عرس ندى قرب والكل مخبوصين بلتحضيرات إلة اني حتة مﻻبس ماشتريت ولوما ندى عزيزة علة كلبي جان ماحضرت لعرس وضليت بغرفتي امي عزمت سكينة وامهة واجو وبلبل اصﻻ مقيم يمنة صارلة اربعتيام ثاني يوم ست سكينة كالت اريد اروح اشتري هدوم حسام كللهة اخذكم انتي وودق ﻻن مامشترية هدوم كتلة ﻻمااريد عندي مﻻبس بلبل كلي ﻻشلون ميصير
نداريت علي كتلة اني ادرة بروحي واعرف الي يصير والي ميصير
حسام ودق احجي عدل
واني شكلت ليش شكو تتدخلون بية مااريد اشتري مﻻبس جبر خومو جبر
عفتهم وطلعت جان ناقصني ضيم واجة بلبل حتة يكملة الي
لعصر حضرت سكينة روحهة وحسام هم امهة ماقبلت يطلعون وحدهم زينب كالت اني اروح وياهم راحو واجت سكينة محملة مﻻبس وكلهن مال معدان وموديﻻت قديمة وزينب كالبة لخلقة تكول حسام شترة لسكينة اشكال والوان وبلجذب ماكلي اخذيلج حاجة كتلهة عادي منا ورايح نشبع ضيم بسبب سكينة
بليل بابا كال نتعشة بلمطعم حضرو روحكم لبسنة وكملنة وطلعو الولد سياراتهم حسام صعد سكينة وماقبل احد يصعد وياهم يريد ياخذ راحتة ﻻفندي واياد اخذ سيارة بابا صعدو ويا ماما وبابا وام سكينة وزينب ورباب بقينة اني وندى بﻻخير ﻻن علما خابرت محمد تأخر عليهة بلرد حتة تستأذن منة واني بقيت متانيتهة ﻻن بهاي لفترة عتزلت عن اهلي كلهم بس ندى مااكدر ﻻن احسهة تؤم روحي طلعنة لكينة بس مصطفى ومرتضى والكل صاعد بلسيارات بابا اشرلنة بمعنى صعدو وية بلبل اني تخبلت كلت لندى مااصعد وخليت ورجعت لحكتني كالت حبابة مالنة خلك مشاكل خاف قبل بس اياد هسة حسام هم يخاف علة مشاعر بلبل امشي لخاطري قابل راح ياكلج رحت وياهة وصعدنة مرتضى كععد بلصدر واحنة ليورة لطريق كلة بلبل يباوعلي وندى تشاورني تكلي غلسي سوي روحج متدرين وصلنة للمطعم نزلنة لكيناهم قبلنة واصلين وكاعدين وحاجزيلنة طبلة كعدنة عليهة واني متوترة حيل وكوة مصبرة علة روحي اريد انفجر مرتضى راح يم بابا ﻻن اكو كرسي فارغ يمهم طبلتنة شوية بعيدة عنهم بقينة اني وندى ومصطفى وصخام بلبل اجة لنادل طلبنة اكل ومتاني يجي بلبل طلع شي من جيبة وكلي
بلبل :ودق تفضلي
شنو هاي

هدية بسيطة

ترة ندى الي راح تتزوج مواني

ادري و اني جايبهة الج

وشنو لمناسبة

هيج ذكرى

ليش انتة راح تموت ومنطيني ذكرى

ندى ضربتني علة رجلي عود تكلي عيب هيج تحجين بس اني ماكدر اتحملة من اشوفة حرارتي ترتفع واعصابي تنتهي ماعندة كل احساس ذاب روحة ذب ويدري بية ماريدة واحب غيرة ﻻ وجمالة يعرف حتة اسمة

ليش ترديني تموت

شعلية بيك اني

هسة مراح تاخذيهة
جيبهة

اخذتهة لزمتهة جوة لطبلة فتحتهة كﻻدة ذهب ومداليتهة حلوة وضخمة كللش تذكرت كﻻدة جواد شكد بسيطة بس عندي تسوة كنوز الدنية احسهة تﻻمس روحي احس جواد يسمعني من احاجي الكﻻدة بس ارجع انطيهة لماما هية تحب الذهب مااحتفض بشي من بلبل
جابو ﻻكل كووومة بلبل ماخلة شي ماطلبة عبالة عود بهاي السوالف اكوم احبة
بدينة ناكل مقبﻻت وشوربة ندى وكعت علة مﻻبسهة شوربة وكلتلي راح اروح للحمام تجين وياي كتلهة يلله تدري بية ماريد ابقة وية بلبل وحدنة همزين حجت رحنة للحمام دخلت ريحة لحمام كلللش مقرفة جان اكو مشاكل بلمجاري لعبت روحي وعفت ندى ورجعت كعدت كبال بلبل ندى تأخرت ردت اكوم اشوفهة بلبل كلي ودق اريد احجي وياج كتلة تفضل كلي
اني اريد اتقدملج
واني من هسة اكلك لتفشل روحك اني راح ارفضك

بس الي عرفتة من حسام انتي رفضتي جواد ومتردي

ومااريد اري رجال ﻻجواد وﻻغيرة وﻻاريد اتزوج ياخي عوفني بحالي ماكو غيري

ﻻودق موماكو غيرج بس هاذ كلبي ميريد غيرج والله موبيدي

واني شنو ذنبي مااحبك ومااكدر اتزوجك اعتقني مااكدر اتقبلك

ليش ودق شناقصني كليلي محامي وشكلي حلو والف وحدة تتمناني وعندي بيت وسيارة ذاك لحبيتي شيفرق عني كليلي شيفرق

