كلمات قصيدة يادفان زينب - باسم الكربلائي
ذكرى وفاة السيدة زيتب ( عليها السلام )
ليلة 15 رجب 1439 | 2018
الشاعر سجاد علاء المحمدواي
يادفان زينب .. اوصيك ابوصيه
لاتلجم متنهه .. مامحتاج اذيه
_______
يادفان إذا ماتدري بيهه
هاي اكبالهه ذبحو وليهه
راح اليوم اسولفلك عليهه
تره امورمه من السوط اديهه
وكت خله الأميرة .. يسموها السبيه
لاتلجم متنهه .. مامحتاج اذيه
________
يادفان زينب .. اوصيك ابوصيه
لاتلجم متنهه .. مامحتاج اذيه
__________
بس جرح ابجرح خلصت عمرهه
فكد احبابهه بلطف كسرهه
إذا رايد توسدهه ابكبرهه
اعله مهلك منكسر زينب ظهرهه
احلفنك بأبوهه .. حماي الحميه
لاتلجم متنهه .. مامحتاج أذيه
________
يادفان زينب .. اوصيك ابوصيه
لاتلجم متنهه .. مامحتاج اذيه
_______
اكتب عل كبر من بعد اسمهه
زينب قدس الله المهه
رحمت بالزمن بس مارحمهه
ذبح دلالها الذبح زلمهه
صدر اخوتهه داست .. خيل الاعوجيه
لاتلجم متنهه .. مامحتاج اذيه
________
يادفان زينب .. اوصيك ابوصيه
لاتلجم متنهه .. مامحتاج اذيه
________
مشت مشيت خليل ابلا خليله
مكفولة وصفت هيه الكفيله
ياهي اتيسرت مثل العقيله؟
هم شايف أميرة اعله الهزيله
متنام العقيلة .. لونامت رقيه
لاتلجم متنهه .. مامحتاج اذيه
_______
يادفان زينب .. اوصيك ابوصيه
لاتلجم متنهه .. مامحتاج اذيه
_______
يتيمة وضلت اتحامي اليتامة
مشت محنية بس مرفوعة هامة
كل العمر تحلم بالسلامة
لمن يحترك عشها الحمامة
والذبحو هواهه .. تمشي ابلايه ريه
لاتلجم متنهه .. مامحتاج اذيه
________
يادفان زينب .. اوصيك ابوصيه
لاتلجم متنهه .. مامحتاج اذيه
_______
ب أرض الشام من كرب اجلهه
تمنت زينب ايحضرون اهلهه
بجت وتذكرت ما واحد الهه
عمت عيني الاهل مذبوحة كلهه
من الذبحوهم .. ماضلو بقيه
لاتلجم متنهه .. مامحتاج اذيه
_______
يادفان زينب .. اوصيك ابوصيه
لاتلجم متنهه .. مامحتاج اذيه
_______
لمن حانت اللحظة الأخيرة
بآخر لحظة من عمر الأميرة
جنها اتصيح وبداخلهه حيرة
اجيتك خوية يابدر العشيرة
كمر هاشم يتاني .. اخته الهاشميه
لاتلجم متنهه .. مامحتاج اذيه
________
يادفان زينب .. اوصيك ابوصيه
لاتلجم متنهه .. مامحتاج اذيه
_______
طلعت من جسدها الروح مرتين
اول مرة ماتت ويه الحسين
وموت الشام صار الواحد اثنين
بلكي الموت يجمع بالبعيدين
اتمنت بالحبايب .. تجمعها المنيه
لاتلجم متنهه .. مامحتاج اذيه
_______
يادفان زينب .. اوصيك ابوصيه
لاتلجم متنهه .. مامحتاج اذيه
_______
___________
تدوين ؛ زهراء العبيدي
___________
رد مع اقتباس
المشاركة الأصلية كتبت بواسطة (ملاك الروح)
