هنا

[ملكةه]

بارت8كعدنة بلحشيش خليت راسي علة جتفة وهوة حاوطني بئيدة كتلة جواد خايفة حيل خايفة ﻻاهلي يفرقونة لوتدري شلون جاي يعاملوني عبالك غريبة بلبيت صرت منبوذة عنهم ومحد يباوع بوجهي وميحبون يشوفوني كدامهم

جواد :حبيبتي ماطولني اشتم لهوة ماعوفج وماتخلة عنج
ماجابتة امة الي يحرمني منج حطيهة ترجية بأذانج لو حﻻلي لومتصيرين لغيري احركة بتيزاب الي ياخذج مني فتهمتي وللكبر وياج بس انتي حطي ايدج بأيدي وصيري قوية وتحملي حبيبي لخاطري تحملي والله اعوضج عن كل هلئذية والله اعيشج هنا بلكلبي واقفل عليج لباب وماخلي مخلوق يضرج وعيونج ذني لحلوات ماانزل دمعة منهن وعد ووعد لحر دين وشاربي هاذ مو علية اذا ماشلعتج من عيونهم شلع

باوعتلة من يحجي اوووف عساني مانحرم من هلوجه وعسة ربي يجمعني بيك بأقرب وقت
كتلة حبيبي واني هم والله ماعوفك وماصير لغيرك لو علة جثتي

جواد :راح اجيب عمامي وشيخ عشيرتنة واجي مشية عليهم بلكت الله تنكسر عيونهم ويقنعون

انشاء الله حبيبي انشاء الله يقنعون .
هسة اني اروح خاف يحسون علية ندى ضلت مصلوبة تراقب خاف احد يشوفنة خطية
دمعت عيونة وكلي حبيبي خليج بعد شوية والله ماشبعت منج

وﻻ اني يعمري والله لو ابقى لعمر كلة يمك ماشبع منك والله بدي هسة اروح وياك وانسة لدنية واذب كلشي ورة ضهري بس شسوي الله كريم انشاء الله ننجمع وتصير سوالف
لزم ادية ثنينهن بوسهن وضل ﻻزمهن جريت ايدي منة رردت اروح ضل كامش ادية وماهدهن

ودق : حبيبي فدوة ﻻتصعبهة علية
هد ايدي وهوة يتلمس اصابيعي بأصابعة لخشنات الي تشككن من كثر لشغل

مشيت واني عيني علي كلسا التفت والوحلة بأيدي وصلت للبيت طبيت فرحانة كلش طايرة ماامشي علكاع دخلت لﻻستقبال اغاني مشتغلة ومحد يركص طبيت بلنص اركص وكومت لبنات كلهم وياي شعلت لجو شعل خالتي وانهار حيل فرحو
خلصت لحفلة ورجعنة للبيت نمت من وكت ﻻن تعبانين من لحفلة

جواد :من بعد ماشفت ودق ورجعتلي روحي رحت للبيت اكلت ونمت كعدت لصبح كلت ﻻمي يمة راح اروح علة عمامي واخذهم مشية ﻻهل البنية بلكي يقبلون كلتلي يمة ماطول خوتهة ماراضين عليك ماراح يقبلون روح ﻻخوتهة احجي وياهم وكللهم اني رايدهة بلحﻻل واصونهة واحطهة بعيني ومن هاذ لحجي الي يلين لبشر بعدهة لو رحت وخطبت محد راح يرفض ﻻن الي فتهمتة منك همة اخوتهة لكبار ماراضين وابوهة مامعارض صفنت والله امي حجيهة صحيح واني دائما اخذ شورهة بكلشي لبست وكلت خل اروح ﻻياد ﻻن اندل مكان شغلة ودق مرة كلتلي انتة موفيتر روح قدم علة وضيفة بهاي لشركة الي يشتغل بيهة اياد ورحت وماقبلوني صعدت نفرات ورحت طبيت للشركة سألت علي دلوني لموضفين رحتلة اول ماشافني عصب

اياد :جاي اشتغل وطب علية جواد كتلة لك انتة شعدك جاي لهنا ولك مانكسرت عينك

جواد :خوية اني جاي احجي وياك بموضوع ليش معصب اني ﻻجاي هاد عليك وﻻ معاركك اكعد وخل نتفاهم

ولك اني ماعندي كل حجي وياك انتة حرمة دزلي زلم اتفاهم وياهم

اني من كلي هيج تخبلت هجمت علي ردت اكلة بسنوني لزموني لموضفين الي ويا
باوعتلة كتلة ولك اني رجال غصبا ماعليك واختك اخذهة اخذهة لو اعرف انهبهة واعلة مابخيلك اركبة البنية رايدتني واني رايدهة وماتمنعني عنهة سمممعت

عفتة وطلعت ضل يصيح ويتوعد بس اني ماهمني حجية

اياد :اخذت اجازة ورجعت للبيت اريد اطلع حركتي بهاي لسا ....طة ودق وهاذ لكلب فضحني كدام لموضفين كلت ليوم اشرب من دمهة

ودق :كاعدين نباوع تلفزيون اني وخواتي بلصالة مانحس الة باب ﻻستقبال اندفرت وطب علينة اياد عيونة يجدحن وشكلة معصب اني كمت ردت اطلع ﻻن ادري بي ميحب يشوفني صاح تعاي ولج صا....طة اجة علية جرني من شعري نص شعري اجة بيدة دفعني حيل وكعت بلكاع

اجت ندى وكفت كدامي كلتلة اياد وخر عنهة عوفهة كافي ضلم كافي هسة هية شمسوية شو كاعدة بلبيت حتة لشارع ماشايفتة دفع ندى حيل لزكهة بلحايط وهجم علية ملخني تملخ رفس برجلي بوكسيات عبالك جاي يضرب بعدوتة مو اختة ماما وبابا جانو بلسوك وزيدون بشغل قبل فترة طلع تعينة وبدة يداوم ولولد بدواماتهم بس رباب وزينب بلبيت من سمعن لصياح ختلن بغرفتهن يخافن من عندة ضلت ندى يمي كلما تحاول توخرة عني يدفعهة لحد ماتعب وعافنة وطلع اجت ندى يمي كلتلي كومي للغرفة بسرعة ﻻيرجع اني رحت لغرفتي كوة امشي طبت ندى تصرخ من ايدهة كالت بعد ماتحمل وجعهة راح اروح ﻻم احمد اخذهة واروح للمستشفى راحت ندى واني ضليت ابجي واون من لوجع ماكو مكان بجسمي مايوجعني كعدت اعاتب ربي كتلة الهي شنو لجرم الي سويتة وهيج يصير بية ربي كل لعالم تحب وتعيش حياتهة ليش بس اني هيج ساعدني ياربي ساعدني مالي غيرك

طبو امي وابوي تلكتهم رباب حجتلهم كلشي امي اجت يمي شافتني تسودنت كلتلي شسويتي ليش هيج ضربج كتلهة ماما وحق الله كلشي مامسوية هوة ابنج مجلوب سالت علة ندى كتلهة راحت للمستشفى اخذت بابا وراحو وراهة ورة ساعة طبو همة وندى مجبسين ايدهة اياد لكلب كسرهة من دفعهة علحا

[ملكةه]