ذاك يفرق عنك هواي اولهن مافرض نفسة علية خﻻني حبيتة بأرادتي ماكلي اخذج غصبا عنج وﻻهددني وخوفني منة

والله من حبي الج ماقصدي اخوفج ولج والله احب تراب الكاع الي تمشين علي بس نطيني فرصة اثبتلج حبي

بعدة يحجي جان فات من يمنة واحد شفت ضهرة بس ندار علية هاذ جواد يمة كلبي جواد ياتعب العمر


عمر حبيبي والله مشتاقتلك اباوع علي وبلبل مستمر يحجي وﻻ اسمعة وكف كدامي صار ورة بلبل واني صافنة علي اباوعلة مايبدي اي ردة فعل كمت رحت بأتجاهة اريد احضنة اي اريد اطفي ناري ونارة اريد اكلة والله احبك واخذني وياك ومستعدة اواجه الكل وشيريد يصير خل يصير مسافة بيني وبينة موجبيرة بس لطبﻻت مال لمطعم يعيقن حركتي جواد يباوعني ويبتسم اي حبيبي اي جايتك حتة نشرد من كلشي ونروح لعالمنة بعدني جاي امشي سمعت اسمي نداريت ندى تصيحني

ندى :ودق وين رايحة متسمعينة اني وبلبل صارلنة ساعة نصيحج

رايحة لجواد ندى

ياجواد ودق شبيج

ذاك جواد باعي
نداريت اريد اراويهة جواد ماهوة ختفة

وينة وين راح هسة جان هنا

ماكو احد حبيبتي اسم الله شبيج

لج ندى ﻻتخبليني هسة جان هنا والله بس يمكن طلع تعاي خل نشوفة
تعاي حبيبتي خل نشوفة بس متأكدة محد اكو جان

طلعنة برة المطعم بلباب ماكو

ندى اني ماتخبلت موو

ﻻ حبيبتي يجوز يتراوالج ﻻن مشتاقتلة

ﻻ ندى شفتة ولنبي شفتة ولج والله شفتى جان يبتسملي كعدت بلكاع بعد مابية اوكف علة رجليى

ندى :كومي ودق كومي حبيبتي باردة هنا هسة يجينة واحد من لولد

كمت وياهة وطبينة بلبل جان جاي بأتجاهنة ﻻحكنة كللنة وين رحتو ندى كلتلة ودق اختنكت وطلعتهة تشتم هوة رجعنة للطبلة بابا عينة علية كأنو حس اكو شي اجة علية كتبلي بدفتر يخلي بحيبة علة طول ﻻن يحتاجة باباتي كافي تأذين بروحج انسي وعيشي حياتج

باوعت علي كتلة بابا يعني انتة شفتة شفتة بابا شفتة جاوبني

ضل يباوع علية وساكت جريت ايدة اكلة اكتب جاوبني كلي شفتة كلي اني ماتخبلت ودا يتراوالي والله شفتة والنبي بابا شفتة بعيني ساكت مايجاوبني وبلبل صافن علينة وندى تبجي وتمسح بدموعهة كلهة تباوعلي بنضرات شفقة ليكول مخبلة عفتهم واخذت المفتاح من بلبل وصعدت بلسيارة كعدت بيهة شوية ولحكوني ندى وبلبل كلولي تردين نرجع كتلهم اي رجعنة للبيت بلطريق بلبل ضل يباوعلي كلي

بلبل :ودق تحبي

اي احبة وماراح احب غيرة ﻻن ماكو رجال بهلدنية مثلة وﻻ اكو واحد يستحق احبة مثل جواد

لعد ليش غفتي

نحبرت مو بيدي لوبيدي اعوف روحي وماعوفة

يباوعلي ويضغط علة سنونة حييل ادري هاذ لحجي يأذي بس ﻻزم يسمعة حتة يعرف اني مو الة وﻻراح اكون الة اني لجواد وﻻزم ينساني صار عصبي حييل وطار طيور بلسيارة كلسا تريد تنكلب بينة وكام يبجي ويمسح دموعة ميريدنة نشوفهن نقهرت حييل علي بس مابيدي شي
كتلة بلبل ﻻتنقهر اني ماستاهلك انتة تستاهل وحدة احسن مني وحدة تحبك مثل ماتحبهة وتصونك وتصون كلبك الله يعوضك بلي احسن مني

بس اني ماريد احسن منج اني اريدج الج

واني مااكدر والله مااكدر الي جاي تطلبة مني مو فلوس وﻻمﻻبس وﻻحاجة ملموسة انتة جاي تطلب مشاعر واحاسيس وهاي الشغﻻت مو بيدي ماكدر اقدمهة الك ﻻن هية موملكي

يباوعلي ويمسح بدموعة كسر خاطري حييل بس مابيدي شي علي مااريد اضلمة وياي اني ماكدر اقدم شي اني ميتة مااكدر انطي حياة لغيري راح يتعذب وياي احسنلة يعوفني اكيد الله يعوضة بلي احسن مني هوة ميعيبة شي ابد والف من تتمنا

وصلنة للبيت طببنة وراح بلسيارة مانزل ويانة طبيت لغرفتي لحمد لله هم ونزاح من كلبي كسر خاطري بس اذا صرت الة راح اعذبة اني مااكدر اقدملة السعادة احسنلة يشوف غيري همزين حجيت وفهمتة

ثاني يوم خلة ورجع من غبشة كعدنة لصبح مالكينا خطية ماكدر يتحمل الله يعوضة وينطي انسانة تستحقة

