ياحريمه
الشعب شاركهم ابهاي الجريمه
باع صوته وكبرياءه وابد ماخلاله قيمه!
ياحريمه
بالك اتلوم الحكومه
واليبوكك لا تلومه
انته جايبهم علينه لازم اتعيش ابهضيمه
ياحريمه ياحريمه!

::::::

ليش جربتوا المُجرب مره مرتين وفشل
يسرق ابخيرات اهلنه وماعرف معنى الخجل
الاسلام اتبره منهم ذوله حكام الدجل

لو بعت صوتك عليهم
باجر اتموت ابديهم

ليش متهزك النخوه لو شفت دمع اليتيمه
ياحريمه ياحريمه

:::::::::

يعتبر صوتك اساسي وحته اغله امن الذهب
لو تبيعه الكل سياسي يعني ضيعت التعب
رايح ابضرف القياسي ينهب ابخير الشعب!

لا تحط عثره ابدربنه
انتخب كلمن يحبنه

كلمن ابمنطقته يعرف وادم اتخاف الشتيمه
ياحريمه ياحريمه
حسين االساعدي