كلمات حنين الكاظمية - باسم الكربلائي
بحق الإمام موسى إبن جعفر الكاظم ( عليه السلام )
لا تلوم اليحن كلبه وينشد اعله الكاظمية
لازم اتقدر شعوره الهايج ابهاي المسية
عاشك ودمعة ايتجاره
صابر وطال انتظاره
غير حب موسى إبن جعفر عنده ماتلكه هوية
يم إمام الرحمة داره
يفتحر جان ابجواره
ايكول ما احمل افراكه والبعد يصعب علية
جنت كل ليلة اعتنيله
وبدمع سجاب اجيله
وساعة التكثر اهمومي
كاظم الغيظ اشتكيله
بالعطاء اتزخ عليه غيرة اجفوفه السخية
جنت من اوصل اعتابه
اسجد ابلوعة اعله بابه
وانتحب واذكر مصابه
بين سجن وسجن خلص عمره بالهم والأذية
ابجاه الماسجد للرب .. قبيلة
الضمك بالسجن ربك .. قبيلة
نادو ع الجسر ماكو .. قبيلة
تشيل اجنازة الضلت رميه
ابغيرك ابد مادارت .. هلأكوان
وقلب المحب لفراكك ..هلك وأن
غريب وعالجسر نعشك .. هلك وين
ولا فزعو الك اهل الحميه
..
كلمات الشاعر السيد عبدالخالق المحنة
..
تدوين ؛ zahraa al obaidi
..
رد مع اقتباس
المشاركة الأصلية كتبت بواسطة زهرة العشاق