عرس ندى بعدلة يومين لبيت هوووسة كلش وكرايب ماما كلهم يمنة شوية طلعت من ضوجتي وحبستي ىن ندى بالهة يمي هية وماما خطية ماردت اشغلهة علية كلسا تكلي شلون اذا رحت تضلين بحدج ومحد الج واني مقهوورة حيل علة ندى ماريدهة تعوفني ندى صارتلي توأم روحي من بعد زيدون صح مااخذت مكانة بس عوضتني عن حنيتة تقربت مني حيل بعد وفات زيدوت مارادتني احس انو محد الي رادت تعوضني عن فراكة وجانت الي نعم اﻻخت والصديقة الوفية راح افتقدهة حييل وكفاتهة حلوة متسكت عن لباطل هواي نكتلت وياي هههه شبعت كتل من وراية ودينة ندى للصالون صبغت شعرهة وحفت طلعت تخبل وراحت هية وخاﻻتي شترت بدﻻت لحنة توسلت بية اروح وياهة بس ماكدرت ادري بروحي اكلبهة مناحة خليهة تتهنة وترتاح بهﻻيام ماريدهة تبجي صار يوم لحنة واجت ندى تخبل طالعة محمد حجزلهة عد احسن صالون بكربﻻء كلهة وبدﻻتهة كلة من لغالي ولراقي وحجز بفندق راقي كلش تلث ليالي ابد ماقصر وياهة خواتي راحو وياهة للصالون بس اني مارحت مالي واهس كلشي لبست فستان بسيط ومشطت شعري حتة لمكياج الي جنت اموت علي مالي واهس بي ماحطيت كلشي كعدت ندى اني كاعدة كباله اباوعلهة دمعت عيوني موحسد ﻻيشهد الله بس ليش حضي مو مثل حض لبنات كل الي تمنيتة البس البدلة البيضة واروح وية جواد لبيتة هيج صعبة امنيتي اوووف

البنات ركصو وغنو واني منفصلة عنهم كلهة تكول لعرس ابد مو حلو ﻻن ودق مصفطة وكاعدة كلما يسألوني شبيج اكللهم مقهورة علة ندى جنة صديقات وننام نفس الغرفة خلصت لحنة بليل ضلينة للصبح كاعدين ار

يد اشبع من ندى كلسا اروح احضنهة وابجي وهية هم مابطلت دموع تكلي شلون راح اعوفج كتلهة ستوني تعودت علة فراك زيدون ودور انتي راح تفاركيني حضنتني وكلتلي والله كل يومين اخلي محمد يجيبني وابات يمج
ثاني يوم صارت الزفة سكتاوي ندى ماقبلت هوسة احتراما لروح زيدون راحت ندى طلعت من بيتنة اني وماما وخواتي واكفين ونبجي وهية
تحضن بينة وتبجي حتة محمد هم بجة وياهة ندى اكبر خواتي واعقل وحدة بينة جنهة نسمة هادئة ورزنة وسوالفهة حلوة الكل بلبيت يحبهة ويحترمهة حتة اخواني الولد بجو عليهة خو مرتضى فرفح جانت مربيتة هية بوست ادين بابا وماما وطلعة محد من عدنة راح وياهة كوة مر علية اليل مانمت للصبح كل الي احبهم فاركوني اولهم زيدون ااااخ ياخوية لوتدري شجرالي بعد عينك وجواد جواد تعب لعمر ضاع واني الي ضيعتة بدية وندى خيتي وصديقتي محد بقالي
ثاني يوم كاعدين لعصر بلمرجوحة مثل كل يومية وندكت لباب كمت افتحهة
طلع حسام وويا

[ملكةه]

بارت 21
ندكت لباب كمت دا افتحهة
طلع حسام وويا زمن
زمن لغثيث شجابة طبو سلم علية
اجة ببالي سوايتة شلون فضحني بلشارع كل الي اني بي من ورا شكد كارهتة طببة حسام جوة وماما ترحب بي ﻻن بعد مااجانة من يوم الي صار طبيت لغرفتي من بعد ماتزوجت ندى رجعت انام بغرفتي وذكرياتهة محاوطتني من كل مكان مفقتقدتهة كلش ورة شوية اجة كميل كلي سوي جاي كمت سويت ودخلتة قدمتلهم وصلت يم زمن يباوعلي ويبتسم كبر من شوكت احنة بيناتنة ابتسامات طول عمري اكرهة ويكرهني مستغربة لجيتة كللش نطيتة لجاي وطلعت حسام صاحني كلي ودق تعاي كعدي كعدت بصف ماما زمن كال
خالة اني رايد لقرب منكم وطالب ايد ودق علة سنة الله ورسولة
باوعتلة ضحكت كتلة زمن تحجي صدك اني وياك احنة نتزوج اكيد تتشاقة
ليش ﻻ ودق شنو اليمنع

لك احنة طول عمرنة واحد ميطيق اﻻخ ليش ننكر هلشي اكو احد جابرك علية اني بلنسبة الي انتة اخر بشر ممكن افكر ارتبط بي لك بابا انتة رابي وياي صدك تحجي تشاقة

ليش ماطيقج ودق شعدي وياج جنت اداهرج واشاقيج صحيح بس اني احملج مشاعر من جنة زغار ونيتي وياج زواج بس انتي طول عمرج تغشمين نفسج

اغشم نفسي زمن لو انتة الي جنت محسيني انو احنة خوان صدك تحجي عود
عموما اني هاذ لموضوع رافضتة تماما ولتكلي فكري لو بعد ميت سنة مراح اغير رأي اخر واحد ارتبط بي انتة

حسام :هوب هوب شو انتي تحجين بكيفج خاتون احنة وين رحنة لعد ماالنة رأي كومي طلعي برة كومي موصوجج صوجي اني صحتج

