هنا

[ارجع يازمان]

__المستهل__
ياشيعتي فوك الجسر_ باجر تشوفوني
مطروح وبسم الغدر_ومغمض اعيوني
موعدنه ويه الموت+
فوك الجسر تابوت+
من السجن حد الكبر_ واجب تشيعوني
مطروح وبسم الغدر_ومغمض اعيوني

:::::::::::::

هذا امام الرافضه___صاحو ابعالي الصوت
امنين اجيب المرتضه__ويتعارك اويه الموت
العمر مسجون وكضه___وهالطلعه للتابوت
ياهم مثل همي
محد حضر يمي!
ياشيعتي انطيكم عذر_لو ما تزوروني
مطروح وبسم الغدر-ومغمض اعيوني

:::::::::::::::::::
السجن صارالي وطن_صابر واكول اتهون
أيامي كلهن خلصن_وانه ابسجن هارون
اتخايلوا ابهايه المحن_ امقيد ومسجون
كل العمر مأسات
حسره وتجر حسرات
مطروح وبسم الغدر-ومغمض اعيوني

::::::::::::::::::::

فوك الجسر وبلا اهل__مطروحه الجنازه
هالجثه المضيعه الامل__ ما الها جنازه
وينه علي خير العمل__هالساعه معتازه
وين العشيره اليوم
فوك الجسر مسموم
مارايد اكثر وانتظر__رايد تدفنوني
مطروح وبسم الغدر_ومغمض اعيوني

::::::::::::::::::::

مظلوم انه ابلا ذنب___وبلا سبب مسموم
هارون ناصب مايحب_كل رافضي ومعصوم
عالن علينه ابهل حرب___ مايرحم المظلوم
ياشيعه اوصيكم
لمن يمر بيكم
ويه الامام المنتظر- بالثار اذكروني
مطروح وبسم الغدر-ومغمض اعيوني
::::::::::::::

ياشيعتي فوك الجسر_باجر تشوفوني
مسجون وبسم الغدر-ومغمض اعيوني
موعدنه ويه الموت+
فوك الجسر تابوت+
من السجن حد الكبر- واجب تشيعوني
مسجون وبسم الغدر-ومغمض اعيوني
الشاعر حسين االساعدي

[Om Ahmed]

شكرا

[ارجع يازمان]

شكرا

عظم الله اجوركم