غلطان جانو عايشين احسن عيشه ماكو شي اسمه مجرمالمشاركة الأصلية كتبت بواسطة عمار حسين
تحياتي
غلطان جانو عايشين احسن عيشه ماكو شي اسمه مجرم
تحياتي
هاااا الكيماوي الي راحت بيه ضحايا اطفال ونساء شون راح تواجههم انت بيوم الحساب
عفوا مااكدر ارد عله كل التعليقات واني مااريد ادخل بالسياسه وكل واحد يكولي صدام مجرم اوشي فهوه غلطان وين جان اكوشي يدخل بسيادة العراق جان حزب واحد هسه صار متين الف حزب مانعرف العراق من رجله من راسه وبعدين شنو انتم كيفتو راح صدام من راح صدام القدمو للعراق شنو هم حروب هم نفجرات وبعدين جان الشرطي اله هيبه هسه ضابط رتبته مهدله كاعد ينشتمً وينضرب بس للاسف العراقين ياهوه اليجي يصفكوله طبعا هسه تكولون هذا ابو بعثي لو كرايبه لا غلطانين
واني شلون عرفت هل الشي من خلال دراستي وبحثي بهل الاشياء تحياتي الكم
الاختلاف بالرأي لايفسد للود قضية..
اني ضد مبدأ افرح بمناسبة بس بمجرد سقط شخص..
استشهد ببيت شعري للمرحوم عبد الحسين الحلفي يكول بي ..
قبل جانت رفيقي وهسة مولاي
الشعب بثنينهن ماشاف راحة..
اني اكره ادافع عن شخوص ونفس الوقت ضد ان اسيئ وافرح بمناسبة غير منطقية والسبب لو جان الاحتلال هدفه اسقاط شخص واحد ف اهلا وسهلا بمليار احتلال بس احتلال يسبب هالخرابيط والفساد والقتل والطائفية والحرمان من ابسط شي الي هو الامان ف بئس الاحتلال..
اذا كان زمن صدام بي دكتاتور واحد ف هسة عدنا الف دكتاتور..
برغم الحروب الي ماالها داعي وبعض السياسات الخطأ لكن من الجهل ان ننسف تاريخ وحقبة جان النا بيها هيبة واسم..
ومو مجبور اهلهل واصفق وانافق واغلب الكارهين لتلك الحقبة اساسا بعضهم لم يولد بعد والكثير منهم مازال الحليب على شفاههم..
مشكلتنا احنا شعب هوسجي..
بدمنا يمشي التطبيل وبدمنا يمشي السب وبدمنا يمشي التخلف..
وبدل منفكر بماضي راح وانتهى خلي نفكر شلون ننعيش باجر..
نفكر بالسياسين والاحزاب الي خربت البلد اليوم ..
الله يرحم الابرياء وشهداء العراق الي دافعوا عن هالبلد بدون مقابل وقاتلوا من اجل وطن مو من اجل شخص او من اجل عشيرة ومنطقة..
رأي يمثلني ولا احد مجبور للاقتناع به
تحية
يعني حظرتك ما عشت تلك الفترة؟
ما عشت من كان الشرطي يوكف السيارات علمود ينطوه كم فلس يشتري بيهم ريوك!!
ما عشت من كانوا اهلك مجبورين يسمعون خطاب السيد القائد اللي اقل من خطاب القذافي بكلمتين!!
ما شفت شلون اب من يعدمون ابنه بسبب كلمة او اعتراض على نظام الحكم لازم يروح يدفع تكاليف اعدام ابنه ويعلق صورة صدام كتعبير عن الفرح باعدام ابنه!!
ما عشت فترة 3 حروب راح بيها ملايين الشهداء بدون اي سبب ولا نتيجة غير حصار اقتصادي وحظر للطيران وفتح الابواب لمفتشي الامم المتحدة لمدة 13 سنة!!
ما عشت لمن الجندي العراقي صار مجرد خادم لصدام وازلام صدام!!
ما شفت لمن شمال العراق انضرب بالكيمياوي واستشهد الالاف الابرياء منهم النساء والاطفال!
ما عشت بفترة لمن اهلك يتوسلون بيك لا تحجي شي بالمدرسة.. لان ممكن كلمة من طفل تتسبب باعدام العائلة كلها..
وما اريد احجي عن قائمة الممنوعات ولا المقابر الجماعية ولا تجويع الشعب وضياع كل خيراته..
بس احنة عشنا هالشي وشفناه بعيونا.. لا بحثنا ولا درسنا!!
