أبوذيات خاصه باستشهاد الامام الكاظم ع-حسين الساعدي
أبوذيات خاصه باستشهاد الامام الكاظم عليه السلام
:::::
ياكلمة سجن يصعب_ لفضها
هاي المعظله الليله_ لفضها
بالسم اخر انفاسه _لفضها
الكاظم عالجسر ياجعفريه
حسين االساعدي
::
طاح ومالكه واحد_ سند له
هاي ادموعنه انكتبت _سندله
الكاظم ليش ماعنده _سند له!
يكسرون السجن كبل المنيه!
حسين االساعدي
::
ياخذني الحزن يمه_ ومره
ياجسر المرد كلبي_ ومره
مره اتخايل ابنعشك_ ومره
اشوف اعله الجسر دمع الزجيه!
حسين االساعدي
::
ما فاد الحزن بجفاك _لاون
وجفوفي اشكثر بالدمع _لاون
ياباب الحوائج رحت_ لاوين!
من السجن لجفوف المنيه!
حسين االساعدي
ياسجن العدم كُبري_ ويهلاي
انه امفارك احبابي_ وي اهلاي
مامره واجو شافوا_ ويه لاي
بس اعله الجسر يوم المنيه!
حسين االساعدي
عظم الله اجورنا واجوركم بمصاب الامام موسى ابن جعفر عليهما السلام
رد مع اقتباس
المشاركة الأصلية كتبت بواسطة أكرم.