يط حل زيدون من دوامة شافنة اني وندى كلب لدنية كال ليوم اياد العب بي طوبة شنو هيج يسوو بيجن وين عايشين احنة بسجن ولكم حتة المساجين الي عدنة بلقسم هم مانعالملهم هيج لهناك حلو حسام وكميل ونفتح لموضوع كدامهم كميل من شاف ندى مجبسة ايدهة كال هاذ اياد بعد مو مال نسكتلة صاير كلش هيلك خل يجي ونطيح حضة ليوم حسام كللهم خل نفتهم منة بﻻول معقولة يضربهن بدون سبب اكيد مسويات دكة
للعصر يلله اجة اياد لزمو بابا ولولد كلولة شلون هيج تسوي بخواتك

اياد :حقكم متدرون كاعد اشتغل بلشركة وطب علية جواد الكلب ويكلي اختك ااخذهة غصبا ماعليكم وفضحني كدام الموضفين وضل يفشر ويغلط
بابا سمع حجية كال ﻻيا ادبسز ياقليل لتربية شلون هيج يسوي

زيدون كلة بس مع ذلك مالك حق تسوي هيج بلبنات هوة تعارك وياك هنة شعليهن
كلة اكيد هاي لسا...طة عدهة تواصل ويا وإﻻ شلون عرف مكان شغلي وانتة معليك انتة زعطوط اخر من يحجي بلبيت انتة

زيدون سمع حجية تخبل نهد علي ضربة علة وجهة وتكامشو ثنينهم حسام وكميل يحاولون يفكون بيهم وبابا كاعد يباوع عليهم متفاجئ ضلو يتمالخون زيدون ضابط وعضﻻت وقوي لزم اياد موتة بوكسيات واياد يفشر ويتوعد اخر شي بابا عاط بيهم

اﻻبو :ولكم كاااافي
ادبسزية زلم شكبركم تتعاركون كدامي ولكم ماتستحون هاي تربيتي خوان تتذابحون ولكم بعدني مامتت

زيدون اجة علة بابا باس ايدة وراسة وعتذر منة واياد خلة وطلع ماعاجبة كلشي

بليل ندى طبت لغرفتنة تون من ايدهة خطية اخذت دوة وكوة نامت اني ردت انام ماكدرت منين ماانكلب جسمي يوجعني ضليت ل3 ابجي وماغمضت عيني مكرفصة روحي وابجي علة حضي نفتحت لباب طبت علية ماما كلتلي شبيج اسمعج تبجين مانمتي كتلهة ماما جسمي كلة يوجعني مااكدر انام راحت جابتلي مرهم وكعدت تخليلي نزعت ثوبي شافت جسمي تخبلت كلة ازرك دهنت جسمي وجرتني خلت راسي بحضنهة ضلت تلوليلي اوووف شكد جنت محتاجة لهاذ لحضن غفيت من لتعب وﻻلم ورة شوية حسيتهة خلت راسي علمخدة وطلعت
ورة يومين اياد عتذر من ندى وباسهة وصالحهة بس اني ﻻء وﻻ حاجاني عبالك مدري شمسوية

وبابا لسا ميحجي وياي كم مرة ردت اعتذر منة يصدني اوووف يابابا طول عمرك اكثر واحد تحس بية ليش هلمرة مو حاسس بناري
بليل اجة زيدون طب علة بابا للغرفة كلة عندي موضوع وياك

زيدون :بابا اني اريد اتزوج

اﻻبو :هاذ يوم لسعد بس اخوتك الكبار بعدهم غير يتزوجون وانتة وراهم علة شنو مستعجل عمرك 22 بعدك زغير عيش اطلع تونس عود بعدين حمل روحك هيج مسؤلية

زيدون :بابا البنية جاي يجوهة خطابة وخاف تضيع من ايدي علما يقتنعون ولدك وادور همة 3 يعني اتانيهم تﻻثتهم يزوجون يابابا ميصير هيج قابل احنة بنات وتمشينة بلسرة

اﻻبو :البنية اممم معناهة حاط وحدة ببالك

اي بابا واحبهة صارلي 4 سنين

جيد ومنو سعيدة لحض

ليان بت خالتي

شنوووو تريد تزوجلي بت هاذ ال.....ني

بابا واذا يعني قابل هوة كافر اشو كلنة اسﻻم وﻻ الله وﻻ ونبينة لكريم يقبل بلتفرقة

زيدون ﻻتخليني اتعصب هلموضوع سدة واخر وحدة تدخل بيتي وتصير جنتي بت هاذ ال...ني

بس بابا ﻻب :زيدووون كتلك سد هلموضوع ولتناقشني بي
طلع زيدون من يم بابا دمعتة بعينة ومعصب سودة علية حتة انتة هم مثل حالي باربي باوع لحالة وخلي بابا يقتنع
ثاني يوم لصبح ندكت غرفتي ب6 طلعت زيدون

زيدون :صباح لخير

هلة زيودي صبلح لنور

تعاي سويلي ريوك اريد اروح لدوامي

ليش لعد ماما وين

ماريدهة تسويلي تجين تسويلي لو اروح بلة ريوك
تعال هسة اسويلك شبيك بس اغسل وجهي

يلله راح ابدل علما تسوين

اجيت دا كليلة بيض كتلة شبيك معصب
خلصي لبيدج وتعاي نسولف
كملت صبيتلة وكعدت كبالة علة ميز لطعام كتلة يللة كلي شبيك معصب
بابا قافل ميرضة يخطبلي ليان وحتة ميقبل اناقشة بلموضوع
اااوف سودة علية حبيبي انتة هم مثل حالي

ودق احبهة والله اذا راحت لغيري اموت روحي

اسم الله حبيبي ﻻتكول هيج انشاء الله متروح لغيرك
حط ايدة علة عيونة وكام يبجي يكلي جايهة خطابة وابوهة يريد يزوجهة خابرتني لبارحة مفرفحة ولج راح اموت والله مابيدي شي اسوي شلون اتانيهة تضيع من ايدي
كسر خاطري حيل اول مرة اشوفة يبجي طول عمرة يضحك وابتسامتة تارسة وجهة وشقا وسوالفة عمري ماشفتة هيج مكسور حتة من بابا لو ماما يرزلو يضحك وياخذ كلشي بشقة اجيت يمة لزمت ايدة كتلة حبيبي
زيودي ﻻتبجي انتة رجال وضابط ولك المساجين يرجفون منك رجف وانتة تبجي علة ليان

ولج ودق هاي ليان تعرفين شنو ليان روحي من لدنية

اعرف حبيبي والله اعرف ﻻتسوي هيج بروحك ماتضيق الة تفرج اني اخلي ماما وندى يحاجون بابا وياثرون علي وانتة كل لكميل هم خل يحجي ويا وانشاء الله يقتنع ﻻتخاف ليان ماتروح لغيرك
كلي الله كريم مسح دموعة وغسل واخذ لكاوية مالتة وطلع
سديت لباب ورا ورجعت لغرفتي كسر خاطري حيل احس بي وبوجعة حطيت راسي علمخدة ورجعت نمت بل11 كعدت ندى خطية تبجي من وجع ايدهة كعدت يمهة اصبر بيهة ونطيتهة دوة وطلعت اسويلهة ريوك لبيت

[ملكةه]

فارغ كلهة بلدوام وبابا بلكهوة بس ماما بلمطبخ صافنة اجيت يمهة ودق :صباح لخير ماما شبيج صافنة
مابية شي مقهورة علة زيدون حيل زعﻻن مني ﻻن ماقنعت ابوج يخطبلة ليان ليوم حتة ماكعدني اسويلة ريوك
( الناشر أدارة القناة تيمور العراقي
قصص واقعيه عراقيه)
اي ادري كعدني الي اني سويتلة

