يغيرك غير
طبع منك يعلمني وطبع منك يدوهني
وأكلك فوت
واشك بجروحي الك سجه .. واكَلك فوت
تعلمنه الصدك منك
وأكلك يالمشيت بروحي ويه الريح
اسج وجروحي تاكلني
واحلم بالعطش يحركني نص الليل
و انه
انه اشما عرك جرحي يلمه الحيل
يغيرك غير
يغيرك غير بعيوني
اشوف الناس سكتة ومندعه وتابوت
واشوف اولاية الطاعون
تاكل بالجراد وريح صفره اتمر على البيبان
والذبان بعيون الأميرة اينام
وحفار الكَبر عالمسرح يصلي صلاة الموت
يصرخ
يصرخ لو يموت الملك .. !!
والكَه اشما ادكَـ فاسي
وزير ايموت
ولو باجر يكبرون الزغار ابساع ...؟
حتى ايمر عليهم ربي رب الموت
والفاس الجديدة من التعب تكبر
ادك بسمار كلما طك جرح بيها
وخليها ابوجه أصفر
تطش الموت على الوادم
والولايات
تحلم لويمر حطاب
بيده اجروح خيطها العرك والطين
والولايات
تحلم لوتمر بيهه الشمس خطار
واحنه ازغار
نحلم بالخبر خطار
وانه الخلو عله اجفوفي
حفنه اوجوه
واحد ابيض ايلالي مثل شط العرب بالليل
واحد اسود ايلم ليلو للتيجان
وواحد اسمر ومدري شكَول
امه الشمس وجروحه بيهه اسرار ؟
اواحد .....!!!
اواحد .....!!!
وانه المايلهيني الجرح
عن العطش والجوع
امشي اسنين
امشي اسنين .. ابحّر والشراع الروح
ياخذهه المطر والريح
والدنيه كَباحه وليل
وينكَط مراري ويغسل أذنوبي
وانه
انه اشما جاسني الضيم وتعداني
ومشه بيه
انه بجف ابيض امسّير على الدنيا
وعيوني اعله مّد الشوف
ياخذهه العشك والشوف
لبو شوكَـ الجبير وشمعة الديره
فراتيين
فراتيين سوينه الشمس سجة
مشينه ابلا نجم والليل دلانه
وسنابلنه ... ومناجلنه ... ومساحينه
تقره اوجوه الولايات
توج بين السجج ضويات
والراعي
التعلم بس يغني للمطر للكاَع
كبر رايه
وعشكَـ نايه ... كبر رايه
وحلم مره
اعله بيبان الحياطين الجبيرة
امعلكة اجروحه
وعيونه تسولف للكمر للطين
للطيبين
تقره اوجوه
تقره اوجوه
تقره اوجوه
رد مع اقتباس