غرور بنت في أول العشرينيات
أمير الأحزان .. عضو مميز ..
البارت الثاني .
قراءه ممتعه للجميع واتمنى من الجميع ان يدعمني لكي استطيع تكملة روايتي الاولى والتي اسميتها ((غرور بنت باول العشرينات)) للكاتبه ~أمير الاحزان ~
راح راجو وترك فيصل واقف مكانه .. فيصل يكلم نفسه ;والله طحتي ياحنان ومحد سمى عليج ويلمس خده عيل انا فيصل ال.. تعطيني كف ههههه بتصيحين دم صدقيني… واتصل حق واحد م معارفه
فيصل //آلو هلا احمد شحالك
احمد//اهلين بخير الحمدلله ربي يعافيك شحالك انت؟
فيصل بقله صبر //عسى دوم الحمدلله يسرك الحال.. احمد ابيك ف خدمه
احمد; آمر..شو هي..
فيصل//; م يآمر عليك عدو شوف بعطيك اسم بنت اباك تيبلي رقمها ومعلومات عنها بالتفصيل مابي شي يغفل عنك ..
أحمد بضحكه //ههههه م تودر حركاتك بعدك وراء البنات ..
فيصل; ههههههههههاي ..هيه بس هالمره مب نفس كل مره ..هالمره غير.…
احمد ;الصراحه انت ينخاف منك المهم اخلص عطني اسمها.…
فيصل; ههههههههههاي اسمها حنان حسن ال…
احمد ;ابشر دقايق وتكون كل المعلومات عندك يلا فمان الله
فيصل ;لا تطول علي فمان الكريم
خلوني اعرفكم ع الشخصيات ../
اولا عايله حسن ال
*ابو محمد (حسن)... ريال ماعليه كلام وايد طيب اكبر واحد م اخوانه ويحب عياله ومامقصر عليهم بشي يملك شركته الخاصه ..عياله
1... محمد
2....حنان (البطله)
*ام محمد (أمنه )… طيبه وتحب الخيرر للكل.. انسانه اجتماعيه وتحب تختلط بالناس بس اذا عصبت محد يعرفها ...
محمد… عمره22 يدرس ف الجامعه اداره اعمال طويل وعليه جسم ..مطول شعره وهالشي لايق عليه حنطاوي 'عيونه لونها بني وفيه غمازات م الاخير جذاب ‹☺›..
حنان..لها الدور الرئيسي ف الروايه عمرها 20تدرس ف الجامعه سنه اولى -طب - بيضاء قصيره فيها غمازات عيونها سودا مكحله وخشمها صغير شعر ها طويل ولونه اسود شفايفها توتيه .. دلوعه والي م يعرفها يقول عنها مغروره ..
ثانيا عايله سلطان (اخو حسن )
ابوسعود(سلطان) …عصبي مايحب الخير للناس مادي وايد.. يعشق شي اسمه درهم مستعد يبيع عمره عشان فلس حمر ..عياله
1...سعود. وسلامه (تؤام) .
2… سالم
3..سلمى
ام سعود (مريم)… طيبوبه وايد عكس ريلها ماتهتم بالفلوس كريمه تعامل عيالها كانها صديقتهم مب امهم وهالشي سهل حياة عيالها وايد…
سعود…عمره 22 يدرس بنفس جامعه محمد اداره اعمال علاقته مع محمد وايد قويه ابيضاني طويل جسمه رياضي عيونه سود وساع فيه شامه تحت شفايفه وشخصيه…
سلامه..عمرها 22 تؤام سعود تاخذ شبه منه بيضاء طويله شوي عيونها سود وساع جسمها حلو مرحه وتحب تستهبل وايد ..
سالم ..عمره 17يدرس ف المدرسه ثاني ثانوي ابتسامته ما تفارق ويهه اجتماعي وايد وجريئ وكله ينكت.ابيض عيونه عسليه خشمه سيف ورموشه طويله وتحت عيونه اليسار شامه محلتنه ..
سلمى…عمرها 15 تحب نفسها وايد ومايهمها احد والي ف راسها بتسويه والشي الي مايعيبها تعطيه اكبر طاف ..بيضاء عيونها سود فوق شفايفها شامه عيونها صغار وخشمها متوسط ..
ثالثا عايله علي (اخوو حسن وسلطان)
ابو منصور(علي)… اصغر واحد م اخوانه علاقته اهو واخوه حسن وايد قويه طيب شرات اخوه ويحب عيال اخوانه واجتماعي وكوميدي… عياله
1...منصور
2..فهد
3..مشاعل
4…فاطمه
ام منصور (ساره)… انسانه الزم ماعليها راحتها ماتحب تتدخل ف الناس اجتماعيه وبتتعرفون عليها اكثر ف البارتات اليايه..
منصور...عمره24متوسط البياض عيونه عسليه كبيره ناعسه شعره اسود كثيف يشتغل ف شركه ابوه
فهد...
مشاعل..
فاطمه...
رابعااعايله عاشه (اخت حسن وسلطان وعلي)
ام خالد (عاشه) ...الاخت الوحيده بين اخوانهاا وطبعا هي الصغيره مبينهم منعزله شوي عن الناس ريلها توفى بحادث سياره وصارت هي الام والابو حق عيالها وبمساعدت اخوانها م قصرت عليهم بشي عيالهاا
1...خالد
2....مهاا
3...راشد
4...خلود
-------------------------------------------------------------------------------------------------------------------------
اسمحولي حبايبيتعبت وانا اوصف لكم ان شاء الله بتتعرفون علئ الشخصيات ف البارتات الجايه ومع المواقف بتلاقون الوصف ..
~أمير الأحزان~
يالسه ع سريرها تكلم صديقتها الروح بالروح عالفون...
حنان :شيموو فاتج نص عمرج..
شيماء بستهبال:شو فاتني مثلا عرسج ولا عرسج ..
حنان بشويه رسمية:شيمو ع الاستهبال صارلي موقف اليوم فالمول يخوف..
شيماء:انزين انزين م بستهبل شو استوئ خوفتيني يالنذله ..
حنان:شفت واحد مزيون..
شيماء:مالت عليج وانا ع بالي عندج سالفه طلعتي خرطي ..
حنان:انزين لحظه يالدوبا م كملت السالفه حشى كليتني بقشوري...
شيماء بنرفزة:اوففف منج ياحنون سنه لين م تتكلمين ...
حنان تبي تكمل السالفه الا وفونهاا يرن ...حنان:شيموو عندي مسكول ثاني م رقم غريب اخاف صاير شي عقب برمسج اوك..
شيماء:حنون والله بذبحج ابا اعرف شو صار وياج فالمول ..
حنان:استغفرالله اشفيج انتي والله عقب بكملج السالفه بس خليني ارد يلا بيباي...
وسكرت الفون بويه شيماء..
شيماء :طاع النذله سكرته بويهي والله لا اذبحج اليوم يا حنون ...
م جهه ثانيه حنان ردت ع المكالمه ..
حنان:آلووو
.......:يالبى هالصووووت يا ناس
ياترى منو الي كان عالفون ؟؟؟
توقعاتكم للبارت القادم ...
رد مع اقتباس