صدك ماما ليش ماقنعتي بابا

والله لبارحة اليل كلة احجي ويا يكلي علة جثتي ليان تطب لبيتنة تعبت من لحجي والله وماكو كل فايدة قافل

جاي نحجي اني وماما ندكت لباب امي راحت تفتحة وكلتلي كلبي لتمن
جاي اكلب بلتمن وسمعت ماما صاحت يبووووو

مديت راسي من باب لمطبخ مخروعة واشوف

[ملكةه]

بارت9
مديت راسي اريد اشوف شكو واباوع امي مكومة بلكاع واكو ولد واكف بلباب ولباب مفتوحة ركضت علة امي اصحي بيهة صحت علة ندى وتذكرت ايدهة صحت علة رباب ماتسمعني فوك بغرفتهة عاوني لولد وطببناهة للمطبخ ذبيت علة وجهه مي وبدت تصحصح كلت للولد شكو شبيهة امي شكتلهة ووكعت دنك راسة وماحجة صحت امي جان تصيح يمة وليدي زيدووون وكامت تلطم وتصرخ علة صوتهة اجن ندى ورباب يركضن شكو شكو امي تلطم وتصرخ نداريت علولد كتلة ماتحجي شكو مو حيل مابقة بينة
كلي خوية اخوج زيدون نضرب بسجينة غدر من واحد مجرم جاي يحقق ويا وضربة وهسة هوة بلمستشفى بس زين مابي شي
كل ﻻمي خالة مابي شي والله ﻻتبجين خيطو جرحة وكلشي مابي هسة اخذكم الة
ركض لبسنة شلون ماجان ورحنة وية لولد اني وندى وامي ورباب ضلت بلبيت خاف يجون لولد تكللهم حتة يلحكونة اخذنة بسيارتة الطريق كلة نبجي ومفرفحين علة زيودي علما وصلنة عيونة خلصانة من لبجي طبينة علي حاطي بغرفة وحدة ويمة المدير مالتة ركضنة علة زيودي امي تبوس بي وتبجي
اجة الواء الي هوة المدير مال زيدون سلم علة امي وكللهة
حجية زيدون بطل رفع راسنة ترة اخذو غدر ولوما هيج محد يكدرلة لمجرم ضربة وحاول يشرد وهوة ينزف وماخﻻ يشرد مجروح وماكدرلة احسن ضابط عندي هوة زيدزن رفعي راسج بي وندعيلة هسة يومين وتشوفي يكمز كلشي مابي

ندى :وانتو وين عن هاذ لمجرم شلون دخل سجينة بس اريد اعرف

الواء محمد :والله ياخيتي لمساجين كلشي يكدرون يسوون يضموهة باماكن صعب نلكااهة ولسجينة زغيرة حيل ام لياي

والله زيدون لو صارلة شي محد يرحم هلمجرم من عدنة والله اكلة بسنوني

خوية علة كيفج بس لتعصبين زيدون مثل لورد وهلمجرم حصتي اني اني الي راح اطلع حليب امة من خشمة واندمة علساعة الي نولد بيهة

ندى حيل نغعلت وضلت تصيح علواء خزرهة زيدون وكعدت ورة شوية راحو الواء والضابط صديقة وخلونة وحدنة يمة كالو لعصر نجي

طب لدكتور للغرفة مالتة ديشوفة

الدكتور :هابطل لحمد علسﻻمة

زيدون: الله يسلمك دكتور الوالدة سوتهة مناحة كللهة اني مابية شي رحمة ﻻهلك طمنهة مو راضية تصدك بحجيي

الدكتور :امي هاذ ابنج بطل كلشي ميصير بي لتخافين علي كلشي مابي مسالة وقت ويكوم علة حيلة ويرجع مثل لورد

اﻻم :انشاء الله يمة انشاء الله

شافة لدكتور كمل ومن طلع نطاني ورقة كلي هاذ دوة جيبو الة من لصيدلية مامتوفر بلمستشفى
كتلة ماشي وراح

فتحت الورقة مكتوب بيهة اسم الدوة وجوة مكتوب الحالة ﻻتخلو من الخطورة ندعولة الله ينجي

اني قريت لحجي تخبلت كلتلهم راح اجيب لدوة واجي طلعت لدكتور بعدة جاي يمشي بلممر ركضت ورا وصلت يمة
كتلة دكتور اخوي راح يموت احجيلي شبي ليش هيج كتبتلي
كلي اختي السجينة الي مضروب بيهة مسمومة يعني بيهة سم ومخترقة كليتة مأذيتهة حيل سوينة الي علينة والباقي يم رب العالمين اني ماردت احجي كدام لوالدة خطية خاف يصير بيهة شي

عافني وراح ضليت جامدة بمكاني وابجي والناس تباوع علية اخر شي سمعت واحد وراي يصيح ودق نداريت هاذ حسام كلي شبيج تبجين وين زيدون بيا غرفة اخذتة ورحنة هاذي اول مرة يحاجيني من بعد المشكلة الصارت
طبينة للغرفة ورة شوية اجة بابا واياد وكميل رجعونة للبيت اني وامي وندى وبقو يمة امي عاندت بلكوة رجعوهة رجعنة للبيت مالنة واهس كلشي حتة غدة ماتغدينة
لعصر كاعدة اني بلحديقة وافكر بزيودي بالي يم الحجي الي حجا لدكتور خابفة حيل علي وادعي ربي يكومة سالم
نفتحت لباب طب كميل باوعتلة عيونة وارمة وكفت علة حيلي كتلة زيدون شبي

كميل :زيدون مات ودق مااات

شنو زيدون ميموت والله ميموت زيدون قوي ﻻ لتجذب دفعتة وردت اطلع اروح للمستشفى حضني بثنين ادي وضل يبجي كتلة وخر انتة جذاب زيدون مايموت إلة زيودي موتو كلكم الة زيودي . زيودي قوي مايموت والله
علة صياحنة طلعت امي ولبنات كميل ركض علة امي حضنهة امي تخربطت ووكعت بلكاع شالهة وركض بيهة للمستشفى هوة ورباب واني ضليت مثل المخبلة افتر بلبيت واصرخ ندى كرفصت بلكاع وحطت راسهة بين رجليهة وتبجي واني روحي ﻻيبة مامصدكة زيدون يموت اصرخ واملخ بشعري ارجع علة ندى اكللهة ﻻتبجين ﻻتفاولين علي مايموت والله مايموت
لهناك بدو لجوارين يجون ام احمد راحت علتلفون لزمت لدفتر مال ﻻرقام وخابرت علة كرايبنة كلهم بدو خاﻻتي يجون بديت استوعب الي صار بس بعدني مامصدكة امي بعدهة بلمستشفى مادرينة شصار بيهة ورة ساعات قليلة طببو زيودي ﻻفي بعلم العراق حطو تابوتة بلكاع شمرت روحي علي مامصدكة زيودي بهاذ التابوت مشيول كتلة زيودي كوم حبيبي كوم كوم اكفخني كوم اضربني والله ماشتكي البابا والله كوم حبيبي مو الك النومة كوم ليان تنتضرك تخطبهة زيودي يبو طول لحلو ولك شايلينك بتابوت عمت عين الدنية زيودي كوم كللهم اني عايش زيودي كوم كلي جاي اشاقة وياج اني ماميت ولك زيدون البيت ماينطب اذا انتة مو بي ولك زيودي يبو سوالف لحلوة كوم ضحكنة كوم هذولة كلهم يبجون بكلمة وحدة منك تضحك

[ملكةه]

