هنا

[مصطفى العراب]

لااااه يعني هاي نكته ، ؟

لهاي الدرجة وصلت بيك *-*
هسه وقت عبادة ويكلك الدعاء مستجاب
واني جنت اقرا قرآن وقاطعني التاك مالتك
ح ادعيلك صوفي حالتك متأزمة :(

[مصطفى العراب]

السخافة هي الحل الأمثل لمواجهة بشاعة الواقع

احياناً

[مصطفى العراب]

رامي ب١٢ الظهر صايم و يحجي ويه خالته :
تعرفين خاله اني عبالي الصيام يتعب
بس ابد ولا أثر عليه
كالتله روح إغسل وجهك والبس قميصك عدل لأن لابسه بالمكلوبي
وانزع نعال أختك
واني مو خالتك اني امك

[Giant]

رامي ب١٢ الظهر صايم و يحجي ويه خالته :
تعرفين خاله اني عبالي الصيام يتعب
بس ابد ولا أثر عليه
كالتله روح إغسل وجهك والبس قميصك عدل لأن لابسه بالمكلوبي
وانزع نعال أختك
واني مو خالتك اني امك

ابد مامأثر عليه الصيام

[مصطفى العراب]

ابد مامأثر عليه الصيام

اي ابد

[مصطفى العراب]

نفسه صديقي الحزين الحچيتلكم عليه الي ماعنده اي وسيلة بمواقع التواصل الاجتماعي الي يحب اللون الازرگ ويشجع الميناء وايفرتون والمانيا يگول مو كله ازرگ تصير ملحة
بوحدة من جياته الي
گلي انت شايف من يوگف الوكت عد لحظة معينة
يبقى ثابت ما يتزحزح عنها بالرغم من ان الزمن يلعب لعبته بالمرور وانت باقي هناك تبقى تنمط تنمط حد ما تصير مشوه تصبح كائن مسخ مثير للسخرية اديك ورجليك طوال وجسمك بحجمة الطبيعي
شي باعث للحزن
حزن طوخ ما يخلص متركز بروحك مسويها ظلمة تترجالك فجر يطلع بيها ومن يجي هذا الفجر يكون فجر شبيه بفجر انفجار مسطر العمالة بالثورة
وين صبح؟
مدري ، انا بليل مظلم فارگيته
وين مسه؟
من طلع ما سد وراه الباب ، لكن بالدرب هم بمشيته
دوره!
ادوره؟ گتلك ما لگيته
هواي چنت اروح ابات بيت جدي على امل لقاء
ابوگ ضحكة منها تمثلي متاع مسافر بصحراء
ابوگ چلمة حتى اذا ما قاصدتني بيها انا افسرها لصالحي تمشيني عمر كامل حد ما اشوفها مرة ثاني
چانت مصافحتها الي مثل اعادة شخص من الموت الى الحياة
چنا نسهر لوجه الصبح سوالف وضحك وهذا يتطلب ان نتاخر بالنوم
ننام احنا الولد بالاستقبال والبنات ينامن بغرفة خالاتي
كلهة تگعد وتروح تتريگ انا اتعاجز اگوم من الفراش
تبقى هي كلساع تدخل وتطلع من الاستقبال وانا اباوع بطرف عيني مسوي روحي نايم
تتعمد اصدار اصوات حتى اگعد
تگعد على طرف التخم وايدها جوه حنچها وتباوع عليه
هنا امثل دور الي هستوه گعد من النوم
تصبحني بابتسامة
ما اگدر اوصف ابتسامتها
ابتسامتها بالنسبة الي طقس صوفي او شعيرة شيعية مقدسة جداً
تگوم تجيب صينية بيها چاي حلو مثلها ومثل مااحبه وبيض عيون
تدري من 2005 ولحد هاي اللحظة ما ماكل بيض عيون ولا راح اكل
مو گلتلك الوكت يوگف عند لحظة معينة
زين ماشافوا الناس
وفطنوا السلة متاعك
زين ماشافوا ادموعي
جالكَوا بحر الدمع تابع اشراعك
زين ماشافوا ازنودي
جالكَوا شبكَة وداعك
زين محد منهم اشتم
ريحة البوسة اعله خدي
وعالصدر دفو المكان البي
اذراعك

صديقي يسولف عن صديقه الحزين

[ليديا]

رامي ب١٢ الظهر صايم و يحجي ويه خالته :
تعرفين خاله اني عبالي الصيام يتعب
بس ابد ولا أثر عليه
كالتله روح إغسل وجهك والبس قميصك عدل لأن لابسه بالمكلوبي
وانزع نعال أختك
واني مو خالتك اني امك

هذا صايم لو شارب شي...

