هنا

[علي الشمري]

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

منقول

[CaSpEr]

من لونك
خَذو للـ شوف عين مكحله بـ صگرين
الترافه الـ بيّك
عبّرت عـ الورد صوبين
بـ نداك تشيّمن نهرين
أزرعك هيل
أحصدك شم
يالـ شايل غصن رمان
افراشي لـ جيتّك أتيمم

[CaSpEr]

يـابعيد
شما مشه بوجهي العمر تلگاني احبك

[لانا احمد]

يـابعيد
شما مشه بوجهي العمر تلگاني احبك

حلو

[علي الشمري]

صحبتك ليش كصرت ماطلتها
وانه الدنيا على مودك ماطلتها
جنت لك فرصه سهله ماطلتها
اخسرتني بسبب بطرانك عليه

منقول

[علي الشمري]

نطرتة ايلوح شخصك عّلي مالاح ؟
وكصر حبل المودة اوياك مالاح
شحط فوك الملح ويصير مالح
ا​ويغزر للاوكلهم بدية ؟

[علي الشمري]

دك راسك إبكاع العشك
واصعد أمراجف للدف
أيام المزبن كضن
دكضن يأيام اللف

خلاني نيشان الدهر
وزيّر وتر نشابه
بالكوز سدد نبلته
نيشن أبكلبي وصابه
لا بيه أشاكف غدرته
ولا تنفع العطابه
لا تشكي من ظيم الدهر
وأكباله لا تتوسف
لو شاف رجه بالرجل
يفتل أحباله ويلتف
أيام المزبن كضن
دكضن يأيام اللف

غركان واليغرك يظن
أبسباحه ينجه الغركان
لا عون مد أيده إلي
ولا شفت نخوة بطران
علكت عيني بالسمه
مهموم وأدعي الرحمان
هلبت يعاين حالتي
ويحن علّي يتلطف
دعوه ونخيته بالشته
بالصيف نزلي الشف
أيام المزبن كضن
دكضن يأيام اللف

كلناهه غيمه وتنجلي
وتذب مطرها وتصحه
وظلينه ننطر جيته
يغسل أكلوب الملحه
لا كطرة نزلت للزرع
أتبخ الكلب وتفرحه
والنوبه ما طلعت شمس
وكيّل شتانه وصيّف
دك أنكر وشال السلف
والضيف ظل يتضيّف
أيام المزبن كضن
دكضن يا أيام اللف

كالو شمسكم بينت
وجرينه الف هلهوله
ملينه من ليل الظنه
وليل الظلام إشطوله
الدنيه موعوده أبفرح
والفرح بيدك نوله
مدينه نلكط فرحته
دبجات صفكه ونحتف
شو طلع سيباط العنب
من أمس كاضي أمنظف
ايام المزبن كضن
دكضن يا أيام اللف

شمطلوب إلج يا دنيتي
كل العُمر ما وفه
أشحصلنه من كل الجزه
غير اللَهط و الهُرفه
والناس وكفت تستهل
جية العيد أبلهفه
أفتحنه شبابيج الضوه
والفرح جانه وهرّف
أحديثات بجفافي العرس
وكليبي لكليبك رَف
أيام المزبن كضن
دكضن يا أيام اللف

ألبست البياض أتغرنكت
وأتفرع امتانيكم
حسبالي مثلي أبلهفتي
وشوك البكلبي بيكم
أنخلنه مراجلكم زمط
خابطكم وصافيكم
عضينه مية أصبع ندم
لاوينه جم جف وجف
ردينه لهدوم الجِرد
ويوميه من طف الطف
أيام المزبن كضن
هم تكضي أيام اللف

أبسبعة قوالب غسلت
أبصابون سبعه وسبعه
وخايف تسولف صحبتي
حاقد طموحه الرجعه
أشجم هافي يتشلبه البخت
وبيده يطيّح ربعه
بس سمع دكات الطبل
فحطان يركض كييّف
وميزان مقياس العقل
والحرمه أوزن للخف
أيام المزبن كضن
هم تكضي أيام اللف

لا أمزبنايه دخنت
منهوب كل جيس اللف

الشاعر
​حامد گعيد الجبوري

[الياسمين]

[كراميلا]

‏لا تذب روحك ع الرايد يروح
ابنادم يحبك اذا تتجاهله

[روجـيـنـا ♡]

اتريد تعرف طيب ناسك #ضوگها

ولا تصدگ بالحچي #البحلوگها

النخله لا تمدحها احكم من #تضوگ

لا تغرّك من تشوف #اعثوگها ..