هم كوم يابعد طولي طولك اجة حسام وخرني من لتابوت يردون يشيلو يدفنو جلبت بي كتلة ولك والله ماميت ولك تريد تشمرة بنكرة ضلمة وتدفن ضحتة وتدفن ضحكتنة ويا ولك يهون عليك تذب تراب علة وجهة لحلو ولك يهون عليك تعوفة وحدة حضني حسام وضل يصرخ مثل لنسوان شالو لتابوت اخواني وولد عمامي واني اجرجر بمﻻبسهم مدري منين الله نطاني قوة يوخروني من لتابوت وارجع واتوسل بيهم اكللهم ليش ماتصدكوني زيودي ماميت والله يشاقة ويانة هسة يكعد هسة لزمني عمي حاوطني بثنين ادي جتفني وكللهم شيلو واني ادفع بعمي واصرخ اكلة هدني ماخليهم ياخذو والله ماخليهم يذبو بكبر اضلم زيودي يضوج من لضلمة عمي هدنيييي هدني عليك الله والله ماميت ولكم صدكوني ماميت (قصص واقعية عراقيه )
(الناشر الرسمي أدارة القناة تيمور العراقي)
اخذو زيودي واخذو ويا روحي امي بلمستشفى بيهة جلطة وداخلة بغيبوبة رباب وخالتي يمهة وندى تبجي بس دموع واني اكمز والطم مثل المخبلة ملخت شعري خدودي مزلغات ويجرن دم روحي مفرفحة ونار بية تسعر لو شماسوي مابردهة طبت ليان بت خالتي تصرخ وجهة مورم ومن لبجي والطم تكلي ولج ودق مات بين ادية ولج ودق حضني ومات طلعت روحة وهوة بحضني واخر كلمة نطقهة كلي احبج ليونة
موتت روحهة واني حالي مو احسن من حالهة ثاري من رجعنة من لمستشفى خالتي ماخذتهة تشوفة وحاضنهة وميت بحضنهة
اباوع عليهة وتذكرتة لصبح شلون يبجي عليهة ويكلي لج ليان روحي من لدنية لو راحت من ايدي اموت والله اموت
هسة هية الي تبجي علي اوووف ربي ماترحم بينة وترجعة
3 ايام لفاتحة مابردت ناري الطم واحس بعد بية قهر وحركة اريد اطلعة بللطم خاﻻتي يحاولن يلزمني ميكدرلي خلصت فاتحتة بس مارتاحيت بعدني اريد الطم زيودي الطم علي العمر كلة مو 3 ايام امي صحت بس بعدهة بلمستشفى يوم لثالث رحنة للكبر كلنة لولد تكترو علة صفحة ويبجون بسكوت واني ذبيت علي عيون مو بس دموع

كتلة هنا يمن جنة وجنت شو حضرو تابوتك
فتح عيونك بلجذب ﻻتكعد امي مروتك
كعدو لبو طول لحلو خلو بشم جرغدهة
صاحبتة للمستشفى اجت وضفرهة حافر خدهة
كلولة يمك جودرت شكرة ولطمهة يفوتك
هنا يمن جنة وجنت شو حضرو تابوتك
امك بنسمة تعثرت من صوبوك بجيلة
نكع عبايتهة الدمع وانحنت باول ليلة
تدري انتة من درت لوجه فهيت لون الشيلة
جوة لكبر بعدك حلو لو خربك بترابة
عطرك قميصك كذلتك شخبارهن يايابة
اتمنة اصيرن مكبرة خاطر ادفنك بية
وﻻ يوصل تراب الحد لعيونك الكحلية

هلبارت خصصتة لوصف مشاعر ودق بفراق اخوهة اسفة علحزن الي بهلبارت اني اكتب ودموعي تنزل يشهد الله

[ملكةه]

بارت10مرن 5 ايام علة موت زيودي مرن علينة مثل السم بس عبالك ستوني سامعة لخبر افتر بلبيت واتذكر سوالفة هنا كعدنة هنا كفخني وشتكيت لبابا ورزلة هنا فرغني من حسام واياد من ضربوني هنا كفش شعري وشرد هنا ذبلي رجل وكربحني هنا ركضت ورا وماكمشتة
جان سند وضهر استند علي جان اماني بهلدنية يحميني حتة من اخوتي خﻻص راح سندي راح اماني راح ملح لبيت جان توأم روحي حتة من اغلط مايقسة علية احن بشر بلدنية هوة احن علية حتة من امي وابوي كلبة موومال بشر مال مﻻئكة لو ميتين اهلي كلهم وﻻ زيدون هوة يكدر يعوضني عن اهلي كلهم بس هوة محد يكدر يعوضني عنة عاف فراغ كلش جبير بلبيت الكل حزين ومكتأب وخاتل بغرفتة امي حالهة يبجي لصخر جان صديقهة مو ابنهة عيونهة مانشفن وتصيح من كلبهة تكول راح بلسم جروحي بعد ماطيب اني

وابوي كلبة خلص يلطم علة راسة ويلوم بروحة يكول راد ليان وماخطبتهة الة مات وهوة نفسة بيهة يكول حتة من راد يموت دناهة يمة حضنهة ومات بحضنهة والله لو ادري بي هيج راح يصير جان زوجتهة الة بنفس اليوم وﻻخليتة مات زعﻻن مني

زينب من يوم لفاتحة من شافت الطم والصراخ خترعت تمرضت وبعد ماصحت يومية بليل تصخن

لولد مالهم واهس كلشي حتة دواماتهم مدا يرحوهة ولكهوة عافوهة
واني اوووف ياحالي عيني مانشفت علي يومية لعصر اكعد بلصالة اتذكر سوالفة واصرخ وانعة واعاتبة يكابلوني اخوتي البنات والولد ونبجي ونلطم علي لحد مانوكع علة صفحة يومية اطب لغرفتة اشتم بهدومة واحجي ويا
#تعال اكعد يراحل طولت ليش ضلمة لبيت دونك يابعد بيتي
#حلو ذوق المكابر تاخذ الزينين عمت عينج يدنية شكد وكيحة عين

اطب لغرفتة لصبح اخربط فراشة وارجع المة اكللهم زيودي جان نايم بي ومن نصب اكل ماخلي واحد يكعد بمكانة واحطلة ماعون واصبلة بي اكل ومن نخلص ويكومون كلهم مواعينهم فارغة بس ماعون زيودي مليان اكعد يمة ابجي اترس الماعون دموع

امي بلفراش كوة تكوم للحمام وليان شكل عدهة ضغط من يوم مات بحضنهة نهبطت من شافتة جر اخر نفس بأديهة
اليوم اربعين زيودي مو مصدكة مرن اربعين يوم احسة لبارحة مات
المجرم الي ضربة نحكم والواء ﻻزمة دك كتل 4 ايام يعذب بي مامخلي مكان بجسمة صاحي يكلة لو كاتل ضباط القسم كلهم وﻻ كاتل زيدون وخواني ميتين يردون يرحون يهدون علة اهلة بس عمامي ﻻزميهم

سوينة عزة وقراية وعبالك ليوم ميت مو عبالك اربعينة وحتة لولد سوو عزة مال زلم بلجامع مافرق عن لفاتحة بشي واجو اصدقائة لضباط وشرطة ومدير لقسم ومسؤلين بلدولة وشخصيات جبيرة فرعنة نترس سيارات
اصدقائة يصرخون علي صراخ يكولون زيدون جان حنين وطيب وصاحب ضحكة وسالفة مونسنة وبيوم الي ميداوم لقسم ماينطب ونضل واحد يباوع بوجه الثاني وكفاتة تخبل اخو خيتة وشهم

