هنا

[ارجع يازمان]

أربع دمعات للكاظم!!!!
حسين الساعدي
:::
المستهل
هاي ادموعنه اشتاكت نواسيها
الدمعه اتريد تبجي ومن يبجيها
وأبو طلبه الحوائج كلها يكضيها
أبو طلبه الحوائج
كلها يكضيها
::::::::::::
أول دمعة نسجبها ابجسر بغداد
جثه ابلا أهل والغربه ما تنراد!
صيح ابصوت يازهره الألم ينعاد
صيح ابصوت
يازهره الألم ينعاد
من كَسر الضلع جرت مأسيها
أبوطلبه الحوائج كلها يكضيها
::::::::::::
ثاني ادموعنه النسجبها بالحضره
ونعاتب علي ومحرابه والطبره
وينك ياعلي وللكاظم اتحضره
وينك ياعلي
وللكاظم اتحضره
ماحاميت موسى وانتَ حاميها!
وأبو طلبه الحوائج كلها يكضيها
::::::::::::::
دمعه الثالثه و نسجبها عله المسموم
نهديها الحضرته إمن الرضا المعصوم
من مظلوم وانسجبت عله المظلوم
من مظلوم
وانسجبت عله المظلوم
هاي االدمعه فوره ابكل معانيها
وأبوطلبه الحوائج كلها يكضيها
:::::::::::::
رابع دمعة وياهه ونذب االعين
ونعاتب كَمر بس فاكد الجَفين
ماجه النصرة الكاظم عَضيد احسين
ماجه النصرة الكاظم
عَضيد احسين
ومحتامه الجفوف اتريد راعيها
وأبو طلبه الحوائج كلها يكضيها
حسين االساعدي