طردني حسام وطلعت متفاجئة اكيد اني بحلم زمن طول عمرة يكرهني ويأذيني من شوكت حبني اوووف حياتي صارت عجائب الدنيا االسبعة بعد بيمن انصدم يربي

طبيت لغرفتي اضحك بليل صاحني بابا هوة وحسام واياد عرفتهم يردون يحجون بموضوع زمن طبيت واني مصممة لو شمتيسوولي ماراح استسلم وﻻ اضعف ماتزوج زمن لو علة كص ركبتي
طبيت بابا اشرلي اكعد يمة كعدت

حسام :ودق لحجي كدامج صار زمن خطبج من عندي وبلبل لبارحة هم خابرني كلي اريد ودق وصديقتي هم محاجيني عليج من زمان شفتي بحفلة تخرج زيدون راويتة الج واني عن نفسي موافق والولد تﻻثتهم ماينعابون وقررنة نزوجج بعد طﻻبة راح يصير عمرج 19 سنة بعد بقت يمج انتي ختاري وواذا تردين رأي قبلي بلبل اكثر واحد مناسب الج

اياد :ﻻشنو هاذ المخنث جنة مرة تاخذ زمن وتنجب هاي مومال واحد مثل بلبل يرادلهة واحد يضبهة ويربيهة زمن احسن واحد واني قابل بي وغير زمن ماكو

اﻻب كتابتا :ﻻبابا اخذي صديق حسام الغريب احسن وكرايب امج كلهم مابعجبوني

باوعت عليهم كتلهم خلصتو اني شنو سلعة تشمرون بية علة هاذ وذاك اني موبشر مالي رأي منو الي راح يتزوج اني لو انتو

حسام هسة منو جابرج دانكلج ختاري

اياد ﻻمتختار هوة زمن ترس جلدهة موزين احد كلبهة
بعد سوايتهة وفضايحهة

زواج مااتزوج وشتردون تسوون سوو

اياد :نجبي لج ادبسز زمن باجر يجي يعقد عليج وحلكج اشكة اذا حجيتي كلمة

ماتزوج لو تذبحني

لج سا.... تردين ذاك لكو.... جواد
متاخذي لو اعرف اذبحج عبالج مااعرف سوالفج

باوعت علي كتلة خلص بعد مااخاف منك شتريد تسوي سوي جسمي تعود علضرب صار عندي مناعة ضربك بعد ميأذيني وصياحك ميخوفني طلعت برة وهوة يصيح ويتوعد بعد ميهمني كلشي بعد مااسكت علة ضلمهم شيسوون خل يسوون علة كولة جواد هية روح وحدة ورب واحد
ثاني يوم لصبح كعدتني رباب الساعة ب10

رباب :ودق كعدي كعدي بسرعة ولج

شكو شكو شبيج

ولج اياد جايب زمن وويا خالتي وشيخ معمم يريد يعقد عليج هسة

كمت غسلت وحهي امشي علة كيف وابد ماخايفة بعد ماعندي شي اخاف علي جواد وخسرتة
دخلت لﻻستقبال همة تفاجئو بية زمن كام علة حيلة وخالتي تكلي هلة بلعروس تفصلي تفضلي كعدت كتلهم منية لعروس كلولي انتي كتلهم منو كال
خالتي تفاجئت ولكل ضل ساكت اياد كللهم تشاقة
بابا اشرلي طلعني برة يريد يحجي وياي طلع دفترة كتبلي بابا اترجاج قبلي لخاطري
كتلة
بابا هوة شطيح حضي غير خاطرك دمرت حياتي لخاطرك ولخاطر عائلتنة ولخاطر سمعتنة بابا اني مااهمكم هاذ كلبي مايهمك بابا اني بشر والله لحم ودم وعندي مشاعر وعندي كلب
باوعتلة بدة يكتب كتبلي :باباتي والله البارحة كلة احجي وياهم وج بنتي مايقتنعون واني مومثل قبل بعد ماالي كلمة عليهم ستغلو ضعفي ومرضي بابا ﻻتعاندين اول وتالي يسوون الي براسهم ﻻتعانديهم يأذوج وتاليتج تنجبرين وتاخذين زمن اني نفسي متفاجئ بيها
كتلة ماشي بابا انتو عادي عدكم اموت واني عايشة عادي عدكم اندفن بلحياة ماشي بابا راح اوافق بس وحق ربي وربك زمن مايلمس مني شعرة والة اموت روحي بيوم لعرس ولصبح ماتجيك بشارة زواجي يجيك خبر موتي يكلولك بتك كتلة روحهة وذيج الساعة خل تفيدكم سمعة العائلة اريد اروح لربي ببدلة عرسي حتة يعرف شسويتو بية حتة ياخذ حقي منكم واحد واحد الي رب وهوة فوق كل ضالم حسبي ربي عليكم وعلة كل ضالم
طبيت لﻻستقبال كلت للشيخ
شيخنة شنو جزاء الي يجبر بنية علزواج

كلي عقابة عسير يوم القي

[زفير]

وعلي بعد بيه كومه بس والله مادا لحك واليوم كهرباء حتـى صورهم عندي بس احاول اكملها انشالله

ما يهون علينة تعبج
بس والله القصة تشد الواحد ههههه
عموماً شوكت ما تكملينها راح تلكيني موجود
ومشكورة يا طيبة

[ملكةه]

