أبراج_الخميس

29مارس2018

#الحمل
بتفوت بشغل جديد يمكن او بتغير مكان عملك وهالشي بحط عليك اعباء اضافية وتعب صحي ممكن ..
خليك منتبه لهالشي وحافظ على وضعك قدر الامكان ورتب امورك وانت ملك الترتيب فمشان هيك مابينخاف عليك . .
عاطفيا .. لا تسعى ورا ماضي اذا كان مستحيل فكر بحالك وبمستقبلك اكتر ..

#الثور
بتحس بطاقة كبيرة وبيرجع الحظ بيوقف حدك وبساعدك لتتخلص من مشاكل عائلية وتحس براحة ..وعندك اجواء حلوة بانتظارك وممكن الاناث تفوت بفترة حمل وانجاب واخبار حلوة عن الابناء بهاليوم ..
عاطفيا .. يوم مميز عاطفيا رومنسية وقدرة على جذب الجنس الآخر واوقات ممتعة ..

#الجوزاء
عم تحس في مشكلة بتخص البيت او عيلتك ومو مرتاح للجو العام وكأنو كل شي عم يدايقك .. حاول تهدى وماتكون استفزازي وعنيد بتعاملك معن حتى ماتكبرها وداري وضع الأهل قدر الأمكان ..
عاطفيا .. استغل سحرك لتصل بدون ما تنفعل بوجه الشريك وتوجه له انتقادات ..

#السرطان
يوم مهم الك بيمنحك قدرة على ايصال رأيك ممكن تسافر وتقدر تصل وتنجح وعندك اليوم حلول .. بدي منك تنتبه من قصة بتخص اخواتك او الجيران وكمان اذا عم تسوق سيارة انتبه من الحوادث ..
عاطفيا .. يوم مميز بيحملك تواصل حلو مع الشريك وقادر تسحروا بطلتك ..

#الأسد
تعامل مع الظروف المحيطة بانك تستغل الفرص وتضب ايدك شوي لان مصروفك زايد وهالشي بخليك بحاجة تعويض .. بس في فرص كبيرة لمكاسب مادية حاول تستغل هالشي ويوم منيح بالمجمل اذا عرفت تستغلو ..
عاطفيا .. انت بحاجة لشرارة تواصل واستمرارية بعلاقاتك وهالشي ماعم يصير ..

#العذراء
انت اليوم اكبر المستفيدين عم يدعمك وجود القمر مع الحظ حتى لو ما استفدت بسرعة من التغييرات الحاصلة بس رح تحس بتحسن تدريجي وحلول بالأفق ..
خليك واثق من حالك وكل شي تعب مر رح يزول تدريجيا وتصل للي بدي ياه وفي عندك تغييرات لصالحك الفترة القادمة ..
عاطفيا .. ماتكون عنيد واهدى وخليك قوي وكل شي رح يكون منيح بس بدو وقت وشوية مسايرة ..

#الميزان
عم تشعر بكتير تعب وعدم راحة وكأنو الدنيا بلشت تسكر بوجهك لاتخاف وخليك صبور القصة بدها وقت ..
بدي منك تكون منتبه والدنيا عم تتغير يوم عليك ويوم الك وانتبه لصحتك وهاليوم رح يكون متعب لكن بدك ماتحملها زيادة ..
عاطفيا .. خليك بعيد عن العلاقات المعروفة نهايتها حتى ماتفوت بمشاكل وتتعب قلبك ..

#العقرب
عم تحصل على دعم الاصدقاء وتفوت بفترة خلي كل اعتمادك فيها على رفقاتك ورح تلاقي تلبية منهم.
بدي منك ماتخاف وانتظر مساعدة صديق لتحل مشكلة بشغلك ولاتصعد الأمور حتى ماتصل لمكان صعب ترجع منو ..
عاطفيا .. حاول تفتح قلبك ورح تلاقي شي من الحب يلي عم تنتظرو ..

#القوس
عم يتعرض شغلك لتوتر كبير ومشاكل متوقعة فلا تكون متسرع واستفزازي وخليك متعاون لتمر هي الفترة على خير .. بدي منك تحاول ماتطلع بخسائر والدقة والتنظيم والانتباه مطلوبين منك واذا عندك امتحان حضر منيح ..
عاطفيا .. لاتصعد الخلافات مع الشريك لان حياتك العاطفية مهددة اذا ماحافظت عليها وضبطت اعصابك ..

#الجدي
بتشعر بطاقة كبيرة وتفكير بالسفر عم يشغل بالك يمكن بدك تبدا شي جديد وتغير بحياتك وبحاجة للدعم والفرصة ملائمة لهالشي اذا بدك ..
وعندك تعامل مع ناس جدد بحياتك واتصالات بعيدة ممكنة الاجواء ايجابية بهاليوم فاستغلو ..
عاطفيا .. عم تكون الخيارات كتيرة وانت مابدك تفوت بقصة ارتباط ومابدك توقف حريتك ..

#الدلو
انت أريح وعندك فرص مالية من شراكات وقدرة على كسب المال وامورك رح تكون افضل .. قادر كمان تحل مشاكل قضائية وتشفى من مرض فترة اريح بانتظارك خليك متفائل ومن الايام يلي بتحمل تغييرات بوضعك ..
عاطفيا .. لاتسمح لظروفك تمنعك عن الشريك وحاول تضل قريب منو حتى يحس باهتمامك ..

#الحوت
لازم تكون متعاون قدر الامكان لان التوتر كبير اليوم وحاسس بضغط مو طبيعي وانو طاقتك منخفضة ..
انتبه وحاول تساير شوي حتى ماتخسر ولاتفكر تفوت بمواجهة مع حدا لان مو من مصلحتك هاليوم ..
عاطفيا .. في تفكير بالارتباط عندك بس الاجواء متوترة هدي حالك قدر الامكان ..