هنا

[انسان ثاني]

ما تشوف صارلنا اشهر نشتغل، دوام ليل ونهار، وماكو اي رواتب!! عالاقل ينطونا فطور حتى لو لفات فلافل

حقك و اني متفق وياك
حتى لو تقييمات هم قابلين

هههههه الكم الاجر والثواب مو كافي؟

ولا تكعد راحة سوزان الشيرازية هههه

ديحجيلك عن اصل الجمل ..يكولك من سوريا ابوه من جمل ابطيحان ..وثانية تشبه جمل ال سلمان

شلوني بالبدوي

تقريياً كلامج صح
هاي بالمزرعة و المزرعة صايرة بالبادية فلذلك يكلولي هاي الوضحة اجت من فلان بلد وهاي من فلان عشيرة

[انسان ثاني]

صديقك المرعبل ،الملابسة مخربطة ،الماتخابرة من تطلع
هذا اول واحد يوكفلك من توكع

[انسان ثاني]

إذا تصعد تكسي بي رجال جبير لتوكف وياه عالألف دينار
بهيج عمر ويشتغل سايق هذه لو ابنه مدمره وميشتغل لو عنده بس بنات ومعيشهن

[انسان ثاني]

القميص الممرتاح بي لتلبسه . الشي المضايقك اخلص منه . المراية التطلعك مو حلو لتباوع عليها
والإنسان اليتعبك اتجنبه . انت المسؤول على سعادتك . ومن تشمر شي بحاوية لتفكر منو راح ياخذها وراك .

[انسان ثاني]

من تريد تنطي الفقير الف لتكول هذه يستاهل وهذه ميستاهل
مرات انت متستاهل والله ينطيك.

[انسان ثاني]

الزوجة الحقيقية هي التخيط قميص زوجها اذا ينفتك
الزوجة الحقيقية هي التشمر القميص بره البيت اذا ينشك
الاولى تبقى رائعة من يشوفها زوجها مهتمة وحنونة وتبقى الثانية أصيلة من يشوفها الزوج معتزة بي الدرجة ماتقبل يلبس قميص انشك .
ويه غير زلم عادي يتهم الاولى ماتعرف تغسل والقميص انعدم من وراها ويتهم الثانية باللامبالاة وعدم المسؤولية .
الرضا بين شخصين ماينبني على افعال الطرف الثاني
ينبني بالأساس على استقبالنا لأفعال الشريك وقدرة تفهمنا اله
الشاعر الألماني "راينر ريلكه" (الزواج اكبر بكثير من أربعة ارجل على سرير )

[انسان ثاني]

كل انسان الله خلقه انطاه بحياته انسانة يتلخص بيها الكون بالنسبه اله
بنظرك تطلع حبيبتك ، وبنظر غيرك امك ، وبنظر واحد ثالث اختك
المهم راح تشوفها مهمة وبصمتها بداخلك بأثر دائم .
المرأة بطفولتها تفتح باب الجنة لأبوها، ومن تصير زوجة تبني حياة أسرة ، ومن تبقى ام الجنة تحت اقدامها .
ومن تصير حبيبة الكلمة منها تهون عليك امور بعز تعبك .
كل القصص تبدي بيها وتنتهي منها .
الله يحفظچن النه يا لمعة عيني انتن

[انسان ثاني]

مااقتنع بفكرة اتعب هسه وظهرك ينكسر حتى باجر ترتاح .
لأن بالأصل ماكو راحة مضمونة ، اني مؤمن مثل ماطاقتنا وتعبنا لازم نستغله، فالمفروض نستمتع بي بشبابنا ،
فلوسك ونجاحك وانت عابر الأربعين مابيهن طعم مثل ماانت شاب .
اتعب وارتاح بشبابك ، وجمع وسافر بشبابك لأن ماكو لذة راحة بعدين ، واحتمال جبير ماكو شي بعدين ، و للعلم اذا الله رزقك من تكبر و تريد تستمتع بالحياة راح يگولون عنك متصابي لو مراهقة متأخرة ، يعني بكل الحالات محد راح يرحمك

[انسان ثاني]

ملاحظ من تتمرض مرض بسيط مثلاً افلاونزة تگوم تحچي ويا نفسك شگد حلو لو يرجع حالي مثل قبل اسبوع چنت عادي و مرتاح

زين ليش من انتَ وصاحي ما تذكر هذا (العادي) وتحمد ربك !

[انسان ثاني]

عميد الأدب العربي طه حسين من جان طفل وهو ميشوف اصلاً كعد ويه اهله ياكل .
امه وابوه يعلموه شلون يلزم اللكمة بأيد وحدة ويحطها بحلكة ،
يوم من الايام جازف يلزم اللكمة بثنين ايدة ، من راد يجرب وكع كل الأكل على ملابسة ، وسط ضحك اخوتة علّي وحسرة امة من سمعها تبجي ، بس الصار وراها اخوانة وخواتة الضحكوا علّي عاشوا وماتوا ومحد يعرف عليهم شي حتى اساميهم ، وألي اسمة هز العالم بوكتة هو الأعمى الي انضحك علّي ،
جان يكدر طه حسين يسمع كلامهم ويريح نفسه من الاستهزاء
بس هو جازف وطرح فرضية : خل اجرب هالشي حتى لو جان غلط ،
اليصنع التاريخ ميسمع اَي كلام ويمشي ويه الحايط ، يجرب ويختلف ويغلط بعدين ينجح ،
المشكلة دائماً تلكه بمجتمعك عالم مثل اخوة طه حسين ، مهمتهم بالحياة يجرحوك وينتقدوك بس تفكر غير تفكيرهم ،
حافظين الدنيا مثل أعراب جملة متكدر تغير بيها ، رغم الي اخترع قانون القواعد واحد فكر واختلف ،
اَي هجوم تشوفه من انسان يعاديك لتهتم ، لان راح يعيش ويموت ابلا سعر ، تبقى انت المختلف الناجح ،حتى لو بالبداية غلطت
واكلت بيديك الأثنين ، جرب وما راح تخسر شيء