المشاركة الأصلية كتبت بواسطة انسان ثاني
عبالي خامطها من النت ، طلعت مرت اخونا
خوش ماخذلك قطعة قلبي تتهنون
خوش ماخذلك قطعة قلبي تتهنون
مو عيب عليك اخمط واني عندي الاصل
خوش ماخذلك قطعة قلبي تتهنون
ها نروح نمشي عليها ؟
توكل ، الهوا بظهرك
نفسه صديقي الحزين الحچيتلكم عليه الي ماعنده اي وسيلة بمواقع التواصل الاجتماعي الي يحب اللون الازرگ ويشجع الميناء وايفرتون والمانيا يگول مو كله ازرگ تصير ملحة
بوحدة من جياته الي يگول
تندل بيتنا وين بالثورة وهي بيتهم ..............
طگ گلبي عليها اريد اشوفها
مرتين اروح لبيت جدي وما الگاها قررت اروحلهم لبيتهم
عندي بس جگارتين وكروة لباب الشرجي ومناك اصعد لبيتهم والرجعة نفس الشي
يعني بس جگارتين وكروة توديني وتجيبني
لبست احلى ماعندي من ملابس الي بس هن عندي
چنت مقسم الجگاير وحدة اورثها من انزل بالفلكة الي قبل بيتهم لحد ما اوصل لبيتهم
والثانية ادخنها من انزل بركنا لحد ما اوصل الى بيتنا
طريق الروحه ما ادخن لان راح اگضيه شلون اشوفها وشاحچي وياها اتخيلها بملابسها وشعرها وطريقة نطقها لحروف اسمي
چا انا كلش احب حروفها واحب اسمي بطريقة حچيها مو هذا اسمي الي مكتوب بدفتر الخدمة العسكرية بعدين اسولفلك شلون خلصت عسكريتي
وطريق الرجعة هم ما ادخن بيه لان راح اخلصه منتشي بكل تفاصيل اللقاء وفرحان بملامحها وضحكتها وبياض سنونها سنونها ما تگدر تباوع عليهن الا بواقية مال لحيم ( ضحكت هنا وهو خزرني )
نزلت بالفلكة الي قبل بيتهم ورثت جگارتي الاولى وادندن
حن الحمام لهله وتذكر دياره
مرني حبيب العمر واحسبها تسيارة
تانيت جيتك عمر
واصبرت كل الصبر
ما ينسي البلگلب موجود تذكاره
يكبر حنيني الك لو طال مشوارك
لوجيت من البعد تلگه الگلب دارك
محبوبي انت وتظل واتنطر اخبارك
مرلي حبيب العمر واحسبها تسيارة
كملت الجگارة ودگيت الباب
تلگتني امها وكلها تضحك حيل تحب جيتي الهم
بعد السلام والچاي ( جيبلي چاي بشرفك ) والشلونك والشلونكم
چنت حيل فرحان اتخيل جيتها وسلامها وانا گاعد ببيتهم
لو يوم مرني الفرح اتخيلك شمعة
لو يوم مرني الحزن اتصورك دمعة
طبع الحبيب الوفي ميبدل بطبعه
من اگعد بالاستقبال مالتهم اكو درج يصير گبالي غرفتها قريبة من هذا الدرج
من اجيهم تنزل ركض على الدرج
تدري صوت رجليها على الدرچ ما ناسيه تارس عمري چنه صوت حبوباتنا شگد دافي وحنين
شگد تانيت هذا الصوت بيومها وماكو
مرت ساعة واكثر
وماكو اي شي عنها او منها
بديت احس بثقل گعدتي
صار النفس كلش صعب اجذبه
وحسيت روحي مصخن واتعرق
ترخصت وطلعت
ورثت ثاني جگارة
اكو اسواق قريبة عليهم اشتريت ببقة الفلوس جگاير
ورجعت لبيتنا مشي
الخيبة كلش ثگيلة دوس على متونك حيل تخلي رجليك تغرس بالتبليط وتصير خطوتك كلش بطيئة
احساس مقرف بين الخيبة والخذلان والفشلة
وصلت لقطاعنا
من دخلت بدربوتنا تالي الليل نزلت بست الگاع مثل الاسرى الي رجعوا من ايران في بداية التسعينات
شحجيلك مضيگات خلگي الليالي
بالليل افز مرعوب وابچي علحالي
تخلص ابو حسون لا دير بال گوم جيب چاي
مصطفی .. انت مجرم وصدیقک مجرم وصدیق صدیقک مجرم ...والله
اعتذر منك يا صديقي
العطر
صديقي يگول العطر اخطر شي بعد الفراق ، بكل مرة تشمه راح يرجع للذكرى الچان بيهة وتعيشها بكل تفاصيلها مهما چانت ظروفك
يگول چنت شايل جنازة صاحبي الشهيد ومن البچي الطريق مغوش وماشوف وفات من يمي واحد مخلي عطر ذكرني بيها ، ورغم شگد چنت مفجوع رحت لذاك اليوم الچانت گاعدة بصفي وايدي بيدها وتباوع بوجهي وهي مبتسمة وسعيدة وتعصر بيدي حيل واتذكر گالت اني سعيدة كلش وياك
الذكرى زيدت حزني كلش وبعد ما بقة بيه حيل اشيل الجنازة ولا بيه حيل امشي
مدري شلون خلص ذاك اليوم چان كلش صعب
بحسرة گالها بعدما عينه غورگت ، اذا تحب عطر لا تخلي وانت رايح للقاء حبيبتك ابد لان حتكرها وحيرتبط بيها ووين وشوكت ما تشمه راح يرجعك الها
أييييه
لحظة.... خلي نتفاهم...
شيئين ضوجوني بالموضوع..
اول شي انكم ما كملتم شجار.. معقول مصطفى يقول رامي انه لولا هو ما كان تلون موضوعك بالأرقام الحمراء و تسكت له هاي السكتة الطويلة... وانت رامي معقول صدقت انه توقع أن الصورة من النت و سكتت له هاي السكتة الطويلة.... شنو انتم ما تعرفوا أن الشياطين صفدت؟!!
......
ثاني شي
لماذا الكل بكت من القصة... ما لقيت بيها شي يبكي.... يعني هو راح يشوف بنت و ما شافها... وش صار يعني شنو الي قريتوه ما قرأته انا... ضروري تعطوه فال سيئ للرجل.... ضروري؟!!!
و الي عجبني أنه قال ما رح ادخن و بعدها طفا السيجارة عند الباب ههههههه تحسه شخصية مطابقة لذاتها بكل فوضى...
التعديل الأخير تم بواسطة ليديا ; 29/May/2018 الساعة 9:09 am السبب: راني
هههههه طباب شر انتي يا ليديا
رمضان شهر البركة والسماح واني سامحت رامي ع اساءته ألي
الظاهر انتي مو قوية باللهجة العراقية لهلسبب معشتي القصة بكل تفاصيلها
هو گال بالطريق مادخن ومبقي جگارة من انزل بالفلكة وفعلا من نزل يلا دخنها
ليديا ...انا الي ابكاني ..ماعندة غير جكارتين
وهذي صعبة على رجل اكثر من فقد الحبيبة
ليديا ...انا الي ابكاني ..ماعندة غير جكارتين
وهذي صعبة على رجل اكثر من فقد الحبيبة
ويگلك نريد المرأة تتساوى بالرجل
ترى ايام الحصار چانت سودة ع هواي ناس مثل هذا ، خاصة الجنود اغلبهم مجان عدهم كروة يلتحقون بيهة لدوامهم