محد يكول هسة افضل من قبل.. الوضع نفس الوضع.. والعراق والعراققين هذا حالهم من قبل صدام ومن قبل حزب البعث
تحياتي لحضرتك... احترم رأيك لكن لا اتفق معك
اخوية العزيز ..يعني حظرتك ما عشت تلك الفترة؟
ما عشت من كان الشرطي يوكف السيارات علمود ينطوه كم فلس يشتري بيهم ريوك!!
ما عشت من كانوا اهلك مجبورين يسمعون خطاب السيد القائد اللي اقل من خطاب القذافي بكلمتين!!
ما شفت شلون اب من يعدمون ابنه بسبب كلمة او اعتراض على نظام الحكم لازم يروح يدفع تكاليف اعدام ابنه ويعلق صورة صدام كتعبير عن الفرح باعدام ابنه!!
ما عشت فترة 3 حروب راح بيها ملايين الشهداء بدون اي سبب ولا نتيجة غير حصار اقتصادي وحظر للطيران وفتح الابواب لمفتشي الامم المتحدة لمدة 13 سنة!!
ما عشت لمن الجندي العراقي صار مجرد خادم لصدام وازلام صدام!!
ما شفت لمن شمال العراق انضرب بالكيمياوي واستشهد الالاف الابرياء منهم النساء والاطفال!
ما عشت بفترة لمن اهلك يتوسلون بيك لا تحجي شي بالمدرسة.. لان ممكن كلمة من طفل تتسبب باعدام العائلة كلها..
وما اريد احجي عن قائمة الممنوعات ولا المقابر الجماعية ولا تجويع الشعب وضياع كل خيراته..
بس احنة عشنا هالشي وشفناه بعيونا.. لا بحثنا ولا درسنا!!
محد يكول هسة افضل من قبل.. الوضع نفس الوضع.. والعراق والعراققين هذا حالهم من قبل صدام ومن قبل حزب البعث
تحياتي لحضرتك... احترم رأيك لكن لا اتفق معك
كل هاي الامور الحجيتهة هسة ديصير اسوء منهة بقاطات اذا قبل الشرطي يوكف سيارة علمود ريوك هسة الشرطي يدخل سيارة مفخخة ب 100$ واذا قبل الطفل يعدمون ابوة كدامة هسة يعتقلون ابوة ومحد يندلة وين ماوين ويضلون اهلة يدفعون دفاتر بامل يطلع ابنهم وبالنهاية يلكوة بالطب العدلي ومزرف بالدريلات والسبب دعوة كيدية ..
واذا تكول قبل حروب وحصار وجوع هسة الحروب صارت بيناتنة ومو لئن حظرتك بالجنوب وماكو شي يمك تنكر هذة وتتناسة شلون 5محافظات ادمرت ونمسحت بالكاع ومئات الالاف ماتو وتهجرو بطرك ثيابهم بسبب خيانة شكم مجرم و
وقبل لا تحجي خلي الله بين عيونك ولا تشبة الاحتلال ودمار البلد هسة بزمن قبل من جنة نطلع ب2 الفجر ونفر العراق من الشمال للجنوب ومحد يكلك وين راح ووين جاي .مو مهم الطفل ياكل موز وتفاح وابوة راتبة مليون ونص والبلد انهبت خيراتة وتدمر والعصابات تارسة الشوارع ومحد مامن على روحة ولا على اهلة
وشكرا
التعديل الأخير تم بواسطة Mohammed K.F ; 10/April/2018 الساعة 11:13 am السبب: حذف العبارات ذات التلميح الطائفي
اختي العزيزة.. بداية اعتذر لان حذفت جمل وعبارات تحمل تلميح طائفي..
اختي اني ما كلت الفترة الحالية افضل من قبل والعراقي الان عايش بنعيم! بالعكس الفترة الحالية امتداد لايام نظام صدام..
وكل ما في الامر الاخ صاحب الموضوع يكول قريت ودرست وعرفت قبل كانت للعراق سيادة والعراقي كان مثل الملك!!
وبما انه اني عشت بتلك الفترة..استغربت وين كانت السيادة؟ السيادة من انقصف جنوب العراق مرة وبغداد مرة ثانية بالتسعينيات والسبب فقط لان العراق طير طيارتين بدون موافقة امريكا؟ السيادة من دخل مفتشي الامم المتحدة لغرفة نوم صدام؟! السيادة من يضرب عدي ضباط الجيش بالنعا.. على روسهم فقط للتسلية؟! السيادة بالمقابر الجماعية؟ بالاعدامات بدون محاكمة؟ بالسجون والمعتقلات؟ لو ب ٣ حروب؟؟
لو مستغلين فرصة التحرير ودخول امريكا كان هسة العراق افضل من دول الخليج..
تحياتي لحضرتج
رد مع اقتباس