كلمات قصيدة شالوا نعشها وينه عباس ( مكتوبة ) باسم الكربلائي | الشاعر آدم الحسني
كلمات قصيدة شالو نعشها وينه عباس! - باسم الكربلائي
ذكرى وفاة السيدة زينب ( عليها السلام )
ليلة 15 رجب 1439 | 2018
الشاعر آدم الحسني
شالو نعشها وينه عباس
شالو نعشها وينه عباس
ماتت غريبة ودمعة بالعين
بآخر نفس وتنادي يحسين
وينه الكفلها ماحضر وين
اخوتهه ماكو ابزحمة الناس
شالو نعشها وينه عباس ؟
شالو نعشها وينه عباس ؟
بس العليل اويه اليشيعون
عباس وينه وجعفر وعون
ابدفنت اختهم مايحضرون
ابحسرتها ماتت ام الإحساس
شالو نعشها وينه عباس ؟
شالو نعشها وينه عباس ؟
تتمنه جانت اربع ابدور
تحمل جسد نعش من نور
وتدخل عزيزة لوادي الكبور
ابهيبة اهلها رافعة الراس
شالو نعشها وينه عباس ؟
شالو نعشها وينه عباس ؟
نحلانه لو مسها الهوه اتميل
لآخر نفس والمدمع ايسيل
وسط الكلب جم نايبه اتشيل
الكاتلها صدر حسين ينداس
شالو نعشها وينه عباس ؟
شالو نعشها وينه عباس ؟
امست بعيدة ابغربة الشام
تحت الثره بت حيدر اتنام
هاي العزيزة والله ايام
اتموت ابقهر من فعل الارجاس
شالو نعشها وينه عباس ؟
شالو نعشها وينه عباس ؟
رادت اخوها حسين موجود
ضلت عليه المدمع اتزود
منتظرة بلكت هالمسه ايعود
ابثكل الجبل حسرتها تنقاس
شالو نعشها وينه عباس ؟
شالو نعشها وينه عباس ؟
اليوم الحبيبة تحت التراب
كاسر كلبها كثر المصاب
محد وصلها من الاحباب
امست وحيدة ابلايه حراس
شالو نعشها وينه عباس ؟
شالو نعشها وينه عباس ؟
الله اليعينه زين العباد
بالطف دفنها كل الاجساد
هالليلة نفس الموقف انعاد
زينب دفنها ابضيق الانفاس
شالو نعشها وينه عباس ؟
شالو نعشها وينه عباس ؟
تدوين : زهراء العبيدي
نسألكم الدعاء
رد مع اقتباس
المشاركة الأصلية كتبت بواسطة المستبدة فوق القانون