[مصطفى العراب]

هذا صايم لو شارب شي...

ضاربته الشمس

[فاينمن]

نفسه صديقي الحزين الحچيتلكم عليه الي ماعنده اي وسيلة بمواقع التواصل الاجتماعي الي يحب اللون الازرگ ويشجع الميناء وايفرتون والمانيا يگول مو كله ازرگ تصير ملحة
خابرني فديوم مثل المعتاد الو شلونك ؟ باچر اجيك الساعة 5 العصر
ثاني يوم الساعة 5 العصر اجاني بموعده بالضبط على غير العادة چان يضحك
اول ما دخلنا گلي جيبلنا چاي
هو متاكد من اني اجيب چاي ونفاظة بس يصر يطلب بلسانه
انا افسرها انه يريد يوصلي على الرغم من لقاءاتنا المتباعدة بس علاقتنا قوية وبيناتنا ميانة
گلي سولفلي اريد اضحك
گلتله ماكو هيچ غير نسولف وباثتاء سوالفنا يصير ضحك ليش تحسسني ان اني بسرك ولازم اقدم فقرتي اليومية
ضحك حيل وگال هو كل حياتنا عبارة عن سرك وكل واحد من عدنا اله دوره الي كتبه اله السينارست مال السرك ولازم نأديه حبينا لو كرهنا هذا الدور والا صاحب السرك راح يطردنا
اتذكرنا مواقف هواي مع اصدقاء فرقتنا عنهم مشاغل الحياة وتذكرنا صديقنا الي يحب رامي عياش ( فد يوم اسولفلكم عليه ) وشلون چان خابصنه بيه ويدندن باغنياته
ورث جگارة وي چعبية ستكان الچاي اخذ نفس حسيته راح يخلص الجگارة بنفس واحد
گلي تدري شگد چنت اسوي قصص انا وياها بخيالي نتعارك ونتصالح ونحب ونشتاق بخيالي اني
چان هذا الشي الوحيد الي يخليني اكمل حياتي اتخيلها بكل وجه اشوفه
چنت حافظ شكلها بشكل عجيب
حتى كلماتها وطريقة نطقها للحروف
كلش احب حروفها يطلعن من مخارجها چنهن يرگصن طايرات بكل حرية ما تضغط هواي على مخارجهن تحسها تنطق الحرف من الطرف يطلع من شفايفها بكل اريحية
ياابو حچايات البريسم امل الدنيا ما ملك
اتيه وينشده فكري اشوف بنادم بحلك
يابو شفايف ورد جوري شكر من سوگه بلوري
تغيب وتبتعد عني على رويحة محب شلك
بوحدة من خيالاتي عزمتها بفندق بابل ليش بفندق بابل ما ادري على الرغم ما طابله كل عمري حتى هسة اخاف افوت منه لان اتوقع عندي ذكريات بيه انا وياها وان كان حلم
اتخيل اكو بيه ما يشبه المقهى
گعدنا انا وياها بيه طلبتلها گهوة وانا ما احب الگهوة ادري بيها تحب الگهوة وسط
بسبب هذا الخيال صرت مدمن گهوة بس مو وسط لا سادة
احس مرورة الگهوة تذكرني بيها
مهند تدري صارلي هواي ما شايفها كلش اخاف ملامحها تروح من بالي صورتها الي احبها راح تروح بدت ملامحها تغوش
چانت من تقره او تتابع اي شي بالتلفزيون عدها حركة حيل احبها شعر كذلتها تلفه على اصبع ايدها وبعدين تحله وترجع تعيدها بكل مرح وبساطة
تعودني على بسماتك واظل اشتاگ للبسمة
كبر حبي على ملگاتك وهسة ولا تصح چلمة
ولا گعدة بتوالي الليل ولا نسمة لترد الحيل
وحتى الفرحة شو ضاعت ولا شفاف العطش تلتم

صديقي يسولف عن صديقه الحزين :(

[Anastasiya]

رمضان کریم
وان شالله النصر والعزه لکل المسلمین