اذا يجوني تسعة ايكولولي الطفل هو مذنب، ويجيني واحد ايكول الاب هو المذنب، فآني اكذب التسعة واصدك الواحد.
في بيئتنا، الاب دائما هو الطرف الاقوى بالعضلات، والموقف وياه، فهو المرشح الاول للعدوان.
واذا يجوني تسعة ايكولون المرة هي العايلة، وواحد ايكول رجلهة هوة العايل، اكذب التسعة واصدك الواحد.
في بيئتنا، الزوج دائما هو الطرف الاقوى بالعضلات، والموقف وياه، فهو المرشح الاول للعدوان.
واذا يجوني تسعة ايكولون الموظف هو المعتدي، ويجيني واحد ايكول مديره هو المعتدي، اني اكذب التسعة واصدك الواحد
في بيئتنا، المدير دائما هو الطرف الاقوى، والموقف وياه، فهو المرشح الاول للعدوان.
طبعا الكلام ليس على اطلاقه، يعني ليس على نحو الموجبة الكلية مثلما يعبرون المناطقة، وإنما بالغالب، اعرف ابناء ذبحوا ابائهم بالسجين ع الركي، واعرف نسوان سون سحر لرجولتهن، واعرف موظفين نافقوا على مديرهم لحد ما بطلوه من الشغل وزاحوا واخذوا مكانه.
بس يبقى الاغلب الاعم هو ما ذكرته حضرتي
رد مع اقتباس
المشاركة الأصلية كتبت بواسطة دكتور جميل