بارت 22
جواد:من بعد الي صار وخذﻻن ودق الية كرهت حياتي كلهة واعتزلت عن كل ملذات الحياة حتة الحجي قطعتة مرة اجونة خطار وطلعت اجيب اكل من لمطعم دخلت جان شفت كبالي منضر عمري ماانسا شفت ودق ويمهة واحد اي ودق نتهيت من شفتهة ضليت واكف بمكاني جمدت واهلة جانو وياهة بس علة غير طبلة يعني اكو شي رسمي بينهة وبين هاذ الي وياهة بعدني واكف اعاينهى كامت علية اجتني ودموعهة تجري ونضراتهة كلهة ندم ااخ ياكلبي شكد مشتاقلهة صاحت عليهى اختهة اني وية ماندارت علة اختهة رحت للحمامات بسرعة جانن كبالي ادري بيهة جاية تحضني اعرف نضراتهة مااردت اسببلهة مشكلة كافي الكتل الي اكلتة من وراي خليهة ترتاح واني نصيبي لعذاب وراضي بي ضليت ورة باب الحمامات الخارجي اباوع عليهة تبجي تكل ﻻختهة شفتة وطلعت تدور علية برة وكعدت بلكاع هدت حيلي مااتحمل اشوف دموعهة
ورة فترة موطويلة اجتي زهراء كالت اليوم عقد ودق من كلتلي نتهيت كل حيل مابقة بية بس اريد اشوفهة طلعت من لبيت ركض رحت كبال بيتهم شفت العالم طلعو من بيتهة كوومة يعني صدك
رجعت للبيت طلعت سم زرنيخ عدنة وشكو دوة بلبيت شربتة اشكال الوان ردت انهي هلوضع هاذ وارتاح من قهرهة ﻻن مابية اعيش بعد صار النفس الي اجرة بفراكهة يخنكني رجعت يم بيتهم ردت اشوفهة جنت مشتاقلهة كلش ومن حسيت بوجع ببطني عبالك سجاجين جاي تكطع بمصاريني كلت قرب موتي ﻻزم اشوفهة قبل مااموت
ودق : جرني جواد من ايدي حيل حط راسي علة صدرة كلي هاذة عمرة مادك بس الج
بعدة جاي ينطق اخر كلمة وكع بلكاع خواني يدكون بلباب يكلولي ودق ليش سادة الباب من برة فتحي
جواد متمدد بلكاع كعدت يمة حطيت راسة علة صدري كتلة وهاذ هم مادك بس الك والله حبيبي كوم ﻻتفجع كلبي بيك كوم ولك الموت مو اللك الية اني الي استاهل الموت
حطيت راسةبلكاع وركضت علة بيت ام احمد دكيت لباب فلشتة طلعلي احمد كتلة طلع سيارتك ولحكني فدوة كلي شكو كتلة جواد مدري شمسوي بروحة ووكع بلكاع عفتة وركضت علة جواد وصلت يمة رجعت حطيت راسة بحضني ودموعي يجرن علة وجهة دنكت علة صدرة خليت اذاني تفقدت نفسة بي نفس رفعت راسي شفت اخوي مرتضى جاي يتشلبة علحايط يريد يعبر ويفتح لباب من برة باوعت احمد اجة بسيارتة باتجاهي قبل مايوصل احمد طفر مرتضى كلي هاذ منو وشبي كتلة مالك شغل بس ﻻتفتح لباب فدوة اروحلك جر لسركي مال لباب ديفتحة كمت علي كتلة حبيبي نضوري ﻻتفتح لباب هاذة راح يموت اذا ماوديتة للمستشفى ولود اذا طلعو ميخلوني اخذة باوعلي كلي روحي يلله مافتحة اياد فلش لباب ويصيح وصل احمد يمي نزل علية ديشيل جواد اياد بدة يصعد علحايط وشافني ركضت وية احمد صعدنة جواد ورة وكعدت يمة واياد نزل اجة علينة كتلة احمد بسرحة حرك مشة احمد واياد يصيح ولج صا.... اني الج لترجعين للبيت
اباوع لجواد وكلبي احسة مات كوة يدك وكوة لنفس يدخل زردومي
حطيت راسة علة صدري وحضنتة وابجي اريد احاجي رب العالمين و اندعي ماادري شكول حلكي يرجف ولحجي ضاع مني الزم بدي ابوس بيهن واكلة حبيبي اكعد اكعد يبعد ودق وعشيرتهة والله اموت اذا صارلك شي والله اموت روحي وراك شلي بلدنية اذا تروح مني

وصلنة للمستشفى نزلة احمد وجابولنة سدية حطينا واني واحمد نركض بي اصﻻ مندري شبي ليش هيج وكع طببنا الدكتورة تسأل بية تكلي شبي كتلهة شارب سم اي شارب سم ﻻن هاذ الي فتهمتة منة من كلي كلهة دقايق وينتهي كلشي

طببو لﻻنعاش كبل وضلينة برة اني واحمد اني مفرفحة كعدت بلكاع بنص الممر وابجي لنسوان لتمن علية يكللي شبيج كتلهن رجلي راح يموت
اي رجلي ومااصير لغيرة اريد بس اندعي اريد احاجي رب لعالمين ماادري شكلة اجت مرة نطتني قران كلتلي اقري بي هم انتي ترتاحين وهم هوة يرتاح لزمت لقران ادية يرجفن وعيوني ماشوف بيهن من لدموع حضنت لقران حطيتة علة صدي ونتجيت علحايط ورفعت راسي للسمة احاجي ربي
كتلة الهي ان جان الك نية تاخذ روحة اخذني ويا الهي ماكتفيت بعذابي ربي ماريد كلشي خل اهلي يموتون خلي كلي الي اعرفهم يموتون بس جواد ربي ماريد غيرة ﻻتحرمني منة شلي بعمري اذا راح جواد شلي بي
كتلة اللهم اني ﻻاسألك رد القضاء ولكني اسألك الطف فيني ياالله
الهي اذا مولخاطري لخاطر امة واخوانة مالهم غيرة
احمد خابر اهلة من تلفون بلمستشفى
ورة دقايق
اجت امة واختة وزامل اخو ركضت عليهم امة كلتلي انتي ودق كتلهة اي كلتلي شجابج هنا شكد عينج وكحة بعد كل الي صار بيا عين جاية ابني اذا صارلة شي احملج كامل المسؤلية كوة تمشي بعدهة بلممر وكعت بلكاع وشالوهة جهالهة ودوهة جوة
واني ضليت بلممر مفرفحة اروح وارجع ورة ساعة ونص اجة احمد علية كلي ودق تعاي جواد سوولة غسيل معدة وصحة طلعو بغرفة مابي شي زين ركضت ويا طبيت للغرفة كعدت بلكاع يمة وابجي ابجي بصياح واشهك حط ايدة علة راسي كلي كافي ﻻتبجين كدامي لزمت ايدة بستهة كتلة والله لوصايرلك شي ماجان عشت وراك لحضة والله
كلي شتاقيتلج حيييل ماكدرت الزم روحي واجيت لبيتكم حبي

