شايف من تكون مهموم و تروح لصديق و تگله اني ضايج ، ويگلك لتضوج تهون ، و تنقهر اكثر لانه ماتعب نفسه بسؤالك شنو الي مضوجك ، ترجع للبيت و تبدي تلوم نفسك اني ليش رحتله ! ليش محد يقدرني ! ليش اختار الشخص الغلط دائماً
لكن لو تفكر بمنطقية راح تعذر هذا الصديق ، شمدريك انتَ انه هذا الولد ما شايل هموم اكثر منك ! ليش تريد تحس انك دائماً اهم من حياته ؟ فكرت تسال نفسك منو شايل هم اكثر ؟ فكرت بمرة وحدة انك مهما كثرت همومك احتمال المقابل مهموم اكثر منك ؟
دائماً انطي عذر للمقابل و لا تخلي خيبة الامل تخسرك الي تحبهم ، حتى النبي گال (احمل اخاك المؤمن على سبعين محمل) مو تجي انتَ من اول محمل و تشمره ! ، فكر قبل لا تسوي نفسك ضحية ، فكر و فكر هوايه ، لعد الله ليش انطاك عقل اذا ماتريد تشغله ؟
المشاركة الأصلية كتبت بواسطة انسان ثاني
