من ابرز المواقف الغريبه الصارتلي :
قبل موعد ولادتي بأسبوع رحت لفاتحة اقارب امي جنت تعبانه من الحمل كلش وباخر ايامي البيت الرحتله جان كلش حار وماكو مكان واحد ياخذ بيه راحته ويتنفس طبيعي ، كلولي لاتكعدين بالارض انتي حامل موزين عليج روحي هناك بذاك الممر يم ذيج المرية العجوز (كاعده تدخن) كعدي على الكرسي الي يمها رحت حاطين كرسيين كعدت على الكرسي الي بصف المره العجوز (المره ضلت تباوع عليه لا انا اعرفها ولا هي تعرفني) ،
وره شوي بقيت وحدي انا وهاي المرة العجوز جان تكلي اكلج يبنيه انتي شنو مشكلتج ويا رجلج كلتلها شنو خاله كالت ليش وصلتو لهيج مرحله ليش ماترجعون انا اتعجبت هاي منو المره منين تعرفني وشمعرفها بقصتي كالتلي انتي هسه حامل اخر شهر وبيج ولد استغربت اكثر كلت ديله يجوز احد من اقاربنا حاجيلها وهسه تطلع عرفكالتلي زوجج يسوي هيج حركات وهيج وعنده هيج وهيج
شمعرفها هاي هالاشياء بس انا اعرفها وممكن اهلي هم يعرفوها
كالتلي زوجج يدخن وعنده دراجه
،
كالت راح يجي ولد وراح تسمينه على اسم امام عظيم معروف واسمه منتشر مو صحيح كلتلها اي صحيح راح اسمي علي
كالت شوفي راح اكلج شي واخذيها مني انتي ماراح تطلكين وراح ترجعين لزوجج (خير خاله سالمين) كلتلها مستحيل الرجعه بينا ماترهم بعد وما اريده ولا راح ارجع وهو مايفيد ولا يريدني ولا راح يرجعلي
كالت يبنيه اسمعي مني ولاتحطين فكرة الطلاك براسج ابد لان ماراح تطلكين وزوجج راح يتغير ويعوف كل سوالفة المكسرة وراح يعوف اهله ويرجعلج وراح يحطلج بيت وحدج وراح تجيبين بعد اطفال منه وراح يتغير كلش ويعرف هو جان غلطان وزوجج يحبج وبعده يحبج (هاي تخوط بصف الاستكان
كلتلها خاله مستحيل وضليت اضحك كالت ماتصدكيني لاتصدكين بكيفج وراح يجي يوم وتذكرين كلامي وهاي كصتي تفلي بيها اذا ماراح يصير مثل ماكلتلج
وره شوي شفت امي شوي قريبه علينا صحتلها كلتلها ماما تعالي لزمتها الحجيه هاي كالتلها بنتج ماراح تطلك وراح ترجع وزوجها راح يترك اهله ويجيها امي هم صفنت) كلتلها زين خاله كملي بعد شنو تعرفين كالت لا مادام ماتصدكوني وتضحكون المن احجي وسكتت ،
رحت اشرب ماي انا وماما كلتلها هاي منو المرة كالت ما اعرفها كلتلها مو اقاربكم كالت لا اول مره اشوفها رجعت للمكان ردت احصلها واشوف منين عرفت هالحجي عن قصتي وهي ماتعرفنا ولا نعرفها ولا من اقارب امي مالكيتها دورتها ماحصلتها اختفت ،
ضل كلامها ابالي ذاك يوم وهذا يوم وافكر بيه
باجر راح يصير شي يثبت كلامها كله جذب منتظره هاللحظه لسبب مجهول مع تمنياتي انو فعلا تحدث معجزة تحقق كلامها **
*قيد الانتظار*
1/10/2018
رد مع اقتباس