بي اني اذا متت ﻻتضلين هيج تزوجي وعيشي حياتج اني اسف علحجي الي حجيتة انتي سويتي الي عليج واكثر بس الله ماقسمنة لبعض
كتلة اششششش جواد ﻻتكول هيج حبيبي والله اموت اذا صارلك شي لدنية شتسوة وعيونك مابيهة
دنكت علة ايدة بستهة وابجي واتحمد الله واشكرة رفعت راسي وياريتني مارفعتة جواد فاتح عيونة كل حيلهن وصافن علسكف باوعتلة جذبت روحي حطيت راسي علة صدرة مابي نفس كتلة جواد اكعد حبيبي ﻻتفجع كلبي بيك ولك الموت الي موالك حضنتة وكمت اصرخ كل حيلي علة صياحي اجو الدكاترة واحمد يجر بية منة ماهديتة ابد خالة راسة علة صدري واكلة جواد اسمع هاذة مادك بس الك والله حبيبي مادك بس الك جواد اني ماخنت العهد والله ماخنتة اني ردت اموت روحي وانهي كلشي بس انتة سبقتني جواد ياتعب لعمر حاجيني حبيبي جواد ﻻتسكت مو الك السكتة يابو لسان لحلو كلي احبج كولهة حبيبي بس منك احب اسمعهة والله اجة الدكتور غطة راسة وكل ﻻحمد كملو ﻻجرائات حتة تدفنو البقاء في حياتكم احمد سحلني منة سحل واني اجرجر بروحي ثنين سسترات لزمني ويا وافلت روحي منهن اجة زامل يلطم علة راسة احمد لزمني بثنين ادي كتلة احمد زيدون اخذو مني بس جواد ماتاخذو والله ماخليكم تاخذو ولك احمد هسة باردة وضلمة شلون تحطو هناك شلون ينطيكم كلبكم ولك جواد هاذة مكانة هنا بكلبي اني ادفنة هنا وخر عني جرني ورجعت علي فتحت دكم قميصة وبست صدرة وشميتة من ركبتة كتلة حبيبي اكعد احضني اكعد كلي مااشبع منج اكعد كلي كلبي مادك بس الج ولك حبيبي ﻻتعوفني جواد ياتالي صبري جواد ياتعب لعمر كوووم كوم حبيبي

ربي ضربتين بلراس ماتحملهن الهي رحمتك وعطفك رجعة الي ربي موبعيدة عدك الدنية ماتسوة بدونة
بعدني احجي ويا طبو بابا وماما وكميل وزينب بابا يبجي وماما هم كميل اجة حضني وحاوطني بأدي غطو وجهة ولفو كمت افرفح واجرجر بروحي من كميل مااكدر افلت روحي ﻻزمني من بطني وضهري صاير علي ادفعي بي بأدية وامد ادية كل قوتي اريد الزم جواد بيدي ومااهدة كميل شالني من لكاع ووجهي علة جواد واني اصرخ كل قوتي طلعني برة لغرفة طلعو جواد بلسدية يدفعون بي كملو اجرائاتة وكميل ﻻزمني كتلة بس احضنة والله بس اودعة اخر مرة فدوة ابوس ايدك كميل اترجاك بست ادي ونزلت علة رجلة بستهة كومني حضني وكام يبجي بعدين هدني كلي روحي باوعت جواد بنهاية الممر يم ابو ﻻستعﻻمات ركضت علي كل قوتي بس بعيد عني ماوصلتة طلعو برة لمستشفى صعدو بسيارة وبعدني اركض اصيح احمد اوكف حباب اوكف بس احضنة ولكم بس احضنة ﻻتخلوهة حسرة بكلبي حركت السيارة راح راح جواد راح تعب لعمر راح تالي صبري واول حب بحياتي ركضت ورة لسيارة وهية تمشي اريد اوصللهة ماكدرت ابجي وادك علة راسي واصرخ ولكم ماشبعت منة والله ماشبعت منة رجعو ولكم رجعولي روحي ماتسوة الدنية بدونة مشتاقلي والله مشتاقلي هوة كلي كلي مشتاقلج رجعو خل اشبع منة وكفت بلشارع بعد مابية اوكف علة حيلي صاحتني زينب اختي نداريت وراي باوعتلهة حسيت سواد نزل علة عيوني وبعد ماحسيت بشي
زينب :طلعو جواد وودق ركضت ورا كميل كعد بلكاع ضل يدك علة راسة و يبجي اول مرة اشوفة هيج ويصيح حسبي الله عليك اياد مات الولد من ورانة ياويلنة من الله ياويلنة وهاي راح تتخبل لحكيهة زينب لحكيهة مابية اوكف علة رجلية بعد

يتبع .....