مرن 5 اشهر علة وفاة زيدون بس مامر علينة يوم اذا ماتكابلنة وبجينة علي كل خميس نسويلة ثواب منخلي شي مانطبخة ونوزعة وبيوم لخميس نشوف فراشة تطب للبيت تفتر امي تكابلهة وتنحب تكول هاي روح زيدون تفتر حوالينة تحاجي لفراشة وتكلة ولك يمة ليش ستعجلت ولك الموت الية مو الك يبعد امك لحد ماتتخربط من لبجي ونكومهة لغرفتهة ننطيهة عﻻجهة يلله شوية تستقر
بابا نكسر ضهرة عذاب الضمير هد حيلة ندمان ﻻن صيح علي قبل لحادث بيوم وﻻن ماقبل يخطبلة ليان تعب حيل بفراكة وشكل ويا سكر وعيونة كامن يغوشن ويشكي من عدهن
زيدون فراكة هد حيلنة ﻻن هوة من لشخصيات الي ماتنسي شلون ننسا وهوة عايفلنة بكل ركن بلبيت سالفة وضحكة وذكرى ماتنسي
جواد طول هاي لفترة ماعافني ابد كل سبوع يدزلي زهراء تطمان علية وتوصلة اخباري واكثر من مرة يدزلي رسايل يواسيني بيهة ويصبرني ويرفع من معنوياتي ويأكدلي انو هوة بعدة علوعد ومراح يتركني للموت واني كلما تصيرلي فرصة اخابرة واطمان علي

عمامي بلفاتحة اجو الهم اكثر من ل3 سنوات متكاطعين ويانة ﻻن عمي لجبير مرة خطب رباب ﻻبنة وماقبلت وزعل علة بابا وعمامي وعماتي كلهم زعلو علة زعلة ضلو يترددون علينة ورجعت المياه الى مجاريهة

مرة بابا بليل جمعنة احنة البنات بغرفتة من بعد ماصار طريح الفراش وترك الكهوة علة اياد وكميل

كعدنة بلغرفة وكال سدو لباب

اﻻب :بابا انتو بنات ولبنية سندهة وضهرهة هوة رجلهة اني جاي تشوفوني صحتي تدهورت ولعمر مابقة بي هواي وايامي معدودة وامكم هم صحتهة علة كدهة وحياتهة بدون زيدون صارت مالهة طعم ماتت ضحكتهة وصحتهة وية زيدون

البنات :ﻻ بابا اسم الله عليكم ﻻ تفاول علة روحك الله يديمك النة

باباتي خلوني اكمل مثل ماكتلكم الرجال سند وضهر واني اريد اطمان عليكم وانام بكبري مرتاح ماكول عفت وراي بنات مالهن احد صحيح اخوانكم زينين بس مابيهم حنية زيدون اني زيدون لو عايش ماشيل همكم ابد
واﻻخو اخو مرتة يابابا

باوع علة رباب كللهة باباتي رعد ابن عمج علي تقدملج وكلي عمو بس احجزهة هسة كلشي ماسوي ﻻعرس وﻻ شي
واني موافق رعد رجال ولنعم منة ورادج بﻻسم يعني يحبج واكيد راح يصونج انتي فكر

[ملكةه]

ي بابا وصلي صﻻة استخارة وانشاء الله ربج يقدم الي بي خير ورجعيلي لجواب علة راحتج ندار علة ندى كللهة باباتي انتي بنيتي لجبيرة وشمعة بيتي الواء محمد مدير زيدون اخوج اول لبارحة لعصر اجة علية وكلي عمي طالب لقرب منك ويشرفني اناسب عائلة الشهيد زيدون ورادج بﻻسم كلي رايد ندى موغيرهة فيا بابا مثل ماكلت ﻻختج رباب فكري واستخاري ورجعيلي جوابج وكونو علة ثقة اني مراح اجبر وحدة منكم علة شي

ندار علية اني نتهيت كلت هسة هم يكلي فﻻن خاطبج نزلن دموعي وماصيطرت علة روحي كمت اشهك اصﻻ بعد موتت زيدون صارت الدمعة بطرف عيني وكمت ابجي بسبب وبدون سبب اباوع علة حلكة ومتانية لحجاية تطلع
كلي انتي لتخافين محد خطبج بس اي واحد يتقدملج سمعتة زينة واخﻻقة حلوة ومن مستوانة سمعتيني من مستوانة راح اوافق

كلنة يلله روحو ولتنسون حجيي وفكرو زين قبل مترجعولي جوابكم
رحت لغرفتي وحجاية بابا ترن بأذاني من مستوانة معناهة بابا يدري بجواد حالتهم المادية علة كد حالهم رفعت راسي للسمة كتلة
ياالهي ضاكت بية ولحل يمك انتة انتة الوحيد الي تعرف بحالي وتدري بية اموت لو صرت لغير جواد

رباب فرحت حيل من تقدملهة رعد ﻻن جانت متانيتة وطلع احساسهة بمحلة طلع هوة هم يحبهة
بليل طبيت لغرفتي اريد انام لكيت ندى صافنة

ودق :شبي لحلو صافن

مادري والله ياودق شكلج عرفت هاذ اليوم راح يجي ومصيبتي راح تنكشف عاجﻻ ام اجﻻ
شنو ندى شبيج يامصيبة

شحجيلج ودق شحجيلج

دنكت راسهة وكامت تبجي

ندى حجيلي اني اختج سترج وغطاج حجيلي بلكي اكدر اساعدج

مسحت دموعهة وكلتلي قفلي لباب وتعاي

تذكرين من جنة زغار وجنت اتشلبة عل نخلة وانتو توكفون جوة واشمرلكم تمر

اي اذكر

مرة صعدت وبلنزلة تعورت بكربة مال نخلة ونزل دم علة رجلية وكتهة كمت ابجي ومسحت لدم وخفت اكل لماما ﻻن ماتقبل اصعد علنخلة تدرين بيهة تكلي انتي ولد قابل
كبرت ونسيت الشغلة
ومرة من خطبني ابن عمي احمد اني جنت قابلة ﻻن جان عاجبني نوعا ما ورحت يم ام احمد اسولفلهة واخذ رايهة كلتلي اي تزوجي لزواج حلو بس اول يوم يأذي
فسالتهة علة ليلة لعرس وحجتلي كلشي وعرفت منهة انه ينزل دم بيومهة وتذكرت الي صارلي من جنت طفلة وحجيتلهة لطمت علة وجهه وكلتلي عزة بعينج كومي خل اخذج لهاي لقابلة الي يمنة تفحصج بلبداية خفت وماقبلت اروح وياهة بعدين من كلتلي يذبحوج اذا تزوجتي وانتي مو باكر خفت حيل ورحت وياهة فحصتني لمرة وكلتلي انتي موباكر دكيت ولطمت وتمرضت وكتهة ورفضت احمد رغم ملحة بابا وتوسلة بية

من كلتلي هيج نمردت عليهة كتلهة جنت حاسة اكو سر وراء رفضج القاطع لكل الي يتقدمولج بدون سبب

