محتاجه ملازم كيمياء
سلام درر ،،
اليوم اريد اشتري ملزمه وزاريات كيمياء السادس علمي بس المشكله ما اعرف فد استاذ معين اشتري ملزمته مال الوزاريات
بس كون ملزمه مضبوطه وزينه لانو اني فد نوب مشتريه مو مال اجيبها شلون ما كان او اي ملزمه كانت
ع الاقل انطوني اسماء اشخاص عندهم وزاريات واني اختار
طبعا اللي اقصده انو ملزمه وزاريات مثل الوزاريات مال عقيل و ماهر نايف و سعيد محي ،، مو اي ملزمه ام الورقتين اريد بيها اسئلات مهمه و قديمات وهيج
واذا عندكم وزاريات بشكل بي دي اف نزلوها حتى اشوفها قبل ما اشتري ^_^
،
،
واذا تعرفون ملزمات شرح للماده كامله بشكل بي دي اف ل استاذ مضبوط وهيج شي يا ريت تنزلولي اياها بالموضوع حتى اشوفها واستفاد منها،، ركزوا ع بي دي اف ههههه لانوعندي ملزمات مال الخصوصي مالتي بس ضعيفه بالكيميا ف احس احتاج اكثر من ملزمه ومصدر حتى اكدر اطلع بيها درجه ،،
واللي عنده ملزمه مطلع عليها درجه عاليه او درجه كامله اكون ممنونه جدا اذا نزل لي اياها
بس لتكلولي مهند السوداني انتحر ما افهم عليه ابد
المهم اي شي بالكيميا بجيبكم مفيد ومضبوط انطوني اياه استفاد منه
وشكراً مقدما الكم
في حاله جاوبتوني
سلام
رد مع اقتباس
المشاركة الأصلية كتبت بواسطة Marya .W Abdullah
،،