[ملكةه]

بارت_اﻻخير.
ماكدرت ابجي وادك علة راسي واصرخ ولكم ماشبعت منة والله ماشبعت منة رجعو ولكم رجعولي روحي ماتسوة الدنية بدونة مشتاقلي والله مشتاقلي هوة كلي كلي مشتاقلج رجعو خل اشبع منة وكفت بلشارع بعد مابية اوكف علة حيلي صاحتني زينب اختي نداريت وراي باوعتلهة حسيت سواد نزل علة عيوني وبعد ماحسيت بشيزينب :طلعو جواد وودق ركضت ورا كميل كعد بلكاع ضل يدك علة راسة و يبجي اول مرة اشوفة هيج ويصيح حسبي الله عليك اياد مات الولد من ورانة ياويلنة من الله ياويلنة وهاي راح تتخبل لحكيهة زينب لحكيهة مابية اوكف علة رجلية بعد

ركضت ورة ودق منضرهة يفزع الكلب تملخ بشعرهة وتركض ورة السيارة وتصرخ تصيح بس احضنة والله بس احضنة اركض وراهة وابجي وكفت وصلت يمهة الهث كتلهة ودق ندارت علية باوعتلي وكعت بلكاع ركضت عليهة حاولت اكومهة ماكو المستشفى قريبة رجعت ركض جبنة سدية اني وكميل شالوهة ودوهة للمستشفى طببوهة لغرفة وضلينة برة نتاني امي نتهت وبابا كذلك وكميل موت روحة من لبجي يكول ذنبهم بركبتنة ثنينهم ياويلنة من الله شراح يسوي بينة شراح نكلة
ورة 4 ساعات طلع الدكتور من بعد مانتهينة من لبجي وخلصت كلوبنة وصبرنة نفذ كال المريضة متعرضة لصدمة كلش قوية كان من الممكن ان تؤدي بحياتهة لو ما الله لطف حاليا دماغهة داخل بغيبوبة حاولنة نصحيهة بكل الوسائل الطبية الممكنة ﻻكن كلشي مافاد بقت يم الله ندعولهة حالتهة كللش خطرة
امي وكعت سكرهة رتفع كلش وبابا نتهة من لبجي اول مرة اشوفة هيج
ضلت ودق بغيبوبة مرن 3ايام سبوع سبوعين شهر شهرين ماكو ودق بس جسد عايشة هﻻجهزة وعلمغذي ندى سكنت المستشفى هية وماما بعد شهرين و3 ايام تقريبن صحت ودق بس مو ذيج ودق فقدت الذاكرة تماما وصارت متعرفنة كلنة كميل يكللهة اني منو تكلة انتة عادل امام حتة امي متعرفهة ضلينة 6 اشهر نحاول وياهة عﻻج واحنة نراويهة لصور ونحجيلهة عنة وعن نفسهة ونحاول نذكرهة بينة اياد موت نفسة عليهة مكابلهة ويبجي ويركض بيهة للدكاترة يكللهم بس رجعولهة صحتهة شتردون انطيكم ورة فترة بدت تستعيد ذاكرتهة واول واحد نطقت اسمة الصحيح هوة جواد سألتنة وكالت جواد وينة شو ماهوة ضلينة صافنين مندري شنكللهة حسام تدارك الموقف وكللهة سافر ﻻمريكا من زمان حزنت كلش علي وضلت ايام وليالي تبجي وتروح يم كتابة بلحديقة كاتبهة هوة كاتب حرف اسمة واسمهة وكاتب وياج للكبر ولو حﻻلي لو متصيرين لغيري تكعد يم لكتابة تبجي وتحجي وياهة تكلة مو كتلي وياج للكبر ليش عفتني اااااخ ياودق لوتدرين هسة جواد بلكبر شتسوي بروحج
زمن ابدا ماتركهة كل فترة يجي يمهة يذكرهة بنغسة وبعركاتهم قبل ونكرتهم بس هية موهامهة كلشي ومابالهة غير جواج ورة فترة بابا كال ﻻزم نحاول نقنعهة انو تزوج زمن هاذ احسن حل الهة استشارينة الدكتور مالتهة حذرنة وكال ديرو بالكم تزوجوهة احتمال الحياة الزوجية و اﻻطفال يتعبون صحتهة وترجع اسوء من قبل عفناهة وتركنة الموضوع مرت فترة ودق بدت تضهر عدهة مضاعفات كامت تحجي حجي موطبيعي ويتراوالهة شغﻻت ماموجودة وتحجي بجواد هوااي مرة نايمين بليل ساعة بلوحدة وماحسينة الة لباب تفلشت طلعنة لكينة ابن جوارينة ﻻبس مﻻبس مال عسكرية جان راجع من الوحدة مالتة وﻻزم بأيدة ودق كال هاي لكيتهة شاردة تكول اريد اروح لكبر جواد تصيح بلشارع تكول جذبو علية يكلولي سافر وهوة ميت امي كامت تلطم وكميل تخبل كال الي جنة خايفين منة صار بعد هلمرة شنسوي ضلينة نجذب عليهة نكللهة ماكو شخص اسمة جواد انتي يتراوالج ماصدكتنة بس نست السالفة ﻻن شافتنة كلنة مجذبيهة مرن 3 سنوات وودق علة حالهة لولد كلهم تزوجو ورباب هم بقيت بس اني وودق ومصطفى ومرتضى بعدهم زعار صارت حرب ايران ولعراق حسالم تأسر ﻻيران وترك ورا 3 اطفال اكبر واحد بيهم بنتة عمرهة تلث سنوات بابا توفة وتأذينة كلنة خصوصا دوق وهلشي ايضا دهور حالتهة الصحية بلزايد وصارت انسانة شكاكة وماعدهة ثقة بأي احد بس جواد مانستة ودوم تذكر اسمة واني وماما نتﻻفة لموضوع ونوهمهة انو مالة وجود ونسكتهة بس موبسهولة نسوان خواني يضوجن من عدهة كلش ﻻن تحجي شغﻻت مالهة وجود ويتراوالهة وياذنهة هواي خطية ويحيلن الولد عليهة ومران حتة يضربوهة

