قصائد مدح ابطال الحشد الشعبي 2018 , 2019 , مكتوبة , كلمات
, كلمات اوبريت لإجلكم ,
انه الرجال
انه العيال
انه الدڪ بالشدد صدره
للخوان
اطڪ برڪان
واهد علموت اطــڪ ظهره
اي لجل الخوة اشبع موت
اڪحل اعيون الافزعله
انا الــڪالولي ذن صعبات
ڪتلهم علي سهله
ابو ڪلب الجبير ابهاي
انا الداوه الوطن جرحه
فقير ابــڪلشي بس للناس
ابوجهم راسم الفرحـه
انه الهد ما ڪعد
انه الوفه الوعد
انه الــڪالو ڪضت
ڪلت رايد بعد
انه ربات الحشد
انه مجوي البرد
انا السيف ابحرب
على خوانه ورد
انه المتعب اجدامه
وابد ماتعب السانه
مشه والموت ڪدامه
بس عينه على اخوانه
وڪت الضيج
انشف الريج
اجيب الماي لاخواني
اكحل العين
لاخوي الزين
وڪت العوز لو جاني
وحــڪ شايب بختهه الراح
شعره وڪلبه بيهه ابيض
وحــڪ زلم البيهه ايعيش
متهني البخت والحظ
انه ابجلمة مراجع خير
لاجلكم جاي متعني
شيعي و ڪلبي مثل الطير
فزعت ارڪض على السني
انه عراقي النسب
انه معدن ذهب
انه المو طائفي
انه مخاوي الشعب
انه راعي الأرض
انه حامي العرض
انا الــڪالالي اخوي
اهد حافي ركض
جسر للخوة معباره
وادور الموت إذا يسوه
انا الماجت ابــڪفي اوياي
ارد جايبهه بالــڪوه
لاجلكم جاي
انه الوفاي
حشد والخوف مو ڪدي
الــڪال ادخيل
اجر له الليل
اينام ايأمن ابسدي
شلت خلڪ النخل للناس
خشن وبــڪلبي جماره
اهد عثــڪ الرطب للجاي
عليه ايــڪاطف احجاره
متواضع يطبع الماي
بس مايعرف الذله
ناصي ايحط على التربان
واهي الوادم تدنــڪ له
انه الزلمه الصعب
انه الشابع حرب
انه الابيض وجه
انه الصافي الــڪلب
المثل بيه انضرب
انه ربات الــڪصب
لاجل يدفه اخوي
احط روحي حطب
اشد اجروحي بجروحي
واڪلهم ڪلشي مابيه
ايهوس الموت يم روحي
شهم يبن العراقيه
ڪلمات الشاعر : محمد الصادق
الحان : علي الدلفي
اداء : قاسم الساعدي - حيدر الجابري - علي الأسدي - حسين الحجامي
تدوين : Zahraa Al obaidi
رد مع اقتباس