كلمات قصيدة ياصاحبي شكراً على اسنينك
- باسم الكربلائي
ذكرى استشهاد الإمام موسى إبن جعفر الكاظم (عليه السلام) رجب 1439 | 2018
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
سكته وانته .. اكثر صحيب ابعمري صاحبتك
عمري وادري .. لانته عفتني واني ماعفتك
صبري سري .. انته الوحيد اعليه ورجتك
ساكن لكن .. شفت الظلم والظلمه من شفتك
متعود اعليه وعلى ونيني .. متأكد من اسكت تحاچــيني
ماتلگه صاحب يشبه الكاظم .. هاي النهاية ونفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
سجني يعني .. انته الوحيد التشعر ابحالي
واشعر تشعر .. معنه الألم من تنظر اغلالي
ذكره عشره .. انته وانه عشرتنه للتالي
بعدي تبدي .. وحشه عليك ابفرگة الغالي
خلي السلاسل شاهد امصابي .. باچـر تجيك وتنشد احبابي
حته الروافض تلعن الحاكم .. هاي النهاية ونفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
انشل واسأل .. ياصاحبي احبابي ماجوني
نوحي روحي .. ليش الأحبهم مايزوروني
انطر وانظر .. واني اعله بابك شابح اعيوني
اشكي بلكي .. عاد ابمنيتي خل يحضروني
محتاج اودعك وانظر احبابي .. بابك تسده وينفتح بابي
ياصاحبي يوم الفرج قادم .. هاي النهاية ونفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
واضح رايح .. ياصاحبي يالتعرف اسراري
رايد شاهد .. للشيعة لازم ينقل اخباري
خلهم كلهم .. من الجسر واتشيع الداري
امرادي اتنادي .. وين الغياره التطلب ابثاري
خلي الروافض عالجسر تحضر .. والكل تشيع موسى بن جعفر
والحل يصير ابشرفة الصارم .. هاي النهاية ونفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
اعتب واكتب .. اجدامي وچــفوفي يسيلن دم
دمعي طبعي .. بالمأتم امسي واصبح ابمأتم
تطفه وسفه .. بضلوعي تسعر نار المخيم
حني وني .. يومية عندي عاشر امحرم
ارسم على الحايط طفل ضامي .. وارسم اسيره وتصرخ ايتامي
يومية اشعل شمعة القاسم .. هاي النهاية ونفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
اعهد واشهد .. تضحك جروحي وتبچــي حرلسي
واحج والهج .. ويلي اعله زينب لآخر انفاسي
وگفوا عرفوا .. اشما قيدوني يرتفع راسي
ملوا ذلوا .. عرفوني غيرة ودمي عباسي
بلغ يصاحب شيعتي ابدمعة .. گلهم لقانا في ضحى الجمعة
كولشي يموت وربك الدايم .. هاي النهاية ونفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
نوحوا صيحوا .. هذا الغريب المحد ايحضره
نفهم نعلم .. لازم تحضره فاطمه الزهره
كلفه وسفه .. ياويلي خلص بالسجن عمره
عجبه صعبه .. من حفره جاي ورايح الحفره
ميت عدل مافارگ اگيوده .. سوط الحرس آثاره موجوده
آخر دعانا يظهر القائم .. هاي النهاية وتفترگ لازم
ياصاحبي شكراً على اسنينك
واعذرني راح اترك حياطينك
صحبتنه طالت والحرس ظالم
هاي النهاية ونفترگ لازم
كلمات الشاعر المبدع : السيد عبدالخالق المحنة
<<<<<<< >>>>>>>>
( التدوين : زهراء العبيدي )
رد مع اقتباس
المشاركة الأصلية كتبت بواسطة (ملاك الروح)
