الغير ناعس شلب..،،
و الشوگ ساعة طين...،
و الطين وزرة ضوه..،،
و التين شاهگ ضوه...،
و الضوه يشرب تين..،،!
" برلين" رگزة سما و نوم الظفاير ذهب..،،!
و الليل خستاوي..،،!
اهناا يرب الخصر...،،
رڪضة نجف
ع النجف
و الطيف مصلاوي..،
ليغاد شامة وطن
زتها الوسن ليغاد..،!
غنت ممرضة الهوى - فختايه سڪرانه..،
شوطين و الدم استوى...،،
هاي إنتي هذا آنه..
يا« هلبرشتاد » العمر شُمِّيسَه مزيانه..،!
هاي إنتي هذا آنه..،
مدت أصابعها جلد بربين يا عيني..،
أصنامي طوطحها النده
چن صوجَرَت طيني..،!
يا عينها...
"دِيَّ " چمه الرحبه لَحگ..،!
و سنينها...
فحل الشمس توه بِدگ..،!
و گالتلي چلمه مخمره..،
يا صاح
طولڪ
مُدن
ترڪض
اگرنفل غيم..،!
و اشااا نهدي اشتعل...،
خذني ع طولڪ رمح...
و جمحني ثورة خمر..،!
شوفڪ نهب شامتي....
امهلني رعشة لِسن...،،؟
غنيلي و آني انتشي...،
هل ليله شارة مِزِن..،!
غنيت طيرة نهر..،
چان الصبح بالنهر..،!
لميتها من الصبح...،
لمة عطش من رمل..،!
و اني انچفي و اتنچفي..،
و الرگبه فرحة عفو..
و البوسه تحت الأذن اتگول مدري شنو..،؟!
بلساني لسعة نهد..،
و الماي ثارد دفو..،،
بست السما من الحلگ
و ظل الحلگ بالسما..،!
حسبَة حلگ و اتخثر...،!
و السما زخت مرمر - زخت مرمر..،!!
ثَيّل فرشت الحلم...،
ثَيّل فرشته و مَله..،!
بست الغلط بالغلط شلت الغلط ڪله..،!
ثَيّل و لڪ...،!
ثَيّل...،!
ثَيّل فرشته و مَله..،!
_احمد العامري
منو افتهم الشعر
رد مع اقتباس
المشاركة الأصلية كتبت بواسطة مزاجية وكذا