ودق اني عاجبني الواء محمد والله مبين شخصية وانسان محترم بس شلون بية كليلي

لتخافين حبيبتي احجيلة كلشي وحلفيلة وهوة اذا رايدج راح يصدكج ويتمسك بيج

يا ولج ودق تخبلتي شلون احجيلة بلله كل لبابا

ﻻ وصي ميكل لبابا

ماكدر ودق ماكدر اجازف هيج واحجيلة هاي لشغلة لج هاي حياتي متوقفة عليهة مولعب

ماكو غير حل ندى لعد تضليت ترفضين بدون سبب اذا مات بابا عمرة طويل انشاء الله منو النة كليلي اياد لو حسام
هسة كلي لبابا خل يتقدم لولد والله كريم اول شي نخلي يحلف علقران انه ميكل لبابا اذا صدك خير على خير هاذ الي نريدة واذا ماصدكج الله ومحمد وعلي ويا

ماكدر ودق اخاف

لتخافين حبيبتي اني اجي وياج من تكليلة وماعوفج

زين كليلة انتي اني بيا عين احجي بهاذ لموضوع والله وجهي مايكودني

ماشي ماشي اكلة بس هسة كافي لتبجين وصلي ركعتين قضاء حاجة وانشاء الله ربج يسهلهة

انشاء الله
ورة يومين بابا صاح ندى ورباب طلب من عدهم الرد
رباب كلتلة الشور شورك وهوة فتهم انه موافقة وندى ضلت ساكتة بابا كللهة السكوت عﻻمة الرضى طلعت من يم بابا فرفحت بجي وضلت تشهك وترجف اليل كلة تكلي باجر راح تنصب محكمتي ومحد راح يصدكني

لتخافين لو اعرف اسوي لمستحيل ماخلي واحد يمسج اني اعرفج شنو اشك بروحي وﻻ شك بيج اني راح احجي ويا واحلفلة علة كتاب الله انج بريئة
كوة هدئتهة ونامت

ثاني يوم لعصر اجة بابا هوة ورعد ابن عمو وعمو ومرتة ووياهم شيخ عقدو لرباب ورعد ورباب فرحت وكلنة فرحنالهة وبيت عمو بقو يمنة علعشة ولتمينة كلنة علة سفرة وحدة
بليل ورة لعشة بابا كال خل اسوي لفرحة فرحتين واخابر محمد يجيب اهلة ويجيب سيد ويجي يعقد علة ندى
ندى طبت للغرفة فرفحت من لبجي وترجف
اجة الولد هوة وامة وابو واختة وزوجهة

صحت لبابا برة ﻻستقبال كتلة بابا ندى تريد تحجي وية الولد قبل ميعقدون كلي ليش ﻻمابيهة شي صاحلة لغرفة الضيوف ندى كاعدة طب لولد وسد لباب اني خليت بابا راح لﻻستقبال ودكيت لباب عليهم سلمت وطبيت ندى من شافتني طبيت طلعت بسرعة لولد ضل صافن كعدت كبالة

باوعت شوهاذ

[ملكةه]

بارت11باوعت شوهاذ
عاقج حواجبة وشكلة يخوف يمة شلون راح اكلة

محمد :خوية شنو لسالفة شو الوالد كلي ندى تريد تحجي وياك قبل منعقد وهسة انتي جيتي خيركم خوما كو شي شنو البنية ماقابلة والوالد جابرهة احجي اذا هيج
ﻻﻻ والله مو هيج السالفة اصﻻ هية راضية ومعجبة بيك حيل بس اكو شغلة

شنية خوية كولي

كمت جبت القران من المجر كتلة اول شي احلف علة كتاب الله انه الحجي الي راح احجي الك مايطلع برة هاي الغرفة

خوية خوفتيني شنو لموضوع شنو احلف شنو جايبتلي القران

هسة انتة احلف مراح تخسر شي
حط ايدة علقران وكلي وحق هاذ كتاب الله الحجي الي راح يصير هنا ميطلع برة
حجيتلة الموضوع كلة وابجي واحجي انتهيت واني احس انه روح اختي بين ادية وحياتهة متوقفة علة هلكلمتين
كملت لزمت القران كتلة وحق هاذ القران وانشاء الله علة صحتي وعافيتي اذا جذبت عليك والله اختي طاهرة ومحد ﻻمسهة

باوعلي عاقج وجهة خلة وطلع وضرب الباب حيل

يبووو شكلة ماصدكني يربي بسﻻ راح يكل لبابا
ركضت وكفت ورة باب ﻻستقبال اريد اسمعهم طلع بابا شافني كلي روحي صيحي ندى بسرعة
رجلية كامن يرجفن كوة وصلت للغرفة طبيت علة ندى لكيتهة تبجي وتشهك رحت يمهة حضنتهة ماتت بحضني من لبجي

كلتلي ها ماصدك مو

كتلهة مادري بس هوة حلفلي علقران مراح يكل لبابا كومي هسة خل نفتهم شكو

كامت وهية ترجف مثل السعفة
شافهة بابا كللهة تعاي طبي جوة طبت لﻻستقبال وﻻزمة ايدي طبيت وياهة
كلهة ساكتة وندى ترجف
بابا كللهة ندى كعدي هنا يم خطيبج
اني وندا وحدة تباوع علثانية ندى تكلي يعني قبل بية يعني قبل
كتلهة اي يروحي قبل ربج مايقصر حضنتني وفرفحت بحضني تبجي من لفرح
بابا كال شسالفة بابا شبيك تبجون
امي جاوبتة كلتلة بعد صديقات وراح يفترقن
ام محمد كالت كافي خالة راحت عيونج وين رايحة قابل انتي
محمد اشر لندى كللهة تعاي
راحت يمة حط راسهة علة صدرة وحصنهة وهية سودة علية ساعة تضحك ساعة تبجي
حسام كللهم احم احم ترة احنة واكفين
وخرهة محمد وكلة ترة راح تصير حﻻلي
كلهم فرحانين بس مو مثل فرحتنة اني وندى ماكدر اوصفهة بكلمات
اباوع عليهم واتذكر جواد
اوووف ربي ارزقنة مثل فرحتهم والله مرايدة شي هواي علينة نفرح
عقدلهم الشيخ واتفقو العرس ورة دورة سنة زيدون ولبنات كلنلهم احنة منريد ﻻعرس وﻻهوسة محمد واهلة قبلو وماعارضو بس مرت عمي ماقبلت كالت هاذ اول فرحتي اريد اسوي هوسة امي وابوي حيل نفهرو من حجيهة بس عمي كللهة انتي شتحجين احنة ميتلنة شاب مثل الورد مو طير دجاج سكتت بس ماعاجبهة الحجي ثاني يوم لصبح امي كالت اريد اروح اليان اريد اشتم ريحة زيودي بيهة اوووف لو هسة موجود جان سوالجن احلة حفلة وجان لعب لعب راحت امي ورجعت حيل مقهورة علة ليان تكول حالتهة حالة بس تبجي ومكتأبة و24 ساعة بغرفته
بليل اجة محمد يشوف ندى طبو لﻻستقبال ورة نص ساعة راح محمد اجت ندى كتلهة ها شلوونة حمودي كلتلي ولج ودق شكد شريف ويحب زيدون يكلي اني مصدكج وحتة لو غلطانة وية واحد اني هم اخذج واستر عليج انتي اخت لغالي وزيدون هواي جان يحجي بيج يكول عاقلة ورزنة وام بيت
اوووف يازيودي حتة وانتة ميت هم واكفلنة بروحك الطيبة وكلبك الحنين
ورة سبوع تقريبن اجت زهراء كلتلي ودق دزني جواد عليج يريد يدز مشية اﻻهلج
اووف زهراء شكلج حجيتلهة علة حجي بابا لمن كلي اريد واحد من مستوانة كالت يبووو هسة شلون لعد

