بميزان العيون مـــــــــــــوزنك هواي
ثكيل انته حبيبـــــــــي و تترس العين
يل كل صفحه منك بيـــــــهه ألف لون
أحير من أرد أشــــــــوفك أبتدي إمين
يهد نورك علــــــــــــيه بساعة اتفوت
مثل هـــــــــدة بلابل عالبــــــساتين
عله خـــــــــدودك اباوع و ابقه محتار
من أشــوف خدودك أذكر مزرعة تين
يالشعرك سواده اســــــتنسخ الليل
من أحط الليل يمه يصــــــــــير ليلين
وجهك مـــعجزة بكل المقــــــــــاييس
لأن يذبح و ما شايل ســــــــــجاجين
اثبات الترافه وياك مــــــــــــــــــــوجود
و للرقه صرت كلـــــــــــــــــــك براهين
تمر بذني ضحكتك جنـــــــــــهه مرات
قرار إفراج و اتسمعه المســــــــــاجين
أنه بحايط غرفتي أتخيــــــــــــلك جاي
و أشوف ورود تمشي إعله الحياطين
و تحاجيني و كلامـــــــــك يطرب الروح
مثل مدمن شعر يســــــــــمع دواوين
إعله شوفة صورتك تتوازه العـــــــيون
الزمهن سره عين بأثر عــــــــــــــــين
أنه شما ركزت ما أشــــــوفك انسان
و لا أصدك ابد مخلـــــــــوق من طين
تحياااااتي
رد مع اقتباس
