درر العراق

Ⓢⓐⓑⓐ · 31/March/2018

شلونكم حبايبي الدرر حبيت اشاركم صدمتي ولو ماصدكت
صدمة نفسية لاتنسى بتاريخ 31-3-2018 الساعة 10:15صباحا وصل التبليغ الاتي لطلبة كلية الطب جامعة بابل المرحلة الاولى

صبحكم الله بالخير شباب
1- اتصل بينا دكتور التشريح للتو وبلغنا انو يوم الخميس عنده ايفاد الى المانيا برلين لمدة 40 يوم وكال امتحان المد رح يكون اللور كله يوم الثلاثاء بهذا الاسبوع
2- ورح ياخذنا يوم الثنين بمحاضرات الفيزيا والتشريح والكيميا حته يكمل الليك وياخذ الفوت بقاعة حمورابي كل المرحله من ساعه 8 الى ساعه 11
واسفين كلش حاولنا ويا ومارهمت وجدا نعتذر لانو خليناكم بهيج موقف بس الامر انفرض علينه
للعلم مماخذين بس محاظرة وحدة والمادة يمكن 9 محاظرات او اكثر

ههههههههه طبعا بالبداية صدكت وصعد الضغط والسكر

بعدين انتبهت للتاريخ وعرفت كذبة

بس خطية اكو طلاب كملو الفصل كله من الخوف بنص ساعة واكو هسه بالمستشفى

نصيحة مني الكم بهيج تاريخ لتصدكون باقرب الناس الكم اليوم باجر راح تشتغل الكذبات ديروو بالكم واخذو الاحتياطات وشكرا

واعتذر للي خربت مفاجئاته لكذبة نيسان وابد مااخبث اني