بارت5كعدت لسبت لصبح بدلت وطلعت مشيت بطريقي القديم ﻻن هوة طلب مني هلشي عطشت كلش عبرت لفرع الي اني بي طبيت بفرع ثاني منا دائما جواد يطلعلي بهاي لمنطقة باوعت اكو بيت بي حب مال ماي بلباب ركضت علي شربت منة ماي بارد يخبل مشيت عبرت هاذ لفرع طلعت جاي امشي بساحة جبيرة حسيت اكو احد يرض وراي نداريت هاذ هوة تانيتة صار قريب علية
جواد :صباح لورد ولياسمين
ودق :هههه صباح لنور شلونك
هسة صرت زين
ههههه
ليوم طالعة من وكت
كعدت نشيطة ليوم
ها
صرت قريبة علمدرسة كتلة يلله روح ﻻاحد يشوفك
ﻻخل اوصلج واروح راح امشي كدامج خاف احد بنتبه
ماشي بس ابتعد عني
خوش
طبيت للمدرسة وهوة راح دورت علة بسمة ماهية غايبة اوووف ليوم شلون اكضي وحدي ماعدي صديقة غيرهة
خلص لدوام طلعت شفتة متانيني مشيت واجة سلم علية وضل يمشي كدامي واني ورا بس بيناتنة مسافة جبيرة دانمشي ندار علية كلي ودق باعي ذاك لفرع كتلة اي كلي ثالث بيت داتشوفي باوعت علة ثالث بيت نفس لبيت الي شربت من لحب مالتة ماي كلي هاذ بيتنة ركزت بلبيت اكثر بسيط كلش وبنائة قديم حيل وزغير يمكن مساحتة اقل من 100 كتلة ها لصبح شربت من لحب مالتكم مي كلي صدك هاذ لحب امي خالتة بثواب روح ابوي كتلة الله يرحمة وصلنة لفرعنة هوة ﻻف واشرلي بأيدة وراح طبيت للبيت امي ولبنات بلمطبخ يصبن غدة طبعا رباب ماجاي تداوم تريد تبطل وماما وحسام يشجعون بيهة يكلولهة احسنلج سلمت عليهم حسام موجود بلصالة هوة وزيدون وبابا وكميل واياد ماهمة ب2 يحلون ومرات يحلون من وكت باوعت لساعة بل1 ونص
كلت لماما حبابة صبو ميتة جوع كلتلي نتاني اخوتج هسة نص ساعة ويجون بدلي وصلي علما يجوون
يو ماما الة نتانيهم طبيت لغرغتي بدلت وصليت طلعت لولد جاين تغدينة وماما كالت ب4 نروح لخالتكم منو يجي اني كتلهم ماروح وطبيت لغرفتي اقرة كملت نمت كعدت بل6 لبيت فارغ لولد شي يم بابا بلكهوة وشي رايحين وية ماما ولبنات هم بس رباب باقية برة ترش بلحديقة قفلت باب لمطبخ حتة من تريد تدخل تدكة واسمعة ﻻن ادري بيهة متفوت من باب ﻻستقبال ورحت للصالة اتصل علة جواد اتصلت علي رفع التلفون
ودق :الو جواد
جواد :هلة يبعد طوايف هلي شلونج يماي عيني
لحمد لله بخير انتة شلونك
هسة صرت زين من سمعت صوتج اوف ربي هيجي وتصيرين مريتي والله ماخليج تطلعين من لغرفة
هههه يو جواد ﻻتحجي هيج استحي
يمة تستحي حبيبتي اكول دوقة
ها حبيبي
شنو شنو كلتي عيدي عيدي
حبيبي
يمة ماي بارد ونزل علة كلبي يعني اني حبيبج صرت من بعد ماجنت اتمنة نضرة الرضة منج
اي احبك واموت عليك هم اصﻻ عجبتني من اول مرة شفتك بيهة
اوووف ربي اني بحلم بعلم
ههههه
جبتلج شغلة شلون انطيج ياهة
باجر من اروح للدوام بس شنو هاي لشغلة
هدية بسيطة لحبيبة كلبي
ليش كلفت روحك
يمة ولج لوتطلبين الشمس احطهة بيدج ماتدرين انتي شنو بلنسبة الي
الله ﻻيحرمني منك
وﻻ منج يماي عيني بس اني اريد اشوفج ليوم
امممم اني هم بس شلون
اوكف عدي فكرة
اي شنية
انتة تعال للجامع مالتنة وكت لصﻻة
اي
عدنة باب داخلي يم لحمامات يفوتك علكراج فوت منة بس دير بالك احد يشوفك همة خواني ورة لصﻻ يرحون للكهوة كبل بس هم دير بالك اني راح اتانيك يم سيارة بابا اخر وحدة يم لحايط كلش هوة هنا يحطهة دائما
خوش
يلله هسة اروح خاف يجون اهلي
ماشي الله وياج
سديت لتلفون ورحت فتحت باب لمطبخ رباب بعدهة بلحديقة عدنة مرجوحة كاعدة بيهة وصافنة اجيت كعدت يمهة
ودق :رباب عندي سؤال
رباب :شنوة
انتي وندى ليش متردون تزوجون
اني عن نفسي اكو انسان بحياتي ومتانيتة بس ندى مااعرف ليش
صدك يعني تحبين
اي احب ليش لحب حرام بس ﻻمحاجيتة وﻻ محاجيني بس نضرات بس احسة هوة هم يحبني
منوة عليج الله كليلي
بس مو تكولين
ﻻ ماكول
حلفي بروح بيبي
والله وروح بيبي ماكول
رعد ابن عمو علي
يا بس احنة مانحجي وية عمامي
ادري بس خوما نبقة طول لعمر اكيد فد يوم راح نتصالح وياهم
الله بجعلة من نصيبج
امين يارب
يلله كومي خل نطب نباوع تلفزيون بدت الدنية تليل
طبينة جوة وبطبتنة اذن اﻻذان ركضت توضيت وصليت وكلت لرباب اني راح اطلع اكنس لكراج
رباب :اي حبابة لبارحة بابا كلي علي بس اني تعاجزت
خوش اني رايحة وراح اسد لباب من برة حتة ﻻيدخل تراب
ماشي روحي
رحت وكفت يم سيارة بابا تصير اخر شي ﻻن مودائما يستخدمهة اكثر شي لولد يستخدمون سياراتهم بطلعاتنة تانيت لصﻻت تخلض ﻻن يتاخرون بلجامع ورة شوية اجة جواد يمشي علة كيف
جواد :شلونهة ماي عيني ومريتي المستقبلية
ههه لحمد لله انتة شلونك
بخير اذا انتي بخير
شنو جبتلي راويني
طلع كﻻدة فضة بعلبة حلوة مكتوب بيهة اسمي واسمة عجبتني كلش
هاي حتة تبقة ذكرى منا لمن تنورين بيتنة
حلوة كلش
ضلينة نسولف. بعدين طلع قلم حبر من قميصة وكتب علحايط ذكرى كتب ليوم ولتاريخ وكتب اول حرف من اسمائنة وكتب يمهة لوحﻻلي لو متصيرين لغيري وميفرقنة بس لكبر
بعدين كتلة روح
رد مع اقتباس
المشاركة الأصلية كتبت بواسطة يوليوس
