هم الك جيه وانتظر! لو أكطع الظنه
مشتاكلك كد الهوه الما ينشبع منه
الشوفتك ناذر نذر
انثرلك اسنين العمر
وأهديلك أشواك الكلب ونه ابأثر ونه
مشتاكلك كد الهوه الما ينشبع منه

::::::

مشتاكلك شوك الورد _يغفه ابساتينه
كلي ترد لوما ترد_ليش اكطعت بينه!
الهاجرو هالعاودوا
لحبابهم وتواعدوا
بس انته لمن هاجرت شو ماترد النه
مشتاكلك كد الهوه الما ينشبع منه

::::::

عنك يسئلوني اشكثر_والدمعه بعيوني
كالوا حبيبك مايمر_واشكد يأذوني!
ما اعتقد تنسه الهوه
ودموعنه الصبن سوه
مافكرت بيه وكلت خليني اشوفنه
مشتاكلك كد الهوه الما ينشبع منه

:::::::

هم الك جيه وانتظر! لو أطكع الظنه
مشتاكلك كد الهوه الما ينشبع منه
الشوفتك ناذر نذر
انثرلك اسنين العمر
وأهديلك أشواك الكلب ونه ابأثر ونه
مشتاكلك كد الهوه الما ينشبع منه
حسين االساعدي