قصائد شعر عراقية رائعة
جأتكم اليوم بقصائد شعريه تحكي واقع العراق الأليم
♥♥♥♥♥♥♥♥♥♥♥♥♥
صح العراق انجرح بس هذا مو مقياس
النخل من ينجرح مايشتكي من الفاس
مادام اسمنه علم يعني احنا احنا تاج الراس
ينقاس بينا الذهب مو بالذهب ننقاس
علمني جرح الوطن اضرب مثل للناس
الخوه مو بالعدد الخوه رفعت راس
بغداد ضحكه شمس بغداد هلهوله
بغداد ليش الدمع صاير الج سوله
بغداد شنو هل الصببر وج خلكج شطوله
بغداد انت الامل بغداد انت الحيل
بغداد لزم يجيلج صبر مهما يطول لليل
يكولون العراق انتهى وراح
اكوللهم لا لي هسة عطره يفوح من القداح
يكولون العراقالم وعذاب وجراح
اكوللهم الفرح موجود وبيدنا المفتاح
يكولون شلون والعبوات والمفخخات وكل واحد شايل سلاح
اكوللهم إذا صرنا كلب على كلب
وأيد وحدة نبني بلدنا وننشد موطني بعالي الصوت وصياح
ونكول للعالم إلي تراهنوا على نهايتنا
المستقبل إلنا وكل همنا زاح
العراقي ذهب
العراقية الماس
العراقي وفه
العراقية إحساس.
العراقيين رغم الظروف يبقون أحسن ناس
الوطن موسلعــه رخيصه وبالدكاكين
الوطن روحي ومهجتي وساكن العين
الوطن امـــــي وابوي وجاري الزين
الوطن ديني وصلاتي وخوتي الاثنين
الوطن غالي غلاته المــــاي والطين
الوطن لـــو طاح تذبحني السجاجين الوطن
هذا العـــــــراق البيه نهرين
طبع دجله وفرات التـــــجري للحين
الوطن ريتي وهويتــــي وهو المعين
الوطن حلـــــم الطفوله ومهد الاسنين
حينما تحسّ ُ انك تستحقّ الحياة .. ولكن لاشئ في الحياة يمنحكَ هذا الحق
فانتَ عراقي
حينما تحسّ ان انسانيتك قـد سُـلبتْ منك .. وحياتـُك وحياة ُ اطفالكَ لم تعد تهم احداَ سـواك .
فانت عراقي
حينما تحسّ ُ بالمهانةِ لحظة تترك بيتك متوجّها الى اي كوكب في العالم .. خال ٍ من الموتِ والدم والخراب
فانت عراقي
♥♥♥♥♥♥♥♥♥♥♥♥♥
((*رسالة من بغداد إلى كل العراقين*))
أحــس روحي غريـبـة هنا من يـوم إلتركتــوني
تانيـــت سنيــــن ودهـــر حتى ترجعــولي
ثاري العمر كله إنكضـه وإنتم هجــرتـوني
لميــت جــروح القـلب ونشفـــت دمــوعــــي
وبثـوب الحزن غنيــت يا لرحــتوا سمعـوني
بغــداد ذكروني إبوكت وكلمة إكتبـوني
♥♥♥♥♥♥♥♥♥♥♥♥♥
((*الوطن مفقود*))
مريت وكت العصر ،، متعني يم حمود
خدرلي جاي وبجه ،، وسولف سوالف سود
كال انته من ياسلف ،، كتله ابفرات الجود
دورته بالخارطة لن الوطن مفقود
ومريت للمدرسة اتامل الطلاب
شو شفت طالب بجه وحط بين اديه كتاب
بيه خارطة للوطن وعيونه كله عتاب
كتله ابني كافي البجي بالصف تره ممنوع
يابويه بعدك طفل وتبجي بقلب مفجوع
كال انه بالخارطه الكيت الوطن مبيوع
مقتطفات رائعة من اجمل شعر عن العراق الجريح ، قصائد تبين معاناة الشعب العراقي العظيم والصعاب والمآسي التي شهدها ومر بها، ولذلك يغلب علي الشعر العراقي طابع الحزن والآسي، قصائد رائعة كلماتها مؤثرة جداً عن العراق نتمني ان تكون قد نالت إعجابكم .