خلي يدزهم زهراء بلكي علة كولتة تنكسر عيونهم ويوافقون

ثاني يوم كاعدين الساعة بل4 اني وندى بلغرفة نسولف واجة كميل دك علينة لباب كال تعالن سوون جاي
ندى سالتة شكو منو اجة كللهة عالم كومة شيوخ معكلين وزلم
عرفت هاذ جواد وعمامة اجة كميل كال صبو 24 ستكان جاي
صبينة واخذهن كميل
كلت لندى حبابة روحي تصنطي اني اخاف ﻻيلكفني اياد لو حسام يطيحون حضي راحت ندى ورجعت تكلي هوسة وكلشي مافتهمت كلهة تحجي

جواد: من بعد مااجت زهراء وكلتلي ودق تكول خل يجيب المشية ويجي اخذت عمامي وشيوخ ورحت طببونة ورحبو بس اياد وحسام وجهم ثكيل بدا شيخ عشيرتنة يحجي وكللهم اني جايكم بطلب وانشاء الله متردوني ابوهة كلة تدلل اذا اكدر بعيوني جابو الجاي ولشيخ كللهم مااشرب جايكم الة تكلولي شغلتك مكضية

اﻻبو شيخنة اشرب جايك وميصير خاطرك الة طيب الي نكدر علي نسوي وزايد هم
شربنة الجاي

الشيخ :عمي هاذ الزلمة رايد بتكم بلحﻻل ووكع علية دخيل كلي اني بشاربك ماكدر بدونهة احنة كلنة حبينة ونعرف لعشك شيسوي بلزلمة وزلمتنة شهم ومن ضهر رجال سبع كلهة تحلف براسة

اﻻبو :ولنعم
بس زلمتكم سوة سالفة تفشل ماتسويهة الزلم

الشيخ :وسفة شسوى

اول شي رافكهة ويمشي وياهة بلشارع بعين وكحة وبتنة هم غلطانة احنة ماناكرين بس هية طفلة وهوة قشمر عليهة بللسان المعسول
وثاني شي راح ﻻخوهة لمكان شغلة وتهجم علي وغلط وفشر وحجة حجي يفشل وفضحة كدام اصدقائة بلشغل

جواد :ﻻعمي مع اﻻسف عليك اني ماسوي هيج سواية خو

[ملكةه]

خوية اياد من اجيتك اني شكتلك اياد سكت وماجاوبني
عمي وحق هاذ المي اجيت ﻻياد اريد اتفاهم ويا وﻻهديت علي وﻻتعاركت بس ابنك الله يسلمة حجة حجاية عيب تحجيهة الزلم ترضاهة عمي اكلة اني جاي اتفاهم وياك يكلي اني ماعندي حجي وياك انتة حرمة دزلي زلم اتفاهم وياهم

اياد :جذاب والله بابا جذاب

اﻻبو :اياد سد حلكك حسابك بعدين

وبعدين عمي نسيت ولدك شسوو بية دزيتو علية علساس نتفاهم واخذوني غدر وندارو علية اني اكدر اشتكي وكتهة واسوي كلشي بس عمي اني طالب القرب منكم ويشهد ربي علية اذا جذبت بكلمة وحدة

اياد :اي واحنة ميشرفنة نسبك

اﻻبو اياد كتلك سد حلكك

اياد :اصﻻ انتة داخل علة طمع واحنة كلنة ندري بيك ﻻعبالك غشمة

اﻻبو :اياد كوم اطلع برة كوووم

جواد :عمو يشهد علية ربي ماداخل علة طمع واني ابن عز ترة بس الدنية جارت علية ولحياة موبس فلوس لحمد لله والشكر علة كل حال

حسام :خوية المسالة مو مسالت فلوس بس انتة حتة شهادة ماعندك واحنة اهم شي عدنة الوعي الفكري والثقافة

خوية ترة اني خريج سادس وطلعلي هندسة بس ضحيت بيهة حتة اعيل عائلتي بعد وفات ابوية

اي بس هاذ الشي مايبررلك

جواد: الحديث وياهم عقيم وﻻحترمو ااناس الكبارية الي جايبهم وﻻحتة شيخ العشيرة

اﻻبو :يابة احنة نفكر ونرجعلكم الجواب

ترخصنة منهم وطلعنة

الشيخ: بابا شورطك وياهم ذولة شو ماحترمونة وﻻ حترمو ابوهم كل واحد ينبز من مكانة ويحجي جنهم ﻻطابين ديوان وﻻيعرفون اﻻصول

اووف ياعمي ورطني هاذ وااشر علة كلبي
كلي الله يساعدك وليدي نار العشك ماتنحمل انة هم ضايك لو عتهة
رحت للبيت ضليت اضرب صفنات ااااخ ياودق شلون بية وبيج

ودق: راحو واني متانية علة احر من لجمر اعرف شصار
طب بابا لغرفتة وصاح الولد جمعهم وسد الباب
اني ضليت الوب وكلسا ادز ندى تتصنطلي وتجي تكلي بس يتصايحون كلشي مافتهم

اﻻبو :اياد شلون تجذب علية وتكول الولد تهجم عليك ولك ماتستحي فشلتني كدام الزلم ودور تحجي بكيفك وتخرط من اكلك اسكت ليش ماتسكت ولك من شوكت صوتك يعلة واني كاعد

اياد :اني ماجذبت هوة اكبرجذاب وابن فكر وداخل علة طمع وهاي الكلبة اني اعلمهة

كميل :اياد سد حلكك الولد مبين ابن اصول وتربات زلم خشنة ودك بابنة ومالعب علة اختنة

اياد :ضحك عليكم بكلمتين مو والله ماياخذهة لو علة جثتي لو اعرف اذبحهة واذبهة للجﻻب وﻻ خلي باخذهة
(قصص واقعية عراقيه )
(الناشر الرسمي أدارة القناة تيمور العراقي)
كميل :ولك مو سكتنالك علة صخام وجهك فشلتنة كدام لزلم عبالك عود كبر راسك انتة منو وتذبح وتصلخ

اياد :ولك احترم نفسك ادبسز ذاك ليوم جنت اشيلك تعلي صوتك علييية
تﻻزمو وواحد صار فوك اﻻخ ومانسمع بس الصياح ابوي وحسام يصيحون عليهم ويحاولون يفاككوهم بس ماكو طبت عليهم امي ضلت تصرخ وشكت ثوبهة كلتلهم ولكم كاافي ولكم اخوان انتو اعداء هاذ تعبنة بيكم هيجي
هيجي تجازونة حتة كلمة ما النة عليكم
ابوي ركض علة امي شالهة وتفل علولد ثنينهم وطلع
كميل خلة وطلع من لبيت وحلكة يجري دم ا
اني ختلت بغرفتي وندى سدت علية الباب واخذت المفتاح خافت ﻻ اياد يأذيني مثل كل مرة
امي وابوي طبو لغرفتهم وهدء البيت ندى ورباب سوو عشة محد قبل ياكل
نمنت بليل ودموعي علة خذي اعاتب ربي واكلة ربي ماكو اصعب من سالفة ندى وحليتهة رربي سالفتي ماتصعب عليك الهي تعبت ومابية بعد اتحمل لوعات لو تاخذ هلروح وتخلصني لو تباوعلي بعين عطفك ورحمتك وترأف بحالي وتكتبلي قسمة وية جواد

لهناك ردت اروح للحمام طلعت البيت سنطة وكلهة نايمة دخلت للحمام كملت طلعت رحت اشرب ماي من لمطبخ جاي اشرب ولكﻻص بيدي نداريت جان اشوف



توقعاتكم شتكولون ودق ششافت شلون بيهة ماتكعد راحة يومية مدري ششايفة وفاكتلنة حلكهة

[ملكةه]

بارت12
جاي اشرب مي والكﻻص بيدي نداريت جان اشوف

اياد واكف وراي
كتلة يمة شعدك هنا خرعتني

اياد :وانتي شعدج طالعة تخابري مو ولج طالعة تخابرين كو....

