ابعد يا عشك متكاطع اوياك
لأن صار الهوى ايغش المشاعر

أحبك باللسان وتنحجي اهناك
وأبد ماطالعه الجبر الخَواطر

كون اللي يكول ابليلته أهواك
نقراهه الصبح من النواظر

مظلومين مَدري احنه الظلمناك
وبدمع الجذب نملي التناكر!

ابعد يا عشك يل ما عرفناك
لوما تلكه قيس المن تناطر!

كَبل بعيون اليحبون شفناك
هسه ايكولها ولابس مناضر!

أريدك ترجعنه ابذاكه معناك
وكتبلك شعر وأملي الدفاتر

ثابت بالكلب ويهزني ملكاك
ما اريدك مثل باقي المضاهر

أريدن بالاحساس اتلاكه وياك
مو سلعه وصفت بيد اليتاجر!!
مو سلعه وصفت بيد اليتاجر!!
حسين الساعدي