ماما كامت واخذتهة لسيد مشهور يسمو سيد سروط قرة عليهة ونطاهة مي وصارت زينة ورة فترة وبدت تستعيد صحتهة بس مومثل قبل يعني ماتشافت تماما وزمن بعدة طوول هاي المدة يتردد عليهة وبلبل كذلك اكثر من مرة اجة لماما يتوسل بيهة يكللهة بس زوجيهة الي والله اخذهة للخارج ﻻحسن دكاترة واطيبهة وارجعهة مثل الورد بس ماما تكلة عيب من بيت خالتهة صالهم سنين خاطبيهة وكل الي صار بيهة وماعافوهة رباب صار عدهة 4 جهال 3 بنات وولد وندى خطية ماخلفت واني ادرس معهد معلمات وودق علة حالهة عايشة بذكريات جواد نسوان خواني بلشن يأذنهة كلش واخواني يصفون وياهن ويكلن لماما زوجوهة هية مومخطوبة شمتانين ماما تنقهر عليهة بس مابيدهة شي تسوي وزمن هم يلح يكول

[ملكةه]

هواي صبرت الي بعمري خلفو وجهالهم بلمدرسة بعد الضغط الي تعرضتلة ودق من الكل وافقت تزوج وخلفت 4 اطفال بس عمرهة ماحبت زوجهة زمن وكضتهة يوم عدة وشهر زعﻻنة يمنة وخالتي كللش اذتهة بس عمرهة مانست جواد وندلت قبرة وصارت تروح تزورة وتبجي يمة وتعاتبة تكلة سنين واني الوم بيك اكول عايفني ومسافر وانتة هنا ساكن الكبور تموت روحهة يمة وكوة اشيلهة من لكبر ومرضهة ماتعافت منة ضل يروح ويرجع عليهة هواي اذت اطفالهة وتعبتهم بلذات بناتهة
اليوم ودق عمرهة 54 سنة وبيبية لخمسة احفاد بس عمرهة مانست جواد وكل ماتسمع انو ثنين يحبون بعض تزوجو تفرفح من لبجي وﻻ زيدون مانستة ودوم تثوبلهم كل خميس بس قبل شهرين رجعلهة مرضهة الي يروح فترة ويرجع عليهة وصارت متعرف اطفالهة وﻻ حتة احفادهة وهاذ الشي اذاهم كلش ودق اني اعرفهة معرفة شخصية وكل تفاصيل حياتهة صحيحة 100% ماعدى بعض المشاهد الي ضفتهن حتة توضح الصورة يمكم ودق كلش مريضة ماعادت ذيج ودق الوردة المفتحة الي ماضل واحد ماحبهة وخطبهة واطفالهة يتمنون تدعولهة حتة ترجع مثل ماجانت ودق عانت بحياتهة كلش ونضلمت هواي صبرت وحتة الصبر مل منهة ودق وجواد مثال للحب الصادق والنقي ومثال للتضحية ديرو بالكم بيوم من اﻻيام تتخلون عن حبكم مهما كانت اﻻسباب حتة ﻻيصير بيكم مثل ودق الي عاشت عمرهة كلة تحمل نفسهة ذنب موت جواد وماتهنت يوم واحد بحياتهة حتة بلمناسبات جانت تتذكرة وتبجي مرة جبيرة ومن تشوف عريس وعروس تبجي وتتمنة لو الله جامعهة بجواد بلحﻻل مثلهم
ودق نخذلت بس مو من جواد تخذلت من اهلهة ومن اقرب الناس الهة محد حس بيهة كلهم فكرو بأنانية وكان حياة جواد وودق هية الثمن
رمتني عيون السمر دون جناية
ودعتني من دون اﻻناس جريح
لمن اشكي الهوى لمن اتضلم

اذا كان قاضي الهوى مثلي جريح
هاذة بيت شعري ميفارق لسان ودق ابدا تصف حالهة بي دائما حتة وهية مريضة لدرجة انو حتة احفادهة حفضو منهة
#حنين حاتم الفتﻻوي

لهنا نتهت قصتي وياكم اسفة اذا بجيتكم القصة بيهة هواي عبر اتمنة تكونون ستفاديتو منهة
هواي تعبت بكتابة لقصة صعدت سيارة وقطعت مسافات حتة اجمع معلومات كاملة عنهة ﻻن لبطلة وضعهة ميسمح انو ترويلي لقصة تعبت بيهة بس ماتركتهة ردت لعالم كوولة يعرف اكو انسان مات علة مود حبيبتة واكو انسانة ﻻتزال متعذبة بسبب لعادات ولتقاليد

[ملكةه]

صور بعض من اهل ودق

[ملكةه]

ارائكم بالقصه

[ملكةه]

انتضروني بقصه جديده

[زفير]

عذراً
حاولت كثيراً تجنب انهطال الامطار من العيون
لكن دون جدوى
فقد اثرت بي كثيراً كثيراً هذه القصة
ربما لانها من واقعنا العربي العراقي
وربما لانها مست مني شيءً في صميم الصميم
لست ادري
كل ما اعرفه واشعر به هو اني اكتب هذا الرد وعيوني تغرق بالدموع