اياد شنو هلحجي شبيك تخبلت

بعدني مامكملة اجاني سحلني من شعري وكومني بلكاع ضجت حيل وهلمرة كلت ماسكتلة دفعتة واني كاعدة بلكاع من رجلي رجع علكاونتر وانضرب بي كتلة عوفني شبيك تخلبت علية اني اختك لو عدوتك وبصياح

بعدني جاي احجي ضربني بوكسيين علة حلكي وكع سن من اسناني اﻻماميات وتوﻻني بوكسيات علة وجهي شفتي نشكت ونفتحت بلنص وضلت تصب دم بشكل موطبيعي بحيث مﻻبسي لونهن وردي صار احمر وهوة مستمر بلضرب عبالك اسد وهجم علة فريستة قفل باب المطبخ الداخلي حتة ﻻيسمعني احد وهمة اهلي اصﻻ نايمين بغرفهم بلطابق الفوك كلهم رجع علية سحلني من شعري طلعني من باب لمطبخ الخارجي كاع لحديقة تراب ﻻن مزروعة ركباتي تزلغن من كد ماسحلني وصلني لﻻستقبال شمرني شمرة نضربت بلكرويتة ونكسرت
راح مدري شيجيب من برة كمت علة حيلي وردت انهزم
لجحني ورجع علية جرني لوة ايدي وخﻻهة ورة ضهري احس ايدي نخلعت من مكانهة فرفحت روحي بين ايدي اصرخ حط ايدة علة حلكي خنكني

دفعني بلكاع وداس ببطني وعلة راسي برجلي
اريد ارفع ايدي وادافع عن نفسي مابية من لضرب الي اكلتة بعدين جاب لعوجية مال بابا وراد يضربني بيهة تذكرت زيدون من جان يخلصني من اديهم صحت بعلو صوتي وينك زيووودي تعال شوف حالي خوية نداسيت بل رجلين من بعد عينك هوة سمعني هيج حجيت شمر لعوجية وعافني وطلع عﻻساس عدة كلب ورف من جبت طاري زيدون اووووف ياخوية من بعد عينك تمنيت لموت بكل لحضة
كمت اسحل بروحي سحل جسمي احسة يون من اﻻلم صعدت لغرفتي طبيت شمرت روحي بلجرباية ودموعي تنزل نار علة خدودي بعد دقايق غفيت من اﻻلم والوجع كل مكان بجسمي خلة بي اثر اثر كره وحقد بدون سبب معتقد من يضربني راح يثبت ذاتة وشخصيتة علية مايدري هوة خلة بية اثار تثبت شكد هوة مريض وماعندة ثقة بنفسة كعدت لصبح علة صياح ندى تفزز بية
ندى :ولج ودق هاذ شبي وجهج ولج كعدي شكلج يخوف منو هيج مسوي بيج

ودق :ومنو غيرة يعني

شلون وشوكت مو نمنة سوة وكلشي مابيج وهسة اني كعدت قبلج

بليل نزلت للحمام وﻻكاني بلمطبخ

حجيتلهة كلشي ودموعي تنزل

طلعت وعافتني

ندى :كعدت الصبح من النوم شفت شكل ودق وخترعت وجهه مابي شي سالم حلكهة مورم صاير ضعف حجمة اﻻصلي وعينهة مطفية ماتكدر تفتحهة ولونهة ازرك وايدهة اوووف ياايدهة من حجتلي شلون اياد الكلب لواهة وشنو حست لحصتهة من اﻻلم متت من لقهر

ركضت علة بابا وماما لكيتهم يتريكون همة وكميل واياد لكلب بلمطبخ علميز طبيت كتلة
ندى :انتة منو مسلطك علينة ولي ولك انتة مو اخو واك شنو من كلب عدك مانكسر خاطرك ولك انتة حيوان ﻻحشة الحيوان منك تروحلة فدوة امي وابوي ضلو فاكين حلكهم كام علية
كفخني راشدي رجعت ليورة بكد ما لراشدي قوي
كام علي بابا كلة

اﻻب :ولك اياااااد اني موكايلك ايدك اكسرهة اذا تمدهة علة خواتك كلب حقير

ﻻ بابا والله صارت زحمة عليك اياد مد ايدة ومدهة هواي مو بس ايدة داس علة روسنة برجلي وانتة الي سمحتلة يتمادة بسكوتك
ركضت نزلت ودق اسحل بيهة سحل كوة تمشي نزلتهة للمطبخ كتلة شوف عينهة شوووف شوف ايدهة فتحت حلكهة كتلة شوف سنهة شلون موكعة اﻻفندي شوهه مابقة شي بيهة سالم كلي بابا شسوت حاجيني ﻻن ماغلطت ولعبت من ورة ضهركم شو لولد اجة ودك بابنة وخطبهة لو مسوية شي ينزل روسكم ماجان اجة الولد خطبهة بابا كلي شنو لجرم الي سوتة ولكم حبت ولكم ماكفرت كافي خافو ربكم خافو شويييية
(
بابا ضرب اياد راشدي طبعت ايدة علة وجهة وتفل علي ودفعة طلعة بلشارع كلة انتة ﻻابني وﻻ عرفك ولبيت هاذة بعد ماتعتبة فتهممممت
اخذت ودق الي اذا شافهة واحد غريب لو احلفلة علقران هاي ودق ميصدكني بكد ما وجهه متشوه وديناهة للمستشفى اني وكميل عقمو عينهة وضمدو هة وسوو اشعة ﻻيدهة كالو صاير عدهة تمزق بﻻربطة واﻻوتار ضمدوهة ونطونة كوومة عﻻج جبناهة واجينة ضلت تلث ايام ماحطت لكمة بحلكهة اني اتوسل بابا ماما لولد ماترضة تاكل ومانطقت حرف احاجيهة اريد وﻻ تجاوبني بابا فرفح عليهة يطب يمهة كل دمعة يذبهة وﻻ الثانية حتة بوجهة ماتباوع يجر وجهه يكللهة بابا باعيني اني ابوج اني الي جنتي تنامين علة هاي ايدي حاجيني باباتي مو فرفحتي كلبي تدور وجهه عنة وتبجي بدون صوت تبجي دموع بس مو دموع تلث ايام ماخلصن ما وكفت بجي وﻻ لحضة حتة بليل اسمعهة تشهك وتختنك وكوة تتنفس اكوم عليهة احضنهة ماتحضني وﻻ تحرك ايدهة احاجيهة اكلهة ولج شيوجعج حاجيني وﻻ تجاوبني اسمع بس صوت الشهكة مالتهة ونفسهة الي بلكوة تجرة فرفحت روحنة وهدت حيلنة واياد مابين خﻻل هاي اﻻيام راحلة حسام لشغلة راد يشوفة ماقاابل يطلعلة سال اصدقائة عنة طلع يبات يم واحد من اصدقائة
وبيوم كاعدين اني وودق بلغرفة وطبت علينة زهراء هية وامي هية شافت ودق صرخت ﻻن شكلهة